Icandelo 107
Isityhilelo ngobubingeleli, sinikwe ngoJoseph Smith uMprofeti, eKirtland, eOhio esibhala malunga noAprili 1835. Nangona eli candelo lalirekhodwe ngowe-1835, iirekhodi zembali ziqinisekisa ukuba iivesi ezininzi 60 ukuya 100 zibandakanya isityhilelo esinikwe ngoJoseph Smith ngoNovemba 11, 1831. Eli candelo lalisayanyaniswa nokusekwa kweQumrhu labaLishumi elineSibini ngoFebruwari noMatshi 1835. UMprofeti kunokuba wasinikeza bekhona abo babelungiselela ukumka ngoMeyi 3, 1835, besiya kwimishini yequmrhu labo lokuqala.
1–6, Kukho ububingeleli obubini: uMelkitsedeke noAron; 7–12, Abo baphethe uBubingeleli bukaMelkitsedeke banegunya lokusebenza kuzo zonke iiofisi eBandleni; 13–17, Ububhishophu bongamela uBubingeleli buka-Aron, obulungiselela kwimimiselo yangaphandle; 18–20, UBubingeleli bukaMelkitsedeke buphethe izitshixo zazo zonke iintsikelelo zasemoyeni; uBubingeleli buka-Aron buphethe izitshixo zolungiselelo lweengelosi; 21–38, UBumongameli boKuqala, abaLishumi elineSibini, nabangaMashumi aSixhenxe bakha iikhoram ezongamelayo, ezinezigqibo ezimele ukwenziwa kubunye nobulungisa; 39–52, Ucwangco lukasolusapho luyamiselwa ukusuka kuAdam kuye kuNowa; 53–57, AbaNgcwele bamandulo bahlanganisana eAdam-ondi-Ahman, yaza iNkosi yabonakala kubo; 58–67, AbaLishumi elineSibini baza kubeka amagosa eBandla ngocwangco; 68–76, Oobhishophu basebenza njengabagwebi kwaSirayeli; 77–84, UBumongameli boKuqala nabaLishumi elineSibini bakha inkundla eyiyeyona iphakamileyo eBandleni; 85–100, Abongameli boBubingeleli balawula iikhoram ezizezabo.
1 Kukho, ebandleni, ububingeleli obubini, obubizwa, aubuMelkitsedeke bnobuAron, bubandakanya noBubingeleli bukaLevi.
2 Kutheni obokuqala bubizwa uBubingeleli bukaMelkitsedeke kungenxa yokuba auMelkitsedeke wayengumbingeleli owayemkhulu ephakamile.
3 Phambi kwemihla yakhe babubizwa uBubingeleli obuNgcwele, emva akoHlobo loNyana kaThixo.
4 Kodwa ngenxa yokuhlonipha okanye aukuzolela igama leSiqu esiPhezu Konke, ukuphepha uphindaphindo njalo lwegama lakhe, lona ibandla, laye, kwimihla yamandulo, labiza obo bubingeleli emva koMelkitsedeke, okanye uBubingeleli bukaMelkitsedeke.
5 Onke amanye amagunya okanye iiofisi ebandleni azizihlomelo kobu bubingeleli.
6 Kodwa kukho izahlulo ezibini okanye iintloko ezinkulu—obunye buBubingeleli bukaMelkitsedeke, buze obunye bube buBubingeleli buka-Aron okanye abukaLevitikus.
7 I-ofisi ayomdala iza phantsi kobubingeleli bukaMelkitsedeke.
8 UBubingeleli bukaMelkitsedeke buphethe ilungelo lobumongameli, kwaye bunamandla anegunya phezu kwazo zonke iiofisi ebandleni kuyo yonke iminyaka yehlabathi, ekulawuleni izinto zomoya.
9 aUBumongameli boBubingeleli obuKhulu, emva kocwangco lukaMelkitsedeke, sinelungelo lokusebenza kuzo zonke iiofisi ebandleni.
10 aAbabingeleli abakhulu emva kocwangco loBubingeleli lukaMelkitsedeke bbanelungelo lokusebenza ekumeni okukokwabo, phantsi kolawulo lobumongameli, ekulawuleni izinto zomoya, kananjalo kwiofisi yomdala, umbingeleli (wocwangco lukaLevitikus), utitshala, umdikoni, nelungu.
