Vunau kei na Veiyalayalati 132
    Footnotes

    Wase 132

    Na ivakatakila sa soli yani mai vei Josefa Simici na Parofita, mai Nauvu, Ilinoi, a volai ena 12 ni Julai 1843, me baleta na veiyalayalati vou ka sega ni mudu, ka okati kina na tawamudu ni veiyalayalati ni vakamau kei na ivakavuvuli ni vakamau vakalevu. E dina ni a volai na ivakatakila oqo ena 1843, e vakaraitaka na ivakadinadina ni so na ivakavuvuli e okati ena ivakatakila oqo sa kila sara tu na Parofita e na 1831. Raica na iVakaro Raraba 1.

    1–6, Ena rawati na bula vakacerecerei ena veiyalayalati vou ka sega ni mudu; 7–14, Sa virikotori na ivakarau me baleta na veiyalayalati oqori; 15–20, Sa rawa ni yaco me Kalou na tamata ena vuku ni vakamau vakasilesitieli kei na tomani tiko ni bula vakamatavuvale; 21–25, Sa qiqo na matamata ka rabailailai na sala sa basika ki na bula tawamudu; 26–27, Sa soli na lawa me baleta na kena vosa vakacacataki na Yalo Tabu; 28–39, Sa yalataki vei ira na parofita kei ira na Yalododonu ena veitabayabaki kecega ni ra na vakaluveni tawamudu ka bula vakacerecerei; 40–47, Sa soli vei Josefa Simici na kaukauwa me vesuka vata ka vauca na veika e vuravura kei lomalagi; 48–50, Sa vakataudeitaka vua na Turaga na nona bula vakacerecerei; 51–57, Sa vakasalataki ko Ema Simici me tudei ka yalodina tiko ga; 58–66, Sa virikotori na lawa me baleta na vakawati vakalevu.

    1 Sa kaya vakaidina vakaoqo na Turaga vei iko Josefa na noqu tamata, me vaka ni ko sa kerea e ligaqu mo kila, se sala cava au sa vakadonui iratou kina na noqu tamata, ko Eparaama, Aisake, kei Jekope, ka vakakina ko iratou na noqu tamata ko Mosese, Tevita kei Solomoni koi Au na Turaga ena vuku ni ivakavuvuli kei na ivunau me vaka ni levu tu na awatidratou kei na watidratou lalai—

    2 Raica ka rogoca, koi Au na Turaga na nomu Kalou, ka’u na sauma na nomu taro ena vuku ni tikina oqo.

    3 O koya mo avakarautaka kina na lomamu mo ciqoma ka muria na ivakaro sa vakarau meu solia vei iko; ni ko ira kece sa vakatakilai vei ira na lawa oqo sa dodonu me ra muria sara.

    4 Ia raica, au sa vakatakila vei iko e dua na aveiyalayalati vou ka sega ni mudu; ia kevaka ko na sega ni muria na veiyalayalati oqori, ko sa na bcudruvi; ni sega ni rawa ni dua e cbesetaka na veiyalayalati oqo me qai vakatarai me curu ki na noqu lagilagi.

    5 Ni ko ira kece era na avakalougatataki mai ligaqu era na muria mada na blawa a lesi me baleta na veivakalougatataki oqori, kei na kena ivakarau, me vaka sa virikotori tu mai na tauyavutaki ni vuravura.

    6 Ia me baleta na aveiyalayalati vou ka sega ni mudu, sa tauyavutaki me baleta na taucoko ni noqu blagilagi; ko koya me na ciqoma na kena taucoko sa dodonu me na muria taumada na kena lawa, de na cudruvi, sa kaya na Turaga na Kalou.

