Ebʼ li loqʼlaj hu
Raatin laj Mormon 1


Li Raatin laj Mormon

Ch’ol 1

Laj Mormon naxk’oseb’ ru lix perel ch’iich’ laj Nefi li ninq ru—Naxk’eheb’ li perel ch’iich’ li kok’ ru rik’in li jun ch’ol chik chi perel ch’iich’—Li rey aj Benjamin naxxaqab’ li tuqtuukilal sa’ li ch’och’. Wan na 385 chihab’ xyo’lajik li Kristo.

1 Ut anajwan laa’in, aj aMormon, ok we chixq’axtesinkil li tz’iib’anb’il esil li yookin chixyiib’ankil sa’ ruq’ laj Moroni li walal, ut k’ehomaq reetal naq wilom ka’ch’in chik ma chixjunil lix sachlijik lin tenamit, a’eb’ laj Nefita.

2 Ut ak ak’iila cient chihab’ xk’ulunik li Kristo naq ninq’axtesi li tz’iib’anb’il esil a’in sa’ ruq’ li walal, ut nink’oxla naq a’an taaril xtz’aqlojik lix sachlijik lin tenamit. A’b’anan li Dios chixk’ehaq taxaq naq a’an ink’a’ taa’oso’q rochb’eeneb’, re naq taaruuq taatz’iib’aq ka’ch’inaq chirixeb’, ut ka’ch’inaq chirix li Kristo, re naq maare sa’ junaq kutan bte’chaab’ilo’q rik’in.

3 Ut anajwan, nin’aatinak ka’ch’inaq chirix li k’a’ru ak xintz’iib’a; xb’aan naq chirix naq akink’os ru li wan sa’eb’ lix bperel ch’iich’ laj Nefi, toj sa’ rawa’b’ejil li rey a’in aj Benjamin, li ki’aatinak wi’ laj Amaleki, kinsik’ok sa’ xyanqeb’ li ctz’iib’anb’il esil li q’axtesinb’ileb’ sa’ wuq’, ut kintaweb’ li perel ch’iich’ a’in, wan wi’ li ch’ina esil a’in chirixeb’ li profeet, chalen chaq laj Jakob toj sa’ rawa’b’ejil li rey a’in aj dBenjamin, ut jo’kan ajwi’ naab’al li raatin laj Nefi.

4 Ut rik’in naq anasaho’ inch’ool rik’in li k’a’aq re ru wan chiruheb’ li perel ch’iich’ a’in, sa’ xk’ab’a’eb’ li profeetil aatin chirix lix k’ulunik li Kristo, ut eb’ lin yuwa’ ke’xnaw naq ak tz’aqlojenaq ru naab’al reheb’; relik chi yaal, ut laa’in ajwi’ ninnaw naq jo’ k’ihal li k’a’aq re ru ch’olob’anb’il jo’ profeetil aatin chiqix toj sa’ li kutan a’in ak tz’aqlojenaq ru, ut jo’ k’ihaleb’ li neke’xik toj chirix li kutan a’in tento te’tz’aqloq ru chi yaal—

5 Jo’kan ut, laa’in kinsik’ ru li ak’a’aq re ru a’in, re xchoyb’al lin tz’iib’anb’il esil chiru, ut li rela’ lin tz’iib’anb’il esil tinwisi chaq sa’eb’ lix bperel ch’iich’ laj Nefi; ut ink’a’ naru nintz’iib’a yal ta cjun miin raqal li k’a’aq re ru re lin tenamit.

6 A’ut k’ehomaq reetal, tinchapeb’ li perel ch’iich’ a’in, li wan wi’ li profeetil ch’olob’ank ut k’utb’esinb’il na’leb’ a’in, ut tink’e rik’in li rela’ lin tz’iib’anb’il esil, xb’aan naq aajel ru choq’ we, ut ninnaw naq aajelaq ru choq’ reheb’ li was wiitz’in.

7 Ut ninb’aanu a’in choq’ re jun li achaab’il ajom; xb’aan naq jo’ka’in hasb’anb’il we, jo’ chanru li nak’anjelak wi’ lix Musiq’ li Qaawa’ li wan wik’in. Ut anajwan, ink’a’ ninnaw chixjunil li k’a’aq re ru; a’b’an li Qaawa’ bnanawok re chixjunil li k’a’aq re ru toj taachalq; jo’kan naq nak’anjelak wik’in re xb’aanunkil jo’ chanru li rajom xch’ool.

8 Ut lin atij chiru li Dios a’an chirixeb’ li was wiitz’in, naq te’k’ame’q jun sut chik chixnawb’al chirix li Dios, relik chi yaal, li tojb’al-ix xb’aan li Kristo; re naq jun sutaq chik te’wanq choq’ jun tenamit bsa rilb’al.

