iVolanikalou
Vunau kei na Veiyalayalati 109


Wase 109

Na masu ka cabori ena vakatabui ni valetabu e Katiladi, Oaio, ena 27 ni Maji 1836. Me vaka na nona itukutuku volai na Parofita, a soli vua ena ivakatakila na masu oqo.

1–5, Sa tara na Valetabu mai Katiladi me na vakaraitaki koya kina na Luve ni Tamata; 6–21, Sa tara me vale ni masumasu, lolo, vakabauta, vuli ka, na vakarokoroko, ivakarau, ka vale ni Kalou; 22–33, Me ra vakamaduataki ko ira era sa sega ni veivutuni ka dau saqati ira na tamata ni Kalou; 34–42, Me ra lako yani na Yalododonu ena kaukauwa ka vakasoqoni ira na tamata dodonu ki Saioni; 43–53, Me ra sereki na Yalododonu mai na veika rerevaki ka na sovaraki yani vei ira na dau caka ca ena veisiga e muri; 54–58, Me ra vakarau na veimatanitu na tamata kei na veimatalotu me baleta na kosipeli; 59–67, Me ra na vueti na Jiu, ko ira na Leimanaiti kei ira kece na Isireli; 68–80, Me ra vakaisalataki na Yalododonu ena lagilagi kei na vakarokoroko, ka ra rawata na vakabulai tawamudu.

1 Me avakavinavinakataki na yacamuni, na Turaga na Kalou ni Isireli, o koya sa dau maroroya na bveiyalayalati ka dau vakaraitaka na loloma cecere vei ira na nomuni talai era dau lako vakadodonu e matamuni, ena vu ni lomadra—

2 Ko ni sa vakaroti ira na nomuni tamata me ra atara e dua na nomuni vale ena vanua oqo [ko Katiladi] ki na yacamuni.

3 Ia oqo ko ni sa raica, Oi kemuni na Turaga, ni ra sa vakayacora na nomuni tamata na ka ko ni sa vakarota vei ira.

4 Ia oqo keimami sa kerei kemuni, oi kemuni na Tama i keimami Yalosavasava, ena yacai Jisu Karisito na Luvemuni Daulomani, ena yacana duadua ga sa rawa kina na veivakabulai vei ira na luve ni tamata, ia kemuni na Turaga, keimami sa kerei kemuni mo ni ciqoma na avale oqo, io na vale keimami a btara ga ena ligai keimami, oi keimami na nomuni tamata, me vaka na nomuni ivakaro.

5 Ko ni sa kila ni keimami a vakayacora na cakacaka oqo ena dela ni veivakararawataki; ia ena dela ni neimami dravudravua keimami sa solia kina na neimami iyau me tara kina e dua na avale ki na yacamuni, me rawa ni dau vakaraitaki koya kina na Luve ni Tamata vei ira na nona tamata.

6 Ia me vaka ko ni a kaya ena dua na aivakatakila, ka a soli vei keimami, ko ni kacivi keimami kina me keimami wekamuni, ko ni kaya kina—Dou kaciva na nomudou soqoni tabu, me vaka au sa vakarota vei kemudou;

7 Ia me vaka ni sa sega ni taucoko sara na nomudou vakabauta, dou gumatua sara mo dou veivakavulici vakataki kemudou ena vosa ni yalomatua; io, mo dou vakasaqara ena ivola sa uasivi sara na vosa ni yalomatua, dou segata na kila ka, io ena vuli kei na vakabauta;

8 Dou cokonaki kemudou; dou vakarautaka na veika sa yaga vei kemudou, ka tauyavutaka e dua na vale, io me vale ni masumasu, vale ni lolo, vale ni vakabauta, vale ni vuli, vale ni lagilagi, vale vakaivakarau, na vale ni Kalou;

9 Mo dou curu kina ena yaca ni Turaga, mo dou suka yani ena yaca ni Turaga, mo dou veikidavaki ena yaca ni Turaga, mo dou laveta cake na ligamudou vua sa Cecere Sara—