    7 Ia au sa kaya vakaidina vei kemudou, sa vakaoqo na aivakarau me baleta na lawa oqori: Na veiyalayalati, veidinadinati, ivesu, na icolacola, na bveiyalayalati vosa, na cakacaka, na isema, isoqosoqo, se na veika namaki, era sega ni caka ka veiyalayalatitaki ka cdregati ena dYalo Tabu ni yalayala, mai vua sa lumuti, me baleta na gauna oqo kei na gauna tawamudu kecega, ka tabu duadua sara talega, ena eivakatakila kei na ivakaro mai vua na noqu ilumuti, ka’u sa lesia e vuravura me tu vua na kaukauwa oqo (ka’u sa lesia vua na noqu tamata ko Josefa me taura tu na kaukauwa oqo ena veisiga mai muri, ka na tiko ga e vuravura e dua ga ena veigauna kece sara ena soli vua na kaukauwa kei na fidola ni matabete oqo), ena sega na vuana, sega ni mana, se kaukauwa ena gauna ni tucake tale mai na mate se ni sa oti; kevaka ena sega ni caka vakaoqo na veidinadinati ena yacova walega na mate.

    8 Raica, na noqu vale sa vale vakaivakarau, sa kaya na Turaga na Kalou, ka sega ni vale ni veilecayaki.

    9 Au na ciqoma beka e dua na avakacacabo, sa kaya na Turaga, e sega ni vakayacori ena yacaqu?

    10 Se au na ciqoma beka mai ligamu na veika au a sega ni alesia?

    11 Kau na lesia beka vei kemudou e dua na ka, sa kaya na Turaga, kevaka sa sega ni sala vata kei na lawa, io me vaka keirau sa alesi kemuni kina, ni se bera ni tauyavu na vuravura?

    12 Koi Au na Turaga na nomu Kalou; ka’u sa solia vei kemudou na ivakaro oqo—ni sa sega ni atorovi Tamaqu wale ga e dua na tamata, ena vukuqu ga, se ena noqu vosa, sai koya na noqu lawa, sa kaya na Turaga.

    13 Ia na ka kecega sa tu e vuravura, se ilesilesi vakatamata, na itikotiko vakaturaga, na veimatanitu, se na kaukauwa, se na veika kilai, se na cava ga, era sega ni vu mai vei au se ena noqu vosa, sa kaya na Turaga, ena viritaki sobu, ia era na asega ni tiko ni sa mate oti na tamata, ka sega talega ena gauna ni tucake tale se ni sa oti, sa kaya na Turaga na nomudou Kalou.

    14 Ni veika kecega ena vo tu sa mai vei au; ia na veika kecega sa sega ni vu mai vei au ena kuretaki ka vakarusai.

    15 O koya, kevaka sa avakamautaka e vuravura e dua na tagane na watina, ka sega ni vakamautaka vei au se ena noqu vosa, ka rau veiyalayalati kaya ena veigauna kece e tiko kina e vuravura me tiko vata kei koya ko koya, ena sega ni dei tu na nodrau veiyalayalati kei na nodrau vakamau ni rau sa mate, ka rau sa sega ni tiko e vuravura; o koya erau sa sega kina ni vauci ena dua na lawa ni rau sa sega ni tiko e vuravura.

    16 O koya, ni rau sa biuti vuravura erau sa sega ni veiwatini se soli me aveiwatini; ia erau sa lesi ga me rau bagilosi ni lomalagi, ia na agilosi dauveiqaravi, me ra qaravi ira era sa kilikili kaya e dua na ivakatagedegede cecere ka tawamudu ni lagilagi.

    17 Ni ra a sega ni muria na noqu lawa ko ira na agilosi oqo; o koya era sa sega kina ni rawa ni vakalevutaki, ia era sa na tu duadua voli ga ka galili, era na sega ni vakacerecerei, ena nodra sa vakabulai, ki na gauna tawamudu kecega; ia mai na gauna ko ya ka lako yani era na sega ni yaco me kalou, ia era na agilosi tu ga ni Kalou me sega ni mudu ka sega ni mudu.

