1 Pudno kunak kadakayo, maipanggep kadagiti kabsatyo a naparparigat, ken ^anaidadanes, ken ^bnapapanaw iti daga a tawidda—

2 Siak, ti Apo, impalubosko a seknan ida ti rigat, a ^anakaparigatanda, a gapu kadagiti ^bbasolda;

3 Ngem kukuakto pay la ida, ket ^akukuakto pay la ida iti dayta aldaw a yaaykonto a mangaramid kadagiti alahasko.

4 Ngarud, nasken a ^amadusa ken masubokda, a kas ken ni ^bAbraham, a nabilin a mangidaton iti kakaisuna nga anakna.

5 Ta aminto dagiti di makaibtur iti pannusa, ngem ^ailibakdak, saan a ^bmapasanto.

6 Adtoy, kunak kadakayo, adda panagsusubang, ken ^apanagsusupanget, ken ^bpanagiinnapal, ken panagriringgor, ken ^cpanaggagartem ken panagagum kadakuada; ngarud, rinugitanda dagiti tawidda babaen dagitoy a banag.

7 Nabuntogda a ^adimngeg iti timek ti Apo a Diosda; ngarud, nabuntog ti Apo a Diosda a dimngeg kadagiti kararagda, a mangsungbat kadakuada iti aldaw a panagparikutda.

8 Iti aldaw a kinatalingenngenda dida unay inkaskaso ti pammagbagak; ngem, iti aldaw a ^apanagparikutda, a panagkasapulanda ^bmariknadak.

9 Pudno kunak kadakayo, iti laksid ti basbasolda, umukuok ti ^aasik kadakuada. Diak ida basta ^bpapanawen; ket iti aldaw ti ^cpungtot laglagipek ti panangngaasi.

10 Nagkariak, ket naipakdaar ti paulog babaen ti sigud a bilin nga intedko kadakayo, a bay-ak nga agdisso ti ^aespada ti pungtotko para iti pagimbagan dagiti taok; ket kas nasaokon, mapasamakto.

11 Saanto a marukod ti maibukbok a pungtotko iti saanen a mabayag kadagiti amin a pagilian; ket aramidekto daytoy no ^anapunnon ti kopa ti kinadakesda.

12 Ket amin dagiti masarakan iti ^apagwanawanan iti dayta nga aldaw, wenno iti sabali a pannao, amin ti kukuak nga Israel, maisalakandanto.

13 Ket isuda a nasayyasayya ^amaummongdanto.

14 Ket amin dagiti ^analdaangan maliwliwadanto.

15 Ket amin dagiti nangted iti ^abiagda para iti naganko makoronaandanto.

16 Ngarud, bay-anyo a maliwliwa dagiti pusoyo maipanggep iti Zion; ta adda kadagiti ^aimak ti amin a lasag; agtalnakayo ket ^bammuenyo a siak ti Dios.

17 Saanto a maisin ti ^aZion iti lugarna, iti laksid ti pannakasayyasayya dagiti annakna.

18 Isuda a mabati, ken nadalus ti panagpuspusona, agsublidanto, ket umaydanto kadagiti ^atawidda, isuda ken dagiti annakda, a ^bmangikankanta iti agnanayon a rag-o, a ^cmangbangon kadagiti nadadael a lugar ti Zion—

19 Ket amin dagitoy a banag tapno maipatungpal dagiti propeta.

20 Ket, adtoy, awan ti sabali a ^alugar a naituding malaksid iti intudingko; wenno addanto sabali a lugar a maituding malaksid iti intudingko, para iti aramid a pakaummongan dagiti santok—

21 Agingga a dumteng ti aldaw nga awanen ti siled a para kadakuada; ket kalpasanna addanto dagiti lugar a pangitudingak kadakuada, ket maawagandanto iti ^aistaka, para kadagiti kurtina wenno pigsa ti Zion.

22 Adtoy, pagayatak, nga amin dagiti umawag iti naganko, ken agdaydayaw kaniak a maibatay iti agnanayon nga ebangheliok, nasken nga ^aaguummong, ken ^bagtakderda kadagiti nasantuan a lugar;

23 Ket saganaanda ti yaay ti paltiing, inton ti ^abelo nga abbong ti templok, iti tabernakulok, a nangilemmeng iti daga, maikkatto, ket ^bmakitadakto amin dagiti lasag a sangsangkamaysa.

