Mga Kasulatan
Mosiah 3


Kapitulo 3

Gipadayon ni hari Benjamin ang iyang pakigpulong—Ang Ginoong Makagagahom mangalagad taliwala sa katawhan sa mortal nga lawas—Dugo manggawas sa matag lungag sa Iyang panit samtang mag-ula Siya alang sa mga kasal-anan sa kalibotan—Ang Iyang ngalan mao lamang ang bugtong nga ngalan diin ang kaluwasan moabot—Ang katawhan mahimong mosalikway sa kinaiyanhon nga tawo ug mamahimong mga Santos pinaagi sa Pag-ula—Ang hilabihang pagsakit sa mga daotan susama sa usa ka linaw sa kalayo ug asupre. Mga 124 B.C.

1 Ug usab akong kaigsoonan, manawagan ako sa inyong pagtagad, kay may gamay akong idugang og sulti kaninyo; kay tan-awa, may mga butang akong isulti kaninyo kabahin sa umaabot.

2 Ug ang mga butang nga isulti ko kaninyo gipahibalo kanako pinaagi sa usa ka aanghel gikan sa Dios. Ug iya akong gisultihan: Pagmata; ug mimata ako, ug tan-awa nagbarog siya sa akong atubangan.

3 Ug gisultihan ko niya: Pagmata, ug pamati sa mga pulong nga isulti ko kanimo; kay tan-awa, mianhi ako aron sa pagpadayag nganha kanimo sa amalipayon nga mga balita sa dako nga kamaya.

4 Kay ang Ginoo nakadungog sa imong mga pag-ampo, ug naghukom sa imong pagkamatarong, ug mipadala kanako aron sa pagpamahayag nganha kanimo aron ikaw magmaya; ug aron ikaw makapamahayag sa imong katawhan, aron sila usab mapuno sa kamaya.

5 Kay tan-awa, moabot ang panahon, ug dili na layo, nga pinaagi sa gahom, ang aGinoong Makagagahom kinsa naghari, nga mao kaniadto, ug mao gihapon gikan sa tanang kahangtoran ngadto sa tanang kahangtoran, manaog gikan sa langit aron moipon sa katawhan, ug mopuyo sa bmortal nga lawas, ug makig-uban sa katawhan, magbuhat og gamhanang mga cmilagro, sama sa pag-ayo sa mga masakiton, pagbuhi sa mga patay, pagpalakaw sa mga bakol, paghimo nga ang mga buta makakita, ug ang bungol makadungog, ug pag-ayo sa tanang matang sa sakit.

6 Ug papahawaon niya ang mga ayawa, o ang mga daotang espiritu nga nagpuyo sa mga kasingkasing sa katawhan.

7 Ug tan-awa, mag-antos siya og mga atentasyon, ug sakit sa lawas, bkagutom, kauhaw, ug kakapoy, gani labaw pa kay sa cmaantos sa tawo, gawas sa kamatayon lamang; kay tan-awa, ang ddugo manggawas gikan sa matag lungag sa Iyang panit, hilabihan ang iyang ekaguol tungod sa pagkadaotan ug pagkasalawayon sa iyang katawhan.

8 Ug pagatawgon siya og aJesuKristo, ang bAnak sa Dios, ang cAmahan sa langit ug yuta, ang Tiglalang sa tanang butang gikan sa sinugdanan; ug ang iyang dinahan pagatawgon og eMaria.

9 Ug tan-awa, mianhi siya mismo sa iyang kaugalingon, aron moabot ang akaluwasan ngadto sa mga anak sa mga tawo gani pinaagi sa bpagtuo sa iyang ngalan; ug bisan human niining tanan sila motratar kaniya nga usa ka tawo, ug moingon nga gisudlan siya og cyawa, ug dmosilot kaniya, ug emolansang kaniya sa krus.

10 Ug amabanhaw siya sa bikatulo nga adlaw gikan sa pagkamatay; ug tan-awa mobarog siya aron cmohukom sa kalibotan; ug tan-awa, tanan kining mga butanga himoon aron ang matarong nga paghukom modangat sa mga anak sa mga tawo.

11 Kay tan-awa, ug ang iyang adugo bgiula usab alang sa mga sala niadtong cnapukan tungod sa kalapasan ni Adan, kinsa namatay nga wala mahibalo sa kabubut-on sa Dios kabahin kanila, o kinsa nakasala tungod sa dkawalay alamag.

12 Apan alaot, alaot siya kinsa nasayod nga siya amibatok sa Dios! Kay ang kaluwasan dili moabot kaniya gawas kon pinaagi sa paghinulsol ug pagtuo kang bGinoong Jesukristo.

13 Ug ang Ginoong Dios mipadala sa iyang balaang mga propeta taliwala sa tanang katawhan, aron mopahayag niining mga butanga ngadto sa matag kaliwatan, kanasoran, ug pinulongan, nga sa ingon niana si kinsa man kadtong motuo nga moanhi si Kristo, sila sa gihapon makadawat sa akapasayloan sa ilang mga sala, ug magmaya sa tumang kalipay, gani bsama ra og siya nakaanha na taliwala kanila.

