Mga Kasulatan
Mosiah 15


Kapitulo 15

Sa unsang paagi nga si Kristo parehong Amahan ug Anak—Mangamuyo Siya ug mopas-an sa mga kalapasan sa Iyang katawhan—Sila ug ang tanan nga balaang mga propeta Iyang binhi—Iyang gipahitabo ang Pagkabanhaw—Ang gagmayng mga bata adunay kinabuhing dayon. Mga 148 B.C.

1 Ug karon miingon si Abinadi kanila: Akong tuyo nga inyong masabtan nga ang aDios mismo sa iyang kaugalingon manaog taliwala sa katawhan, ug bmotubos sa iyang katawhan.

2 Ug tungod kay anagpuyo man siya sa tawhanon nga lawas pagatawgon siya nga Anak sa Dios, ug kay gipaubos man ang unod sa kabubut-on sa bAmahan, nahimong Amahan ug Anak—

3 Amahan, atungod kay bgipanamkon siya pinaagi sa gahom sa Dios; ug Anak, tungod sa unod; sa ingon niana nahimong Amahan ug Anak—

4 Ug sila ausa ka Dios, oo, nga mao gayod ang bMahangtorong cAmahan sa langit ug sa yuta.

5 Ug sa ingon niana ang lawas nahimong ubos sa pagdumala sa Espiritu, o ang Anak ngadto sa Amahan, isip usa ka Dios, anag-antos og tentasyon, ug wala magpadaog sa mga tentasyon, apan mitugot nga ang iyang kaugalingon pagatamayon, ug bkastigohon, ug isalikway, ug cwala dawata sa iyang katawhan.

6 Ug human niining tanan, human makahimo og daghang talagsaon nga mga milagro taliwala sa katawhan, dad-on siya, oo, gani asama sa giingon ni Isaias, sama sa usa ka karnero nga magpakahilom sa atubangan sa iyang magtutupi, sa maong paagi wala niya bbukha ang iyang ba-ba.

7 Oo, bisan pa niana siya pagadad-on, ailansang sa krus, ug patyon, ang lawas mahimong ubos sa gahom sa kamatayon, ang bkabubut-on sa Anak mahimong kabahin sa kabubut-on sa Amahan.

8 Ug sa ingon niana ang Dios mibugto sa mga ahigot sa kamatayon, nga nakaangkon sa bkadaogan batok sa kamatayon; naghatag sa Anak og gahom sa cpagpangamuyo alang sa katawhan—

9 Kay mikayab na sa langit, nga adunay kasingkasing sa kaluoy; kay napuno sa kaluoy ngadto sa mga anak sa mga tawo; nga nagbarog taliwala kanila ug sa kaangayan; nga mibugto sa mga higot sa kamatayon, nga gipatong sa aiyang kaugalingon ang ilang mga pagkadaotan ug ang ilang mga kalapasan, nga mitubos kanila, ug bmihatag sa mga gipangayo sa hustisya.

10 Ug karon sultihan ko kamo, kinsa man ang moangkon nga iyang kaliwat? Tan-awa, sultihan ko kamo, nga sa dihang ang iyang kalag gihimo nga usa ka halad alang sa sala iyang makita ang iyang abinhi. Ug karon unsay inyong ikasulti? Ug kinsa ang mahimo niyang binhi?

11 Tan-awa sultihan ko kamo, nga kon si kinsa man ang nakadungog sa mga pulong sa mga apropeta, oo, sa tanang balaan nga propeta nga nanagna mahitungod sa pag-anhi sa Ginoo—sultihan ko kamo, nga kadtong tanan nga mipatalinghog sa ilang mga pulong, ug mituo nga ang Ginoo motubos sa iyang katawhan, ug naglantaw nianang adlawa alang sa usa ka kapasayloan sa ilang mga sala, sultihan ko kamo, nga kini sila mao ang iyang mga binhi, o sila mao ang mga manununod sa bgingharian sa Dios.

12 Kay mao kini sila kang kinsang mga sala aiyang gipas-an; mao kini sila kinsa iyang gipakamatyan, aron tubson sila gikan sa ilang mga kalapasan. Ug karon, dili ba sila iyang mga binhi?

13 Oo, ug dili ba ang mga propeta, ang matag usa nga mibuka sa iyang ba-ba sa pagpanagna, nga wala mahulog ngadto sa kalapasan, ako nagpasabot sa tanang balaan nga propeta sukad sa sinugdanan sa kalibotan? Sultihan ko kamo nga sila ang iyang mga binhi.

14 Ug mao kini sila ang anagmantala og kalinaw, nga nagdala og maayong balita sa pagkamatarong, kinsa nagmantala og kaluwasan; ug miingon ngadto sa Zion: Ang inyong Dios naghari!