11 Umdala unelungelo lokusebenza endaweni yakhe xa umbingeleli omkhulu engekho.
12 Umbingeleli omkhulu nomdala bayalawula kwizinto zomoya, ezingqinelana neminqophiso nemiyalelo yebandla; kwaye banelungelo lokusebenza kuzo zonke ezi ofisi zebandla xa bengekho abasemagunyeni athe kratya.
13 Ububingeleli besibini bubizwa auBubingeleli buka-Aron, ngenxa yokuba babekwa phezu bkuka-Aron nembewu yakhe, kuzo zonke izizukulwana zayo.
14 Kutheni bubizwa ububingeleli obunganeno kungokuba abusisihlomelo sobukhulu ngakumbi, okanye uBubingeleli bukaMelkitsedeke, kwaye bunegunya ekulawuleni imimiselo yangaphandle.
15 aUbubhishophu bubumongameli bobububingeleli, kwaye siphethe izitshixo okanye igunya lobukwanjalo.
16 Akukho ndoda inelungelo elisemthethweni kule ofisi, lokuphatha izitshixo zobu bubingeleli, ngaphandle kokuba ibe asisizukulwana sokwenene sika-Aron.
17 Kodwa njengombingeleli omkhulu woBubingeleli bukaMelkitsedeke unegunya lokusebenza kuzo zonke iiofisi ezinganeno, unokusebenza kwiofisi kabhishophu xa kungekho sisizukulwana sokwenene sika-Aron inokufunyanwa, ngaphandle kokuba ubiziwe waza wabizwa bucala waza awamiselwa kweli gunya ngokubekwa izandla bzoBumongameli boBubingeleli bukaMelkitsedeke.
18 Amandla negunya lobuphakame ngakumbi, okanye uBubingeleli bukaMelkitsedeke, kukuphatha aizitshixo zazo zonke iintsikelelo zomoya zebandla—
19 Ukuba nelungelo elilodwa lokuzuza aiimfihlelo zobukumkani basezulwini, babe namazulu avulekela bona, ukuvisisana kunye bnentlangano jikelele nebandla lomaZibulo, nokuvuyela ubudlelane nobukho bukaThixo uBawo, noYesu cumthetheleli womnqophiso omtsha.
20 Amandla negunya lobunganeno, okanye uBubingeleli buka-Aron, kukuphatha aizitshixo zolungiselelo lweengelosi, nokulawula bkwimimiselo ephandle, unobumba wevangeli, cubhaptizo lwenguquko dyokuxolelwa kwezono, kungqinelana neminqophiso nemiyalelo.
21 Okuyimfuneko kukubakho koomongameli, okanye amagosa ongamelayo aphuma kubo, okanye onyulelwa bona okanye avele phakathi kwabo bamiselwe kwiiofisi eziliqela kobu bubingeleli bubini.
22 aKuBubingeleli bukaMelkitsedeke, baBabingeleli aBongamelayo abaKhulu abathathu, bakhethwa liqela, bonyulelwe baze bamiselwe kulo ofisi, baze cbaxhaswe ngokubathemba, ukholo, nomthandazo webandla, benze ikhoram yoBumongameli beBandla.
23 Abacebisi aabalishumi elinesibini abajikelezayo babizwa ngokuba bngaBapostile abaLishumi elineSibini, okanye amangqina akhethekileyo egama likaKrestu kulo lonke ihlabathi—kunjalo besahluka kwamanye amagosa ngemisebenzi yobizo lwabo ebandleni.
24 Kwaye benza ikhoram, elingana ngegunya nasemandleni noomongameli abathathu abakhankanywe ngaphambili.
25 aAmaShumi aSixhenxe kanjalo abizelwe ukushumayela ivangeli, nokuba ngamangqina akhethekileyo kwabeeNtlanga nakulo lonke ihlabathi—kunjalo besahluka kwamanye amagosa ngemisebenzi yobizo lwabo ebandleni.
26 Kwaye benza ikhoram, elingana ngegunya kwelo lamangqina akhethekileyo aLishumi elineSibini okanye aBapostile abasandula ukubizwa.
