Mga Kasulatan
Mosiah 1


Ang Basahon ni Mosiah

Kapitulo 1

Gitudloan ni hari Benjamin ang iyang mga anak nga lalaki sa pinulongan ug mga panagna sa ilang mga amahan—Ang ilang relihiyon ug sibilisasyon napatunhay tungod sa mga talaan nga gitipigan sa nagkalain-laing mga palid—Si Mosiah napili nga hari ug gihatagan og katungod sa pag-atiman sa mga talaan ug sa uban pang mga butang. Mga 130–124 B.C.

1 Ug karon wala nay panagbingkil sa tibuok ayuta sa Zarahemla, taliwala sa tanang katawhan nga sakop ni hari Benjamin, mao nga nakaangkon si hari Benjamin og padayon nga kalinaw sa tanang nahibiling adlaw sa iyang kinabuhi.

2 Ug nahitabo nga may tulo siya ka mga anak nga lalaki; ug ginganlan niya sila og Mosiah, ug Helorum, ug Helaman. Ug gimando niya nga kinahanglan atudloan sila sa tanang bpinulongan sa iyang mga amahan, aron pinaagi niana mahimo silang mga tawo nga may salabotan; ug aron nga masayod sila kabahin sa mga panagna nga gipamulong pinaagi sa mga ba-ba sa ilang mga amahan, nga gihatag ngadto kanila pinaagi sa kamot sa Ginoo.

3 Ug usab mitudlo siya kanila kabahin sa mga talaan nga gikulit sa mga palid nga bronsi, nga nag-ingon: Akong mga anak nga lalaki, gusto ko nga hinumdoman ninyo nga kon dili pa tungod niini nga mga apalid, nga naglangkob niini nga mga talaan ug niini nga mga sugo, nag-antos unta kita sa bpagkaignorante, bisan hangtod karong panahona, nga walay pagkahibalo sa mga misteryo sa Dios.

4 Tungod kay dili man posible nga ang atong amahan, nga si Lehi, makahinumdom sa tanan niining mga butanga, aron itudlo kini ngadto sa iyang mga anak, gawas lang sa tabang niini nga mga palid; kay natudloan man siya sa apinulongan sa mga Ehiptohanon mao nga makabasa siya niining mga kinulit, ug makatudlo niini ngadto sa iyang mga anak, nga niana makatudlo sila niini ngadto sa ilang mga anak, nga sa ingon niana matuman ang mga sugo sa Dios, bisan hangtod karong panahona.

5 Sultihan ko kamo, akong mga anak nga lalaki, nga kon dili pa tungod niining mga butanga, nga gitipigan ug agipatunhay pinaagi sa kamot sa Dios, aron kita bmakabasa ug makasabot sa iyang mga cmisteryo, ug sa kanunay magmabinantayon sa iyang mga sugo, nga bisan gani ang atong mga amahan mikunhod unta ngadto sa pagkawalay pagtuo, ug kita tingali nahisama sa atong kaigsoonan, ang mga Lamanita, nga walay nahibaloan kabahin niining mga butanga, o gani wala motuo niini, dihang gitudloan sila bahin niini, tungod sa mga dtradisyon sa ilang mga amahan, nga dili husto.

6 O akong mga anak nga lalaki, gusto ko nga hinumdoman ninyo nga kini nga mga panultihon tinuod, ug usab kini nga mga talaan atinuod. Ug tan-awa, ang mga palid usab ni Nephi, nga naglangkob sa mga talaan ug sa mga panultihon sa atong mga amahan gikan sa panahon nga sila mibiya sa Jerusalem hangtod karon, ug mga tinuod kini; ug makahibalo kita sa pagkatinuod niini tungod kay kita nakakita niini.

7 Ug karon, akong mga anak nga lalaki, gusto ko nga hinumdoman ninyo ang apagsiksik niini nga makugihon, nga kamo makaangkon og kaayohan pinaagi niini; ug gusto ko nga bmosunod kamo sa mga sugo sa Dios, nga cmouswag kamo sa yuta sumala sa mga dsaad nga gisaad sa Ginoo ngadto sa atong mga amahan.

