1 Sannlega, svo segir Drottinn: Ráðstefna skal haldin nú þegar. Hinir tólf skulu skipulagðir og menn skulu útnefndir til að fylla ^asæti þeirra, sem fallið hafa.

2 Lát þjón minn ^aThomas halda um stund kyrru fyrir í landi Síonar, til að gefa út orð mitt.

3 Lát aðra halda áfram að prédika frá þessari stundu, og gjöri þeir það af hjartans lítillæti, hógværð og ^aauðmýkt og með ^bumburðarlyndi, gef ég, Drottinn, þeim loforð um, að ég mun annast fjölskyldur þeirra og að áhrifamiklar dyr munu opnast þeim héðan í frá.

4 Og næsta vor skulu þeir halda yfir hin miklu vötn og birta þar fagnaðarerindi mitt, fyllingu þess, og bera nafni mínu vitni.

5 Þeir skulu yfirgefa mína heilögu í borginni Far West tuttugusta og sjötta dag aprílmánaðar næstkomandi, á byggingarlóð húss míns, segir Drottinn.

6 Lát útnefna þjón minn John Taylor og einnig þjón minn John E. Page og einnig þjón minn Wilford Woodruff og einnig þjón minn Willard Richards, til að taka sæti þeirra sem fallið hafa, og verði opinberlega tilkynnt um útnefningu þeirra.