10 Ia oqo oi kemuni na Tamai keimami Yalosavasava, keimami sa kerea mo ni vukei keimami, na nomuni tamata, ena nomuni loloma soli wale, ena neimami kaciva na neimami soqoni tabu, me vakayacori mo ni dokai kina ka mo ni vakadonui keimami kina;

11 Ka mo ni qai qisi keimami me keimami kilikili e matamuni, me keimami rawata kina na ayalayala ko ni sa vakayacora vei keimami, na nomuni tamata, ena ivakatakila sa soli vei keimami;

12 Me cila mai na nomuni alagilagi vei ira na nomuni tamata, kei na nomuni vale oqo, keimami sa vakatabuya oqo vei kemuni, me na ka vakatabui ka tabu me savasava, ka me na dau tiko ga kina ena vale oqo na kemuni iserau savasava;

13 Ia ko ira kece na tamata era na curuma mai na ilago ni vale ni Turaga me ra na vakila na kaukauwa, me ra na vakauqeti me ra vakila ni ko ni sa vakatabuya, ka ni sa nomuni vale, na nomuni vanua tabu.

14 Ia mo ni vakadonuya, Tamai keimami Yalosavasava, vei ira kece era na mai qaravi Kalou ena vale oqo me ra na vakavulici ena vosa ni yalomatua mai na veivola uasivi duadua, ka me ra na segata na kila ka ena vuli, kei na vakabauta talega, me vaka na nomuni vosa;

15 Ka me ra tubu cake vei kemuni, ka ciqoma na taucoko ni Yalo Tabu, ka cokonaki me vaka na nomuni lawa, ka vakarautaki me ra rawata na veika kece e dui ganiti ira;

16 Ia na vale oqo me vale ni masumasu, vale ni lolo, vale ni vakabauta, me vale ni lagilagi ka vale ni Kalou, io na nomuni vale;

17 Ia ko ira kecega na nomuni tamata era sa curu ki na vale oqo, me ra curu kina ena yaca ni Turaga;

18 Ia ko ira kecega era sa lesu mai kina, me ra lesu mai ena yaca ni Turaga;

19 Ia na nodra veikidavaki kecega, me ia ena yaca ni Turaga, ena liga savasava, ka laveti cake vua sa Cecere Sara;

20 Ka me kakua sara ni vakatarai me curu kina e dua na ka atawasavasava, me vakadukadukalitaka na nomuni vale;

21 Ia ni ra sa talaidredre na nomuni tamata, se ko cei ga vei ira, me na veivutuni sara vakatotolo ka lesu yani vei kemuni, ka me kune loloma e matamuni, io me rawata tale kina na veivakalougatataki ko ni sa solia vei koya sa avakarokorokotaki kemuni ena nomuni vale.

22 Keimami sa kerei kemuni, na Tamai keimami Yalosavasava, me ra na lako yani na nomuni tamata mai na vale oqo ka vakaiyaragi tu ena nomuni kaukauwa, ka me tu vata kei ira na yacamuni, ka vakavolivoliti ira na nomuni lagilagi, ka vakatawai ira na nomuni aagilosi;

23 Ia me ra kauta yani mai na vanua oqo na itukutuku rekitaki ka lagilagi vakalevu sara, ena yalodina, ki na aiyalayala kei vuravura, me ra na kila ni oqo na nomuni cakacaka, ni ko ni sa dodoka na ligamuni, mo ni vakayacora na nomuni vosa era a tukuna na nomuni parofita, me baleta na veisiga mai muri.

