O Le Tusi a Mosaea

1 Ma o lenei sa lē toe i ai se finauga i le ^anuu atoa o Sara’emila, i totonu o tagata uma sa ta’ita’ia e le tupu o Peniamina, o lea na maua ai e le tupu o Peniamina le filemu e lē aunoa i ona aso uma na totoe.

2 Ma sa ia te ia ni atalii se toatolu; ma sa ia faaigoa ia te i latou o Mosaea, ma Heloruma, ma Helamana. Ma sa ia faia foi ia ^aaoaoina i latou i le ^egagana atoa a ona tamā, ina ia mafai ona avea i latou ma tagata malamalama; ma ia latou iloa e uiga i valoaga na pa’ū mai i fofoga o o latou tamā, ia na tuuina mai ia te i latou e le aao o le Alii.

3 Ma sa ia a’oa’o foi i latou e uiga i talafaamaumau sa togitogia i luga o papatusi apamemea, e faapea: O’u atalii e, ou te manao ia outou manatua a na le seanoa nei ^apapatusi, o loo i ai nei talafaamaumau ma nei poloaiga, po ua tatou mafatia i le ^elē malamalama, e oo lava i le taimi nei, i le lē iloaina o mealilo a le Atua.

4 Auā e lē mafai e lo tatou tamā, o Liae, ona manatua nei mea uma, ma a’oa’o atu i ana fanau, vagana ai le fesoasoani a nei papatusi; auā ona sa a’oa’oina o ia i le ^agagana a tagata Aikupito, o lea na mafai ai ona ia faitauina o nei togitogiga, ma a’oa’o atu i ana fanau, ina ia mafai ona latou a’oa’o atu ia latou fanau, ma faapea ona faataunuu ai o poloaiga a le Atua, e oo mai lava i le taimi nei.

5 Ou te fai atu ia te outou, o’u atalii e, a na leai nei mea, ia sa tausia ma ^afaasaoina e le aao o le Atua, ina ia mafai ona tatou ^efaitau ma malamalama ai i ana ⁱmealilo, ma ina ia i ai pea ana poloaiga i luma o o tatou mata, e oo i o tatou tamā po ua faaitiitia i le lē talitonu, ma po ua pei i tatou o o tatou uso, o sa Lamanā, o e ua latou lē iloaina se mea e uiga i nei mea, pe ua lē talitonu foi i ai pe a aoao atu ia te i latou, ona o ^ouputuu a o latou tamā, ia ua lē sa’o.

6 E, o’u atalii e, ou te manao ia outou manatua ua moni nei upu, ma ua ^amoni foi nei talafaamaumau. Ma faauta, o papatusi foi a Nifae, ia ua i ai talafaamaumau ma upu a o tatou tamā mai le taimi na latou tuua ai Ierusalema seia oo mai i le taimi nei, ua moni i latou; ma e mafai ona tatou iloa lo latou moni ona ua i ai i luma o o tatou mata.

7 Ma o lenei, o’u atalii e, ou te manao ia outou manatua ia ^asuesue i ai ma le filigā, ina ia mafai ona outou manuia ai; ma ou te manao ia outou ^etausi i poloaiga a le Atua, ina ia mafai ona outou ⁱmanuia i le laueleele e tusa ma ^ofolafolaga na faia e le Alii i o tatou tamā.

8 Ma e tele isi mea sa a’oa’o atu e le tupu o Peniamina i ona atalii, ua lē tusia i lenei tusi.

9 Ma sa oo ina ua uma ona faaiu e le tupu o Peniamina le aoaoga o ona atalii, sa faasolo ina toeaina o ia, ma sa vaai o ia ua lata lava ona alu o ia i le ala o le lalolagi uma; o lea, sa manatu ai o ia ua tatau ona ia faaee atu le malo i luga o se tasi o ona atalii.

10 O lea, na faia ai e ia ia aumaia Mosaea i ona luma; ma o upu nei sa ia tautala atu ai ia te ia, e faapea: Lo’u atalii e, ou te manao ia e faia se folafolaga i lenei laueleele atoa i totonu o nei tagata uma, po o le ^anuu o Sara’emila, ma le nuu o Mosaea o e o nonofo i le laueleele, ina ia mafai ona latou faapotopoto mai faatasi; ona o le aso a taeao o le a ou faasilasila atu ai ia te i latou nei o lo’u nuu mai lo’u lava gutu, o oe o le ^etupu ma le pule i luga o lenei nuu, o e ua tuuina mai e le Alii lo tatou Atua ia te i tatou.

11 Ma e lē gata i lea, o le a ou tuu atu i lenei nuu se ^aigoa, e mafai ona faailoga ese ai i latou i luga o tagata uma na aumai e le Alii le Atua mai le laueleele o Ierusalema; ma ou te faia lenei mea ona sa avea i latou ma tagata filigā i le tausiga o poloaiga a le Alii.

12 Ma ou te tuu atu ia te i latou se igoa o le a lē soloia ese lava, vagana ai i le ^asolitulafono.

13 Ioe, o lenei foi ou te fai atu ia te oe, afai e pa’u’ū atu i le ^asolitulafono lenei nuu ua alofagia tele e le Alii, ma avea ma tagata amioleaga ma mulilulua, o le a auina a’e i latou e le Alii, ina ia latou ^evaivai e pei o o latou uso; ma o le a lē toe ⁱfaasaoina i latou e ia i lona mana lē mafaatusalia ma ofoofogia, e pei ona sa ia faasaoina o tatou tamā e oo mai i le taimi nei.

14 Aua ou te fai atu ia te oe, ana ia lē faaloaloa mai lona aao i le faasaoina o o tatou tamā po ua latou pa’u’ū atu i lima o sa Lamanā, ma avea ma e ua tuuaia ona o lo latou ita.

15 Ma sa oo ina ua uma ona faaiu e le tupu o Peniamina nei upu i lona atalii, sa ia tuu atu ia te ia le matafaioi e faatatau i mea uma o le malo.

16 Ma e lē gata i lea, sa ia tuu atu foi ia te ia le matafaioi e faatatau i talafaamaumau sa togitogia i luga o ^apapatusi apamemea; ma papatusi foi a Nifae; ma le ^epelu foi a Lapana, ma le ⁱpolo, po o le faasinoala, lea sa taitaia ai o matou tamā i le vao, lea sa saunia e le aao o le Alii ina ia mafai ona taitaia ai i latou, i latou uma taitoatasi e tusa ma le gauai ma le filigā sa latou tuu atu ia te ia.

17 O lea, ina ua latou lē faamaoni sa latou lē manuia pe alualu i luma i la latou malaga, ae sa toe ^asolomuli i tua, ma oo mai ai le toasa o le Atua i o latou luga; ma o lea na taia ai i latou i le oge ma puapuaga sili, e faaosofia ai i latou i le manatuaina o lo latou tiute.

18 Ma o lenei, sa oo ina alu atu Mosaea ma faia e pei ona poloaiina ai o ia e lona tamā, ma folafola atu i tagata uma o e sa i le laueleele o Sara’emila ina ia mafai ona latou faapotopoto faatasi i latou lava, e o a’e i le malumalu e faalogo i upu o le a tautala mai ai lona tamā ia te i latou.