Icandelo 121
Umthandazo neziprofetho zibhalwe nguJoseph Smith uMprofeti kwileta eya eBandleni ngexesha wayelibanjwa entolongweni eLiberty, eMissouri, ibhalwe ngoMatshi 20, 1839. UMprofeti nabalingane abaliqela babesentolongweni iinyanga. Izibongozo nezibheno zabo zabhekiswa emagoseni esebe lombuso kwaye iijaji jikelele zathi zasilela ukubazisela uncedo.
1–6, UMprofeti ubongozela abaNgcwele ababandezelekileyo eNkosini; 7–10, INkosi ithetha uxolo kuye; 11–17, Baqalekisiwe abo baphakamisa izikhalo zobuxoki zokreqo ngokuchasene nabantu beNkosi; 18–25, Abayi kuba nelungelo ebubingelelini kwaye baya kugwetywa; 26–32, Izityhilelo ezibubuqaqawuli zithenjiswa abo banyamezela ngokukhaliphileyo; 33–40, Kungokuba kutheni abaninzi bebiziwe baze abambalwa banyuliwe; 41–46, Ububingeleli bumele ukusetyenziswa ebulungiseni kuphela.
1 Owu Thixo, uphina wena? Kwaye uphi umnquba ogqume aindawo yakho yokusithela?
2 aKunini na uya kusibamba isandla sakho, neliso lakho, ewe iliso lakho elimsulwa, qaphela ukusuka emazulwini anaphakade iziphoso zabantu bakho nezezicaka zakho, ize indlebe yakho igqojozwe zizikhalo zabo?
3 Ewe, Owu Nkosi, akuninina beya kubandezeleka zezi ziphoso neengcinezelo ezingekho mthethweni, phambi kokuba intliziyo yakho ibe iya kuthanjiswa ngakubo, kwaye izibilini zakho zishukunyiswe yimfesane ngakubo?
4 Owu Nkosi Thixo aSomandla, menzi wezulu, umhlaba, neelwandle, nazo zonke izinto ezikuzo, nalowo ulawula aze enze umtyholi abe phantsi kwakhe, nobukhosi babafileyo obumnyama nobuhlwelweyo—yolula isandla sakho; iliso lakho maligqobhoze; umnquba wakho uthathelwe phezulu; indawo yakho byokusithela mayingabi sagqunywa; indlebe yakho mayithambeke; intliziyo yakho mayithanjiswe, nezibilini zakho zishukunyiswe yimfesane ngakuthi.
5 Mawuphenjwe umsindo wakho ngokuchasene neentshaba zethu; nasemsindweni wentliziyo yakho, ngekrele lakho ausiphindezele kwiziphoso zethu.
6 Khumbula abangcwele bakho ababandezelekileyo, Owu Thixo wethu; kwaye izicaka zakho ziya kugcoba egameni lakho ngonaphakade.
7 Nyana wam, uxolo malube semphefumlweni wakho; aubunzima bakho neenkxwaleko zakho ziya kuba zezomzuzwana nje;
8 Kwaye ngoko, ukuba auzinyamezela kakuhle, uThixo uya kukuphakamisela wena phezulu; uya koyisa phezu kwazo zonke iintshaba zakho.
9 aAbahlobo bakho bemi ngakuwe, kwaye baya kukubulisa wena kwakhona ngeentliziyo ezifudumeleyo nezandla ezinobuhlobo.
10 Wena awukabi anjengoYobhi; abahlobo bakho abakruthakruthani ngokuchasene nawe, bengakubeki tyala wena ngesikreqo, njengoko benzayo kuYobhi.