14 Gani nakita sa Ginoong Dios nga ang iyang katawhan mga tikig og liog, ug mihatag siya kanila og balaod, gani ang abalaod ni Moises.

15 Ug daghang timailhan, ug mga katingalahan, ug mga amatang, ug mga hulagway sa umaabot ang iyang gipakita kanila, kabahin sa iyang pag-anhi; ug ang balaang mga propeta namulong usab ngadto kanila mahitungod sa iyang pag-anhi; ug sa gihapon nagpatig-a sila sa ilang mga kasingkasing, ug wala makasabot nga ang bbalaod ni Moises walay kapuslanan gawas kon kini pinaagi sa pag-ula sa iyang dugo.

16 Ug bisan kon posible man nga ang gagmayng mga abata makasala dili sila maluwas; apan sultihan ko kamo nga bbulahan sila; kay tan-awa, tungod ni Adan, o pinaagi sa kinaiyahan, sila mapukan, gani sa samang paagi ang dugo ni Kristo moula sa ilang mga sala.

17 Ug dugang pa, sultihan ko kamo, nga awala nay lain nga ngalan nga gihatag ni walay laing mga agianan ug mga paagi aron ang bkaluwasan moabot sa katawhan, kondili pinaagi lamang sa ngalan ni cKristo, ang Ginoong Makagagahom.

18 Kay tan-awa siya ang mohukom, ug ang iyang paghukom makiangayon; ug ang bata nga masuso kinsa namatay diha sa iyang pagkamasuso dili malaglag; apan ang mga tawo moinom sa panghimaraot sa kaugalingon nilang mga kalag gawas kon mopaubos sila sa ilang kaugalingon ug amahisama sa gagmayng mga bata, ug motuo nga ang kaluwasan nahitabo kaniadto, ug karon, ug sa umaabot, diha ug pinaagi lamang sa bmaulaong dugo ni Kristo, ang Ginoong Makagagahom.

19 Kay ang akinaiyanhon nga tawo kaaway sa Dios, ug sukad pa gayod sa bpagkapukan ni Adan, ug mao gihapon sa umaabot, ug hangtod sa kahangtoran, gawas kon siya cmotugyan ngadto sa mga pagdani sa dBalaang Espiritu, ug mosalikway sa iyang kinaiyanhon nga pagkatawo ug mahimo nga usa ka esantos pinaagi sa pag-ula ni Kristo ang Ginoo, ug mahimo nga sama sa usa ka fbata, manunoton, maaghop, mapainubsanon, mapailobon, puno sa gugma, mauyonon sa pagtugyan sa tanan nga butang diin ang Ginoo makakita nga angay ipahamtang nganha kaniya, sa samang paagi nga ang usa ka bata motugyan sa iyang kaugalingon ngadto sa iyang amahan.

20 Ug dugang pa, sultihan ko kamo, nga moabot ang panahon nga ang akahibalo bahin sa usa ka Manluluwas mokaylap sa bmatag nasod, kaliwat, pinulongan, ug katawhan.

21 Ug tan-awa, kon moabot man kanang panahona, walay bisan usa ang maisip nga awalay sala sa atubangan sa Dios, gawas sa gagmayng mga bata, pinaagi lamang sa paghinulsol ug pagtuo sa ngalan sa Ginoong Dios nga Makagagahom.

22 Ug bisan gani niining panahona, kon matudloan na nimo ang imong katawhan sa mga butang nga gisugo kanimo sa Ginoo nga imong Dios, bisan nianang panahona dili sila maisip nga walay sala sa mga panan-aw sa Dios, gawas lamang kon mosunod sa mga pulong nga akong gipamulong kanimo.

23 Ug karon ako nakapamulong na sa mga pulong nga gisugo kanako sa Ginoong Dios.

24 Sa ingon niini miingon ang Ginoo: Mobarog kini sama sa hayag nga pagpamatuod batok niini nga katawhan, sa adlaw sa paghukom; diin sila pagahukman, matag tawo sumala sa iyang mga binuhatan, maayo man, o daotan.

25 Ug kon magpakadaotan sila itugyan sila ngadto sa makahahadlok nga atalan-awon sa kaugalingon nilang mga sala ug pagkasalawayon, nga maoy hinungdan nga mosibog sila sa kahadlok gikan sa atubangan sa Ginoo ngadto sa bmakaluluoy nga kahimtang ug walay kataposang kasakit, diin sila dili na makabalik; mao nga nakainom sila sa panghimaraot sa kaugalingon nilang mga kalag.

26 Mao nga, ang kopa sa kapungot sa Dios ilang giinom, kon diin ang kaangayan dili na makabakwi kanila sama nga wala kini makabakwi sa pagkapukan ni aAdan tungod sa iyang pag-ambit sa gidili nga bbunga; mao nga, ang ckaluoy wala nay mahimo kanila sa kahangtoran.

27 Ug ang ilang ahilabihang kasakit susama sa usa ka blinaw sa kalayo ug asupre, kansang pagdilaab dili mapalong, ug kansang aso mosaka sa itaas hangtod sa kahangtoran. Sa ingon niini ang Ginoo misugo kanako. Amen.