8 Ug daghan pang butang nga gitudlo ni hari Benjamin sa iyang mga anak nga lalaki, nga wala masulat niini nga basahon.

9 Ug nahitabo nga human gitapos ni hari Benjamin ang pagtudlo sa iyang mga anak nga lalaki, nga nagkatigulang na siya, ug iyang nakita nga sa dili madugay mopadulong na siya sa yuta; mao nga, naghunahuna siya nga kinahanglan itugyan niya ang gingharian ngadto sa usa sa iyang mga anak nga lalaki.

10 Mao nga, gipadala niya si Mosiah sa iyang atubangan; ug mao kini ang mga pulong nga iyang gisulti ngadto kaniya, nga nag-ingon: Akong anak, gusto ko nga mohimo ikaw og pahibalo sa tibuok yuta sa tanang katawhan, o sa akatawhan ni Zarahemla, ug sa katawhan ni Mosiah nga nagpuyo sa yuta, nga sa maong paagi mapundok sila; kay sa pagkaugma akong ipahibalo niini nga akong katawhan gikan sa akong kaugalingong ba-ba nga ikaw usa ka bhari ug tigmando niini nga katawhan, nga gisalig sa Dios kanato.

11 Ug dugang pa, hatagan ko og angalan kini nga katawhan, nga sa maong paagi mailhan sila labaw pa sa tanang katawhan nga gidala sa Ginoong Dios gikan sa yuta sa Jerusalem; ug kini buhaton ko tungod kay katawhan sila nga nagkugi sa pagtuman sa mga sugo sa Ginoo.

12 Ug hatagan ko sila og ngalan nga dili gayod mapapas, gawas lang kon pinaagi sa akalapasan.

13 Oo, ug dugang pa sultihan ko ikaw, nga kon kining gipalabi kaayo nga katawhan sa Ginoo mohimo og akalapasan, ug mamahimong daotan ug mananapaw nga katawhan, pasagdan sila sa Ginoo, nga pinaagi niana mahimo silang bhuyang sama sa ilang kaigsoonan; ug dili na siya cmanalipod kanila pinaagi sa iyang dili hitupngan ug dili matugkad nga gahom, sama sa pagpatunhay niya sa atong mga amahan.

14 Kay sultihan ko kamo, nga kon siya wala pa motunol sa iyang bukton sa pagpatunhay sa atong mga amahan nahulog na unta sila ngadto sa mga kamot sa mga Lamanita, ug nahimong alaot nga mga biktima sa ilang pagdumot.

15 Ug nahitabo nga human gitapos ni hari Benjamin kini nga mga panultihon ngadto sa iyang anak, iyang gihatag kaniya ang katungdanan kabahin sa tanang kalihokan sa gingharian.

16 Ug dugang pa, iya usab nga gihatag kaniya ang katungdanan kabahin sa mga talaan nga gikulit sa mga apalid nga tumbaga; ug usab ang mga palid ni Nephi; ug usab, ang bespada ni Laban, ug ang cbola o ang tigtultol, nga migiya sa atong mga amahan latas sa kamingawan, nga giandam pinaagi sa kamot sa Ginoo aron sila magiyahan, matag usa sumala sa pagsunod ug pagkugi nga ilang gipahinungod ngadto kaniya.

17 Mao nga, dihang wala sila magmatinud-anon wala sila molambo ug wala mouswag sa ilang panaw, apan agiabog pagbalik, ug nahiagom sila sa kasuko sa Dios; ug mao nga gipaantos sila og kagutom ug kahapdos sa mga kasakit, aron mapukaw sila sa paghinumdom sa ilang katungdanan.

18 Ug karon, nahitabo nga milakaw si Mosiah ug gibuhat ang gisugo sa iyang amahan kaniya, ug mipahibalo sa tanang katawhan kinsa anaa sa yuta sa Zarahemla nga sa ingon niana magkapundok sila, aron sa pag-adto sa templo sa pagpamati sa mga pulong nga ipamulong sa iyang amahan ngadto kanila.