24 Ket amin a ^amadadael a banag, tao man, wenno dagiti ayup iti talon, wenno dagiti tumatayab iti langit, wenno dagiti ikan iti baybay, nga agnaed iti amin a rabaw ti daga, ^bmadadaeldanto;

25 Ket kasta met a ^amarunawto iti nakaro a pudot dayta elemento; ket ^bmapabaronto amin a banag, tapno amin a pannakaammo ken ^cgloriak agtaengto iti intero a daga.

26 Ket iti dayta nga aldaw ti ^agura ti tao, ken ti gura dagiti ayup, wen, ti gura ti amin a lasag, ^bagkirpanto iti imatangko.

27 Ket iti dayta nga aldaw ania man a dawaten ti tao, maitedto kenkuana.

28 Ket iti dayta nga aldaw awanto ti bileg ni ^aSatanas a mangsulisog iti asino man a tao.

29 Ket awanto ti ^aleddaang gapu ta awan ti patay.

30 Iti dayta nga aldaw saanto a matay ti ^amaladaga agingga a lumakay; ket agbalinto ti biagna a kas iti edad ti kayo;

31 Ket inton matay saanto a maturog, a kayatna a sawen iti daga, ngem ^amabaliwanto iti apagkirem, ket ^bmaipangatonto, ket nagloriaanto ti panaginanana.

32 Wen, pudno kunak kadakayo, iti dayta ^aaldaw a yaayto ti Apo, ^bipalgaknanto amin a banag—

33 Dagiti banag a naglabas, ken dagiti banag a ^anailemmeng nga awan ti tao a nakaammo, dagiti banag ti daga, a nakaaramidanna, ken ti panggep ken ti nagbanagan daytoy—

34 Dagiti kapatgan a banag, dagiti banag nga adda iti ngato, ken dagiti banag nga adda iti baba, dagiti banag nga adda iti daga, ken iti rabaw ti daga, ken iti langit.

35 Ken amin dagiti nagsagaba iti ^apannakaidadanes para iti naganko, ken nagitured iti pammati, uray pay no maawaganda a mangpukaw iti biagda para iti ^bpagimbagak mairanuddanto latta kadagiti amin iti daytoy a gloria.

36 Gapuna, saankayo nga agbuteng uray pay iti ^apatay; ta saan a naan-anay ti rag-oyo iti daytoy a lubong, ngem naan-anay ti ^brag-oyo kaniak.

37 Ngarud, diyo aywanan ti bagi, wenno uray pay ti biag ti bagi; ngem aywananyo ti ^akararua, ken ti biag ti kararua.

38 Ket kanayon a ^asapulenyo ti rupa ti Apo, tapno iti ^bpanaganus matagikuayonto ti kararuayo, ket maaddaankayonto iti agnanayon a biag.

39 No maawagan dagiti tao iti ^aagnanayon nga ebangheliok, ket makitulag iti agnanayon a katulagan, maibilangda a kas ^basin ti daga ken ramen ti tattao;

40 Naawaganda a ramen ti tattao; ngarud, no mapukaw dayta nga asin ti ramenna, adtoy, awan ti kapaypay-anna no di maipuruak ket baddebaddeken dagiti tao.

41 Adtoy, nainsiriban daytoy a maipanggep kadagiti annak ti Zion, nga adu, ngem saan nga amin; nasarakan ida a managbasol, ngarud kasapulanda a ^amadusa—

42 Isu a ^amangitan-ok iti bagina maipababanto, ket ti ^bmangipakumbaba iti bagina maitan-okto.

43 Ket ita, pakitaankayo iti pangngarig, tapno ammoyo ti pagayatak maipanggep iti pannakasubbot ti Zion.

44 Adda maysa a ^amadaydayaw a tao nga addaan iti sangkadisso a daga, a talaga a napili; ket kinunana kadagiti katulonganna: Mapankayo iti ^bbangkagko, nga isu daytoy napili a sangkadisso a daga, ket mulaanyo iti sangapulo-ket-dua a kapuon nga olibo;

45 Ket mangtudingkayo iti ^aagbantay iti aglawlawda, ken mangbangonkayo iti torre, tapno adda pagyanan ti mangwanawan iti daga iti aglawlaw, nga agbalin a para bantay iti torre, tapno saan a mapuri dagiti pinuon ti olibok no umayto dagiti kabusor a mangdadael ken agpuros iti bunga iti bangkagko.

