Mga Kasulatan
Mosiah 27


Kapitulo 27

Gidid-an ni Mosiah ang pagpanglutos ug miawhag sa kaangayan—Si Alma nga batan-on ug ang upat ka anak nga mga lalaki ni Mosiah nagtinguha sa paglaglag sa Simbahan—Usa ka anghel mipakita ug misugo kanila sa paghunong sa ilang daotan nga palakaw—Si Alma naamang—Ang tanan nga katawhan kinahanglan gayod nga matawo pag-usab aron makaangkon og kaluwasan—Si Alma ug ang mga anak na lalaki ni Mosiah mipadayag og malipayong mga balita. Mga 100–92 B.C.

1 Ug karon nahitabo nga ang mga pagpanglutos nga gihimo sa mga dili matuohon ngadto sa Simbahan migrabe kaayo nga ang mga sakop sa simbahan misugod sa pagbagulbol, ug misumbong sa mga pangulo kabahin niana nga kahimtang; ug misumbong sila ni Alma. Ug gipresentar ni Alma ang panghitabo sa atubangan sa hari nga si Mosiah. Ug si Mosiah nagpakitambag sa iyang mga pari.

2 Ug nahitabo nga si hari Mosiah mipadala og usa ka pahibalo sa tibuok yuta nga kinahanglan walay usa sa dili matuohon nga amolutos ni bisan kinsa nga sakop sa simbahan sa Dios.

3 Ug dihay higpit nga sugo sa tanang simbahan nga kinahanglan walay pagpanglutos taliwala kanila, nga kinahanglan adunay akaangayan taliwala sa tanang tawo;

4 Nga dili nila tugotan ang garbo ni ang pagkamapahitas-on nga moguba sa ilang akalinaw; nga ang matag tawo kinahanglan bmotamod sa iyang isigkatawo sama sa iyang kaugalingon, motrabaho gamit ang ilang kaugalingong mga kamot alang sa ilang panginabuhi.

5 Oo, ug ang tanan nilang pari ug magtutudlo kinahanglan amotrabaho gamit ang kaugalingon nilang mga kamot alang sa ilang panginabuhi, sa tanan nga mga sitwasyon gawas lang kon magkasakit, o kon anaa sa tumang panginahanglan; ug sa pagbuhat niining mga butanga, sila nabuhong sa bgrasya sa Dios.

6 Ug didto nagsugod na usab ang dako nga kalinaw sa yuta; ug ang katawhan nagsugod sa pagkadaghan, ug nagsugod sa pagkatag sa ibabaw sa yuta, oo, didto sa amihanan ug didto sa habagatan, didto sa silangan ug sa kasadpan, nagtukod og dagko nga mga siyudad ug mga balangay sa tanan nga dapit sa yuta.

7 Ug ang Ginoo miduaw kanila ug mipauswag kanila, ug nahimo silang daghan kaayo ug adunahan nga katawhan.

8 Karon ang mga anak nga lalaki ni Mosiah nalakip sa mga dili matuohon; ug usab usa sa mga aanak nga lalaki ni Alma nalakip kanila, kinsa ginganlan og Alma, sama sa iyang amahan; bisan pa niana, nahimo siyang daotan kaayo nga tawo ug btigsimba og dios-dios. Ug tawo siya nga maayong motabi, ug hilabihan gayod niya nga nakaulog-ulog sa katawhan; busa nakaagni siya og daghang katawhan sa pagsunod sa iyang mga pagkadaotan.

9 Ug nahimo siyang dako nga babag sa kauswagan sa simbahan sa Dios; anagdani sa mga kasingkasing sa katawhan; nga maoy hinungdan sa daghang panagsumpaki taliwala sa katawhan; nga naghatag og higayon sa kaaway sa Dios aron mogamit sa iyang gahom ngadto kanila.

10 Ug karon nahitabo nga samtang milibot siya sa mga dapit aron sa paglaglag sa simbahan sa Dios, kay milibot siya sa hilom uban sa mga lalaki nga anak ni Mosiah nga nagtinguha sa paglaglag sa simbahan, ug sa pagpahisalaag sa katawhan sa Ginoo, batok sa mga sugo sa Dios, o gani sa hari—

11 Ug sama sa akong gisulti kaninyo, samtang nagpadayon sila sa apagsupil batok sa Dios, tan-awa, ang banghel sa Ginoo cmipakita kanila; ug mikunsad siya sama sa usa ka panganod; ug namulong siya nga daw tingog sa dugdog, nga nakapauyog sa yuta diin sila nagbarog;

12 Ug hilabihan ang ilang pagkatingala, nga nangatumba sila sa yuta, ug wala makasabot sa mga pulong nga iyang gisulti ngadto kanila.

