Koroboki Aika Tabu
Motiaea 25


Mwakoro 25

Kanoan Mureki i Taraemera a riki bwa Nibwaite—A reiakinaki taekaia ana botanaomata Aramwa ma Tinebi—Aramwa e bwabetitoa Rimwaai ma ana botanaomata—E kariaia Motiaea bwa e na katea ana Ekaretia te Atua Aramwa. Uakaan ma 120 I.K.

1 Ao ngkai e tua te uea ae Motiaea bwa a na botaki aomata ni kabane.

2 Ao aki rangi ni mwaiti ana botanaomata Nibwaai, ke n roko mwaitia ake a riki mai iroun Nibwaai nakon mwaitia ana abotanaomata Taraemera, ake a riki mai iroun bMureki, ma ake a iria nako nanon te rereua.

3 Ao a aki mwaiti riki bootaia ana botanaomata Nibwaai ma ana botanaomata Taraemera nakon mwaitia Reimwanaite; eng, e aki koro naba iteran mwaitia irouia.

4 Ao ngkai a bane ana botanaomata Nibwaai ni botaki, ao ana botanaomata naba Taraemera, ao a botaki n rabwata aika uoua.

5 Ao e koro bukina bwa e wareware Motiaea, ao e tua bwa e na warekaki, aia rongorongo Tinebi ma ana botanaomata; eng, e wareki aia rongorongo ana botanaomata Tinebi, man te tai are a kitana iai aban Taraemera ni karokoa manga okia.

6 Ao e wareki naba ana rongorongo Aramwa ma tarina, ma rawawataia, man te tai are a kitana iai aban Taraemera ni karokoa te tai are a manga oki iai.

7 Ao ngkai, ngke e a tia Motiaea ni wareki taian rongorongo aikai, a bane n onrake ana botanaomata ake a botaki n te miimi ao n te kubanako.

8 Bwa a aki ataa te bwai ae a na iangoia; bwa ngke a taraia ake a tia ni kamaiuaki aman te tautoronaki ao a onrake n te kimwareirei ae moan te bati.

9 Ao riki, ngke a uringia tariia ake a tia n tiringaki irouia Reimwanaite ao a onrake n te nanokawaki, ao a mwaiti ake a tinako ranin mataia n te nanokawaki.

10 Ao riki, a iangoa raoiroin te Atua naba ngkai, ao mwaakana ngke e kamaiua Aramwa ma tarina mai nanon baia Reimwanaite man te tautoronaki, a tabeki bwanaaia ni kaitaua te Atua.

11 Ao riki, ngke a iangoia Reimwanaite, ake tariia ngkoa, n aroia ni bure ma ni bareka, ao a onrake n te amaraki ma te aki rau ibukin maiun btamneia.

12 Ao e koro bukina bwa aomata ake natia Amuron ma tarina, ake a uotia nako natia Reimwanaite bwa buuia, a bon aki kukurei n aroia tamaia, ao a aki kan manga katokai araia tamaia iaoia, mangaia ae a katoka iaoia aran Nibwaai, bwa aonga n aranaki bwa natin Nibwaai ao ni warekaki i buakoia ake a aranaki bwa Nibwaite.

13 Ao ngkai a bane n aaranaki ana botanaomata Taraemera bwa Nibwaite, ao aio ibukin ae e a tia ni kaokaki ueana ti nakoia ana kariki Nibwaai.

14 Ao ngkai e koro bukina bwa ngke e a tia Motiaea n taetae ao ni wareware nakoia te botanaomata, ao e butiia Aramwa bwa e na taetae naba nakoia te botanaomata.

15 Ao e taetae Aramwa nakoia, ngke a botaki n rabwata aika a korakora, ao e mwananga man te rabwata teuana nakon teuana, ni kabwarabwara nakoia te botanaomata ibukin te rairannano ma onimakinan te Uea.

16 Ao e kaungaia ana botanaomata Rimwaai ma tarina, ma aomata ni kabane ake a tia ni kamaiuaki man te tautoronaki, bwa a na uringnga bwa bon te Uea are e kamaiuia.

17 Ao e koro bukina bwa ngke e a tia Aramwa n reireia aomata bwaai aika a mwaiti, ao n toki ana taeka nakoia, ao e a kan bwabetitoaki te uea are Rimwaai; ao ana botanaomata naba ni kabane a kan bwabetitoaki naba.

18 Mangaia ae e nako Aramwa nakon te ran ao e abwabetitoia; eng, e bwabetitoia n aron are karaoia nakoia tarina i nanon bnein Moomon; eng, ao a bane n riki ake e bwabetitoia ni kabane bwa kaain ana ekaretia te Atua; ao e riki aio bwa a kakoauai ana taeka Aramwa.

19 Ao e koro bukina bwa e kariaia te uea are Motiaea bwa e na katei mwanga n te ekaretia Aramwa ni kabuta aban Taraemera; ao e anganna te amwaaka ni katabuia ibonga ma tia reirei n mwangan ekaretia nako.

20 Ngkai e karaoaki aio ibukina ngkai a bon rang ni mwaiti aomata ao a aki kona n taraaki iroun te tia reirei ae ti temanna; ao a bon aki kona naba n ongo ana taeka te Atua man te koraki ae ti teuana.

21 Mangaia ae a bobotiia n rabwata aika a kakaokoro, ao a aranaki bwa ekaretia; ao n ekaretia nako iai taian ibonga ma tia reirei iai, ao ibonga ni kabane a bane n tataekina te taeka n aron are e taekinaki nakoia mai iroun Aramwa.

22 Ao n aio, e ngae ngke a mwaiti aekaretia a bon bane n riki bwa ti teuana, eng, ae ana ekaretia te Atua; bwa akea te bwai are tataekina i nanon mwangan te ekaretia aikai ma ti te rairannano ao onimakinan te Atua.

23 Ao iai itiua ekaretia iaon aban Taraemera. Ao e koro bukina bwa ane tauraoi ni katokaa iaona aaran Kristo, ke te Atua, ao e a kaaina ana ekaretia te Atua.

24 Ao a aranaki bwa ana abotanaomata te Atua. Ao e karuoa Tamneina te Uea nako aoia, ao a kakabwaiaki, ao a rikirake kabwaiaia iaon te aba.