1 Oqo ka sa yaco ni ra sa vakayacora oti na ^aluvei Mosaia na veika oqo, era sa qai kauta e lewe vica ka lesu vata yani vei tamadra, na tui, era sa kerea vua me vakadonuya me ra, lako vata kei ira era sa digitaka oqo, ki na vanua ko ^bNifai, ka vunautaka na veika era sa rogoca, ka me ra tukuna na vosa ni Kalou vei ira na wekadra, ko ira na Leimanaiti—

2 Ke rawa me ra kauti ira mai me ra kila na Turaga na nodra Kalou, me rawa talega ni ra kila kina na nodra caka ca ko ira na nodra qase; de na qai rawa ni oti kina na nodra dau ^asevaki ira tiko na Nifaiti, ia me rawa ni ra rekitaka kina na Turaga na nodra Kalou, ka me ra veiyaloni, me mudu kina na veicacati ena vanua taucoko sa solia vei ira na Turaga na nodra Kalou.

3 Ia era sa gadreva me tukuni yani na veivakabulai vei ira na tamata kecega, ka ni ra sega ni ^avinakata me ^brusa e dua na yalo ni tamata; io, na nodra vakasamataka wale ga na nona totogitaki e dua na yalo ni tamata ena ^crarawa tawacava, e vakavuna na nodra sakure ka sautaninini.

4 Ia sa vakaoqo na cakacaka ni Yalo ni Turaga vei ira, ka ni ra sa ^atamata ivalavala ca sara. A sa raica na Turaga ena nona ^bloloma cecere tawayalani ni ganita me vakabulai ira; ia sa yaluma vakalevu sara na yalodra ena nodra ivalavala ca, ka ra sa taqaya ka rere vakalevu de ra na muduki tani me sega ni mudu.

5 Ka sa yaco ni sa siga vuqa na nodra vakamasuti tamadra tiko me ra lako cake ki na vanua ko Nifai.

6 Ka sa lako ko Mosaia na tui ka taroga vua na Turaga, se sa dodonu me laivi ira na luvena me ra lako cake vei ira na Leimanaiti ka vunautaka na vosa.

7 Ia sa kaya vei Mosaia na Turaga: Laiva me ra lako cake, ni na lewevuqa era na vakabauta na nodra vosa, ka ra na rawata kina na bula tawamudu; ia au na ^avueti ira na luvemu mai na ligadra na Leimanaiti.

8 Ka sa yaco ni sa qai vakadonuya ko Mosaia me ra lako ka kitaka na ka era sa gadreva.

9 Ia era sa ^agole yani ki na lekutu ka lako cake me vunautaka na vosa vei ira na Leimanaiti; ia au na qai ^btukuna malua na kedra itukutuku.

10 Oqo sa sega e dua me solia vua ko Mosaia na tui na lewa ni matanitu, ni sa sega ni dua vei ira na luvena e vinakata me taura na matanitu.

11 O koya sa taura kina na ivolatukutuku ka ceuti tu ena ^apeleti parasa kei na peleti i Nifai, kei na veika kece a taqomaka ka maroroya tu me vaka na ivakaro ni Kalou, ni sa vakadewataka oti ka vakarota me volai na itukutuku mai na ^bpeleti koula era a kunea mai na tamata i Limiai, ka qai mai solia vua ko Limiai;

12 Ka sa vakadewataka oqori ena nodra sa nanamaki vakalevu na nona tamata; ena nodra sa rui gadreva me ra kila na kedra itukutuku na tamata era sa vakarusai.

13 Ia oqo sa vakayagataka ena nona vakavakadewa e rua na ^avatu ka rau qasoti ena mua e rua ni dua na vucu.

14 Ia na ka oqo sa vakarautaki tu mai na ivakatekivu, qai vakadewataki sobu mai ena dua na itabatamata ki na itabatamata, me dau vakadewataki tiko kina na vosa;

15 Ka sa maroroi ka taqomaki tu mai na liga ni Turaga, me vakaraitaka kina vei ira era na taukena na vanua oqo na nodra caka ca kei na itovo vakasisila na nona tamata;

16 Ia ko koya yadua sa taukena na ka oqo sa vakatokai me ^adaurairai, me vaka na kena ivakarau ena gauna makawa.

17 Oqo ni sa vakadewataka oti ko Mosaia na itukutuku oqo, raica, sa tukuni kina e dua na kedra itukutuku na mata tamata era sa ^avakarusai; mai na gauna era vakarusai kina ka kauta lesu ki na gauna e a tara kina na ^bvale cecere, ena gauna ka ^cvakasesea kina na Turaga na nodra vosa na tamata, ka ra qai veiseyaki kina e delai vuravura, io, mai na gauna koya ka kauta lesu sara ki na gauna a buli kina ko Atama.

18 Ia na itukutuku oqo e vakavuna na nodra tagi vakalevu na tamata i Mosaia; io era sa vakasinaiti ena rarawa; ia era kila rawa kina e vuqa na ka, o koya era sa marau kina vakalevu.

19 Ia na itukutuku oqo ena qai tukuni malua yani, ia raica, sa kilikili me ra kila na tamata kecega na veika kece sa volai tu ena itukutuku oqo.

20 Ia oqo, me vaka au sa kaya vei kemudou, ni sa vakayacora oti ko Mosaia na tui na veika oqo, sa qai kauta na peleti ^aparasa, kei na veika kece a maroroya tu, ka la’ki solia vei Alama, na luvei Alama; io, na ivolatukutuku kece, kei na ^bivakavakadewa, ka sa soli vua, ka sa qai vakarota vua me qarauna ka ^cmaroroya vinaka, ka me vola tale tikoga kina na kedra itukutuku na tamata, me qai vakadewai sobu mai na dua na itabatamata ki na dua tale, me vaka ga na kena sa vakadewai sobu tiko mai, mai na gauna ka biuti Jerusalemi mai kina ko Liai.