    18 Kei na dua tale, au sa kaya vakaidina vei kemudou, kevaka sa vakamautaka na tagane e dua me watina, ka veiyalayalati vata kaya me baleta na gauna oqo kei na gauna tawamudu kecega, kevaka sa sega ni caka ena vukuqu na veiyalayalati oqori se ena noqu vosa, sai koya na noqu lawa, ka sega ni dregati ena Yalo Tabu ni yalayala, mai vei koya au sa lumuta ka lesia ki na kaukauwa oqo, sa na qai sega ni yaga ka sega na kena kaukauwa ni ra sa biuta na vuravura oqo, baleta ni ra sega ni semati vata mai vei au, sa kaya na Turaga, ka sega talega ena noqu vosa; ni ra sa biuti vuravura sa na sega ni rawa ni ra ciqomi mai kea, baleta ni ra sa lesi mai kea na agilosi kei ira na kalou, ia era na sega ni rawa ni lako siviti ira; o koya sa sega kina ni rawa me ra vakaivotavota ena noqu lagilagi; ni sa vale vakaivakarau na noqu vale, sa kaya na Turaga na Kalou.

    19 Kei na dua tale, au sa kaya vakaidina vei kemudou, kevaka sa vakamautaka na watina e dua na tagane ena noqu vosa, sai koya na noqu lawa, kei na aveiyalayalati vou ka sega ni mudu, ka sa bvauci vei rau ena Yalo Tabu ni cyalayala, mai vei koya sa lumuti, ki vua au sa lesia kina na kaukauwa oqo kei na didola ni matabete oqo; ka na qai tukuni vei rau—Drau na tucake mai ena imatai ni tucake tale; ia kevaka ena qai yaco ni sa oti na imatai ni tucake tale, ena tucake tale ka tarava; ka rau na rawata na eitikotiko vakaturaga, na veimatanitu, na veivanua vakatui, kei na kaukauwa, na lewa, na ka cecere duadua kei na ka lolovira duadua—sa na qai volai ena nona fiVola ni Bula na Lami, me na kakua ni laba me vakadavea na dra tawa cala, ia kevaka sa muria na noqu veiyalayalati, ka sega ni laba me vakadavea na dra tawa cala, ena vakayacori vei rau na veika kece sa vauca vei rau na noqu italai, ena gauna oqo, ka yacova na gauna tawamudu kecega; ka na dei vakavinaka tu ni rau sa biuta na vuravura; ka rau na lako siviti ira na agilosi, kei ira na kalou, era sa tu mai kina, me rau bula gvakacerecerei ka vakalagilagi kina ena veika kecega, me vaka sa vauci e uludrau, ia na lagilagi oqori sai koya na taucoko kei na tomani tiko ni nodrau kawa me sega ni mudu ka sega ni mudu.

    20 Erau na yaco me kalou, baleta ni sa sega na kedrau icavacava; o koya erau na tu kina mai na sega ni mudu ki na sega ni mudu, baleta ni rau sa tomani tikoga; erau sa na uasivia na veika kecega, baleta ni rau sa na lewa na ka kecega. Erau sa na akalou, baleta ni sa tu vei rau na kaukauwa bkecega, ka rau sa lewai ira na agilosi kecega.

    21 E dina, e dina au sa kaya vei kemudou, kevaka dou sa sega ni muria na noqu alawa dou na sega ni rawata na lagilagi oqo.

    22 Raica sa aqiqo na matamata ni koro, ka rabailailai na bsala sa basika ki na bula vakacerecerei kei na bula ni ckawa e tawamudu, era sa lewe lailai era sa kunea, ni dou sa sega ni vakabauti au e vuravura dou sa sega talega ni kilai au.

    23 Ia kevaka dou sa vakabauti au e vuravura, dou na qai kilai au, ka rawata na nomudou bula vakacerecerei; io dou na tiko tale ga ena avanua ka’u sa tiko kina.

    24 Raica sai koya oqo na abula tawamudu—mo dou kila na Kalou vuku ka dina duadua ga, kei Jisu Karisito o koya sa btalai mai vua. Koi Au ko koya. O koya mo dou ciqoma kina na noqu lawa.

    25 Raica sa alalaga na matamata ni koro, ka rabailevu na sala sa basika ki na bmate e vuqa; ia sa lewe vuqa sa curu kina, ni ra sa sega ni cvakabauti au se muria na noqu lawa.

