iVolanikalou
Vosa i Momani 1


Na Vosa i Momani

Wase 1

Sa vakalekalekataka na peleti lelevu i Nifai ko Momani—Sa biuti ira vata na peleti lalai kei na veipeleti tale eso—Sa vakadeitaka na veisaututaki ena vanua ko Penijamini na Tui. Rauta na 385 S.K.

1 Ia oqo koi au, ko aMomani, ni’u sa vakarau solia na ivolatukutuku ka’u a cakava tiko ki na liga i Moronai na luvequ, raica au sa vakadinadinataka e voleka ni veivakarusai kece ka yaco vei ira na noqu tamata, ko ira na Nifaiti.

2 Ka sa oti e avica na drau na yabaki na nona lako mai na Karisito, au sa solia kina na ivolatukutuku oqo ki na ligai na luvequ; ka’u nanuma ni na raica ko koya na nodra vakarusai vakadua sara na noqu tamata. Ia me vakatara mada na Kalou me vakabulai ko koya, me rawa ni vola vakalailai na veika e baleti ira, ka vakalailai na veika e baleti Karisito, de na bau qai byaga vei ira ena dua na siga.

3 Ia oqo au na vosa mada me baleta na veika au sa vola; ni ena noqu sa avakalekalekataka oti na itukutuku mai na bpeleti i Nifai, me yacova na gauna ni lewa ni tui oqo ko Penijamini, o koya ka a vosa kina ko Amelekai, au sa qai vakasaqaqara tale ena civolatukutuku era a soli vei au, ka’u a kunei ira kina na peleti oqo, ka tu kina na kedra itukutuku leleka na parofita, mai vei Jekope me yacova na gauna ni lewa ni tui oqo ko dPenijamini, kei na vuqa talega na vosa i Nifai.

4 Ka sa amarautaki sara vei au na veika era volai tu ena peleti oqo, baleta na vei parofisai ni nona lako mai na Karisito; ka ra kila ko ira na noqu qase ni ra sa vakayacori oti e vuqa; io, ka’u kila talega ni sa yaco oti e vuqa na ka era a sa parofisaitaki tu me baleti keimami me yacova mai na gauna oqo, kei ira ni oti na gauna oqo era na yaco dina kecega—

5 O koya, au sa digitaki ira kina na aveika oqo, me’u vakaotia kina na noqu itukutuku, kei na vo ni noqu itukutuku au na taura mai na bpeleti i Nifai; ka’u na sega ni rawa mada ga ni vola na cikaduanadrau ni tikina ni veika me baleti ira na noqu tamata.

6 Ia raica, au na taura na peleti oqo, ka tu kina na vei parofisai kei na vei ivakatakila oqo, ka biuta vata kei na vo ni noqu itukutuku, ni ra sa taleitaki sara vei au; ka’u kila ni ra na ka taleitaki talega vei ira na wekaqu.

7 Ka’u sa kitaka oqo me baleta e dua na ainaki vuku; ni sa vakasolokakanataka vei au me vaka na cakacaka ni Yalo ni Turaga sa tiko vei au. Ia oqo, au sa sega ni kila na veika kecega; ia sa bkila na Turaga na veika kecega ena yaco mai; o koya, sa cakacaka yaco kina vei au me’u kitaka me vaka na nona lewa.

8 Ka sa baleti ira na wekaqu na noqu amasu vua na Kalou, me yaco me ra kila tale mada na Kalou, io, na veisereki i Karisito; me ra na yaco tale me ra tamata btaleitaki.

9 Ia oqo koi au, ko Momani, au sa tomana tale me’u vakaotia na noqu itukutuku ka’u taura mai na peleti i Nifai; ka’u sa cakava me vaka na kilaka kei na yalomatua sa solia vei au na Kalou.

10 O koya, a sa yaco kina, ni sa asoli ira oti na peleti oqo ko Amelekai ki na ligai Penijamini na tui, sa tauri ira ko koya ka biuti ira vata kei na bpeleti tale e so, na peleti ka ra tu kina na itukutuku era a sa maroroya tu mai na ctui, mai na itabatamata ki na itabatamata me yacova na gauna ni lewa i Penijamini na tui.

11 Ka ra a vakadewataki sobu mai vei Penijamini na tui, mai na itabatamata ki na itabatamata me yacova ni ra sa vakatauci e aligaqu. Ka’u sa masu kina vua na Kalou, koi au, ko Momani, me ra na maroroi mai na gauna oqo ka lako yani. Ia au sa kila ni ra na maroroi; ni sa volai tu kina na veika cecere, ka ra na blewai mai kina na noqu tamata kei ira na wekadra ena siga levu mai muri, me vaka na vosa ni Kalou sa volai.

12 Ia oqo, me baleti Penijamini na tui—e a yaco tiko vakawasoma na veileti ena kedra maliwa na nona tamata.

13 Ka sa yaco talega ni ra sa lako sobu mai na mataivalu ni Leimanaiti mai na avanua ko Nifai, me vala kei ira na nona tamata. Ia raica, a sa vakasoqoni ira vata na nona mataivalu ko Penijamini na tui, ka tu me saqati ira; ka sa vala ko koya ena kaukauwa ni ligana, ena biseleiwau i Lepani.

14 Ia ena kaukauwa ni Turaga era sa saqati ira kina na nodra meca, me yacova ni ra sa vakamatea kina e vuqa na udolu na Leimanaiti. Ka sa yaco ni ra sa saqati ira na Leimanaiti me yacova ni ra sa vakasavi ira tani mai na vanua kecega sa nodra ivotavota vakawa.

15 Ka sa yaco ni sa oti ko ya a sa tu na aKarisito vakailasu, ka sa sogoti na gusudra, ka ra a totogitaki me vaka na nodra cala;

16 Ka ni sa oti ko ya a sa tu ko ira na parofita vakailasu, kei na dauvunau vakailasu kei na ivakavuvuli ena kedra maliwa na tamata, ka ra sa totogitaki kece ko ira oqo me vaka na nodra cala; ka ni sa yaco oti talega e vuqa na veileti ka ra se yani e lewe vuqa kivei ira na Leimanaiti, raica, a sa yaco ni ko Penijamini na tui, ena nodra veivuke na aparofita tabu ka ra a maliwai ira tu na nona tamata—

17 Ia raica, sa atamata yalosavasava ko Penijamini na tui, ka a liutaki ira na nona tamata ena ivalavala dodonu; ka a lewe vuqa sara na tamata yalosavasava ena vanua, ka ra a vosataka na vosa ni Kalou ena bkaukauwa kei na lewa; ka ra vakayagataka na vosa cgatalaulau ena vuku ni nodra domodomoqa na tamata—

18 O koya gona, ena nodra veivuke ko ira oqo, kei na nona sa cakacaka ko Penijamini na tui ena nona igu taucoko kei na yalona taucoko, kei ira talega na parofita, sa vakataudeitaka tale kina na tiko sautu ena vanua.