27 Kwaye sonke isigqibo esenziwe zizo naziphina ezezi khoram simele ukwenziwa ngelizwi elimxhelo mnye elifanayo; oko kukuthi, onke amalungu kwikhoram nganye amele ukuvunyelwa kwisigqibo sawo, ukuze enze izigqibo zawo ngamandla afanayo okanye sibe semthethweni esinye kunye nesinye—
28 Isininzi sinokwenza ikhoram xa iimeko zisenza kube nzima ukwenza ngenye indlela—
29 Ngaphandle kokuba le yimeko, izigqibo zabo azinalungelo kwiintsikelelo ezifanayo, zigqibo zekhoram yoomongameli abathathu ababekho mandulo, ababemiselwe emva kohlobo lukaMelkitsedeke, kwaye babengamadoda alungileyo nangcwele.
30 Izigqibo zezi khoram, okanye nokuba yeyiphi kuzo, zimele ukwenziwa kubo bonke aubulungisa, ebungcweleni, nokuthobeka kwentliziyo, ubulali nonyamezelo, naselukholweni, bnesidima, nolwazi, ubungcathu, umonde, ubulungisa, ukulunga kobuzalwana nothando lwenene;
31 Ngenxa yokuba isithembiso sinje, ukuba ezi zinto ziyaphuphuma kubo abayi akunganiki ziqhamo elwazini lweNkosi.
32 Kwaye kwimeko xa nasiphina isigqibo sezi khoram singenziwa ngobulungisa, inokuziswa phambi kwentlanganiso jikelele yeekhoram eziliqela, eyakhiwe ngabasemagunyeni omoya ebandla; ngenye indlela akunako ukubakho isibheno esivela kwisigqibo sabo.
33 AbaLishumi elineSibini baliQumrhu eliKhulu eloNgamelayo eliJikelezayo, elisebenza egameni leNkosi, phantsi kolawulo loBumongameli beBandla, bengqinelana neziko lasezulwini; besakha ibandla, baze bamise kakuhle yonke imicimbi yokufanayo kuzo zonke izizwe, kuqala akwabeeNtlanga nokwesibini kumaYuda.
34 AmaShumi aSixhenxe amele ukusebenza egameni leNkosi, phantsi kolawulo alwabaLishumi elineSibini okanye iqumrhu elikhulu elijikelezayo, ekwakheni ibandla nokumisa kakuhle yonke imicimbi yokufanayo kuzo zonke izizwe, kuqala kwabeeNtlanga nangoko ke kumaYuda—
35 AbaLishumi elineSibini bethunyelwa ngaphandle, bephethe izitshixo, zokuvula ucango ngokubhengezwa kwevangeli kaYesu Krestu, kwaye kuqala kwabeeNtlanga nangoko ke kumaYuda.
36 aAmaqumrhu amakhulu amileyo, kwiziteyki zeZiyon, enza ikhoram elinganayo ngegunya emicimbini yebandla, nakuzo zonke izigqibo zawo, nekhoram yobumongameli, okanye kwiqumrhu elikhulu elijikelezayo.
37 Iqumrhu elikhulu eZiyon lenza ikhoram elinganayo ngegunya emicimbini yebandla, kuzo zonke izigqibo zabo, namaqumrhu abaLishumi elineSibini eziteykini zeZiyon.
38 Ngumsebenzi wequmrhu elikhulu elijikelezayo ukubiza aabangamaShumi aSixhenxe, xa lifuna uncedo, ukuzalisa amabizo aliqela okushumayela nokusebenzisa ivangeli, endaweni yabanye abangabanye.
39 Ngumsebenzi wabaLishumi elineSibini, kuwo onke amasebe amakhulu ebandla, ukumisela aabefundisi bobuvangeli, njengoko beya kwalathelwa ngesityhilelo—
40 Uhlobo lobu bubingeleli lwaqiniselwa ekunikelweni ukuhla ukusuka kubawo kuya kunyana, kwaye ngokwesizukulwana sokwenene yembewu ekhethiweyo, ekwenziwe kuyo izithembiso.
41 Olu hlobo lwalusekwe ngemihla aka-Adam, lwaza lwehlela bngomlibo ngohlobo olulandelayo:
42 Ukusuka kuAdam kuye akuSete, owamiselwa nguAdam eminyaka ingamashumi amathandathu anesithoba, kwaye wasikelelwa nguye iminyaka emithathu phambi kokufa kwakhe (okuka-Adam), waza wafumana isithembiso sikaThixo ngoyise, okokuba isizukulwana sakhe sikhethwe yiNkosi, kwaye simele ukulondolozelwa kuye esiphelweni somhlaba;
43 Ngenxa yokuba wayeyindoda (uSete) aegqibeleleyo, bnomfanekiso wakhe wawubonisa umfanekiso kayise, njengokuba wayebonakala enjengoyise kuzo zonke izinto, kwaye enokwahlulwa kuye kuphela ngeminyaka.
