iVolanikalou
Mosaia 5


Wase 5

Era sa yaco me luvei Karisito ko ira na yalododonu ena vuku ni vakabauta—Era sa na qai kacivi ena yaca i Karisito—Sa vakauqeti ira vagumatua sara ko Penijamini na tui me ra tudei ka kakua ni yavalati rawa ena cakacaka vinaka. Rauta 124 B.K.

1 Ia oqo, a sa yaco, ni sa vosa oti ko Penijamini na tui vei ira na nona tamata, sa qai talatala yani ena kedra maliwa me kila kina se era sa vakabauta na nona tamata na vosa eso a vosataka vei ira.

2 Ka ra sa qai kaci kece mai ena domo vata, ka kaya: Io, keimami sa vakabauta na vosa kece ko ni sa vosataka vei keimami; keimami sa kila talega ni ra sa ka vakaidina sara; ni sa vakayacora na Yalo ni Turaga Kaukauwa e dua na aveisau levu vei keimami, se ki na lomai keimami, ka sa sega tale kina ni tiko vei keimami e dua na gagadre me kitaka na ka bca, ia me keimami kitaka tiko ga na veika vinaka.

3 Ia koi keimami talega vakai keimami, ena vuku ni nona vinaka tawayalani na Kalou, kei na veivakavotui ni Yalona, keimami sa raica rawa kina na veika lelevu era na qai yaco mai; ka kevaka me a kilikili, ke keimami sa parofisaitaka rawa na ka kecega.

4 Ka sai koya na neimami sa vakabauta na veika sa vosataka vei keimami na neimami tui sa kauta mai vei keimami na kila ka lelevu oqo, o koya keimami sa reki kina ena reki sa vuabale sara.

5 Ka sa lomai keimami me keimami aveiyalayalati kei na neimami Kalou me vakayacora na nona lewa, ka talairawarawa ki na nona ivakaro ena ka kecega e vakaroti keimami kina, ena veisiga ni neimami bula sa vo, me bkakua kina ni takavi keimami na rarawa tawamudu, me vaka sa tukuna na cagilosi, me keimami kakua kina ni gunu mai na bilo ni nona cudru na Kalou.

6 Ia oqo, sai ira sara ga oqo na vosa sa via rogoca mai vei ira ko Penijamini na tui; a sa kaya kina vei ira: Ko ni sa tukuna mai na vosa ka’u sa gadreva, ia na veiyalayalati ko ni sa vakayacora sa veiyalayalati dodonu.

7 Ia oqo, ena vuku ni veiyalayalati ko ni sa vakayacora ko ni sa vakatokai kina mo ni aluvei Karisito; na luvena tagane, ka luvena yalewa; ni raica, sa bvakasucumi kemuni vakayalo ko koya ena siga oqo, ni ko ni sa kaya sa veisau na cyalomuni ni ko ni sa vakabauta na yacana; o koya, sa dvakasucumi kemuni kina mo ni luvena etagane ka luvena yalewa.

8 Ia ena yaca ga oqo dou sa asereki kina, ka sa bsega tale na yaca dou na sereki rawa kina. Sa sega tale na cyaca e soli me rawa kina na veivakabulai; o koya, au sa gadreva kina mo dou dtaura matua ga na yacai Karisito, koi kemudou kece sa veiyalayalati kei na Kalou mo dou talairawarawa me yacova na icavacava ni nomuni bula.

9 Ia ena qai yaco ni ko koya yadua sa vakayacora vakaoqo ena kunei mai na liga imatau ni Kalou, ni na kila ko koya na yaca sa kacivi kina, ni na kacivi ena yacai Karisito.

10 Ia oqo ena qai yaco, ko koya yadua sa sega ni taura na yacai Karisito ena kacivi ena adua na yaca tani, o koya, ena kunei kina ko koya ena bliga imawi ni Kalou.

11 Ka’u gadreva mo ni nanuma talega, ni oqo na ayaca au a tukuna ni’u na solia vei kemuni ka na sega ni rawa ni bokoci laivi, ena qai rawa ga ena vuku ni ivalavala ca; o koya, mo ni qarauni kemuni vinaka mo ni kakua ni talaidredre, me kakua kina ni bokoci laivi na yaca mai lomamuni.

12 Au sa kaya vei kemuni, au gadreva mo ni nanuma mo ni dau amaroroya na yaca me volai tiko ga e lomamuni, mo ni kakua kina ni kunei e liga imawi ni Kalou; ia mo ni rogoca ka kila na domo sa kacivi kemuni, kei na yaca talega ko ni sa kacivi kina.

13 Me na akila vakaevei na tamata na turaga ka sega ni bau qarava, ka sega ni kilai koya, ka yawa sara mai na vakanananu kei na gagadre ni lomana?

14 E dua tale, sa kauta li e dua na tamata na asa ni wekana, ka maroroya? Au sa kaya vei kemuni, E segai sara; ena sega mada ga ni laiva me kana ena kedra maliwa na nona qele ni manumanu, ia ena vakasava tani, ka cemuria ki tautuba. Au sa kaya vei kemuni, ena yaco vakakina vei kemuni kevaka ko ni sa sega ni kila na yaca ko ni sa kacivi kina.

15 O koya, au gadreva kina mo ni tudei sara ka kakua ni yavalati rawa, mo ni ia tiko ga na cakacaka vinaka, me avauci kemuni kina ko Karisito na Turaga na Kalou Kaukauwa mo ni nona, mo ni na kau cake ki lomalagi, me nomuni kina na veivakabulai tawavakaiyalayala kei na bula tawamudu, ena vuku ni yalomatua, kei na kaukauwa, kei na lewa dodonu, kei na loloma cecere i Koya sa bbulia na ka kecega, mai lomalagi kei vuravura, o koya na Kalou sa cecere duadua. Emeni.