13 Bisan pa niana misinggit siya pag-usab, nga nag-ingon: Alma, bangon ug tindog, kay nganong gilutos man nimo ang simbahan sa Dios? Kay ang Ginoo nag-ingon: aKini ang akong simbahan, ug Ako motukod niini; ug walay makalaglag niini, gawas sa kalapasan sa akong katawhan.

14 Ug usab, ang anghel miingon: Tan-awa, gidungog sa Ginoo ang mga apag-ampo sa iyang katawhan, ug usab ang mga pag-ampo sa iyang sulugoon, si Alma, kinsa imong amahan; kay nag-ampo siya inubanan sa pagtuo kabahin kanimo nga ikaw unta makahibalo sa kamatuoran; busa, tungod niini nga katuyoan ania ako aron sa pagdani kanimo sa gahom ug awthoridad sa Dios, nga ang mga bpag-ampo sa iyang mga sulugoon unta matubag sumala sa ilang pagtuo.

15 Ug karon tan-awa, malalis ba nimo ang gahom sa Dios? Kay tan-awa, wala ba ang akong tingog makapauyog sa yuta? Ug wala ba usab ikaw makakita kanako sa imong atubangan? Ug gipadala ako gikan sa Dios.

16 Karon sultihan ko ikaw: Lakaw, ug hinumdomi ang pagkabihag sa imong mga amahan didto sa yuta sa Helam, ug didto sa yuta sa Nephi; ug hinumdomi unsa kamahinungdanon ang mga butang nga iyang gihimo alang kanila; kay naulipon sila, ug siya amiluwas kanila. Ug karon sultihan ko ikaw, Alma, lakaw sa imong dalan, ug ayaw na pagtinguha sa paglaglag sa simbahan, aron ang ilang mga pag-ampo matubag, ug buhata kini bisan kon ikaw sa imong kaugalingon nagtinguha nga isalikway.

17 Ug karon nahitabo nga mao kini ang kataposan nga mga pulong nga gisulti sa anghel ngadto kang Alma, ug siya mibiya.

18 Ug karon si Alma ug kadtong iyang mga kauban natumba pag-usab sa yuta, kay dako kaayo ang ilang katingala; kay sa ilang kaugalingon mismo nga mga mata nakita nila ang anghel sa Ginoo; ug ang iyang tingog ingon og dugdog, nga nakapauyog sa yuta; ug nasayod sila nga walay lain gawas sa gahom sa Dios nga makapauyog sa yuta ug makapakurog niini nga daw mapikas kini.

19 Ug karon ang katingala ni Alma hilabihan ka dako nga nahimo siyang amang, nga dili na siya makapabuka sa iyang ba-ba; oo, ug naluya siya, gani dili na niya malihok ang iyang mga kamot; busa giagak siya sa iyang mga kauban, ug gialsa nga walay umoy, gani hangtod nga gipahigda siya sa atubangan sa iyang amahan.

20 Ug gisaysay nila ngadto sa iyang amahan ang tanan nga nahitabo kanila; ug ang iyang amahan nagmaya, kay nasayod siya nga gahom kadto sa Dios.

21 Ug misugo siya nga pundokon ang katawhan nga sila makasaksi unsa ang nahimo sa Ginoo alang sa iyang anak nga lalaki, ug usab alang niadtong iyang mga gikauban.

22 Ug misugo siya nga ang mga pari kinahanglan magpundok sa ilang mga kaugalingon; ug nagsugod sila sa pagpuasa, ug sa pag-ampo ngadto sa Ginoo nga ilang Dios nga ablihan niya ang ba-ba ni Alma, nga siya makasulti, ug nga ang iyang mga bukton ug mga tiil makadawat sa ilang kusog—nga ang mga mata sa katawhan mabuka aron makakita ug masayod sa kaayo ug sa himaya sa Dios.

