1 O lenei foi o’u uso e, ou te manao ina ia outou faalogo mai, ona e tele lava ni isi mea ou te fia tautala atu ai ia te outou; aua faauta, ua ia te a’u ni mea e faamatala atu ia te outou e uiga i mea o le a oo mai.

2 Ma o mea o le a ou ta’u atu ia te outou sa faailoa mai ia te a’u e se ^aagelu mai le Atua. Ma sa fetalai mai o ia ia te a’u: Ala mai ia; ma sa ou ala, ma faauta sa tulai mai o ia i o’u luma.

3 Ma sa fetalai mai o ia ia te a’u: Ala mai ia, ma faalogo mai i upu o le a ou ta’u atu ia te oe; aua faauta, ua ou sau e ta’u atu ia te oe tala ^afiafia o le olioli tele.

4 Ona ua faafofoga le Alii i au talosaga, ma ua faamasino e ia lau amiotonu, ma ua ia auina mai a’u e ta’u atu ia te oe ina ia e olioli; ma ina ia mafai ona e ta’u atu i ou tagata, ina ia mafai foi ona faatumuina i latou i le olioli.

5 Aua faauta, e oo mai le taimi, ma ua lē o toe mamao atu, o le a afio ifo mai le lagi i totonu o le fanauga a tagata, ma le mana, le ^aAlii Mamana Aoao o lē o nofotupu, o lē sa i ai, ma o loo i ai mai le faavavau atoa e oo i le faavavau atoa, ma o le a mau o ia i se ^efale apitaga omea, ma o le a afio atu i totonu o tagata, ma fai ⁱvavega tetele, e pei o le faamalologa o e mama’i, faatutuina mai o e ua oti, faasavavaliina o e ua pipili, ma faapupula e ua tauaso, ma faia ia faalogo e ua tutuli, ma faamālōlō ituaiga uma o ma’i eseese.

6 Ma o le a tutuli ese e ia ^atiapolo, po o agaga leaga ua mau i loto o le fanauga a tagata.

7 Ma faauta, o le a mafatia o ia i ^afaaosoosoga, ma tiga o le tino, ma le ^efia ’ai ma le fia inu, ma le lailoa, e sili atu i lo le mea e mafai e le tagata ona ⁱonosaia, vagana ai ua oti; aua faauta, e maligi le ^ototo mai pu afu uma, ona o le a tele naua o lona ^umafatia ona o le amioleaga ma mea inosia a ona tagata.

8 Ma o le a ta’ua o ia o ^aIesu Keriso, o le ^eAlo o le Atua, o le ⁱTamā o le lagi ma le lalolagi, o le Foafoa o mea uma mai le amataga; ma o lona ^otinā o le a ta’ua o ^uMaria.

9 Ma faauta, e afio mai o ia i ona lava tagata, ina ia mafai ona oo mai o le ^afaaolataga i le fanauga a tagata e ala lava i le ^efaatuatua i lona suafa; ma e ui lava i nei mea uma o le a latou manatu o ia o se tagata, ma fai mai ua ia te ia se ⁱtiapolo, ma o le a latou ^osasa ia te ia, ma o le a latou ^ufaasatauro foi o ia.

10 Ma o le a ^atoetu mai o ia i le aso lona ^etolu mai e ua oti; ma faauta, ua tu o ia e ⁱfaamasino le lalolagi; ma faauta, ua faia nei mea uma ina ia oo mai ai se faamasinoga amiotonu i luga o le fanauga a tagata.

11 Aua faauta, e ^atogiola foi lona ^etoto mo agasala a i latou o e na ⁱpa’u’ū i le solitulafono a Atamu, o e na maliliu e aunoa ma le iloa o le finagalo o le Atua e uiga ia te i latou, po o e na agasala ma le ^olē iloa.

12 Ae talofa, talofa i lē e iloa ua ^afouvale o ia faasaga i le Atua! Ona e lē oo mai le faaolataga i se tasi faapena vagana ai e ala i le salamo ma le faatuatua i le ^eAlii o Iesu Keriso.

13 Ma ua auina mai e le Alii le Atua ana perofeta paia i totonu o le fanauga uma a tagata, e ta’u atu nei mea i ituaiga uma, malo, ma gagana, ina ia mafai e soo se tasi o i latou e talitonu o le a afio mai Keriso, ona maua le ^afaamagaloga o a latou agasala, ma olioli i le olioli tele, e ^epei lava ua uma ona afio mai o ia i totonu o i latou.

14 Peitai sa silasila le Alii le Atua o ona tagata o ni tagata ua ua maaa, ma sa tofia e ia mo i latou se tulafono, o le ^atulafono lava lea a Mose.