46 Ita, napan dagiti katulongan ti madaydayaw a tao ket inaramidda ti imbilin ti amoda kadakuada, ket immulada dagiti pinuon ti olibo, ken nagimulada iti mulmula a pannakaalad iti aglawlaw, ken nangtudingda iti agbantay, ket rinugianda ti nangbangon iti torre.

47 Ket bayat ti panagikabilda iti pamuon sadiay, rinugianda ti nagkuna iti bagbagida: Ania ti pakasapulan ti Apok iti daytoy a torre?

48 Ket inimtuodda iti napaut, a kinunada iti bagbagida: Ania ti pakasapulan ti Apok iti daytoy a torre, idinto a panawen daytoy ti kappia?

49 Saan ngata a maited daytoy a kuarta kadagiti agpaspasukat? Ta saan a kasapulan dagitoy a banag.

50 Ket bayat ti panaggigidiat ti kapanunotanda iti tunggal maysa nagbalinda a nasadut unay, ket saanda a dimngeg kadagiti bilin ti apoda.

51 Ket dimteng ti kabusor iti rabii, ket dinadaelda dagiti ^amulmula a pannakaalad; ket nakariing dagiti katulongan ti madaydayaw a tao ket napabutnganda, ket naglibasda; ket dinadael ti kabusor dagiti aramidda, ken pinukanda dagiti pinuon ti olibo.

52 Ita, adtoy, ti madaydayaw a tao, ti apo iti bangkag, inawaganna dagiti katulonganna, ket kinunana kadakuada, Apay! ania ti gapu daytoy nakaro a kinadakes?

53 Nalabit a diyo inaramid dagiti imbilinko kadakayo, ket—kalpasan ti panagmulayo iti bangkag, ket nakapagmulakayon iti pannakaalad iti aglawlaw, ken nangtuding iti agbantay kadagiti pader idiay—binangonyo met ti torre, ken nangtudingkayo iti agwanawan iti torre, ken nagbantay iti bangkagko, ken saan a nakaturog, wenno rautennakayo ti kabusor?

54 Ket adtoy, nalabit a nakita ti agbantay iti torre ti kabusor idi adayo pay; ket nakapagsaganakayo koma ket napengdanyo ti kabusor a nangdadael kadagiti mula a pannakaalad, ket naisalakanyo koma ti bangkagko kadagiti ima ti manangdadael.

55 Ket kinuna ti apo ti bangkag iti maysa kadagiti katulonganna: Mapanka ket ummongem dagiti nabati kadagiti katulongak, ket alaem amin dagiti ^apanuli iti balayko, nga isu dagiti mannakigubatko, dagiti agtutubok, ken dagiti agkabannuag pay kadagiti amin a katulongak, nga isuda ti panuli iti balayko, malaksid dagiti tinudingak nga agbati;

56 Ket mapankayo a dagus iti daga a bangkagko, ket subbotenyo ti bangkagko; ta kukuak; ginatangko iti kuarta.

57 Ngarud, mapankayo a dagus iti dagak; rebbaenyo dagiti pader dagiti kabusorko; rebbekenyo ti torreda, ken warawaraenyo dagiti agbambantayda.

58 Ket no aguummongda a sumaranget kadakayo, ^aibalesdak kadagiti kabusorko, tapno iti saan a mabayag kaduak dagiti nabati iti balayko a mangtagikua iti daga.

59 Ket kinuna ti katulongan iti apona: Kaanonto a mapasamak dagitoy a banag?

60 Ket kinunana iti katulonganna: Inton pagayatak; mapankan, ket aramidem amin a banag nga imbilinko kenka;

61 Ket daytoyto ti pangpatalged ken bendisionko kenka—napudno ken ^amasirib nga agaywan iti balayko, ti ^bagturay iti pagariak.