44 UEnoshe wamiselwa eminyaka ilikhulu elinamashumi amathathu anesine enenyanga ezine, ngesandla sika-Adam.
45 UThixo wabiza uKenan entlango ngonyaka wamashumi amane obudala bakhe; kwaye wahlangana noAdam esiya kwindawo iShedolamak. Wayeneminyaka engamashumi asibhozo anesixhenxe ubudala xa wafumana umiselo lwakhe.
46 UMahalaleli wayeneminyaka engamakhulu amane anamashumi alithoba anesithandathu neentsuku ezisixhenxe ubudala xa wayemiselwa ngesandla sika-Adam, owamsikelelayo kanjalo.
47 UYerede wayeneminyaka engamakhulu amabini ubudala xa wayemiselwa phantsi kwesandla sika-Adam, owamsikelelayo kanjalo.
48 aUEnoki wayeneminyaka engamashumi amabini anesihlanu xa wayemiselwa phantsi kwesandla sika-Adam; kwaye wayeneminyaka engamashumi amathandathu anesihlanu waza uAdam wamsikelela.
49 Kwaye wabona iNkosi, kwaye wahamba kunye nayo, kwaye wayephambi kobuso bayo ngokuqhubekekayo; kwaye awahamba noThixo iminyaka engamakhulu amathathu anamashumi amathandathu anesihlanu, imenze amakhulu amane anamashumi amathathu ubudala xa bwenziwa kumila kumbi.
50 aUMethusela wayeneminyaka elikhulu ubudala xa wayemiselwa phantsi kwesandla sika-Adam.
51 uLameki wayeneminyaka engamashumi amathathu anesibini ubudala xa wayemiselwa phantsi kwesandla sikaSete.
52 aUNowa wayeneminyaka elishumi ubudala xa wayemiselwa phantsi kwesandla sikaMethusela.
53 Iminyaka emithathu phambi kokufa kuka-Adam, wabizela uSete, uEnoshe, uKenan, uMahalaleli, uYerede, uEnoki, noMethusela, aababengababingeleli abakhulu bonke, nentsalela yesizukulwana sakhe esasilungile, entlanjeni byeAdam-ondi-Ahman, waza apho wabeka phezu kwabo iintsikelelo zakhe zokugqibela.
54 Kwaye iNkosi yabonakala kubo, kwaye baphakama baza basikelela auAdam, kwaye bambiza bMikayeli, inkosana, ingelosi enkulu.
55 Kwaye iNkosi yanikezela intuthuzelo kuAdam, kwaye yathi kuye: Ndikumise ube sentloko; indimbane yezizwe iya kuza ngawe; kwaye wena auyinkosana phezu kwazo ngonaphakade.
56 Kwaye uAdam wema phakathi kwentlangano; kwaye, nangona wayeqotywe bubudala, ezaliswe nguMoya oyiNgcwele, awaxela kwangaphambili naziphina izinto eziya kuhlela inzala yakhe ukuya kwisizukulwana esisona sisemva.
57 Ezi zinto zibhalwe zonke encwadini kaEnoki, kwaye ziya kungqinwa ngexesha elifanelekileyo.
58 Ngumsebenzi awabaLishumi elineSibini, kanjalo, bukumisela nokulungisa ngocwangco onke amanye amagosa ebandla, ngokungqinelana nesityhilelo esithi:
59 Kubhekisele kwibandla likaKrestu kumhlaba weZiyon, ukongezelela akwimithetho yebandla kuhlonitshwa umcimbi webandla—
60 Inene, ndithi kuni, itsho iNkosi yeMikhosi, kumele kubekho imfuneko ayabadala abongamelayo ukongamela abo bangabeofisi yomdala;
61 Kwaye kanjalo aababingeleli ukongamela abo bakwiofisi yombingeleli;
62 Kwaye kanjalo ootitshala aukongamela abo bakwiofisi katitshala, ngohlobo olufanayo, kanjalo abadikoni—
63 Ngako oko, ukusukela kumdikoni kuye kutitshala, nokusukela kutitshala kuye kumbingeleli, nokusukela kumbingeleli kuye kumdala, kaliqela njengoko besonyulwa, ngokunxulumene neminqophiso nemiyalelo yebandla.