15 Ma e tele faailoga, ma mea ofoofogia, ma ^afaatusa, ma ata lafoia sa faaali mai e ia ia te i latou, e uiga i lona afio mai; ma sa fetalai atu foi perofeta paia ia te i latou e uiga i lona afio mai; ma peitai sa latou faamaaa o latou loto, ma latou lē malamalama ua leai se aogā o le ^etulafono a Mose vagana ai ua ala mai i le togiola o lona toto.

16 Ma e tusa pe a na mafai ona agasala ^afanau laiti e lē mafai ona faaolaina i latou; ae ou te fai atu ia te outou ua ^efaamanuiaina i latou; aua faauta, e pei o Atamu, po o i le natura, e pa’u’ū i latou, ae faapea lava ona togiola le toto o Keriso mo a latou agasala.

17 Ma e lē gata i lea, ou te fai atu ia te outou, o le a ^alē i ai se isi igoa e tuuina mai po o se isi lava ala po o ni auala e mafai ona oo mai ai le faa^eolataga i le fanauga a tagata, ua na’o le suafa lava o ⁱKeriso, le Alii Mamana Aoao.

18 Aua faauta e faamasino mai o ia, ma ua tonu lana faamasinoga; ma e lē fano le tamaitiiti meamea e oti i lona tamameamea; ae e inu e tagata matutua le malaia i o latou lava agaga vagana ai ua latou faalotomaualaloina i latou lava ma ^aavea e pei o fanau laiti, ma talitonu o le olataga sa oo mai, ma ua oo mai, ma o le a oo mai, e ala mai i le toto ^etogiola o Keriso, le Alii Mamana Aoao.

19 Ona o le tagata ^anatura o se fili i le Atua, ma sa faapea lava mai le ^epa’ū o Atamu, ma o le a faapea lava, e faavavau faavavau lava, vagana ai ua ⁱgaua’i atu o ia i uunaiga a le ^oAgaga Paia, ma tuu ese le tagata natura ma avea ma ^utagata paia e ala i le togiola a Keriso le Alii, ma avea e pei o se ^ftamaitiiti, e usiusitai, agamalu, lotomaualalo, onosai, tumu i le alofa, loto e usiusitai i mea uma ua silafia e le Alii e tatau ona faaoo mai i ona luga, e faapei ona usiusitai o se tamaitiiti i lona tamā.

20 Ma e lē gata i lea, ou te fai atu ia te outou, o le a oo mai le taimi e salalau atu ai le ^amalamalama o se Faaola i ^eatunuu uma, ituaiga, gagana, ma tagata.

21 Ma faauta, a oo mai lena taimi, o le a leai se tasi e maua ua ^alē ponā i luma o le Atua, vagana ai fanau laiti, na o le ala lava i le salamo ma le faatuatua i le suafa o le Alii le Atua Mamana Aoao.

22 Ma e oo lava i le taimi nei, a uma ona e a’oa’o atu i lou nuu mea ua poloaiina ai oe e le Alii lou Atua, po ua lē toe maua ai ea i latou i le lē ponā i le silafaga a le Atua, ua na’o le tusa ai ma upu na ou tautala atu ai ia te oe.

23 Ma o lenei ua ou tautala atu i upu na poloaiina ai a’u e le Alii le Atua.

24 Ma ua faapea ona fetalai mai o le Alii: O le a tulai mai nei upu o se molimau susulu e faasaga i lenei nuu, i le aso faamasino; o le mea lea o le a faamasino ai i latou, o tagata taitoatasi e tusa ma ana galuega, pe lelei, pe leaga.

25 Ma afai ua le tonu a latou galuega e tuu i latou i se ^avaaiga leaga matautia o lo latou lava sala ma a latou mea inosia, ia o le a latou solomuli ese ai mai luma o le Alii i se tulaga o le ^epagatia ma le mafatia e lē gata, e lē mafai ona latou toe foi mai ai; o lea ua latou inumia ai le malaia i o latou lava agaga.

26 O lea, ua latou inu ai mai le ipu o le toasa o le Atua, o se faamasinotonu e lē mafai ona faafitia mai ia te i latou e pei ona lē mafai ona faafitia e ia le tatau ai o le pa’ū o ^aAtamu ona o lona ’ai o le ^efua faasaina; o lea, e lē toe mafai ai ona maua e le ⁱalofa mutimutivale se aiā ia te i latou e faavavau.

27 Ma o lo latou ^amafatia e pei o se ^elepa afi ma le teiō, o ona apeafi mumū e lē matineia, ma o lona asu e alu a’e pea i luga e faavavau ma faavavau lava. Sa faapea ona poloaiina o a’u e le Alii. Amene.