    26 E dina, e dina, au sa kaya vei kemudou, kevaka sa vakamautaka na watina e dua na tagane me vaka na noqu vosa, ka rau vauci ena aYalo Tabu ni yalayala, me vaka na noqu ilesilesi, ka qai dua vei rau e ivalavala ca se talaidredre ki na veiyalayalati vou ka sega ni mudu se ivalavala ca cava ga, na ivalavala kecega ni vosa vakacaca, ia kevaka era sega ni blaba me ra vakadavea na dra tawa cala, io era na tucake tale mai ena imatai ni tucake tale, ka curu ki na nodra bula vakacerecerei; ia era na vakarusai ena yagodra, ka ra na csoli yani ki na veivakararawataki nei dSetani me yacova na siga ni veivueti, sa kaya na Turaga na Kalou.

    27 Na avosa vakacacataki ni Yalo Tabu, ka na bsega ni vosoti rawa e vuravura ka sega tale ga ena taudaku kei vuravura, e okati kina na nomu labata e dua mo vakadavea kina na dra tawa cala, ka veitokoni ki na noqu vakamatei, ni ko sa ciqoma oti na noqu veiyalayalati vou ka sega ni mudu, sa kaya na Turaga na Kalou; ko koya sa sega ni muria na lawa oqo ena sega sara ni rawa ni curu mai ki na noqu lagilagi, ia ena ccudruvi, sa kaya na Turaga.

    28 Koi Au na Turaga na nomu Kalou, ka’u sa solia vei iko na lawa ni noqu Matabete Tabu, io me vaka keirau sa lesia kei Tamaqu ni se bera ni buli ko vuravura.

    29 Sa ciqoma ko aEparaama na veika kecega, na veika kecega sa ciqoma, ena ivakatakila kei na ivakaro, ena noqu vosa, sa kaya na Turaga, ka curu ki na nona bula vakacerecerei ka dabeca na nona itikotiko vakaturaga.

    30 Sa ciqoma ko Eparaama na ayalayala me baleti ira na nona kawa, kei ira na vua ni tolona—na btolona dou sa vu mai kina koi kemudou, ko Josefa na noqu tamata—ena tubu tikoga ena gauna kecega era tiko kina e vuravura; ia na veika e baleti Eparaama kei ira na nona kawa, sa dodonu me ra na tubu tikoga ena taudaku kei vuravura; era na tubu tikoga e vuravura kei na taudaku kei vuravura ka sega ni wiliki rawa me vaka na ckalokalo; se, me vaka ga ni o na sega ni rawa ni wilika na nuku ni matasawa ena sega ni rawa vakakina mo wilika.

    31 Sa nomudou talega na yalayala oqo, baleta ni dou sa vu mai vei aEparaama, ka sa vakayacori na yalayala vei Eparaama; ia ena vuku ni lawa oqo sa tomani kina na cakacaka nei Tamaqu, sa vakalagilagi koya kina ko koya.

    32 O koya, mo dou lako kina ka kitaka na acakacaka nei Eparaama; dou muria na noqu lawa mo dou bula kina.

    33 Ia kevaka dou na sega ni muria na noqu lawa dou na sega ni rawa ni ciqoma na yalayala nei Tamaqu, ka a solia vei Eparaama.

    34 Sa avakaroti Eparaama na Kalou, ka sa soli bEka vei Eparaama ko cSera me watina. A cava beka e solia kina? Baleta ni oqori na lawa; ka sa vu mai vei Eka e vuqa na tamata. Oqori, sa vakavotukanataki kina na yalayala, ena loma ni veika tale eso.

    35 A sa cudruvi li kina ko Eparaama? Au sa kaya vakaidina vei iko, E segai sara; raica koi Au na Turaga au sa avakaroti koya me vakakina.

    36 Sa avakaroti ko Eparaama me vakacabori bAisake na luvena; ia, a sa volai: Mo kakua ni claba. A sega ni beca ko Eparaama, ka sa okati oqori me nona divalavala dodonu.