15 Ug pagkaanindot sa ilang mga tiil diha sa mga kabukiran!

16 Ug usab, pagkaanindot sa mga tiil diha sa mga kabukiran niadtong nagmantala pa gihapon og kalinaw!

17 Ug usab, pagkaanindot sa mga tiil diha sa mga kabukiran niadtong kinsa human niini momantala og kalinaw, oo, gikan niini nga panahon ug sa kahangtoran!

18 Ug tan-awa, sultihan ko kamo, dili pa kini mao ang tanan. Kay O pagkaanindot sa mga atiil diha sa mga kabukiran kaniya nga nagdala og maayo nga mga balita, nga mao ang tigpasiugda og bkalinaw, oo, gani ang Ginoo, kinsa mitubos sa iyang katawhan; oo, kaniya kinsa naghatag og kaluwasan ngadto sa iyang katawhan;

19 Kay kon dili pa tungod sa katubsanan nga iyang gihimo alang sa iyang katawhan, nga giandam sukad pa sa apagkatukod sa kalibotan, sultihan ko kamo, nga kon dili pa tungod niini, ang tanang katawhan sigurado na untang bmalaglag.

20 Apan tan-awa, ang mga higot sa kamatayon mabugto, ug ang Anak maghari, ug adunay gahom sa kamatayon; busa, iyang ipahitabo ang pagkabanhaw sa mga patay.

21 Ug adunay moabot nga usa ka pagkabanhaw, gani aunang pagkabanhaw; oo, gani usa ka pagkabanhaw niadtong miagi na, ug kinsa ania karon, ug kinsa moabot pa, gani hangtod sa pagkabanhaw ni Kristo—kay sa ingon siya pagatawgon.

22 Ug karon, ang pagkabanhaw sa tanan nga propeta, ug kadtong tanan nga mituo sa ilang mga pulong, o kadtong tanan nga nagtuman sa mga sugo sa Dios, mobangon sa unang pagkabanhaw; busa, sila ang unang pagkabanhaw.

23 Sila bangonon aron amopuyo uban sa Dios kinsa mitubos kanila; sa ingon sila makaangkon og kinabuhing dayon pinaagi ni Kristo, kinsa bmibugto sa mga higot sa kamatayon.

24 Ug mao kini sila kinsa adunay bahin sa unang pagkabanhaw; ug mao kini sila nga namatay sa wala pa si Kristo moanhi, diha sa ilang pagkawalay alamag, ingon ang akaluwasan wala ikapadayag ngadto kanila. Ug sa ingon ang Ginoo nagpahitabo sa pagpahiuli niini; ug sila adunay bahin diha sa unang pagkabanhaw, o makabaton og kinabuhing dayon, ingon nga gitubos pinaagi sa Ginoo.

25 Ug ang gagmayng mga abata usab makabaton og kinabuhing dayon.

26 Apan tan-awa, ug akahadloki, ug pangurog sa atubangan sa Dios, kay angay kamo nga mokurog; kay ang Ginoo dili motubos ni bisan kinsa nga bmosupil batok kaniya ug cmamatay diha sa ilang mga sala; oo, gani tanan nga namatay diha sa ilang mga sala sukad pa sa sinugdanan sa kalibotan, nga mituyo sa pagsupil batok sa Dios, nga nasayod na sa mga sugo sa Dios, ug dili motuman niini; mao dkini sila ang ewalay bahin sa unang pagkabanhaw.

27 Busa dili ba kamo angay nga mokurog? Kay ang kaluwasan dili moabot sa mga sama niana; kay walay sama niana nga gitubos sa Ginoo; oo, ni ang Ginoo makatubos sa mga sama niana; kay siya dili makapamakak sa iyang kaugalingon; kay dili niya mahimong ilimod ang akaangayan kon kini mopahamtang na sa iyang silot.

28 Ug karon sultihan ko kamo nga ang panahon moabot nga ang kaluwasan sa Ginoo aipahayag ngadto sa matag nasod, kaliwatan, pinulongan, ug katawhan.

29 Oo, Ginoo, ang imong mga amagbalantay mopatigbabaw sa ilang tingog; pinaagi sa tingog magkahiusa sila sa pag-awit; kay sila magkakitaay, sa panahon nga ang Ginoo modala pagbalik sa Zion.

30 Paglipay, pagdungan sa pag-awit, kamo nga biniyaan nga mga dapit sa Jerusalem; kay ang Ginoo mihupay sa iyang katawhan, siya mitubos sa Jerusalem.

31 Ang Ginoo nagpadayag sa iyang balaan nga bukton diha sa mga mata sa tanan nga nasod; ug ang tanan nga lumulupyo sa yuta makakita sa kaluwasan sa atong Dios.