1 Ug karon sa dihang nadungog sa hari kini nga mga pulong, giingnan niya ang iyang mga pari: Ipalayo kining tawhana, ug patya siya; kay unsay atong makuha gikan kaniya, nga buang man siya.

2 Ug mibarog sila ug misulay sa pagdakop kaniya; apan misukol siya kanila, ug misulti ngadto kanila:

3 Ayaw ako og hikapa, kay silotan kamo sa Dios kon inyong idapat ang inyong mga kamot ngari kanako, kay wala pa ako makasulti sa mensahe nga gisugo sa Ginoo nga akong isulti; wala pa usab nako ikasulti kaninyo ang inyong ^agihangyo nga akong isulti; busa, ang Dios dili motugot nga ako mamatay niining higayona.

4 Apan kinahanglan nga akong tumanon ang mga sugo nga gisugo sa Dios kanako; ug tungod kay gisultihan ko kamo sa kamatuoran nangasuko kamo kanako. Ug usab, tungod kay gisulti nako ang pulong sa Dios inyo akong gihukman nga buang ako.

5 Karon nahitabo nga human nasulti ni Abinadi kini nga mga pulong nga ang katawhan ni hari Noah wala na mangahas sa pagdakop kaniya, kay ang Espiritu sa Ginoo diha kaniya; ug ang iyang nawong ^amihayag sa hilabihan nga kasanag, gani sama kang Moises samtang didto sa bukid sa Sinai, samtang nakigsulti sa Ginoo.

6 Ug namulong siya uban sa ^agahom ug awtoridad gikan sa Dios; ug gipadayon niya ang iyang mensahe nga nag-ingon:

7 Nakita ninyo nga kamo walay gahom sa pagpatay kanako, busa akong taposon ang akong mensahe. Oo, ug akong gibati nga kini ^amisamad kaninyo sa inyong mga kasingkasing tungod kay gisultihan ko kamo sa kamatuoran mahitungod sa inyong sayop nga mga binuhatan.

8 Oo, ug ang akong mga pulong mipuno kaninyo sa kahibulong ug katingala, ug kasuko.

9 Apan taposon nako ang akong mensahe; ug unya dili na igsapayan kon asa ako moadto, kon mahitabo nga ako maluwas.

10 Apan mao lamang kini ang akong ikasulti kaninyo, kon unsa man ang inyong buhaton kanako, human niini, mahimo kining usa ka ^apanig-ingnan ug paghulagway sa mga butang nga moabot.

11 Ug karon akong basahon diha kaninyo ang nahibilin sa mga ^asugo sa Dios, kay nakita nako nga wala kini mahisulat sa inyong mga kasingkasing; nakita nako nga gitun-an ninyo ug gitudlo ang pagkadaotan hapit sa tibuok ninyong kinabuhi.

12 Ug karon, hinumdomi ninyo nga gisulti ko kaninyo: Ayaw kamo pagbuhat alang sa inyong kaugalingon og bisan unsa nga kinulit nga larawan, o bisan unsa nga may pagkasama sa mga butang nga anaa sa langit, o anaa sa ilawom sa yuta, o anaa sa tubig ilawom sa yuta.

13 Ug usab: Ayaw kamo pagyukbo niini, ayaw pag-alagad niini; kay Ako ang Ginoo nga inyong Dios usa ka abubhoan nga Dios, nga nagsilot sa mga sayop nga binuhatan sa mga amahan ngadto sa mga anak, ngadto sa ikatulo ug ikaupat ka henerasyon kanila nga nagdumot kanako;

14 Ug nagpakita og kaluoy sa mga liboan kanila nga nahigugma kanako ug nagtuman sa akong mga sugo.

15 Ayaw ninyo gamita ang ngalan sa Ginoo nga inyong Dios sa pagpasipala; kay dili isipon sa Ginoo nga walay sala ang mogamit sa iyang ngalan sa pagpasipala.

16 Hinumdomi ang adlaw nga ^aigpapahulay, sa pagbalaan niini.

17 Unom ka adlaw kamong maghago, ug buhaton ang tanan ninyong buluhaton;

18 Apan sa ikapitong adlaw, nga igpapahulay sa Ginoo nga inyong Dios, ayaw kamo pagbuhat og bisan unsa nga buhat, kamo, ni ang inyong anak nga lalaki, ni ang inyong anak nga babaye, ang inyong sulugoon nga lalaki, ni ang inyong sulugoon nga babaye, ni ang inyong baka, ni ang dumuduong nga anaa sa sulod sa inyong mga ganghaan;

19 Kay sa sulod sa ^aunom ka adlaw gihimo sa Ginoo ang langit ug ang yuta, ug ang dagat, ug ang tanan nga anaa niini; mao nga gipanalanginan sa Ginoo ang adlaw nga igpapahulay, ug gibalaan kini.