    37 A taura ko Eparaama e so na awatina lalai, ka ra vakasucuma e vuqa na luvena; sa okati tale ga oqori me nona ivalavala dodonu, ni ra a soli vua ka sa muria ko koya na noqu lawa; me vakataki rau ko Aisake kei bJekope erau a kitaka ga me vaka na veika erau sa vakaroti kina; ia, baleta ni ratou a kitaka ga na veika eratou a vakaroti kina, eratou sa curu kina ki na nodratou cbula vakacerecerei, me vaka na yalayala, ka dabe kina ena itikotiko vakaturaga, ia eratou sega ni agilosi, eratou sa kalou.

    38 Sa taura talega ko aTevita e vuqa na bwatina kei na watina lalai, sa vakatalega kina koi rau na noqu tamata ko Solomoni kei Mosese, kei ira e vuqa tale na noqu tamata, mai na ivakatekivu ni veibuli me yacova mai oqo; era sa sega kina ni ivalavala ca ena dua na ka, vakavo ga ena veika au a sega ni vakaroti ira kina.

    39 Au a asoli ira na wati Tevita kei ira na watina lalai ki vua, mai na ligai Necani, na noqu tamata, kei ira tale eso na parofita ka tu vei ira na bidola ni kaukauwa oqo; ia sa sega kina ni ivalavala ca vei au ena vuku ni veika oqo vakavo ga ena ka me baleti cUraia kei na watina; o koya sa lutu tani kina mai na nona bula vakacerecerei, ka ciqoma ga na nona ivotavota; ena sega ni ciqoma ena taudaku ni vuravura oqo, ni’u sa dsolia tale vua e dua, sa kaya na Turaga.

    40 Koi Au na Turaga na nomu Kalou, kau sa solia vei iko Josefa na noqu tamata, e dua na ilesilesi, ka avakalesuya mai na veika kece. Kerea na veika ko gadreva, ka na soli vei iko me vaka na noqu vosa.

    41 Ia me vaka ni ko a taroga me baleta na veibutakoci, e dina, e dina au sa kaya vei iko, kevaka e dua na tagane sa taura e dua me watina ena veiyalayalati vou ka sega ni mudu, ia kevaka sa mocera tale e dua na tagane ko koya na yalewa, ka’u sa sega ni lesia vua ena veilumuti tabu, sa veibutakoci ko koya ka na vakarusai.

    42 Ia kevaka sa sega mada ni curuma ko koya na yalewa na veiyalayalati vou ka tawamudu, ka mocera e dua tale na tagane, sa aveibutakoci ko koya.

    43 Ia kevaka sa mocera e dua tale na yalewa ko koya na watina tagane, ka sa ayalayala oti tu, sa beca ko koya na nona yalayala ka sa ia na veibutakoci.

    44 Ia kevaka e sega ni veibutakoci ko koya na yalewa, ia e sega na nona cala ka sega ni beca na nona yalayala, e kila tiko, Au sa vakatakila vei iko, i Josefa na noqu tamata, sa na tu vei iko na kaukauwa, ena kaukauwa ni noqu Matabete Tabu, mo kauti koya ka soli koya ki vua e se sega ni bau veibutakoci ia sa ayalodina; ni na lesi ko koya me lewa e lewe vuqa.

    45 Ni’u sa solia vei iko na aidola kei na kaukauwa ni matabete, ka’u sa bvakalesuya yani kina na veika kecega, ka vakatakila kina vei iko na veika kecega ena kena gauna.

    46 Ia e dina, e dina, au sa kaya vei iko, a ka kecega ko sa avauca e vuravura ena vauci mai lomalagi; ia na ka kecega ko sa vesuka e vuravura, ena yacaqu kei na noqu vosa, sa kaya na Turaga, ena vesuki tawamudu mai lomalagi; ia na ivalavala ca ni tamata yadua ko sa bbokoca e vuravura ena bokoci tawamudu mai lomalagi; ia na ivalavala ca ni tamata yadua ko sa sega ni sereka e vuravura, ena sega ni sereki mai lomalagi.

    47 Kei na dua tale, au sa kaya vakaidina, ko koya yadua ko sa vakalougatataka, au na vakalougatataka, ia ko koya yadua ko sa cudruva au na acudruva, sa kaya na Turaga; io koi Au, na Turaga, na nomu Kalou.

