Tusitusiga Paia
Mosaea 29


Mataupu 29

Ua fautua mai e Mosaea ia filifilia ni faamasino e sui i le tulaga o se tupu—O tupu e lē amiotonu latou te ta’ita’ia o latou nuu i le agasala—Ua filifilia Alema le itiiti e fai ma faamasino sili e ala i le leo o le nuu—O ia foi o le faitaulaga sili i le Ekalesia—Ua maliliu Alema le matua ma Mosaea. E tusa o le 92–91 T.L.M.

1 O lenei ina ua uma ona faia e Mosaea lenei mea, sa ia logoina le nuu atoa, i totonu o tagata uma, i lona fia iloa o lo latou loto e faatatau i se tasi e tatau ona avea ma o latou tupu.

2 Ma sa oo ina oo mai le leo o le nuu, fai mai: Matou te manana’o ia avea Arona lou atalii ma o matou tupu ma o matou pule.

3 O lenei sa alu a’e Arona i le laueleele o Nifae, o lea na lē mafai ai e le tupu ona faaee atu o le malo i ona luga; na le mafai foi e Arona ona ave e ia le malo i ona luga; e leai foi se tasi o aatalii o Mosaea na mana’o e ave le malo i o latou luga.

4 O lea na toe logoina e le tupu o Mosaea le nuu; ioe, i se sāvali tusia sa auina atu e ia i totonu o le nuu. Ma o upu nei sa tusia, e faapea:

5 Faauta, E, outou e lo’u nuu, po o o’u uso, ona ua faapena ona ou manatu ia te outou, ou te mana’o ia outou manatunatu i le faamoemoe ua valaaulia outou e mafaufau i ai—ona ua outou manana’o ia i ai se atupu.

6 O lenei ou te ta’utino atu ia te outou, o ia o lē ua i ai tonu le aiā i le malo, ua teena e ia, ma o le a lē avea e ia i ona luga le malo.

7 Ma o lenei afai e tofia se tasi e suitulaga ia te ia, faauta ou te fefe o le a tutupu mai ai finauga i totonu o outou. Ma o ai na iloa i lo’u atalii, o lē tonu ua ia te ia le malo, ae le liliu i le ita ma ta’ita’i ese ai e ia se vaega o lenei nuu ia mulimuli atu ia te ia, o le a tutupu mai ai taua ma finauga i totonu o outou, ia o le a avea ma pogai o le a faamasaa ai le toto tele ma faapi’opi’o ai ala o le Alii, ioe, ma faaumatia ai agaga o tagata e toatele.

8 O lenei ou te fai atu ia te outou, ia tatou atamamai ma manatunatu i nei mea, ona e leai sa tatou aiā e faaumatia ai lo’u atalii, pe tatau foi ona i ai sa tatou aiā e faaumatia ai se isi tagata, pe a tofia o ia e suitulaga ia te ia.

9 Ma afai ae toe liliu atu lo’u atalii i lona faamaualuga ma mea lē aoga, o le a toe manatua e ia mea na ia fai mai ai, ma fesiligia lana aiā i le malo, lea o le a fai ma mafuaaga e fai ai e ia ma lenei nuu foi, le agasala tele.

10 Ma o lenei ia tatou atamamai, ma taga’i i luma e uiga i nei mea, ma fai le mea e maua ai e lenei nuu le filemu.

11 O lea o le a avea ai a’u ma o outou tupu i o’u aso o totoe; ae ui i lea, ia tatou atofia ni efaamasino, e faamasino i lenei nuu e tusa ma a tatou tulafono; ma o le a fou ona tatou faatulaga mataupu o lenei nuu, ona o le a tatou tofia tagata popoto e avea ma faamasino, e faamasino lenei nuu e tusa ma poloaiga a le Atua.

12 O lenei e sili ona lelei ona faamasino o se tagata e le Atua, nai lo e se tagata, ona o faamasinoga a le Atua e tonu pea lava, ae o faamasinoga a tagata, e lē tonu pea.

13 O lea, a na fai e mafai ona outou maua o ni atagata amiotonu e avea ma o outou tupu, o e latou te faamautuina tulafono a le Atua, ma faamasino i lenei nuu e tusa ma ana poloaiga, ioe, a na mafai ona outou maua o ni tagata, o e latou te faia e pei ona faia e lo’u tamā, o ePeniamina, mo lenei nuu, e avea ma o outou tupu—ou te fai atu ia te outou, a na fai o le tulaga lea i taimi uma, ona tatau ai lea ona outou maua o ni tupu i taimi uma e pule i luga o outou.

14 Ma e oo ia te a’u lava ia, sa ou galue ma le mana atoa ma le poto uma sa ia te a’u, e a’oa’o atu ia te outou poloaiga a le Atua, ma faatuina le filemu i le laueleele atoa, ina ia leai ni taua po o ni finauga, leai se gaoi, po o se fai o le vete, po o se fasioti tagata, po o soo se ituaiga o amioletonu;

15 Ma o soo se tasi sa faia le amioletonu, sa ou afaasalaina o ia e tusa ma le solitulafono na faia e ia, e tusa ma le tulafono na tuuina mai ia te i tatou, e o tatou tamā.

