Vahe 114
Ko e fakahā naʻe fai mai ʻia Siosefa Sāmita ko e Palōfitá, ʻi Hihifo Mamaʻo, ʻi Mīsuli, ʻi he ʻaho 17 ʻEpeleli 1838 (History of the Church, 3:23).
1–2, Ko e ngaahi lakanga fakasiasi ko ia naʻe maʻu ʻe kinautolu ʻoku ʻikai te nau tui faivelengá ʻe foaki ia ki ha niʻihi kehe.
1 Ko e moʻoni ʻoku folofola peheni ʻe he ʻEikí: ʻOku ngali mo e potó ki heʻeku tamaioʻeiki ko Tēvita W. Pāteni, ke ne fakamaau ʻene ngaahi meʻa fakapaʻanga kotoa pē ʻi he faingamālie vave tahá, pea fakatau atu ʻa ʻene koloá, koeʻuhí ke ne fai ha ngāue fakafaifekau maʻaku ʻi he faʻahitaʻu matala ka haʻú, fakataha mo ha niʻihi kehe, ʻio ʻa e toko hongofulu mā ua kau ai mo ia, ke fakamoʻoniʻi ʻa hoku hingoá pea ʻave ʻa e ngaahi ongoongo fakafiefiá ki he māmaní kotoa pē.
2 He ko e moʻoni ʻoku folofola peheni ʻe he ʻEikí, ko e meʻa ʻi he ʻi ai ha niʻihi ʻiate kimoutolu ʻoku fakaʻikaiʻi ʻa hoku hingoá, ʻe afokotuʻu ha niʻihi kehe ke bfetongi ʻa kinautolu pea maʻu ʻa honau lakangá. ʻĒmeni.