Mga Kasulatan
Mga Pulong ni Mormon 1


Ang Mga Pulong ni Mormon

Kapitulo 1

Si Mormon misulat og minubo nga saysay sa dagkong mga palid ni Nephi—Gisukip niya ang gagmayng mga palid ngadto sa laing mga palid—Si Hari Benjamin mipasiugda og kalinaw sa yuta. Mga A.D. 385.

1 Ug karon ako, si aMormon, hapit na mohatag sa talaan nga akong gibuhat ngadto sa mga kamot sa akong anak nga si Moroni, tan-awa akong nasaksihan ang hapit tanan nga kalaglagan sa akong katawhan, ang mga Nephita.

2 Ug adaghan ka gatosan ka tuig human sa pag-anhi ni Kristo nga akong gitugyan kini nga mga talaan ngadto sa mga kamot sa akong anak; ug nagtuo ko nga masaksihan niya ang tibuok kalaglagan sa akong katawhan. Apan hinaot nga itugot sa Dios nga makalingkawas siya sa ilang pagkalaglag, aron makasulat siya og diyotay mahitungod kanila, ug mahitungod kang Kristo, nga basin pa sa umaabot kini bmakaayo kanila.

3 Ug karon, mamulong ako og diyotay mahitungod sa akong gisulat; kay human sa akong paghimo og aminubo nga saysay gikan sa bmga palid ni Nephi, hangtod sa pagmando niining hari nga si Benjamin, kinsa gipamulong ni Amaleki, akong gisiksik ang cmga talaan nga gitugyan sa akong mga kamot, ug akong nakita kini nga mga palid, nga naglangkob niining mubo nga asoy sa mga propeta, gikan kang Jacob hangtod sa pagmando niining hari nga si dBenjamin, ug daghan usab sa mga pulong ni Nephi.

4 Ug ang mga butang nga anaa niini nga mga palid anakapahimuot kanako, tungod sa mga panagna mahitungod sa pag-anhi ni Kristo; ug kay ang akong mga amahan nahibalo nga daghan niini ang natuman; oo, ug nahibalo usab ako nga kutob sa daghang butang nga gipanagna mahitungod kanamo hangtod niining adlawa natuman na, ug hangtod unsa ka daghan usab nga lapas pa niining adlawa siguradong mahitabo—

5 Busa, akong gipili akining mga butanga, aron taposon ang akong talaan dinhi niini, diin ang nahibilin nga bahin sa akong talaan akong kuhaon gikan sa bmga palid ni Nephi; ug dili na nako masulat ang cikagatosan nga bahin sa mga butang sa akong katawhan.

6 Apan tan-awa, akong kuhaon kini nga mga palid, nga naglangkob niini nga mga pagpanagna ug mga pagpadayag, ug itipon kini sa nahibilin nga bahin sa akong talaan, kay mga mahinungdanon kini alang kanako; ug nasayod ako nga mahinungdanon kini alang sa akong kaigsoonan.

7 Ug gihimo ko kini alang sa amaalamon nga katuyoan; kay mao man kini ang gihunghong kanako, sumala sa mga gisugo sa Espiritu sa Ginoo nga ania kanako. Ug karon, wala ako mahibalo sa tanang butang; apan ang Ginoo bnahibalo sa tanang butang nga moabot; busa, gisugo ko niya sa pagbuhat sumala sa iyang kabubut-on.

8 Ug ang akong apag-ampo sa Dios kabahin sa akong kaigsoonan, nga sila unta sa makausa pa makaangkon og kahibalo sa Dios, oo, sa katubsanan ni Kristo; nga sa makausa pa mahimo na usab silang bmakapahimuot nga katawhan.

9 Ug karon ako, si Mormon, mopadayon sa pagtapos sa akong talaan, nga akong gikuha gikan sa mga palid ni Nephi; ug gihimo ko kini sumala sa kasayoran ug sa salabotan nga gihatag sa Dios kanako.

10 Busa, nahitabo nga human amahatag ni Amaleki kini nga mga palid ngadto sa mga kamot ni hari Benjamin, iya kining gikuha ug gibutang kauban sa blaing mga palid, nga naglangkob sa mga rekord nga gipasa sa cmga hari, latas sa tanang henerasyon hangtod sa mga adlaw ni hari Benjamin.

11 Ug gipasa kini gikan ni hari Benjamin, latas sa tanang henerasyon hangtod nga miabot kini sa akong amga kamot. Ug ako, si Mormon, nag-ampo sa Dios nga matipigan kini gikan karon ug sa hangtod. Ug nasayod ako nga matipigan kini; kay adunay mahinungdanong mga butang nga gikasulat niini, kon diin bpagahukman ang akong katawhan ug ang ilang kaigsoonan sa mahinungdanon ug kataposang adlaw, sumala sa pulong sa Dios nga nahisulat.

12 Ug karon, mahitungod ni hari Benjamin—nakasinati siya og diyotay nga panagbingkil tali sa kaugalingon niyang katawhan.

13 Ug nahitabo usab nga ang mga kasundalohan sa mga Lamanita milugsong gikan sa ayuta sa Nephi, aron sa pagpakig-away sa iyang katawhan. Apan tan-awa, gipundok ni hari Benjamin ang iyang mga kasundalohan, ug nakigbatok kanila; ug nakig-away siya gamit ang kusog sa kaugalingon niyang bukton, gamit ang bespada ni Laban.

14 Ug pinaagi sa kusog sa Ginoo nakigbatok sila sa ilang mga kaaway, hangtod nga nakapatay sila og daghang kaliboan sa mga Lamanita. Ug nahitabo nga nakigbatok sila sa mga Lamanita hangtod napalayas nila sila gikan sa tanang kayutaan nga ilang kabilin.

15 Ug nahitabo nga human niini adunay mga mini nga aKristo, ug ang ilang mga ba-ba natak-om, ug gisilotan sila subay sa ilang mga kalapasan;

16 Ug human sa pagtumaw sa mini nga mga propeta, ug mini nga mga magsasangyaw ug mga magtutudlo taliwala sa katawhan, ug kay tanan sila nasilotan sumala sa ilang mga kalapasan; ug human sa pagtumaw sa daghang panagbingkil ug sa daghang panagbangi gikan sa mga Lamanita, tan-awa, nahitabo nga si hari Benjamin, uban sa tabang sa balaang amga propeta kinsa anaa taliwala sa iyang katawhan—

17 Kay tan-awa, si hari Benjamin usa ka tawo nga abalaan, ug siya ang naghari sa iyang katawhan subay sa pagkamatarong; ug adunay daghang tawo nga balaan diha sa yuta, ug gipamulong nila ang pulong sa Dios pinaagi sa bgahom ug pagtugot; ug gigamit nila ang hilabihang ckahigpit tungod sa pagkatikig og liog sa katawhan—

18 Busa, pinaagi sa tabang niini, si hari Benjamin, pinaagi sa paghago sa tibuok gahom sa iyang lawas ug sa galamhan sa tibuok niyang kalag, ug sa mga propeta usab, sa makausa pa mipasiugda og kalinaw sa yuta.