9 Ut anajwan laa’in, aj Mormon, nin’ok wi’chik chixchoyb’al lin tz’iib’anb’il esil, li nawisi chaq sa’eb’ lix perel ch’iich’ laj Nefi; ut ninyiib’ jo’ chanru li na’leb’ ut li tawok xyaalalil li k’eeb’il chaq we xb’aan li Dios.

10 Jo’kan ut, kik’ulman naq chirix naq laj Amaleki akixq’axtesiheb’ li perel ch’iich’ a’in sa’ ruq’ li rey aj Benjamin, a’an kixk’am ut kixk’e rik’ineb’ li bperel ch’iich’ jun ch’ol chik, wankeb’ wi’ li tz’iib’anb’il esil li ke’numsiik chaq xb’aaneb’ li crey chiru li junjunq tasal tenamit, toj sa’ xkutankil li rey aj Benjamin.

11 Ut ke’numsiik chaq xb’aan laj Benjamin, chiru li junjunq tasal tenamit toj reetal naq ke’t’ane’ sa’ awuq’. Ut laa’in, aj Mormon, nintijok chiru li Dios naq te’kole’q rix chalen anajwan chi junelik. Ut ninnaw naq te’kole’q rix; xb’aan naq wan k’a’aq re ru xninqal ru li tz’iib’anb’il chiruheb’, li btaaraqe’q wi’ aatin chirix lin tenamit ut li ras riitz’ineb’ sa’ li xnimal ru ut roso’jikil kutan, jo’ chanru li raatin li Dios li tz’iib’anb’il.

12 Ut anajwan, chirix li rey a’in aj Benjamin—ke’wan b’ayaq li wech’ok-ib’ sa’ xyanq lix tenamit a’an.

13 Ut kik’ulman ajwi’ naq eb’ li teep aj pleet reheb’ laj Lamanita ke’kube’ chaq sa’ li ach’och’ Nefi, re xpleetinkil lix tenamit. A’ut k’ehomaq reetal, li rey aj Benjamin kixch’utub’eb’ lix teep aj pleet, ut kixxaqab’ rib’ chiruheb’; ut kixpleetiheb’ rik’in xmetz’ew lix tz’aqal tel, rik’in lix byok’leb’ ch’iich’ laj Laban.

14 Ut rik’in lix metz’ew li Qaawa’ ke’xpleetiheb’ li xik’ neke’ilok reheb’, toj reetal naq ke’xkamsi k’iila mil reheb’ laj Lamanita. Ut kik’ulman naq ke’xpleetiheb’ laj Lamanita toj reetal naq ke’ralinasiheb’ chaq sa’ chixjunileb’ lix ch’och’il li reechanihomeb’.

15 Ut kik’ulman naq chirix naq wanjenaqeb’ li aKristo aj b’alaq’, ut ke’tz’ape’ xtz’uumaleb’ re, ut ke’k’ehe’ xtojb’a-maak a’ yaal jo’ chanru li maak ke’xb’aanu chaq;

16 Ut chirix naq wanjenaqeb’ li b’alaq’il profeet, ut li b’alaq’il aj jultikanel ut aj tzolonel sa’ xyanq li tenamit, ut chixjunileb’ a’in ke’k’ehe’ xtojb’a-maak a’ yaal jo’ chanru li maak ke’xb’aanu chaq; ut chirix naq wanjenaq naab’al li wech’ok-ib’, ut k’iila jachok-ib’ li xkoheb’ wi’ rik’ineb’ laj Lamanita, k’ehomaq reetal, kik’ulman naq li rey aj Benjamin, chi tenq’anb’il xb’aaneb’ li santil aprofeet li wankeb’ sa’ xyanq lix tenamit—

17 Xb’aan naq k’ehomaq reetal, li rey aj Benjamin a’an asantil winq, ut ki’awa’b’ejin sa’ xb’een lix tenamit sa’ tiikilal; ut ke’wan k’iila santil winq sa’ li ch’och’, ut eb’ a’an ke’xye li raatin li Dios rik’in bwankilal ut chi k’eeb’ileb’ xwankil; ut ke’roksi naab’al li ckawil aatin sa’ xk’ab’a’ lix jipileb’ xk’a’uxl li tenamit—

18 Jo’kan naq chi tenq’anb’il xb’aaneb’ a’in, li rey aj Benjamin, rik’in k’anjelak chi anchal xmetz’ew lix tib’el ut xseeb’al anchal li raam, ut jo’kaneb’ ajwi’ li profeet, ke’xxaqab’ wi’chik li tuqtuukilal sa’ li ch’och’.