Wase 119
Na ivakatakila sa soli yani mai vei Josefa Simici na Parofita mai Fa Wesi e Misuri, ena 8 ni Julai 1838, me isau ni nona vakatakekere oqo, “Oi Kemuni na Turaga! Mo ni vakatakila mada vei ira na nomuni tamata na ivotavota ni nodra iyau ko ni vinakata me ra solia me nodra ikatini.” Na lawa ni ikatini, me vaka eda sa kila tu nikua, a sega ni soli ki na lotu ni se bera na ivakatakila oqo. Na vosa ikatini ena masu a cavuti ena ivakatakila eso ka a soli e liu (64:23; 85:3; 97:11) e sega ni kena ibalebale na dua ga na ikatini, ia na isolisoli kecega e soli ena yalo galala, se na cau, ki na umailavo ni Lotu. A sa solia oti ki na Lotu na Turaga na lawa ni kena vakatabui ni iyau kei na kena qaravi, ka ra a veiyalayalati kina na lewenilotu (vakabibi vei ira na italatala qase liu) me tawamudu. Ena vuku ni nodra sega ni rawata e lewevuqa me ra muria vakadodonu na veiyalayalati oqori, sa mani vakasuka kina, me dua na gauna na Turaga, ka solia mai na lawa ni ikatini me kena isosomi ena Lotu raraba. A taroga vua na Turaga na Parofita na iwasewase ni nodra iyau e vinakati ena inaki tabu oqori. A qai saumi mai ena ivakatakila oqo.
1–5, Me ra solia na vo ni nodra iyau era sa sega ni vakayagataka, ka ra solia me nodra ikatini, na dua na ikatini ni ka era rawata e veiyabaki; 6–7, Oqori ena vakatabui kina ko Saioni.
1 Sa kaya vakaidina vakaoqo na Turaga, au gadreva me soli kece na vo ni nodra aiyau era sega ni vakayagataka ki na ligana na bisopi ni noqu lotu mai Saioni.
2 Me tara kina na noqu avale, ka turi na yavu kei Saioni kei na matabete, io me saumi tale ga kina na nodratou dinau na Mataveiliutaki ni noqu Lotu.
3 Sa itekivu oqo ni nodra solia na aikatini ni ka era taukena ko ira na noqu tamata.
4 Ia ni sa oti oqori, me ra na qai solia ga ena veiyabaki na ikatini ni ka era rawata ko ira era sa solia oti na vo ni nodra iyau; ia oqo me sa na lawa tudei vei ira me sega ni mudu, me baleta na noqu matabete tabu, sa kaya na Turaga.
5 Au sa kaya vakaidina vei kemudou, ena qai yaco ni ko ira kece era na soqoni vata yani ki na vanua ko aSaioni me ra na sauma na ikatini ni vo ni nodra iyau, ka me ra na muria na lawa oqo, de na qai sega ni kunei ni kilikili kaya me ra tiko ena kemudou maliwa.
6 Kau sa kaya vei kemudou, kevaka era na sega ni muria na lawa oqo, oya me ra vakatabuya ko ira na noqu tamata, ka me ra vakatabuya kina na vanua ko aSaioni me noqu, ka me vakayacori kina na noqu ilesilesi kei na noqu lewa, me na savasava duadua tiko kina, raica, au sa kaya vakaidina vei kemudou, sa na sega na nomudou Saioni.
7 Ia sa na kena ivakaraitaki oqo ena aveiteki kecega kei Saioni. Io ena vakakina. Emeni.