64 Emva koko kuza uBubingeleli obuKhulu, obubobona bukhulu kubo bonke.
65 Ngako oko, kumele ukuba yimfuneko okokuba omnye onyulelwe uBubingeleli obuKhulu ukongamela ububingeleli, kwaye uya kubizwa uMongameli woBubingeleli obuKhulu beBandla;
66 Okanye, ngamanye amazwi, auMbingeleli oMkhulu owoNgamelayo kuBubingeleli beBandla;
67 Kobufanayo kuza ulungiselelo lwemimiselo neentsikelelo phezu kwebandla, angokubeka izandla.
68 Ngako oko, iofisi kabhishophu ayilingani nayo; kuba iofisi akabhishophu iselulawulweni lwezinto zonke zelizwe;
69 Nangona kunjalo ubhishophu umele ukukhethwa akuBubingeleli obuKhulu, ngaphandle kokuba busisizukulwana sokwenene sika-Aron;
70 Kuba ngaphandle kokuba usisizukulwana sokwenene sika-Aron akanako ukuphatha izitshixo zobo bubingeleli.
71 Nangona kunjalo, umbingeleli omkhulu, oko kukuthi, emva kocwangco lukaMelkitsedeke, unokubizwa amiselwe bucala ekusebenzeni izinto zelizwe, enolwazi lwazo ngoMoya wenyaniso;
72 Kananjalo abe angumgwebi kwaSirayeli, enze umsebenzi webandla, ahlale ekugwebeni abakreqi ngobungqina njengoko buya kubekwa phambi kwakhe ngokwemithetho, ngoncedo lwabacebisi, azikhethele bona okanye aya kubakhetha phakathi kwabadala bebandla.
73 Lo ngumsebenzi kabhishophu ongesiso isizukulwana sokwenene sika-Aron, kodwa omiselwe kuBubingeleli obuKhulu emva kocwangco lukaMelkitsedeke.
74 Njalo uya kuba ngumgwebi, nkqu umgwebi oqhelekileyo phakathi kwabemi beZiyon, okanye kwiSteyki seZiyon, okanye nakulo naliphina isebe lebandla apho aya kusikelelwa bucala amiselwe kulo msebenzi, ide imida yeZiyon yandiswe kwaye kuba yimfuneko ukuba nabanye oobhishophu okanye abagwebi eZiyon okanye naphina.
75 Kwaye njengokuba kukho abanye oobhishophu abonyuliweyo baya kusebenza kwiofisi efanayo.
76 Kodwa isizukulwana sokwenene sika-Aron sinelungelo elisemthethweni kubumongameli bobu bubingeleli, aezitshixweni zalo msebenzi, sisebenze eofisini kabhishophu ezimeleyo, ngaphandle kwabacebisi, ngaphandle kwemeko apho uMongameli woBubingeleli obuKhulu, emva kocwangco lukaMelkitsedeke, izanyiwe, ihlale njengomgwebi kwaSirayeli.
77 Kwaye isigqibo sawo nawaphina sala maqumrhu, singqinelana nomyalelo othi:
78 Kwakhona, inene, ndithi kuni, owona ubaluleke kakhulu umsebenzi webandla, kwaye awona amatyala anzima ebandla, njengokuba kungekho koneliseka phezu kwesigqibo sikabhishophu okanye abagwebi, aya kugqithiselwa kwaye asiwe phezulu kwiqumrhu lebandla, phambi bkoBumongameli boBubingeleli obuKhulu.
79 Kwaye uBumongameli bequmrhu loBubingeleli obuKhulu siya kuba negunya lokubiza abanye ababingeleli abakhulu, nkqu abalishumi elinesibini, baze kuncedisa njengabacebisi; kwaye njalo uBumongameli boBubingeleli obuKhulu nabacebisi baso baya kuba negunya lokugqiba phezu kobungqina ngokunxulumene nemithetho yebandla.
80 Kwaye emva kwesi sigqibo akuyi kubakho nkumbulo nanini na phambi kweNkosi; kuba eli lelona qumrhu likhulu lebandla likaThixo, kwaye sisigqibo sokugqibela phezu kweempikiswano kwimiba yasemoyeni.