    48 Kei na dua tale, au sa kaya vakaidina vei iko, Josefa na noqu tamata, na ka kecega ko sa solia e vuravura, ka vakakina vei cei ga ko na solia kina e dua e vuravura, ena noqu vosa me vaka na noqu lawa, ena vakalougatataki ka sega ni cudruvi, kei na noqu kaukauwa, sa kaya na Turaga, ka na sega ni vakacacani e vuravura ka vakakina mai lomalagi.

    49 Ni sai Au na Turaga na nomu Kalou, ka’u na tiko vata kei iko me yacova na aivakataotioti kei vuravura, ka yacova na gauna tawamudu kecega; ni’u sa bvauca vakaidina vei iko na nomu cbula vakacerecerei, ka vakarautaka e dua na itikotiko vakaturaga vei iko ena matanitu i Tamaqu, vata kei Eparaama na dtamamu.

    50 Raica, au sa raica na nomu aisoro eso, ka’u na vosota na nomu ivalavala ca kecega; Au sa raica na nomu isoro ena talairawarawa ena veika au sa tukuna vei iko. Mo lako, ka’u na vakarautaka e dua na sala mo dro kina, me vaka ni’u sa bciqoma na nona vakacabori Aisake na luvena ko Eparaama.

    51 Au sa kaya vakaidina vei iko. Au sa vakarota vua na noqu vada, ko Ema Simici, na watimu, ko koya ka’u sa solia vei iko, me tu vakasuka ka kakua ni vakaivotavota ena ka au sa vakarota vei iko mo solia vua; ni’u sa vakayacora, sa kaya na Turaga, me’u vakatovolei kemudrau kina, me vaka ni’u vakayacora vei Eparaama, ka me’u gadreva kina mai ligamudrau e dua na vakacacabo, ena veiyalayalati kei na solibula.

    52 Ia ko aEma Simici na noqu vada me lomani ira kecega era sa dodonu ka savasava e mataqu, ka’u sa soli ira vei Josefa na noqu tamata; ia ko ira sa kaya ni ra sa savasava ka ra sa sega ni vakakina, era na vakarusai, sa kaya na Turaga na Kalou.

    53 Ni sai Au na Turaga na nomu Kalou, ia mo muria na domoqu; ka’u na lesi Josefa na noqu tamata me lewa na ka e vuqa; ni sa adina ko koya ena ka e vica, ka’u na vakaukauwataki koya mai na gauna oqo ka lako yani.

    54 Ka’u sa vakarota vei Ema Simici na noqu vada, me muria ka kabiti Josefa na noqu tamata, ia me kakua tale ni dua. Ia kevaka ena sega ni muria na ivakaro oqo ena vakarusai, sa kaya na Turaga; ni sai Au na Turaga na nomu Kalou, au na vakarusai koya kevaka sa sega ni muria na noqu lawa.

    55 Ia kevaka sa sega ni muria ko koya na ivakaro oqo, me vakayacora ga ko Josefa na noqu tamata na nona itavi ena vukuna, me vaka na ka sa yalataka vua; ka’u na vakalougatataki koya ka vakalewevuqataka ka solia vua e ayadrau ena vuravura oqo, na tamana kei na tinana, na veitacini kei na veiganeni, na veivale kei na veivanua, na watina kei na luvena, kei na isala ni bbula tawamudu ena veivuravura tawamudu.

    56 Kei na dua tale, au sa kaya vakaidina, me avosoti Josefa na noqu tamata kei na nona ivalavala ca ko koya na noqu vada; ena qai vosoti na nona ivalavala ca, sa ivalavala ca kina vei au; ia koi Au na Turaga na nomu Kalou, au na vakalougatataki koya, ka vakalewevuqataki koya, ka vakamarautaka na lomana.

    57 Kei na dua tale, au sa kaya, me kakua sara ni solia tani yani mai ligana, ko Josefa na noqu tamata na ka kecega sa taukena, de lako mai e dua na meca ka vakarusai koya; ni sa asegata ko Setani me veivakarusai; ni sai Au na Turaga na nomu Kalou, ka sai koya na noqu tamata; ia raica, ka rogoca, Au sa tiko vata kei koya, me vaka na noqu a tiko vata kei Eparaama, na tamamu, io me yacova na nona bbula vakacerecerei kei na lagilagi.

