Dagiti Nasantuan a Kasuratan
Doktrina ken Katulagan 1


Ti Doktrina ken Katulagan

Benneg 1

Paltiing a naited babaen ni Joseph Smith a Propeta, bayat ti naisangsangayan a taripnong dagiti elder ti Simbaan, a naangay iti Hiram, Ohio, idi 1 ti Nobiembre 1831 (History of the Church, 1:221–224). Adu a paltiing ti naawat manipud iti Apo sakbay daytoy a panawen, ket ti pannakailista dagitoy tapno maipablaak iti libro ti maysa kadagiti kangrunaan a naanamongan iti dayta a taripnong. Buklen daytoy a benneg ti pakauna ti Apo kadagiti doktrina, dagiti katulagan, ken dagiti bilin a naited iti daytoy a dispensasion.

1–7, Agpaay iti amin a tao ti timek a pammallaag; 8–16, Umuna a mapasamak ti ikakalilis ken ti kinadangkes sakbay ti Maikadua a Yaay; 17–23, Naawagan ni Joseph Smith a mangisubli iti daga kadagiti kinapudno ken bileg ti Apo; 24–33, Dimteng ti Libro ni Mormon ket nabangon ti pudno a Simbaan; 34–36, Mapukawto ti kappia iti daga; 37–39, Sukimaten dagitoy a bilin.

1 Dumngegkayo, O dakayo a tattao ti asimbaanko, kinuna ti timekna isu nga agindeg iti ngato, ken isu a naiturong dagiti bmatana kadagiti amin a tao; wen, pudno kunak: cDumngegkayo dakayo a tattao iti adayo; ken dakayo nga adda kadagiti puro iti baybay, dumngegkayo amin.

2 Ta pudno nga agpaay iti amin a tao ti atimek ti Apo, ket bawan ti makalibas; ken awan ti mata a di makakita, wenno lapayag a di makangngeg, wenno cpuso a di matukod.

3 Ket dagiti anasukir seknanto ti nakaro a leddaang; ta ti basbasolda bmaipukkawto iti tuktok dagiti balay, ken maibutaktakto dagiti nalimed nga aramidda.

4 Ket agpaayto iti amin a tao ti atimek a pammallaag, nga agtaud kadagiti ngiwat dagiti disipulok, a pinilik kadagitoy bmaudi nga aldaw.

5 Ket mapandanto ken awanto ti mabati kadakuada, ta siak nga Apo ti nangbilin kadakuada.

6 Adtoy, daytoy ti aturayko, ken ti turay dagiti katulongak, ken ti pakaunak iti libro dagiti bilinko, nga intedko a bmaipablaak kadakayo, O dakayo nga agindeg iti daga.

7 Gapuna, aagbuteng ken mamigergerkayo, O dakayo a tao, ta siak nga Apo ania man nga impaulogko kadakuada bmatungpalto.

8 Ket pudno kunak kadakayo, nga isuda a mapan, a mangipakaammo kadagitoy naimbag a damag kadagiti agindeg iti daga, naited kadakuada ti bileg a amamaglantip iti daga ken iti langit, kadagiti saan a mamatpati ken dagiti bnasukir;

9 Wen, pudno, ti mangisagana kadakuada agingga iti aldaw a pannakaibukbok ti apungtot ti Dios kadagiti bnadangkes nga awan katimbengna—

10 Agingga iti aaldaw a yaayto ti Apo a bmanggunggona iti tunggal tao a maibatay iti caramidna, ken dmangrukod iti tunggal tao a maibatay iti rukod a pinangrukodna iti padana a tao.

11 Gapuna adda ti timek ti Apo kadagiti suli ti daga, tapno amin a dumngeg mangngegda:

12 Isaganaanyo, isaganaanyo dayta dumteng, ta asidegen ti Apo;

13 Ken nagangtanen ti apungtot ti Apo, ken napaslep iti langit ti bespadana, ket agdissonto kadagiti agindeg iti daga.

14 Ket maipakitanto ti atakiag ti Apo; ket dumtengto ti aldaw a dagiti saan a bdumngeg iti timek ti Apo, wenno ti timek dagiti katulonganna, wenno cmangtimud kadagiti balikas dagiti propeta ken apostol, dmaisinanto kadagiti tao;

15 Ta aimmadayoda manipud kadagiti bordinansak, ken clinabsingda ti dagnanayon a katulagak;

16 Dida asinapul ti Apo iti panangbangonda iti kinalintegna, ngem nagna ti tunggal tao iti bbukodna a cdana, ken iti dkalanglanga ti diosna, a ti langana ket kalanglanga ti lubong, ken ti kaipapananna ket kas iti didiosen, a elumakay ken mapukawto iti Babilonia, uray pay ti dakkel a fBabilonia, a marpuogto.

