Dagiti Nasantuan a Kasuratan
Doktrina ken Katulagan 10


Benneg 10

Paltiing a naited ken ni Joseph Smith a Propeta, iti Harmony, Pennsylvania, idi kalgaw ti 1828 (History of the Church, 1:20–23). Ipakaammo ditoy ti Apo ken ni Joseph ti panangbalbaliw nga inaramid dagiti nadangkes a lallaki iti 116 a panid ti manuskrito manipud iti pannakaipatarus ti Libro ni Lehi, iti Libro ni Mormon. Napukaw dagitoy a pinanid ti manuskrito manipud iti ikut ni Martin Harris, a nakaitalkan dagiti binulong iti saan a manayon a panawen. (Kitaen ti paulo ti benneg 3.) Ti dakes a panggep isu ti pannakayuray ti manamnama a pannakabaliw ti pannakaipatarus kadagiti banag a linaon dagiti natakaw a panid sa kalpasanna matagibassit ti nangipatarus babaen ti panangipakita kadagiti paggigidiatan a pinataud ti panangbalbaliw. A daytoy nadangkes a panggep ininaw ti dakes, ket naammuan ti Apo uray pay idi yab-ababa ni Mormon, ti nagkauna a Nephite a mannarita iti napalabas, dagiti naurnong a pinanid, a makita iti Libro ni Mormon (kitaen ti Dagiti Balikas ni Mormon 1:3–7).

1–26, Sugsogan ni Satanas dagiti nadangkes a tao a mangsuppiat iti aramid ti Apo; 27–33, Kayatna a dadaelen dagiti kararua dagiti tao; 34–52, Mapan ti ebanghelio kadagiti Lamanite ken kadagiti amin a pagilian babaen ti Libro ni Mormon; 53–63, Bangonen ti Apo ti Simbaanna ken ti ebangheliona kadagiti tao; 64–70, Ummongenna dagiti agbabawi iti Simbaanna ken isalakanna dagiti natulnog.

1 Ita, adtoy, kunak kenka, a gapu iti panangyawatmo kadagidiay a sinurat a nakaawatam iti bileg a mangipatarus babaen ti aUrim ken Tumim, kadagiti ima dagiti bnadangkes a tao, napukawmo ida.

2 Kasta met a napukawmo ti sagutmo iti dayta met la a kanito, ket limmidem ti apanunotmo.

3 Nupay kasta, anaisubli manen ita kenka; ngarud penkem a napudnoka ket ituloymo agingga a malpas dagiti nabati nga ipatarus a narugiamon.

4 Saanka nga agtaray iti anaparpardas wenno agtrabaho iti ad-adu ngem iti bkabaelam ken pamuidan a napaadda tapno makaipataruska; ngem cagreggetka agingga iti panungpalan.

5 Kanayon nga aagkararagka, tapno agballigika; wen, tapno maparmekmo ni Satanas, ken tapno malibasam dagiti ima dagiti katulongan ni Satanas a nangitandudo iti aramidna.

6 Adtoy, pinanggepdaka a adadaelen; wen, uray pay ti btao a tinalekmo pinanggepnaka a dadaelen.

7 Ket gapu iti daytoy kunak a nadangkes a tao, ta pinanggepna nga ipanaw dagiti banag nga intalekmo; ken kasta met a pinanggepna a dadaelen ti sagutmo.

8 Ket gapu ta inyawatmo dagiti sinurat kadagiti imana, adtoy, naala kenka dagiti nadangkes a tao.

9 Ngarud, inyawatmo ida, wen, dayta a sagrado, iti kinadangkes.

10 Ket, adtoy, immuntar ni aSatanas iti puspusoda a mangbalbaliw kadagiti balikas a kinayatmo a maisurat, wenno maipatarus, a nayadayo kadagiti imam.

11 Ket adtoy, kunak kenka, a gapu iti panangbalbaliwda kadagiti balikas, basaenda a maisuppiat iti dayta impatarusmo ken kinayatmo a maisurat;

12 Ket, gapu iti daytoy, pinanggep ti sairo ti mangibaskag iti manangallilaw a panggep, tapno madadaelna daytoy nga aramid;

13 Ta impempenna iti puspusoda a mangaramid iti daytoy, a babaen ti panagulbodda makunada a anatiliwandaka kadagiti balikas a nagpammarangam nga ipatarus.