62 Ket napan a dagus ti katulonganna, ket inaramidna amin a banag nga imbilin kenkuana ti apona; ket natungpal amin a banag ^akalpasan ti adu nga aldaw.

63 Manen, pudno kunak kadakayo, ipakitakto kadakayo ti kapanunotak maipanggep kadagiti amin a simbaan, no la ketdi siaayatda a paiwanwan iti umno ken umisu a wagas a para iti pannakaisalakanda—

64 Tapno agtultuloy ti aramid a panangummong dagiti santok, tapno mabukelko ida babaen ti naganko kadagiti ^anasantuan a lugar; ta dimtengen ti panawen a ^bpanagani, ket naskenen a ^cmatungpal ti balikasko.

65 Ngarud, masapul nga ummongek dagiti taok, a maibatay iti pangngarig ti trigo ken ^aruruot, tapno natalged ti trigo iti pagidulinan a maaddaan iti agnanayon a biag, ken makoronaan iti ^bcelestial a gloria, inton umayak iti pagarian ti Amak a manggunggona iti tunggal tao a maibatay iti aramidnanto;

66 Bayat ti pannakareppet dagiti ruot, ket nalagda dagiti reppetda, tapno ^amapuoranda iti di masebseban nga apuy.

67 Ngarud, mangtedak iti bilin kadagiti amin a simbaan, nga ituloydanto ti aguummong kadagiti lugar nga intudingko.

68 Nupay kasta, kas kinunak kadakayo iti napalabas a bilinko, saan koma a dinadaras ti ^apanaguummongyo, wenno iti ipapanaw; ngem isaganayo koma amin a banag.

69 Ket tapno maisaganayo amin a banag, tungpalenyo ti bilin nga intedko kadakayo maipanggep kadagitoy a banag—

70 A nagkuna, wenno nangisuro, iti ^apannakagatang amin dagiti daga babaen ti kuarta, a mabalin a magatang iti kuarta, iti disso iti aglawlaw ti daga nga intudingko a daga ti Zion, para iti pakairugian ti panaguummong dagiti santok;

71 Amin dagiti daga a mabalin a magatang iti ili ti Jackson, ken dagiti ili iti aglawlaw, ket mabati dagiti nabati iti imak.

72 Ita, pudno kunak kadakayo, paurnongyo kadagiti amin a simbaan ti amin a kuartada; maaramid koma dagitoy a banag iti panawenda, ngem saan a ^adinadaras; ket kitaenyo a maisagana amin a banag kadakayo.

73 Ket tudinganyo amin a mararaem a tao, uray pay dagiti masirib a tao, ket ibaonyo ida a manggatang kadagitoy a daga.

74 Ken dagiti simbaan kadagiti pagilian iti dumaya, inton mabangonda, no dumngegdanto iti daytoy a pammagbaga makagatangda iti dagdaga ket aguummongda kadagitoy; ket mabangonda ti Zion babaen ti kastoy a wagas.

75 Adda itan umdas nga urnong, wen, a nasursurok payen, a pangsubbot iti Zion, ken mangbangon kadagiti nadadael a lugarna, awanen ti madadael, dagiti simbaan, a nangipanagan iti bagbagida kaniak, a ^asitatallugod a dumngeg iti timekko.

76 Ket kunak manen kadakayo, dagiti sinayyasayya dagiti kabusorda, kayatko nga ipakaasida ti mangabaruanan, ken masubbot, babaen dagiti ima dagiti naipatugaw nga agturay ken addaan iti turay kadakayo—

77 A maibatay kadagiti paglintegan ken ^apagalagadan dagiti tao, nga impalubosko a mabukel, ken nasken a mapagtalinaed para kadagiti ^bkalintegan ken kalasag ti amin a lasag, a maibatay iti nainkalintegan ken nasantuan a pagbatayan;

78 Tapno agtignay ti tunggal tao iti doktrina ken pagbatayan a maipanggep iti masakbayan, a maibatay iti nadalus a kasasaad ti ^akinawaya nga agpili nga intedko kenkuana, a ^bsungbatanto ti tunggal tao ti basolna iti aldaw a ^cpanangukom.