    58 Ia, me baleta na lawa ni amatabete, sa vuqa sara na ka e vauci kina.

    59 Sa dina sara, kevaka e dua sa kacivi koya ko Tamaqu, ena domoqu, kei na domoi koya sa talai au mai, me vakataki aEroni, ka vota vua na bidola ni kaukauwa ni matabete oqo, kevaka sa vakayacora e dua na ka ena yacaqu, me vaka na noqu lawa ka me vakayacori ena noqu vosa, ena sega kina ni ivalavala ca, ka’u na vakadonui koya.

    60 O koya me kakua kina ni dua, e vosakudrukudrutaki Josefa na noqu tamata; ni’u na vakadonui koya; ni na vakayacora ko koya na solibula au gadreva mai na ligana ena vuku ni nona talaidredre, sa kaya na Turaga na nomu Kalou.

    61 Kei na dua tale, me vaka na lawa ni matabete—kevaka e dua na tamata sa vakawatitaka e dua na agoneyalewa savasava, qai gadreva me vakawatitaka tale e bdua, me qai vakadonuya ko koya na kena imatai, ia kevaka ena vakawatitaka na kena ikarua, ka rau se goneyalewa savasava ruarua ka sega ni yalayala vua e dua tale na tagane, sa dodonu kina ko koya; e sega ni rawa ni coko kina ena veibutakoci ni rau sa soli vua; ni na sega ni rawa ni tukuni ni veibutakoci kei na dua sa soli vua ka sega ni soli tale vua e dua.

    62 Ia kevaka sa taura e tini na goneyalewa savasava ena lawa oqo, ena sega kina ni tukuni ni veibutakoci, ni ra sa nona, ka ra sa soli vua; sa dodonu kina ko koya.

    63 Ia ke dua vei iratou na lewe tini na goneyalewa savasava oqori, ni sa vakawati oti, ka qai laki tiko tale vata kei na dua na tagane, sa ia kina na veibutakoci ko koya, ka na vakarusai; ni ra sa soli vua me atubu kina ka vakatawai vuravura, me vaka na noqu ivakaro, ka me vakayacori kina na yalayala sa solia ko Tamaqu ni se bera ni tauyavutaki ko vuravura, kei na nodra bula vakacerecerei ena veivuravura tawamudu me ra vakacadra mai kina na yalo ni tamata; ni sai koya oqo na bcakacaka nei Tamaqu e tomani tiko, me vakalagilagi kina ko koya.

    64 Kei na dua tale, e dina, e dina, Au sa kaya vei kemudou, kevaka e dua na tamata sa vakawati ka tu vua na idola ni kaukauwa oqo, ka vakavuvulitaka ki vua na lawa ni noqu matabete, me baleta na veika oqo, me na qai vakabauta ka qaravi koya, kevaka e sega, ena vakarusai, sa kaya na Turaga na nomu Kalou; ni’u na vakarusai koya koi Au; ni’u na vakalevulevuya na yacaqu vei ira kece era ciqoma ka muria na noqu lawa.

    65 O koya, sa dodonu kina vei au, kevaka ena sega ni ciqoma na lawa oqo ko yalewa, me ciqoma ko tagane na veika kecega, au sa solia vua koi Au na Turaga na nona Kalou, baleta ni a sega ni vakabauti koya ka qaravi koya ko yalewa me vaka na noqu vosa; sa yaco kina ko koya me dau talaidredre; ka sa vagalalataki kina ko tagane mai na lawa i Sera, o koya a qaravi Eparaama me vaka na lawa ena noqu vakaroti Eparaama me tauri Eka me watina.

    66 Ia oqo, me vaka na lawa oqo, e dina, e dina au sa kaya vei iko, au na qai vakatakila tale vei iko e so tale, ena dua na gauna e muri; ia me sa tei rauta mada eke. Raica koi au na Alifa kei na Omeka. Emeni.

    True