14 Pudno, kunak kenka, a diak ipalubos a maipatungpal ni Satanas ti dakes a panggepna iti daytoy a banag.

15 Ta adtoy, immulana iti puspusoda a guyugoyendaka a mangsulisog iti Apo a Diosmo, iti panangdawatmo nga ipatarus manen.

16 Kalpasanna, adtoy, kunada ken panunotenda iti puspusoda—Kitaentayonto no inikkan isuna ti Dios iti bileg a mangipatarus; no kasta, ikkannanto pay iti bileg manen;

17 Ket no ikkan manen ti Dios iti bileg, wenno no agipatarus manen, wenno, iti sabali a pannao, no ipakitana dagiti isu met laeng a balikas, adtoy, isu met laeng ti adda kadatayo, ket nabaliwantayon ida;

18 Ngarud saanda nga umannugot, ket kunatayo a nagulbod kadagiti balikasna, nga isu ket awanan iti sagut, ken awan ti bilegna;

19 Ngarud dadaelentayonto isuna, ken kasta met ti aramid; ket aramidentayo daytoy tapno saantayonto a maibabain iti ud-udina, ken tapno makagun-odtayo iti dayaw iti lubong.

20 Pudno, pudno, kunak kenka, a nairut ti petpet ni Satanas iti puspusoda; asinugsoganna ida nga bagbasol a maibusor iti nasayaat;

21 Ket adakes ti puspusoda, ken bnapno iti kinadangkes ken makarimon nga aramid; ken ad-adda nga cayatenda ti dsipnget ngem ti lawag, gapu ta dakes dagiti earamidda; ngarud didakto pagdamagan.

22 Sinugsogan ida ni aSatanas, tapno bmaiturongna dagiti kararuada iti pannakadadael.

23 Ket kasta ti panangipakatna iti nasikap a gagemna, a pampanunotenna a dadaelen ti aramid ti Dios; ngem sapulek daytoy kadagiti imada, ket agballatekto iti pakaibabainan ken pakakednganda inton aldaw ti apanangukom.

24 Wen, sinugsoganna ti puspusoda a manggura iti daytoy nga aramid.

25 Wen, kinunana kadakuada: Mangallilaw ken agulbodkayo nga aguray iti tiliwen, tapno madadaelyo; adtoy, saan a makadangran daytoy. Ket kasta ti panangpatpatiray-okna kadakuada, ket imbagana kadakuada a saan a basol ti aagulbod tapno matiliwda ti tao iti panagulbod, tapno madadaelda daytoy.

26 Ket kasta ti panangpatpatiray-okna kadakuada, ket aidauluanna ida agingga nga ulodenna dagiti kararuada nga ipisok iti bimpierno; ket kasta ti aramidenna kadakuada a mangtiliw iti bagbagida iti bukodda a cpalab-og.

27 Ket kasta ti ingangato ken ibababana, nga aagsublisubli iti daga, a manggamgam a bmangdadael kadagiti kararua ti tattao.

28 Pudno, pudno, kunak kenka, ay-ayto pay ti agulbod a amangallilaw gapu ta ipagarupna nga agulbod ti sabali a mangallilaw, ta saan a mailaksid dayta iti blinteg ti Dios.

29 Ita, adtoy, binaliwanda dagitoy a balikas, gapu ta imbaga kadakuada ni Satanas: Inallilawnakayo—ket kasta ti panangpatpatiray-okna kadakuada nga agaramid iti basol, a mangyabog kenka a amangsulisog iti Apo a Diosmo.

30 Adtoy, kunak kenka, a saanmon nga ipatarus dagidiay balikas a napukaw manipud kadagiti imam;

31 Ta, adtoy, saandanto a maipatungpal dagiti dakes a gagemda iti panagulbodda a maibusor kadagidiay a balikas. Ta, adtoy, no pataudem koma dagiti isu met laeng a balikas ibagada a nagulbodka ken nagpammarangka a mangipatarus, ngem binalusingsingmo met la ti bagim.