79 Ngarud, saan nga umno a maikappeng ti asino man a tao iti sabali.

80 Ket daytoy a gagem ti nangbukel iti ^aPagalagadan daytoy a daga, babaen dagiti ima dagiti masirib a tao a binukelko para iti daytoy a gagem, ket sinubbotko ti daga babaen ti ^bpanagsayasay ti dara.

81 Ita, anianto ti pangyarigak kadagiti annak ti Zion? Yarigkonto ida iti ^apangngarig ti babai ken ti saan a nalinteg nga ukom, ta nasken koma a kanayon nga ^bagkararag dagiti tao ket saan a maupay, nga agkuna—

82 Adda idi ukom iti maysa a siudad a saan a nagbuteng iti Dios, wenno nangibilang iti tao.

83 Ket adda balo iti dayta a siudad, ket immasideg kenkuana, a kinunana: Ibalesnak iti kabusorko.

84 Ket saan a dimngeg a dagus, ngem kinunana iti bagina kalpasanna: Iti diak panagbuteng iti Dios, wenno panangibilang iti tao, nupay kasta iti panangriribuk kaniak daytoy a balo ibalesko, no saan kanayonnakto nga umay riribuken.

85 Kastanto ti pangyarigak kadagiti annak ti Zion.

86 Pagpakpakaasienyo ida iti sakaanan ti ukom;

87 Ket no dina ida imdengan, pagpakpakaasienyo ida iti sakaanan ti gobernador;

88 Ket no saan ida nga imdengan ti gobernador, pagpakpakaasienyo ida iti sakaanan ti presidente;

89 Ket no saan ida nga imdengan ti presidente, isunton ti ibabangon ti Apo ket rummuar iti ^apaglemlemmenganna a lugar, ket singaen ti pungtotna ti pagilian;

90 Ket iti dina pannakaay-ayo, ken iti nakaro a pungtotna, iti panawenna, pukawennanto dagiti nadangkes, saan a napudno, ken saan a maikari nga ^aagaywan, ket ilaokna ida kadagiti managinkukuna, ken ^bsaan a mamatpati;

91 A kas iti ruar a kasipngetan, a yan dagiti ^aagsangsangit, ken agan-anug-og, ken agngarngariet.

92 Agkararagkayo, ngarud, tapno maluktan dagiti lapayagda kadagiti ararawyo, tapno ^amaasianak kadakuada, tapno saan a dumteng kadakuada dagitoy a banag.

93 Nasken a mapasamak dagiti nasaok kadakayo, tapno mabati amin a tao nga awan ti ^apambar;

94 Tapno mangngeg ken maammuan dagiti masirib a tao ken dagiti agturay dayta saanda nga ^aimpangag;

95 Tapno maituloyko nga ipatungpal ti panggepko, ti ^akarkarna a panggepko, ket maaramidko ti trabahok, ti karkarna a trabahok, tapno ^bmapagdasig dagiti tao ti paggidiatan dagiti nalinteg ken dagiti nadangkes, kinuna ti Diosyo.

96 Ket manen, kunak kadakayo, maisuppiat iti bilinko ken iti pagayatak nga ilako ni katulongak a Sidney Gilbert ti ^apagidulinak, nga intudingko kadagiti taok, kadagiti ima dagiti kabusorko.

97 Di koma maipalubos a rugitan dagiti kabusorko ti tinudingak, babaen ti pammalubos dagiti ^amangawag iti bagbagida iti naganko;

98 Ta nakasasaem ken nakaro unay daytoy a basol a maibusor kaniak, ken maibusor kadagiti taok, a bunga dagiti banag nga impaulogko ken mapasamakton kadagiti pagilian iti mabiit.

99 Ngarud, pagayatak a nasken a tuntonen dagiti taok, ken ganetgetanda a tuntonen ti intudingko kadakuada, uray pay no saanda a nasken a mapalubosan nga agindeg sadiay.

100 Nupay kasta, diak ibaga a saandanto nga agindeg sadiay; ta no la ketdi mangidatagda iti bunga ken ar-aramid a mainugot iti pagariak makapagindegdanto sadiay.

101 Mangbangondanto, ket saanto a ^amatawid ti sabali; mulaandanto dagiti bangkag, ket kanendanto dagiti apitenda dita. Pudno a kasta. Amen.