20 ^aTahora ang inyong amahan ug ang inyong inahan, aron ang inyong mga adlaw malugwayan diha sa yuta nga gihatag kaninyo sa Ginoo nga inyong Dios.

21 Ayaw kamo ^apagpatay.

22 Ayaw kamo ^apanapaw. Ayaw kamo ^bpangawat.

23 Ayaw kamo ^apagsaksi og bakak batok sa inyong silingan.

24 Ayaw kamo ^apagkaibog sa balay sa inyong silingan, ayaw kamo pagkaibog sa asawa sa inyong silingan, o sa iyang sulugoon nga lalaki, o sa iyang sulugoon nga babaye, o sa iyang baka, o sa iyang asno, o sa bisan unsa nga gipanag-iya sa inyong silingan.

25 Ug nahitabo nga dihang gitapos ni Abinadi kini nga mga pulong misulti siya kanila: Gitudloan ba ninyo kining mga tawhana nga kinahanglan silang mobuhat sa tanan niining mga butanga aron makatuman niini nga mga sugo?

26 Sultihan ko kamo, Wala; kay kon inyo pa kining nahimo, ang Ginoo dili unta mosugo kanako sa pag-anhi dinhi ug sa pagpanagna og dili maayong mga butang kabahin niini nga katawhan.

27 Ug karon miingon kamo nga ang kaluwasan moabot pinaagi sa balaod ni Moises. Sultihan ko kamo nga kinahanglan ninyong tumanon ang ^abalaod ni Moises sa pagkakaron; apan sultihan ko kamo, nga moabot ang panahon nga ^bdili na kinahanglanon ang pagtuman sa balaod ni Moises.

28 Ug dugang pa, sultihan ko kamo, nga ang ^akaluwasan dili moabot pinaagi sa ^bbalaod lamang; ug kon dili pa tungod sa ^cpag-ula, nga pagahimoon mismo sa Dios alang sa mga sala ug mga sayop nga binuhatan sa iyang katawhan, nga sila dili kapugngan nga malaglag gayod, bisan pa sa balaod ni Moises.

29 Ug karon sultihan ko kamo nga gikinahanglan kaayo kaniadto nga adunay balaod nga ihatag ngadto sa mga anak ni Israel, oo, gani ^ahigpit kaayo nga balaod; kay sila mga tikig og liog nga katawhan, ^bdali nga makahimo og pagkadaotan, ug dugay nga makahinumdom sa Ginoo nga ilang Dios;

30 Busa adunay ^abalaod nga gihatag kanila, oo, balaod alang sa mga buluhaton ug sa mga ^bordinansa, balaod nga higpit gayod nilang ^cpagasundon sa matag adlaw, aron padayon silang makahinumdom sa Dios ug sa ilang katungdanan ngadto kaniya.

31 Apan tan-awa, sultihan ko kamo, nga tanan kini nga butang maoy mga ^apaghulagway sa mga butang nga moabot.

32 Ug karon, nakasabot ba sila sa balaod? Sultihan ko kamo, Wala, dili ang tanan kanila nakasabot sa balaod; ug tungod kini sa pagkatig-a sa ilang mga kasingkasing; kay wala man sila makasabot nga walay si bisan kinsang tawo nga maluwas ^agawas kon kini pinaagi sa pagtubos sa Dios.

33 Kay tan-awa, wala ba managna si Moises ngadto kanila mahitungod sa pag-anhi sa Mesiyas, ug nga ang Dios motubos sa iyang katawhan? Oo, ug gani ang ^atanan nga propeta nga nakapanagna sukad pa sa sinugdanan sa kalibotan—wala ba sila makapamulong og kapin o kulang kabahin niining mga butanga?

34 Wala ba sila moingon nga ang ^aDios sa iyang kaugalingon manaog taliwala sa katawhan, ug ipakita ang iyang kaugalingon gamit ang dagway sa usa ka tawo, ug molakaw dala ang talagsaong gahom ibabaw sa yuta?

35 Oo, ug wala ba usab sila moingon nga ipahitabo niya ang ^apagkabanhaw sa mga patay, ug nga siya mismo, daogdaogon ug sakiton?