32 Ket, adtoy, ipablaakdanto daytoy, ket patangkenento ni Satanas ti puspuso dagiti tao a pangsugsogna kadakuada a manggura kenka, tapno dida mamati kadagiti balikasko.

33 Kasta ti panangpanunot ni aSatanas a mangparmek iti pammaneknekmo iti daytoy a kaputotan, tapno saan a makadanon ti aramid iti daytoy a kaputotan.

34 Ngem adtoy, daytoy ti sirib, ket gapu ta impakitak kenka ti asirib, ket binilinka maipanggep kadagitoy a banag, ti aramidem, dimo ipakita iti lubong agingga a maiwakasmo ti aramid a panangipatarus.

35 Dika masdaaw iti panagkunak kenka: Daytoy ti sirib, dimo ipakita iti lubong—ta kinunak, dimo ipakita iti lubong, tapno mataginayonka.

36 Adtoy, diak ibaga a dimo ipakita kadagiti nalinteg;

37 Ngem kas iti di kanayon a panangeddeng kadagiti analinteg, wenno kas iti di kanayon a pannakaibagayo kadagiti nadangkes kadagiti nalinteg, ngarud kunak kenka, timbengem ti briknam agingga a makakitaak iti maikari a mangipakaammo iti lubong kadagiti amin a banag a maipanggep iti daytoy.

38 Ket ita, pudno kunak kenka, a naikitikit ti pakaammuan kadagiti abanag nga insuratmo, a napukaw kadagiti imam, kadagiti bpinanid ni Nephi;

39 Wen, ken malagipmo a nasao kadagidiay a sinurat a nalawlawag a pakaammuan kadagitoy a banag ti naited kadagiti pinanid ni Nephi.

40 Ket ita, gapu ta nalawlawag ti pakaammuan a naikitikit kadagiti pinanid ni Nephi maipanggep kadagiti banag nga, iti siribko, idanonko kadagiti tao iti kastoy a panangipakaammo—

41 Ngarud, ipatarusmonto dagiti naikitikit kadagiti apinanid ni Nephi, amin agingga a madanonmo ti panagturay ni Ari Benjamin, wenno agingga a madanonmo dayta nga impatarusmo, nga imbatim;

42 Ket adtoy, ipablaakmonto a kas kasuratan ni Nephi; ket kasta ti panangtikawko kadagiti nangbalbaliw kadagiti balikasko.

43 Diakto ipalubos a dadaelenda ti aramidko; wen, ipakitakto kadakuada a nabilbileg ti siribko ngem iti panangballaibo ti sairo.

44 Adtoy, bassit laeng ti naalada, wenno ti nakayababaan ti pakaammo ni Nephi.

45 Adtoy, adu a banag ti naikitikit kadagiti pinanid ni Nephi a mangiturong iti daddadakkel a panirigan iti ebangheliok; ngarud, nainsiriban kaniak a nasken nga ipatarusmo daytoy umuna a paset dagiti kinitikitan ni Nephi, ket iramanmo iti daytoy nga aramid.

46 Ket, adtoy, amin a nabati iti daytoy nga aaramid linaonna amin a paset ti bebangheliok a ctinarigagayan dagiti nasantuan a propetak, wen, ken uray pay dagiti disipulok, kadagiti kararagda a makadanon kadagitoy a tao.

47 Ket kinunak kadakuada, a nasken a amaited kadakuada a maibatay iti bpammatida kadagiti kararagda;

48 Wen, ket daytoy ti pammatida—a ti ebangheliok, nga intedko kadakuada tapno bareng ikasabada kadagiti aldawda, bareng makadanon kadagiti kabsatda a aLamanite, ken kasta met amin kadagiti nagbalin a Lamanite gapu iti isusuppiatda.

49 Ita, saan la a dagitoy—ti pammatida kadagiti kararagda isu ti pannakaipakaammo met koma daytoy nga ebanghelio, no mabalin a tagikuaen met dagiti sabali a pagilian daytoy a daga;

50 Ket kasta ti panangibatida iti pammendision iti daytoy a daga kadagiti kararagda, nga asino man a mamati iti daytoy nga ebanghelio iti daytoy a daga mabalin a maaddaan iti agnanayon a biag;

51 Wen, tapno mabalin a nawaya iti amin kadagiti ania man a pagilian, kakabsat, pagsasao, wenno tattao a pakaibilanganda.