23 Ug nahitabo nga human sila makapuasa ug makaampo sulod sa duha ka adlaw ug duha ka gabii, ang mga bukton ug mga tiil ni Alma nakadawat sa ilang kusog, ug mibarog siya ug misugod sa pagpamulong ngadto kanila, naghangyo kanila nga magmadasigon:

24 Kay, nag-ingon siya, naghinulsol na ako sa akong mga sala, ug anatubos na sa Ginoo; tan-awa natawo ako sa Espiritu.

25 Ug ang Ginoo miingon kanako: Ayaw pagkahibulong nga ang tanang katawhan, oo, mga lalaki ug mga babaye, tanang kanasoran, kaliwatan, pinulongan ug katawhan, kinahanglang amatawo pag-usab; oo, matawo sa Dios, bmausab gikan sa ilang ckalibotanon ug napukan nga kahimtang, ngadto sa kahimtang sa pagkamatarong, ingon nga natubos sa Dios, mahimo nga iyang mga anak nga lalaki ug mga anak nga babaye;

26 Ug sa ingon mahimo silang bag-o nga mga linalang; ug gawas kon buhaton nila kini, sila adili gayod makapanunod sa gingharian sa Dios.

27 Sultihan ko kamo, gawas kon mahitabo kini, isalikway gayod sila; ug nasayod ako niini, kay hapit na ako masalikway.

28 Bisan pa niana, human makataak sa daghan nga kalisdanan, naghinulsol hapit ngadto sa kamatayon, ang Ginoo sa iyang kaluoy nakakita nga angay akong birahon gikan sa awalay kataposan nga pagkasunog, ug ako natawo sa Dios.

29 Ang akong kalag natubos gikan sa apdo sa kapaitan ug sa mga higot sa pagkadaotan. Didto ako sa kinangitngitan nga bahin sa kahiladman; apan karon nakita nako ang katingalahan nga kahayag sa Dios. Ang akong kalag agisakit sa walay kataposan nga hilabihang pagsakit; apan gibira ako, ug ang akong kalag wala na mag-antos.

30 Akong gisalikway ang akong Manunubos, ug gilimod ang mga gipamulong sa atong mga amahan; apan karon aron ilang malantaw nga moanhi siya, ug nga siya nahinumdom sa matag linalang nga iyang gilalang, ipakita niya ang iyang kaugalingon ngadto sa tanan.

31 Oo, amatag tuhod moluhod, ug matag dila mokompisal sa iyang atubangan. Oo, gani sa kataposan nga adlaw, kon ang tanang tawo mobarog aron iyang bhukman, human niana modawat sila nga siya mao ang Dios; human niana modawat sila, kinsa nagpuyo nga cwalay Dios sa kalibotan, nga ang paghukom sa usa ka walay kataposan nga silot makiangayon ngadto kanila; ug mauyog sila, ug mangurog, ug mokulo ubos sa panan-aw sa iyang dmahait nga mga mata.

32 Ug karon nahitabo nga si Alma sukad niini nga panahon misugod sa pagtudlo sa katawhan, ug niadtong mga kauban ni Alma sa panahon nga ang anghel mipakita kanila, naglibot sa tibuok kayutaan, nagpahibalo sa tanan nga katawhan sa mga butang nga ilang nadungog ug nakita, ug nagsangyaw sa pulong sa Dios taliwala sa daghan nga kalisdanan, kay gilutos pag-ayo niadtong kinsa mga dili matuohon, kay gisakit sa daghan kanila.

33 Apan bisan pa niining tanan, nakahatag gayod sila og daghang kahupayan ngadto sa simbahan, naglig-on sa ilang pagtuo, ug nag-awhag kanila pinaagi sa pagkamainantoson ug labihan nga pag-antos aron makatuman sa mga sugo sa Dios.

34 Ug upat kanila mao ang amga anak nga lalaki ni Mosiah; ug ang ilang mga ngalan mao si Ammon, ug si Aaron, ug si Omner, ug si Himni; mao kini ang mga ngalan sa mga anak nga lalaki ni Mosiah.

35 Ug giadto nila ang tanan nga kayutaan sa Zarahemla, ug taliwala sa tanan nga katawhan kinsa ubos sa paghari ni hari Mosiah, mainiton nga naningkamot sa pagtul-id sa tanan nga kadaot nga ilang nahimo ngadto sa simbahan, nagkompisal sa tanan nila nga sala, ug nagpahibalo sa tanan nga butang nga ilang nakita, ug nagpasabot sa mga panagna ug mga kasulatan ngadto sa tanan nga nagtinguha sa pagpaminaw kanila.

36 Ug sa ingon niana nahimo silang mga instrumento sa mga kamot sa Dios sa pagdala sa daghan ngadto sa kahibalo sa kamatuoran, oo, ngadto sa kahibalo mahitungod sa ilang Manunubos.

37 Ug pagkabulahan nila! Kay anagmantala sila sa kalinaw; nagmantala sila sa bmaayong mga balita mahitungod sa mga maayo; ug nagpahayag sila ngadto sa katawhan nga ang Ginoo ang naghari.