16 O lenei ou te fai atu ia te outou, ona e lē amiotonu tagata uma, ua lē tatau ai ona i ai o se tupu po o ni tupu, e pule i luga o outou.

17 Auā faauta, o le a le tele o le aamioletonu e mafua e se tupu eamioleaga e toatasi ona fai, ioe, ma le faafanoga tele lava e oo mai ai!

18 Ioe, ia manatua le tupu o Noa, lona aamioleaga ma ana mea inosia, ma le amioleaga ma mea inosia foi a lona nuu. Faauta i le faafanoga tele na oo mai i o latou luga; ma ona o a latou amioletonu foi, na aumai ai i latou i le epologa.

19 Ma a na le seanoa le fesoasoani mai o lo latou Foafoa e silafia mea uma, ma o lenei ona o lo latou salamo faamaoni, po ua lē ma’alofia lo latou tumau ai pea i le pologa se’ia oo mai i le taimi nei.

20 Ae faauta sa lavea’i e ia i latou ona sa latou afaamaualalo i latou lava i ona luma; ma ona sa latou etagi faatauanau atu ia te ia, o lea na lavea’i ai e ia i latou mai le pologa; ma ua faapea lava ona galue o le Alii ma lona mana i tulaga uma i totonu o le fanauga a tagata, ma faaloaloa mai le aao o le ialofa mutimutivale ia te i latou, o e e tuu atu lo latou ofaalagolago ia te ia.

21 Ma faauta, ou te fai atu nei ia te outou, e lē mafai ona outou aveesea mai le nofoalii se tupu amioletonu, vaganā ai e ala i finauga tele, ma le faamasaa toto tele.

22 Aua faauta, e i ai ni ana auo e fai amioletonu, ma e tuu e ia ana leoleo e si’osi’omia o ia; ma na saeia e ia tulafono a i latou o e na nofotupu i le amiotonu i luma atu o ia; ma e soli e ia i lalo o ona vae poloaiga a le Atua;

23 Ma e fai e ia tulafono, ma auina atu i totonu o lona nuu, ioe, o tulafono e tusa ai ma lona lava aamioleaga; ma o soo se tasi e lē usiusitai i ana tulafono, e faatonu e ia ia faaumatiaina; ma o soo se tasi e fouvale faasaga atu ia te ia, e auina atu e ia lana autau e faasaga ia te i latou i le taua, ma afai e mafaia ona fai e ia, o le a ia faaumatiaina i latou; ma e faapea ona faapi’opi’o e se tupu amioletonu ala o le amiotonu uma.

24 Ma o lenei faauta ou te fai atu ia te outou, e lē tatau ona oo mai mea inosia faapea i o outou luga.

25 O lea, ia outou filifili ai e ala i le leo o lenei nuu, ni faamasino, ina ia mafai ona faamasinoina outou e tusa ai ma tulafono ua tuu mai ia te outou e o tatou tamā, o ni tulafono ua sa’o, ma o ni tulafono na tuu mai ia te i latou e le aao o le Alii.

26 O lenei e lē masani ona manao le leo o le nuu i soo se mea e lē talafeagai ma le mea sa’o; ae e masani i se vaega toaitiiti o le nuu ona mananao i le mea ua lē sa’o; o lea o le mea lenei ia outou tausi ma fai ma a outou tulafono—ia fai a outou mataupu e ala i le leo o le nuu.

27 Ma aafai e oo mai se taimi e filifili ai e le leo o le nuu le amioletonu, o le taimi lena o le a oo mai ai faamasinoga a le Atua i o outou luga; ioe, o le taimi lena o le a asiasi mai ai o ia ia te outou i le faafanoga tele, e pei lava ona asia e ia lenei laueleele seia oo mai i le taimi nei.

28 Ma o lenei afai e i ai ni o outou faamasino, ma e latou te lē faamasinoina outou e tusa ai ma le tulafono ua tuuina mai, e mafai ona outou faia ia faamasinoina i latou e se faamasino maualuga atu.

29 Afai e lē faia e o outou faamasino maualuluga faamasinoga amiotonu, ia outou faia ia faapotopoto faatasi se aofai toaitiiti o o outou faamasino maualalalo, ma latou faamasino o outou faamasino maualuluga, e tusa ma le leo o le nuu.

30 Ma ou te poloa’i atu ia te outou ia outou faia nei mea ma le mata’u i le Alii; ma ou te poloa’i atu ia te outou ia outou faia nei mea, ma ia lē i ai so outou tupu; auā afai e faia e nei tagata ia agasala ma amioletonu, o le a tauia i latou i luga o o latou lava ulu.

31 Auā faauta ou te fai atu ia te outou, o agasala a le toatele o tagata na pogai mai i amioletonu a o latou tupu; o lea o a latou amioletonu o le a tauia i luga o ulu o o latou tupu.