24 Keimami sa kerei kemuni, na Tamai keimami Yalosavasava, mo ni vakataudeitaki ira na tamata era na qaravi Kalou, ka ra na vakarokorokotaka na ivakarau ni bula era curuma kina na nomuni vale oqo, ena veitabatamata kecega kei na gauna tawamudu;

25 Ia me tawayaga na iyaragi kecega sa acaka me yaviti ira; io ko koya sa kelia na bikeli me baleti ira, ena lutu ga kina;

26 Me kakua tale ga ni dua na cakacaka butobuto me na rawata na kaukauwa, me tu kina ka arawai ira na nomuni tamata era sa mai taura na byacamuni ena vale oqo;

27 Ia kevaka e dua na tamata ena tu ka vorati ira na tamata oqo, me qai waqa vei ira na nomuni cudru;

28 Ia kevaka era sa yaviti ira na tamata oqo mo ni yaviti ira tale ga; mo ni vala ena vukudra na nomuni tamata me vaka ko ni a kitaka ena siga ni veiraravui, io me ra sereki kina mai na ligadra na nodra meca kecega.

29 Keimami sa kerei kemuni na Tamai keimami Yalosavasava, mo ni veivakasosataki, veivakidacalataki, veivakamaduataki ka vakataqayataki ira kecega era sa vakatetea yani ki veivanua tani e vuravura, na itukutuku lasu me baleti ira na nomuni tamata, kevaka era na sega ni veivutuni, ena gauna sa kacivaki kina ki daligadra na nomuni kosipeli tawavakaiyalayala;

30 Ia me tawayaga na nodra cakacaka kecega, ka waicala yani me vaka na auca cevata, ia ena nomuni lewa ko ni na tauca vei ira ena nomuni cudru, me na mudu kina na blasulasu kei na veivakacacani vei ira na nomuni tamata.

31 Ni ko ni sa kila, Oi kemuni na Turaga, ni sa sega na nodra cala na nomuni tamata e matamuni, ena nodra taura tu na yacamuni era sa sotava kina na veika oqo.

32 O koya keimami sa vakatakekere kina vei kemuni, mo ni sereki ira ena veisereki e taucoko ka maucokona mai na aivua oqo;

33 Ni muduka laivi, kemuni na Turaga; ni muduka laivi mai domodra na nomuni tamata, ena nomuni kaukauwa, me keimami wavutu kina ena maliwa ni itabatamata oqo ka cakava na nomuni cakacaka.

34 Oi kemuni Jiova, ni lomani ira na tamata oqo, ia me vaka ni sa aivalavala ca na tamata kecega, mo ni vosota na nodra talaidredre na nomuni tamata, ka bokoca tani me sega ni mudu.

35 Ia mo ni vakalougatataka na nodra aveilumuti na nomuni talai, ka me vakataudeitaki vei ira ena kaukauwa mai lomalagi.

36 Me vakayacori vei ira, me vaka sa yaco vei ira ena siga ni Penitiko; me sovaraki yani vei ira na nomuni tamata na isolisoli ni avosataka na vosa tani, io na byameyame ni bukawaqa, kei na kena ibalebale.

37 Ia me vakasinaiti na nomuni vale ena nomuni alagilagi, me vaka na cagi vakacevaruru kaukauwa.

38 Ni solia vei ira na nomuni tamata na aivakadinadina ni veiyalayalati, ia ni ra sa lako yani me vunautaka na nomuni vosa me ra bvauca vata na lawa, ka vakarautaka na lomadra na nomuni yalododonu me baleta na lewa kece ko ni sa voleka ni tala mai ena nomuni cudru vei ira na clewei vuravura, ena vuku ni nodra talaidredre, me ra kakua kina ni yalolailai na nomuni tamata ena siga ni veivakararawataki.