81 Akukho nawuphina umntu ongowebandla okhululekileyo kweli qumrhu lebandla.
82 Kwaye njengokuba uMongameli woBubingeleli obuKhulu eya kwenza isigqitho, uya kubanjelwa kwisikhumbuzo phambi kwequmrhu eliqhelekileyo lebandla, eliya kuncediswa ngabacebisi abalishumi elinesibini loBubingeleli obuKhulu;
83 Kwaye isigqibo sabo phezu kwentloko yakhe siya kuba sisiphelo sempikiswano ngokunxulumene naye.
84 Njalo, namnye oya kukhululwa aebulungiseni nasemithethweni kaThixo, ukuze zonke izinto zibe nokwenziwa ngocwangco nasesidimeni phambi kwakhe, ngokunxulumene nenyaniso nobulungisa.
85 Kwaye kwakhona, inene ndithi kuni, umsebenzi kamongameli phezu kweofisi ayomdikoni kukongamela phezu kwabadikoni abalishumi elinesibini, ahlale kwiqumrhu kunye nabo, bnokubafundisa imisebenzi yabo, behlaziyana omnye nomye, njengoko kunikiweyo ngokunxulumene eminqophisweni.
86 Kananjalo umsebenzi womongameli phezu kweofisi ayootitshala kukongamela phezu kwabangamashumi amabini anesine ootitshala, aze ahlale kwiqumrhu kunye nabo, abafundise imisebenzi yeofisi yabo, njengoko kunikiweyo neminqophiso.
87 Kanjalo umsebenzi womongameli phezu koBubingeleli buka-Aron kukongamela phezu akwababingeleli abangamshumi amane abasibhozo, aze ahlale kwiqumrhu kunye nabo, abafundise imisebenzi yeofisi yabo, njengoko kunikiweyo eminqophisweni—
88 Lo mongameli kumele ibe ayibhishophu; kuba lo ngomnye wemisebenzi yobu bubingeleli.
89 Kwakhona, umsebenzi womongameli phezu kweofisi ayabadala kukongamela phezu kweofisi yabadala kukongamela phezu kwabadala abangamashumi alithoba anesithandathu, aze ahlale kwiqumrhu kunye nabo, aze abafundise ngokweminqophiso.
90 Obu bumongameli bobahlukileyo kobo bobangamashumi asixhenxe, kwaye bulungiselelwe abo abangajikeleziyo kulo lonke ihlabathi.
91 Kwaye kwakhona, umsebenzi kaMongameli weofisi yoBubingeleli obuKhulu akukongamela phezu kwebandla lonke, aze afane bnoMoses—
92 Qaphelani, nabu ubulumko; ewe, abe ayimboni, bumtyhileli, umguquleli, cnomprofeti, enazo zonke dizipho zikaThixo azinikele phezu kwentloko yebandla.
93 Kwaye kungokunxulumene nombono obonisa ucwangco alwabangamaShumi aSixhenxe, ukuze babe noomongameli abasixhenxe abongamela phezu kwabo, bekhethwe kwinani labangamashumi asixhenxe;
94 Kwaye umongameli wesixhenxe waba mongameli umele ukongamela phezu kwesithandathu;
95 Kwaye aba mongameli basixhenxe bamele ukukhetha abanye abangamashumi asixhenxe ngaphandle kwabokuqala abangamashumi asixhenxe abangamalungu abo, kwaye bamele ukongamela phezu kwabo;
96 Kananjalo abanye abangamashumi asixhenxe, kude kube kasixhenxe okuphindwe kangamashumi asixhenxe, ukuba umsebenzi wemfuneko esidiliyeni ufuna oko.
97 Kwaye la mashumi asixhenxe aza kuba angabafundisi abajikelezayo, ukuya kwabeeNtlanga kuqala kananjalo kumaYuda.
98 Nangona amanye amagosa ebandla, engengawo amalungu abaLishumi elineSibini, engengawo nawabangamaShumi aSixhenxe, engekho phantsi koxanduva lokujikeleza phakathi kwazo zonke izizwe, kodwa ejikeleza njengoko iimeko zawo ziya kubavumela, nangona enokuba kwiiofisi eziphakamileyo nezinoxanduva ebandleni.
99 Ngako oko, ngoku vumelani indoda nganye ifunde aumsebenzi wayo, ize isebenze kwiofisi eyonyulelweyo, bngenkuthalo yonke.
100 Lowo aunobuvila akayi kubalelwa bekufanelekeni ukuma, aze lowo ungawufundiyo umsebenzi wakhe aze azibonakalise engavunyelwanga akayi kubalelwa ekufanelekeni ukuma. Nkqu kunjalo. Amen.