11 Kwaye abo bakubeka ityala wena ngesikreqo, ithemba labo liya kutshatyalaliswa, imibono yabo iya kunyibilika njengombethe aongwevu unyibilika phambi kwemitha evuthayo yelanga eliphumayo;
12 Nokokuba kanjalo uThixo umisele isandla sakhe waza watywina ukuguqula aamaxesha namaxesha onyaka, aze amfamekise iingqondo zabo, ukuze bangabi nako ukuqonda imisebenzi yakhe emangalisayo; ukuze kanjalo abe nokuba vavanya aze abathabathe ebuqhetsebeni obubobabo;
13 Kanjalo ngenxa yokuba iintliziyo zabo zonakalisiwe, kwaye izinto abathanda ukuzizisa phezu kwabanye, nokuthanda ukuba abanye babulaleke, zinokuza phezu akweziqu zabo kanye esiphelweni;
14 Ukuze babe nokudana kanjalo, namathemba abo abe nokunqanyulwa;
15 Kwaye asiyiyo minyaka mininzi ukususela ngoku, kuba bona nezizukulwana zabo baya kutshayelwa ukususela phantsi kwezulu, utsho uThixo, okokuba namnye ongowabo woshiywa emile ngodonga.
16 Baqalekisiwe abo baya kuphakamisa isithende ngokuchasene anabathanjiswa bam, itsho iNkosi, kwaye ngokumemeza bonile xa bbabengonanga phambi kwam, itsho iNkosi, kodwa benze oko kufanelekileyo emehlweni am, noko ndabayalela kona.
17 Kodwa abo bamemeza isikreqo benza oko ngenxa yokuba bezizicaka zesono, kwaye abangabantwana bobungathobeli ngokunokwabo.
18 Kwaye abo bafunga ngobuxoki ngokuchasene nezicaka zam, ukuze babe banokuzizisa ebukhobokeni nasekufeni—
19 Yeha kubo; ngenxa yokuba abakhubekise abantwana bam abancinane baya kunqanyulwa bemimiselweni yendlu yam.
20 aIngobozi yabo ayisayi kuzala, izindlu zabo noovimba babo baya kutshabalala, kwaye bona ziqu zabo baya kucekiswa ngabo babahanahanisayo.
21 Abayi kuba nalungelo aebubingeleleni, kwa nezizukulwana zabo emva kwabo ukususela kwisizukulwana kuye kwisizukulwana.
22 aBekulunge kanye kubo kuba banxitywe ilitye lokusila ezintanyeni zabo, baze bantywiliselwe enzulwini yolwandle.
23 Yeha abo bonke bangonwabisi abantu bam, baze babagxothe, baze bababulale, baze bangqine ngokuchasene nabo, itsho iNkosi yeMikhosi; ainzala yamarhamba engasayi kuze isinde kumgwebo wesihogo.
24 Qaphelani, amehlo am aayabona kwaye ndazi yonke imisebenzi yabo, kwaye ndigcine bisigwebo esiquphileyo exesheni laso, sabo bonke;
25 Kuba kukho aixesha elimiselwe wonke umntu, ngokunxulumene njengoko bimisebenzi yakhe iya kubanjalo.
26 UThixo uya kuninika aulwazi bngoMoya oyiNgcwele wakhe, ewe, cngesipho esingathethekiyo soMoya oyiNgcwele, ongekathi utyhilwe ukususela ihlabathi labakho kude kube ngoku;
27 Olo oobawo bethu bangaphambili babelulindile ngolangazelelo oluxhalabileyo ekubeni lutyhilwe emaxesheni okugqibela, iingqondo zabo ezaziwalathiselwe ngeengelosi, njengoko kugcinelwe ukuzalisekiswa kozuko lwabo;
28 Ixesha elizayo kulo aekungekho nto iya kufihlwa, nokokuba kube kukho uThixo omnye okanye boothixo abaninzi, abaya kubonakaliswa.
29 Zonke iitrone nobukhosi, izilawuli namagunya, ziya akutyhilwa zize zenziwe zazeke phezu kwabo bonke abanyamezele ngokukhalipha ivangeli kaYesu Krestu.
30 Kananjalo, ukuba kusikwe aimida kuya kutyhilwa emazulwini okanye kwiilwandle okanye emhlabeni owomileyo, okanye elangeni, enyangeni, okanye ezinkwenkwezini—
31 Onke amaxesha emijikelo yazo, yonke imihla eyolathiweyo, iinyanga, neminyaka, nayo yonke imihla yemihla yazo, iinyanga, neminyaka, nabo bonke ubuqaqawuli bazo, imithetho, namaxesha abekiweyo, aya kutyhilwa angemihla yexesha lokuzihlanganisela likaThixo yenzaliseko yamaxesha—
32 Ngokunxulumene noko kwakumiselwe phakathi akweQumrhu blikaThixo wanaPhakade wabo bonke abanye oothixo phambi kokuba eli hlabathi labakho, oko kumele ukugcinelwa ukugqiba nesiphelo salo, xa wonke umntu aya kungena cebusweni bakhe banaphakade dnaseluphumlweni lwakhe olungafiyo.