39 Ia na koro kecega era sa curuma na nomuni tamata ka ra vakabauta na nodra ivakadinadina ko ira na lewena, me yaco kina na nomuni vakacegu kei na veivakabulai; me ra vakasoqoni ira vata kina na buladodonu mai na koro ko ya, me ra lako mai ki aSaioni, se ki na kena iteki, na veivanua ko ni sa digitaka, ka ra na sere lako ena reki tawavakaiyalayala;

40 Ia me vakayacori mada e liu na veika kece oqo, qai tau e muri na nomuni cudru ki na nodra koro.

41 Ia na koro kecega era sa curuma na nomuni tamata ka ra sega ni vakabauta na nodra ivakadinadina ko ira na lewena, ni ra sa vakasalataki ira ko ira na nomuni tamata me ra dro tani mai na itabatamata takelo oqo, me qai yaco kina me vaka na nomuni vosa era a tukuna na nomuni parofita.

42 Ia mo ni sereki ira na nomuni tamata, Oi kemuni Jiova, keimami sa kerei kemuni, mai na ligadra, ka savai ira mai na nodra dra.

43 Oi kemuni na Turaga, keimami sega sara ni rekitaka na nodra rusa na wekai keimami; na ayalodra sa ka talei sara vei kemuni;

44 Ia me vakayacori ga na nomuni vosa. Mo ni vukei ira na nomuni tamata ena nomuni aloloma soli wale me ra masu ka kaya: Oi kemuni na Turaga, me yaco ga na nomuni lewa, ia me kakua sara ni yaco na neimami lewa.

45 Keimami kila ni ko ni a tukuna mai na gusudra na nomuni parofita na veika rerevaki ena yaco vei ira na tamata ivalavala ca ena aveisiga mai muri—io ko ni na sovaraka vei ira na nomuni cudru e sega ni vakaiyalayala;

46 Ia, oi kemuni na Turaga; mo ni sereki ira na nomuni tamata mai na veivakarusai ena yaco vei ira na tamata ivalavala ca; mo ni vukei ira na nomuni tamata me ra vakayacora na lawa ka viviga na kena ivakadinadina; io me ra vakarautaki ira ki na siga ni veivakarusai ena bukawaqa.

47 Keimami sa kerei kemuni na Tamai keimami Yalosavasava, mo ni nanumi ira era sa vakasavi tani mai vei ira na lewe ni yasayasa vaka-Jekesoni e Misuri, mai na vanua ka sa nodra ivotavota vakawa, ka mo ni muduka laivi, Oi kemuni na Turaga, na ivua ni veika rarawa sa vakayacori vei ira.

48 Ko ni sa kila, Oi kemuni na Turaga, ni ra sa vakararawataki ka vakasaurarataki mai vei ira na tamata ca; ka sa avuabale na neimami rarawa ena vuku ni veika dredre era sa sota kaya.

49 Oi kemuni na Turaga, ena avakaevei na kena dede ko ni na laiva me ra vakararawataki tiko kina ko ira na tamata oqo, kei na nodra tagi na nodra tawacala me rogo cake yani ki daligamuni, kei na nodra bdra sa lako cake yani me ivakadinadina vei kemuni, ko ni na sega beka ni vakaraitaka na nomuni kauwaitaki ira?

50 Ni ayalololoma mada, Oi kemuni na Turaga, vei ira na ilawalawa ca, ko ira era a vakasavi ira tani na nomuni tamata; io me mudu mada na nodra veivakacacani, me ra veivutunitaka na nodra ivalavala ca kevaka e rawa ni ra veivutuni;

51 Ia kevaka era sa sega ni veivutuni, mo ni qai vakaraitaka na ligamuni, Oi kemuni na Turaga, ka avakabula na vanua ko ni sa digitaka me nodra Saioni na nomuni tamata.

52 Ia kevaka sa sega ni rawa me vakakina, ni qai sovaraka na nomuni cudru, ka me lutuki ira na nomuni cudru waqawaqa, io me ra kawaboko yani mai na rukui lomalagi, na wakana kei na tabana, me kakua kina ni maumau na nodra inaki na nomuni tamata;

53 Ia kevaka era sa veivutuni, mo ni lomani ira sara ni ko ni sa yalololoma, ia mo ni tarova na nomuni cudru ni ko ni sa raica na matana na nomuni Lumuti.