32 Ma o lenei ou te mana’o ia lē toe i ai lenei alē tutusa i lenei laueleele, aemaise lava i totonu o o’u nei tagata; ae ou te mana’o ia avea lenei laueleele ma laueleele o le esa’olotoga, ma ia mafai ona maua tutusa e itagata taitoatasi le fiafia i ana aiā ma ona avanoa, e tusa ai ma le umi e tonu i le silafaga a le Alii e mafai ona tatou ola ai ma fai ai mo o tatou tofi le laueleele, ioe, e oo lava i le umi e i ai a tatou fanau i luga o le laueleele.

33 Ma e tele ni isi mea sa tusi atu ai le tupu o Mosaea ia te i latou, na faailoa atu ai ia te i latou tofotofoga ma faalavelave uma o se tupu amiotonu, ioe, o mafatiaga uma o le agaga mo o latou tagata, ma muimuiga uma foi a tagata i lo latou tupu; ma sa faamalamalama atu atoa e ia lenei mea ia te i latou.

34 Ma sa ta’u atu e ia ia te i latou e lē tatau ona i ai ia mea; ae e tatau ona oo i luga o tagata uma le avega, ina ia mafai e tagata taitoatasi ona tauave lana vaega.

35 Ma sa faailoa atu foi e ia ia te i latou, faaletonu uma latou te galulue ai, ona o le i ai o se tupu amioletonu e pule i luga o i latou;

36 Ioe, o ana amioletonu uma ma mea inosia, ma taua uma, ma finauga, ma le faamasaatoto, ma le gaoi, ma le fai o le vete, ma le fai o le faitaaga, ma ituaiga amioletonu eseese uma e lē mafai ona faitaulia—ma ta’u atu ia te i latou e lē tatau ona i ai ia mea, ua manino ona ta’u mai le inosia o i latou i poloaiga a le Atua.

37 Ma o lenei sa oo ina ua uma ona auina atu e le tupu o Mosaea ia mea i totonu o le nuu, sa latou talitonu i le moni o ana upu.

38 O lea na latou tuu ai o latou mana’o i se tupu, ma faatupuina lo latou naunau tele ia maua e tagata taitoatasi le avanoa tutusa i le laueleele atoa; ioe, ma sa faaali mai e tagata taitoatasi lona loto malie e tali atu mo ana lava agasala.

39 O lea, sa oo ina latou faapotopoto faatasi i latou lava i ni vaega i le laueleele atoa, e faaali mai o latou leo e uiga i e e tatau ona avea ma o latou faamasino, e faamasino i latou e tusa ma le atulafono ua tuuina mai ia te i latou; ma sa latou olioli tele lava ona o le esaolotoga ua tuu mai ia te i latou.

40 Ma sa faateteleina lo latou alolofa ia Mosaea; ioe, sa latou manatu maualuga ia te ia e sili atu i lo se isi lava tagata; ona sa latou lē vaai a’e ia te ia o se tagata sauā o sē sa saili mo le ’oa, ioe, mo lena ’oa e faaleaga ai le agaga; ona sa le’i aveeseina e ia se ’oa mai ia te i latou, sa lē fiafia foi o ia i le faamasaaina o le toto; ae sa faatupuina e ia le afilemu i le laueleele, ma sa tuu atu e ia i lona nuu ina ia lavea’iina i latou mai ituaiga o pologa eseese uma; o lea sa latou faaaloalogia ai o ia, ioe, silisili lava, e lē mafuatiaina.

41 Ma sa oo ina latou tofia afaamasino e pule i luga o i latou, pe faamasino i latou e tusa ma le tulafono; ma sa latou faia lenei mea i le laueleele atoa.

42 Ma sa oo ina tofia Alema e avea ma faamasino sili muamua, ma o ia foi o le faitaulaga sili, ona sa faaee e lona tamā le tofi i luga o ia, ma sa tuu atu ia te ia le matafaioi e faatatau i mataupu uma o le ekalesia.

43 Ma o lenei sa oo ina asavali Alema i ala o le Alii, ma sa tausi o ia i ana poloaiga, ma sa faamasino atu o ia i faamasinoga amiotonu; ma sa i ai le filemu e lē aunoa i le laueleele atoa.

44 Ma sa faapea ona amata o le nofoa’iga a faamasino i le laueleele atoa o Sara’emila, i totonu o tagata uma o e sa ta’ua o sa Nifaē; ma sa avea Alema ma ulua’i faamasino sili.

45 Ma o lenei sa oo ina maliu lona tamā, i le valu sefulu ma le lua o ona tausaga, ina ua mavae ona soifua e faataunuu poloaiga a le Atua.

46 Ma sa oo foi ina maliu Mosaea, i le tolu sefulu ma le tolu o tausaga o lana nofoa’iga, i le aono sefulu ma le tolu lea o ona tausaga; o le atoa ai lea, o le lima selau ma le iva o tausaga mai le taimi na tuua ai e Liae Ierusalema.

47 Ma sa faapea ona i’u o le nofoa’iga a tupu i le nuu o Nifae; ma sa faapea foi ona i’u o aso o Alema, o lē na faavaeina la latou ekalesia.