Mga Kasulatan
Mosiah 8


Kapitulo 8

Gitudloan ni Ammon ang katawhan ni Limhi—Nahibaloan niya ang mahitungod sa kawhaan ug upat ka Jaredita nga mga palid—Ang karaan nga mga talaan mahubad pinaagi sa mga manalagna—Walay gasa ang labaw pa kay sa pagkamanalagna. Mga 121 B.C.

1 Ug nahitabo human nga gitapos ni hari Limhi ang iyang pagpamulong sa iyang katawhan, kay namulong siya og daghang butang ngadto kanila ug diyotay ra ang akong gisulat dinhi niini nga basahon, gisultihan niya ang iyang katawhan sa tanang butang kabahin sa ilang kaigsoonan nga didto sa yuta sa Zarahemla.

2 Ug gipabarog niya si Ammon sa atubangan sa pundok sa katawhan, ug gipasaysay ngadto kanila ang tanang nahitabo sa ilang kaigsoonan gikan sa panahon nga si Zeniff mitungas sa yuta gani hangtod sa panahon nga siya mismo mibiya sa yuta.

3 Ug gisaysay usab niya ngadto kanila ang kataposang mga pulong nga gitudlo ni hari Benjamin kanila, ug gipasabot kini ngadto sa katawhan ni hari Limhi, aron masabtan nila ang tanang pulong nga iyang gipamulong.

4 Ug nahitabo nga human niya mahimo kining tanan, gipalakaw ni hari Limhi ang pundok sa katawhan, ug gisugo ang matag usa sa pagpauli sa iyang kaugalingong balay.

5 Ug nahitabo nga misugo siya nga ang mga palid nga naglangkob sa atalaan sa iyang katawhan gikan sa panahon nga mibiya sila sa yuta sa Zarahemla, dad-on ngadto sa atubangan ni Ammon, aron iya kining basahon.

6 Karon, sa dihang nahuman si Ammon sa pagbasa sa talaan, gipangutana siya sa hari aron makahibalo kon makahubad ba siya og mga pinulongan, ug giingnan siya ni Ammon nga dili siya makahimo.

7 Ug gisultihan siya sa hari: Kay naguol tungod sa mga kasakit sa akong katawhan, misugo ko sa kap-atan ug tulo sa akong katawhan nga mopanaw ngadto sa kamingawan, nga pinaagi niana makaplagan nila ang yuta sa Zarahemla, aron makahangyo kami sa among kaigsoonan sa pagluwas kanamo gikan sa pagkaulipon.

8 Ug nangasaag sila sa kamingawan sulod sa daghang adlaw, bisan pa niana nagkugi sila, ug wala makakaplag sa yuta sa Zarahemla apan mibalik dinhi niini nga yuta, nakapanaw sa usa ka yuta taliwala sa daghang katubigan, nakakaplag og usa ka yuta nga natabonan sa mga bukog sa mga tawo, ug sa mga mananap, ug usab natabonan sa mga guba nga gambalay sa matag matang, nakakaplag og usa ka yuta nga gipuy-an og katawhan nga sama kadaghan sa mga panon sa Israel.

9 Ug aron sa pagpamatuod nga ang mga butang nga ilang gisulti tinuod nagdala sila og akawhaan ug upat ka palid nga puno sa mga kinulit, ug lunsay kini nga bulawan.

10 Ug tan-awa, nagdala usab sila og mga apanagang sa dughan, nga dagko, ug hinimo kini sa btumbaga ug kobre, ug maayo pa kaayo kini.

11 Ug usab, nagdala sila og mga espada, ug wala na kini mga pul-an, ug ang mga suwab niini gikaon na sa taya; ug walay bisan usa sa yuta nga makahubad sa pinulongan o sa mga kinulit nga anaa sa mga palid. Mao nga nangutana ko kanimo: Kahibalo ka bang mohubad?

12 Ug mangutana ko kanimo pag-usab: May nailhan ka ba nga kahibalong mohubad? Kay nagtinguha ako nga mahubad kining mga talaan sa atong pinulongan; kay, tingali, makahatag kini kanato og kasayoran bahin sa nahibilin sa nangalaglag nga katawhan, kon diin naggikan kini nga mga talaan; o, tingali, makahatag kini kanato og kasayoran bahin gayod niini nga nangalaglag nga katawhan; ug nagtinguha ko nga masayod sa hinungdan sa ilang pagkalaglag.

13 Karon si Ammon miingon kaniya: Makapaniguro ko nga makasulti kanimo, O hari, bahin sa usa ka tawo nga amakahubad sa mga talaan; kay siya adunay gihuptan nga iyang matan-aw, ug makahubad sa tanang talaan sa karaang panahon; ug gasa kini gikan sa Dios. Ug ang maong mga butang gitawag og mga bpanghubad, ug walay tawo nga makatan-aw niini gawas kon siya gisugo, kay basin pa unya og matan-aw niya ang dili angayang matan-aw ug siya mamatay. Ug kon si kinsa man ang gisugo sa pagtan-aw diha niini, siya ang gitawag nga cmanalagna.

14 Ug tan-awa, ang hari sa katawhan nga tua sa yuta sa Zarahemla mao ang tawo nga gisugo sa pagbuhat niining mga butanga, ug aduna niining talagsaon kaayo nga gasa gikan sa Dios.

15 Ug ang hari miingon nga ang manalagna labaw pa kay sa propeta.

16 Ug si Ammon miingon nga ang manalagna usa usab ka tigpadayag ug propeta; ug gasa kini nga mahinungdanon kaayo nga dili maangkon sa usa ka tawo, gawas kon maangkon niya ang gahom sa Dios, nga dili mahimo sa tawo; apan ang usa ka tawo mahimong makaangkon og dakong gahom nga ihatag kaniya sa Dios.

17 Apan ang manalagna masayod sa mga butang nga nangagi na, ug sa mga butang usab nga moabot pa, ug pinaagi kanila ang tanang butang ipadayag, o, gani, ang tinago nga mga butang ikapakita, ug ang gitagoan nga mga butang ipadayag, ug ang mga butang nga wala mahibaloi ipahibalo pinaagi kanila, ug usab ang mga butang ikapadayag pinaagi kanila nga dili mahimo sa lahi nga paagi.

18 Sa ingon niana ang Dios mihimo og paagi nga ang tawo, pinaagi sa pagtuo, makahimo og talagsaong mga milagro; mao nga nahimo siyang mapuslanon kaayo sa iyang isigkatawo.

19 Ug karon, sa dihang gitapos ni Ammon ang pagsulti niini nga mga pulong ang hari nalipay sa hilabihan, ug nagpasalamat sa Dios, nga nag-ingon: Walay pagduha-duha nga ang usa ka atalagsaon nga misteryo anaa sa sulod niini nga mga palid, ug kini nga mga panghubad sa walay pagduha-duha giandam alang sa katuyoan sa pag-abli sa tanang misteryo ngadto sa katawhan.

20 O pagkakahibulongan sa mga buhat sa Ginoo, ug hangtod kanus-a niya antoson ang iyang katawhan; oo, ug pagkabuta ug pagkalisod madutlan sa salabotan sa mga anak sa mga tawo; kay dili sila mangita og kaalam, dili sila magtinguha nga akini ang momando kanila!

21 Oo, sama sila sa mga ihalas nga gagmayng kahayopan nga milayas gikan sa magbalantay sa karnero, ug nagtibulaag, ug gipang-abog, ug gipanglamoy sa mga mananap sa kalasangan.