54 Mo ni yalololoma, Oi kemuni na Turaga, vei ira na veimatanitu kecega ni vuravura; ni yalololoma vei ira na iliuliu ena neimami vanua; me vakataudeitaki ka sega ni mudu na ivakavuvuli era a karona ka taqomaka tiko mai na neimami qase, oqori na aYavu ni Vakavulewa ni neimami vanua.

55 Mo ni lomani ira na tui, ko ira na ravouvou, na tamata turaga kei ira na iliuliu e vuravura, kei ira na tamata kecega, kei na isoqosoqo lotu, ko ira na dravudravua, ko ira na vakaleqai, kei ira era vakararawataki tu e vuravura;

56 Oi kemuni Jiova, me vakamalumalumutaki na lomadra ni ra sa lako yani na nomuni tamata mai na nomuni vale, me ra vakadinadinataka vei ira na yacamuni; me vakamalumalumutaki kina na nanuma ni lomadra ena veika e adina, ka me ra kune loloma na nomuni tamata e matadra na tamata kecega;

57 Me ra kila ena iyalayala kei vuravura, ni koi keimami, na nomuni tamata, keimami sa arogoca na domomuni, ia ko ni sa talai keimami voli;

58 Ia era na qai lako yani na nomuni tamata ko ira na luvei Jekope, ka vakasoqoni ira mai na tamata yalododonu ena maliwa ni veika kece oqo, era na qai tara e dua na koro tabu me nomuni, me vaka ko ni sa vakarota vei ira.

59 Keimami sa kerei kemuni me duri tale e so na aiteki kei Saioni me ikuri ni kena oqo ko ni sa digitaka, me ra bvakasoqoni kina na nomuni tamata ena kaukauwa levu kei na lagilagi; io me yaco ckusarawa kina na nomuni cakacaka ena dodonu.

60 Ia na veivosa oqo, Oi kemuni na Turaga, keimami sa tukuna vei kemuni, ena vuku ni ivakatakila kei na ivakaro ko ni sa solia vei keimami, oi keimami sa vakatokai me aMatanitu Tani.

61 Ia ko ni sa kila ni ko ni sa lomani ira vakalevu na kawa i Jekope, ko ira sa veiseyaki tu vakadede ena veiulunivanua ena dua na siga kabukabuwa ka butobuto.

62 Keimami sa kerei kemuni kina mo ni yalololoma vei ira na kawa i Jekope, io me tekivu vakabulai sara ko aJerusalemi mai na gauna oqo;

63 Io me sa tekivu muduki sara oqo na nodra ivua ni vakabobulataki na kawa i aTevita;

64 Ia me ra sa tekivu lesu tale na kawa i aJuta ki na bvanua ko ni a solia vei Eparaama na nodra qase.

65 Ia mo ni vakavuna na nodra asaumaki mai na bivovo ni kawa i Jekope, ko ira era sa cudruvi ka vakanakuitataki tu ena vuku ni nodra talaidredre, mai na ituvaki ni bula kila ka vakarerevaki era tu kina, ki na taucoko ni kosipeli tawavakaiyalayala;

66 Me ra vakadavora na nodra iyaragi ni vakadave dra, ka muduka na nodra dau veisaqasaqa.

67 Ia me ra kila na ivakavuvuli dina ko ira na ivovo ni aIsireli era sa veiseyaki tu ena iyalayala kei vuravura, me ra vakabauta na Mesaia ka vueti mai na nodra rarawa, ka kune marau e matamuni.

68 Oi kemuni na Turaga, ni nanuma na nomuni tamata, ko Josefa Simici Lailai, kei na nona sa vakararawataki ka vakacacani—kei na nona sa aveiyalayalati vata kei bJiova ka yalayala vei kemuni, Oi kemuni na Kalou Kaukauwa i Jekope—kei na ivakaro ko ni sa solia vua, ka ni sa dau segata voli ena yalona dina me cakava na lomamuni.

