Tasal 137
Jun k’utb’esinb’il matk’ k’eeb’il re laj Jose Smith li Profeet, sa’ li santil ochoch sa’ Kirtland, Ohio, 21 Enero 1836. Kik’eeman naq ke’k’anjelaman li k’ojob’anb’il k’anjel jo’ kawresink-ib’ re rosob’tesinkil li santil ochoch.
1–6, li Profeet naril laj Alvin li ras sa’ li choxahil awa’b’ejihom; 7–9, Nak’utb’esiman li tzol’leb’ re li kolb’a-ib’ choq’ reheb’ li kamenaq; 10, Chixjunileb’ li kok’al kolb’ileb’ sa’ li choxahil awa’b’ejihom.
1 aKiteeli li choxa sa’ qab’een, ut kiwil lix bchoxahil awa’b’ejihom li Dios, ut lix loq’al a’an, ma sa’ li ctz’ejwalej malaj chi elenaq sa’ li tz’ejwalej ink’a’ naru ninye.
2 Kiwil xq’axalil lix chaq’al ru li aokeb’aal li te’ok wi’ laj eechanihom re li awa’b’ejihom a’an, li chanchan sutsuukil braq’ xam;
3 Jo’kan ajwi’ lix ak’ojarib’aal li Dios li naxamnak, li k’ojk’o wi’ li bYuwa’b’ej ut li cK’ajolb’ej.
4 Kiwil xch’ina-usal li b’e sa’ li awa’b’ejihom a’an, li chanchan tz’akanb’il rik’in tz’aqal ch’iich’ aoor.
5 Kiwil li qayuwa’ aj aAdan ut laj bAbraham; ut lin cyuwa’ ut lin dna’, laj eAlvin li was, li ak najter chaq xwarjik;
6 Ut kisach inch’ool rilb’al chan ru naq kixtaw chaq jun areechanihom sa’ li awa’b’ejihom a’an, rik’in naq a’an ki’el chaq sa’ li yu’am a’in rub’elaj naq li Qaawa’ kixk’e li ruq’ re xch’utub’ankil bxkab’ sut Israel, ut ink’a’ ckikub’e chaq xha’ choq’ re li risinkil li maak.
7 Jo’ka’in kichal lix ayaab’ xkux li Qaawa’ wik’in, kixye: Chixjunileb’ li ke’kam chi bmaak’a’ xnawomeb’ chirix li evangelio a’in, li ke’xk’ul raj wi ta kanab’anb’ileb’ chi kanaak, te’wanq choq’ caj eechanihom re lix dchoxahil awa’b’ejihom li Dios;
8 Jo’kan ajwi’ chixjunileb’ li te’kamq chalen anajwan chi maak’a’eb’ xnawom chirix, li ake’xk’ul raj chi anchaleb’ xch’ool, te’wanq choq’ aj eechanihom re li awa’b’ejihom a’an.
9 Xb’aan naq laa’in, li Qaawa’, atinraqoq aatin chirix chixjunileb’ li winq jo’ chanru lix bk’anjeleb’, jo’ chanru li crajomeb’ lix ch’ool.
10 Ut kink’e ajwi’ reetal naq chixjunileb’ li kok’al li neke’kam chi maji’ neke’tz’aqlok axchihab’ re te’ruuq chi teneb’aak, bkolb’ileb’ sa’ li choxahil awa’b’ejihom re choxa.