52 Ket ita, adtoy, maibatay iti pammatida kadagiti kararagda ti pangipakaammuakto kadagiti taok daytoy a paset ti ebangheliok. Adtoy, diak yeg daytoy a mangdadaelto kadagiti naawatdan, ngem tapno mangbukel.

53 Ket daytoy ti gapuna a kinunak: No saan a patangkenen daytoy a kaputotan ti puspusoda, ibangonkonto ti simbaanko kadakuada.

54 Ita diak ibaga daytoy a pangdadael iti simbaanko, ngem ibagak daytoy a pangbangonko iti simbaanko;

55 Ngarud, saan a nasken nga aagbuteng ti asino man a maibilang iti simbaanko, ta isunto ti bagtawid iti cpagarian ti langit.

56 Ngem dagitinto saan nga aagbuteng kaniak, wenno agtungpal kadagiti bilinko ngem agbangonda ketdi kadagiti bsimbaan a cmangpabaknang kadakuada, wen, ken amin dagidiay agaramid iti dinadangkes ken agbangon iti pagarian ti sairo—wen, pudno, pudno, kunak kenka, nga isudanto ti riribukek, ken pagarigenggenek ken dayyegek iti tengnga.

57 Adtoy, siak ni Jesucristo, ti aAnak ti Dios. Immayak iti bukbukodko, ket awan ti nangawat kaniak.

58 Siak ti asilaw nga agrimat iti kasipngetan, ket saan a naawatan ti kasipngetan.

59 Siak ti nagkuna—Adda asabali a bkarnerok nga awan iti daytoy nga ikub—kadagiti disipulok, ket adu ti saan a cnakaawat kaniak.

60 Ket ipakitakto kadagitoy a tao nga adda sabali a karnerok, nga isuda ti sanga ti abalay ni Jacob;

61 Ket paglawagekto dagiti nakaskasdaaw nga aramidda, nga inaramidda iti naganko;

62 Wen, ken paglawagekto met ti ebangheliok a naisuro kadakuada, ken, adtoy, saandanto a tallikudan dayta inawatyo, ngem bangonendanto ketdi, ket ipalawagdanto dagiti pudno a turongen ti adoktrinak, wen, ken ti kakaisuna a doktrina nga adda kaniak.

63 Ket aramidek daytoy ta bareng no maipasdekko ti ebangheliok, tapno awan ti nakaro unay a panagsusupanget; wen, sugsugan ni aSatanas ti puspuso dagiti tao nga bagsusupanget maipanggep kadagiti turongen ti doktrinak; ket agbiddutda kadagitoy a banag, ta cballikugenda dagiti nasantuan a kasuratan ket saanda a maawatan dagitoy.

64 Ngarud, luktak kadakuada daytoy naindaklan a kinadatdatlag;

65 Ta, adtoy, aummongek ida a kas pamusian a mangurnong kadagiti piekna iti sirok dagiti payakna, no saanda a patangkenen dagiti pusoda;

66 Wen, no umaydanto, mabalinda, ket siwawayada a makiranud iti adanum ti biag.

67 Adtoy, daytoy ti doktrinak—-asino man nga agbabawi ket aumasideg kaniak, isu met laeng ti bsimbaanko.

68 Asino man a amangirakurak iti ad-adu wenno basbassit ngem iti daytoy, saan a para kaniak, ngem bmaibusor kaniak; ngarud saan a para iti simbaanko.

69 Ket ita, adtoy, asino man nga adda iti simbaanko, ket makapagibtur iti simbaanko agingga iti panungpalan, ipatakderkonto iti abatok, ket saan nga agballigi ti bruangan ti impierno a mangallukoy kadakuada.

70 Ket ita, laglagipem dagiti balikas ti biag ken asilaw ti lubong, ti Mannubbotmo, ti bApom ken ti Diosmo. Amen.