69 Mo ni yalololoma, Oi kemuni na Turaga, vua na watina kei ira na luvena, me ra vakacerecerei ena kemuni iserau, ka maroroi e ligamuni dau veisusu.

70 Ni lomani ira kece na wekadratou avoleka, ni vorolaka ka taviraka laivi me vaka ena waluvu na nanuma ni lomadra; me ra na saumaki kina ka vueti vata kei Isireli, ka me ra kila ni sai kemuni na Kalou.

71 Ni nanumi ira, Oi kemuni na Turaga, na peresitedi, io ko ira kece na peresitedi ena nomuni lotu, ni vakacerecerei ira ena ligamuni matau, kei na nodra matavuvale, kei ira na dui wekadra voleka, me na tudei tu na yacadra ka dau nanumi tu me tawavakaiyalayala, mai na itabatamata ki na itabatamata.

72 Ni nanumi ira kece na lewe ni nomuni lotu, Oi kemuni na Turaga, vata kei ira kece na nodra dui matavuvale, kei ira na dui wekadra voleka, vata kei ira kece na nodra era tauvimate se rarawa, kei ira kece na dravudravua kei na yalomalua e vuravura; me yaco me dua na ulunivanua cecere ka vakasinaiti vuravura, na amatanitu ko ni sa tauyavutaka ka segai ena liga;

73 Me kida yani na nomuni lotu mai na lekutu ni butobuto loaloa, ka cila yani me vaka na weweli ni avula, na iserau ni matanisiga, ka rerevaki me vaka na ivalu sa vakadrotini;

74 Ka ukutaki me vaka na yalewa sa qai vakawati ena siga ko ni sa cereka kina na iubi kei lomalagi, ka avakalolovirataka na veiulunivanua e matamuni, ka vakaceceretaka na bveibuca, vakalogalogavinakataka na veivanua sukusukura; me sinai kina ko vuravura taucoko ena nomuni lagilagi;

75 Ia ni sa uvu na davui me ra tucake tale ko ira sa mate, me keimami akau cake yani ki na o ka veitata kei kemuni, io me keimami tiko vata ga kei na Turaga;

76 Ia me savasava sara na neimami isulu, me keimami tokara na aicurucuru balavu ni buladodonu, na taba ni niu ena ligai keimami, ka tokara na bisala vakatui ni lagilagi e ului keimami, ka tauca na creki e tawamudu me isau ni neimami drarawa.

77 Oi kemuni na Turaga na Kalou Qaqa, ni rogoca na neimami vakatakekere, ka sauma vei keimami mai lomalagi, na nomuni itikotiko tabu, ko ni sa tiko kina ena nomuni idabedabe vakatui, ena alagilagi, ena rokovi, ena kaukauwa, ena vakaturaga, ena qaqa, ena lewa, ena dina, ena lewa dodonu, ena vakatulewa, na loloma cecere kei na taucoko e sega ni vakaiyalayala, mai na tawamudu ki na tawamudu.

78 Mo ni rogoca, mo ni rogoca, mo ni rogoci keimami na Turaga! Mo ni rogoca na neimami vakatakekere, ka ciqoma na vale keimami sa vakatabuya me nomuni; na cakacaka ga ni ligai keimami, ia keimami sa tara me nomuni;

79 Kei na lotu talega oqo, mo ni vakatoka ena yacamuni. Ka mo ni vukei keimami ena kaukauwa ni Yalomuni, me keimami domovata kei ira na aserafimi serau era sa tiko wavolita na nomuni itikotiko vakaturaga, na neimami sere ni vakavinavinaka, kei na vakacaucau ka vaka, Osana vua na Kalou kei na bLami!

80 Ka mo ni avakasulumi ira mada oqo, o ira ko ni sa lumuta, ena veivakabulai, ka me ra kaila vakadomoilevu na nomuni yalododonu ena reki. Emeni, ka Emeni.