17 Gapuna, siak nga Apo, iti pannakaammok iti didigra a dumtengto kadagiti aagindeg iti daga, inawagak ti katulongak a ni Joseph Smith, Jun., ket kinasaok manipud iti langit, ken binilinko;

18 Ken kasta met a binilinko dagiti dadduma, a nasken nga ipakdaarda dagitoy a banag iti lubong; ken amin dagitoy a matungpalto, nga insurat dagiti propeta—

19 Dumtengto dagiti anakapsut a banag iti lubong ket parmekenda dagiti maingel ken napigsa, tapno saan a mabagbagaan ti tao ti padana a tao, wenno bagtalek iti nainlasagan a takiag—

20 Ngem tapno mabalin ti tunggal tao ti aagsao iti nagan ti Dios nga Apo, nga isu ti Mangisalakan iti lubong;

21 Tapno agsaknap met ti pammati iti daga;

22 Tapno maipasdek ti agnanayon a akatulagak;

23 Tapno aipakdaar dagiti bnalupoy ken nanumo ti pakabuklan ti cebangheliok agingga kadagiti suli ti lubong, ken kadagiti ari ken agturay.

24 Adtoy, siak ti Dios ket nasaokon; abilinko dagitoy, ket naited kadagiti katulongak iti baet ti kinalupoyda, babaen ti bpagsasaoda, tapno cmaawatanda.

25 Ket maammuan no bilang ta agbiddutda;

26 Ket maisuroda no sapulenda ti akinasirib;

27 Ket amadusada no nagbasolda, tapno bagbabawida;

28 Ket agbalinda a napigsa no aagpakumbabada, ket maparaburanda manipud iti ngato, ket masansan nga umawatda iti bpannakaammo.

29 Ket kalpasan ti pannakaawat iti Kasuratan dagiti Nephite, wen, uray pay ti katulongak a ni Joseph Smith, Jun., maaddaan iti bileg a mangipatarus babaen ti kaasi ti Dios, babaen ti bileg ti Dios, iti aLibro ni Mormon.

30 Ken kasta met dagiti nakaitedan dagitoy a bilin, maaddaanda iti abileg a mangibaskag iti pamuon daytoy a bsimbaan, ken mangwayawaya iti di pannakaaw-awat ken iti ckasipngetan, iti kakaisuna a pudno ken nabiag a dsimbaan iti rabaw ti sangabukel a daga, a siak, ti Apo, emapagustuan unay, no ti pakabuklan ti simbaan ti masasao a saan ketdi a saggaysa—

31 Ta siak nga Apo diak kitaen ti abasol a di mangted iti uray no kabassitan a pawayway;

32 Nupay kasta, amapakawan ti agbabawi ken mangaramid kadagiti bilin ti Apo;

33 Ket isu a di aagbabawi, bmaalanto kenkuana uray ti silaw a naawatnan; ta saan nga agnanayon a ckatakunaynay ti dEspirituk ti tao, kinuna ti Apo ti Pangen.

34 Ket manen, pudno kunak kadakayo, O agindeg iti daga: Siak nga Apo siaayat a mangipakaammo kadagitoy a banag iti aamin a lasag;

35 Ta awan ti aidumdumak a tao, ket kayatko a maammuan ti amin a tao a napardas ti idadateng ti baldaw; saan pay nga oras, ngem magawgaw-aten, inton maagawen ti ckappia iti daga, ken inton addan ti bileg ti dsairo iti pagturayanna.

36 Ken kasta met nga addanto bileg ti Apo kadagiti asantona, ket bagturayto iti ctengngada, ken bumabanto a dmangukom iti eIdumea, wenno ti lubong.

37 Sukimatenyo dagitoy a abilin, ta pudnoda ken napudno, ken matungpalto amin dagiti padto ken bkari nga adda kadakuada.

38 Siak nga Apo ania man a nasaok, nasaokon, ket saanko nga ilaksid ti bagik; ket uray no awanton ti langit ken ti daga, saanto a mapukaw ti abalikasko, ngem bmatungpaldanto amin, babaen man ti ctimekko wenno babaen ti timek dagiti dkatulongak, eisu nga isu.

39 Ta adtoy, ket imutektekanyo, Dios ti Apo, ket ipakita ti aEspiritu ti kasuratan, ket pudno ti sinurat, ket agtalinaed ti bkinapudno iti agnanayon nga awan inggana. Amen.