33 Kode kube nini amanzi aqengqelekayo enako ukuhlala engcolisekile? Mandla mani aya kubamba amazulu? Njengoko umntu enokolulela ingalo yakhe encinane ngaphambili enqanda umlambo iMissouri endleleni ubuyele umva, njengoko kunqandwa uSomandla ekuthululeleni phantsi aulwazi luvela ezulwini phezu kweentloko zabaNgcwele beMihla yokuGqibela.
34 Qaphelani, baninzi aababiziweyo, kodwa bambalwa babanyuliweyo. Kwaye kungokuba kutheni benganyulwanga?
35 Ngenxa yokuba iintliziyo zabo zisekelezelwe kakhulu phezu kwezinto zeli ahlabathi, kwaye zilangazelela biintlonipho zabantu, kuba abasifundi esi sifundo sinye—
36 Kuba aamalungelo obubingeleli aqhagamshelane ngokungahlukaniyo bnamandla ezulu, nokokuba amandla ezulu akanako ukulawulwa nakuphathwa kuphela kuphezu kwezilawuli czobulungisa.
37 Ukuze abe nokunikwa phezu kwethu, oko kuyinene; kodwa xa siqalisa aukugquma bizono zethu, okanye sikholisa cikratshi lethu, ibhongo lethu elingamampunge, okanye sisebenzisa ulawulo okanye ubukhosi okanye isinyanzelo phezu kwemiphefumlo yabantwana babantu, kulo naliphina iqondo elingebulungisa, qaphelani, amazulu darhoxisa iziqu zawo; uMoya weNkosi ubabuhlungu; kwaye xa urhoxile, Amen ebubingelelini okanye egunyeni laloo mntu.
38 Qaphelani, phambi kokuba aqaphele, ushiywa yedwa, aakhabe iimviko, batshutshise abangcwele, kwaye ulwa ngokuchasene noThixo.
39 Sifunde ngamava alusizi okokuba ayindalo nesimilo phantse sabantu bonke, ngokukhawuleza nje befumana igunya elincinane, njengoko bezicingela, baya kuqalisa ngokukhawuleza ukusebenzisa ubukhosi obungalunganga.
40 Yiyo loo nto bebaninzi ababiziweyo, kodwa bembalwa abanyuliweyo.
41 Akukho gunya okanye impembelelo enako okanye emele ukugcinwa ngendlela yobubingeleli, kuphela akungokuthundeza, bngokuzeka kade umsindo, ngolulamo nobulali, nangothando olungahanahanisiyo;
42 Ngobubele, nangolwazi olumsulwa, oluya kwandisa kakhulu umphefumlo ngaphandle akohanahaniso, nangaphandle bkwenkohliso—
43 aEkhalimela ngexesha elifanelekileyo kabukhali, xa uqhutywe nguMoya oyiNgcwele; aze ngoko abonise ngaphambili emva koko ukongezwa bkothando olubhekise kuye lowo uthe wamkhalimela, hleze akuthathe njengotshaba lwakhe;
44 Ukuze abe nokwazi ukuba ukuthembeka kwakhe komelele kuneentambo zokufa.
45 Izibilini zenu kanjalo mazizaliswe luthando lwenene ngakubantu bonke, nakwindlu yokholo, kwaye aisidima masinonge biingcinga zenu ngokungapheliyo; ngoko ukuzithemba kwenu kuya kuba kusomelela kubukho bukaThixo; nemfundiso yobubingeleli iya kuchaphazela phezu komphefumlo wakho cnjengombethe ovela ezulwini.
46 aUMoya oyiNgcwele uya kuba ngumlingane wakho rhoqo, nentonga yakho engatshintshiyo yobulungisa nenyaniso; bnobukhosi bakho buya kuba bubukhosi obungunaphakade, nobungenasinyanzelo buya kuqukuqela kuwe ngonaphakade kanaphakade.