1 Natiu ae moan te tangiraki, I a manga koroboki riki nakoim bwa ko aonga n ataia bwa I bon maiu; ma N na korea rongorongon te bwai ae kananokawaki.

2 Bwa nooria, I a tia ni buaka n te buaka ae korakora ma Reimwanaite, are ti bon aki tokanikai iai; ao Akiantati e a tia ni bwaka n te kabaang, ao Ruram naba ma Emron; eng, ao e korakora mwaitia ara aomata aika a rine aika a tia ni bua.

3 Ao ngkai nooria, natiu te mwaane, I maaku bwa mwiina ao a na kamaunaki te botanaomata aio irouia Reimwanaite, bwa a bon aki rairinanoia, ao Tatan e aki toki ni kakiriwei nanoia bwa a na un imarenaia.

4 Nooria, I aki toki ni beku mangaia; ao ngkana I taekina ana taeka te Atua n te aro ae ^akakang ao a ruru ma n un ni kaitaraai; ao ngkana I aki taetae ma te kakang a kamatoai nanoia ni kaitara; ngaia are, I maaku bwa mwiina ao e a aki ^bmena Tamnein te Uea irouia.

5 Bwa e mwaiti korakoran uniia n te aro are irou ao a bon aki maaka te mate; ao e a bua aia tangira, imarenaia; ao a ^ataka ibukin tangiran te raraa ma te irantaanga n aki toki.

6 Ao ngkai, natiu te mwaane ae moan te tangiraki irou, e ngae ngke a matoatoa, ti na ^abotumwaaka ni beku; bwa ngkana ti katoka ara ^bmwakuri, ao ti na mena i aan te kabuakakaki; bwa iai ara mwakuri ae ti na karaoia i nanon menara n rabwatara ae te tano, bwa ti aonga n tokanikai i aon ana kairiribai te raoiroi, ma ni karekea motirawan tamneira n uean te Atua.

7 Ao ngkai, I koroboki ni kaineti ma kainnanoia te botanaomata aio. Bwa n aron te ataibwai are I a tia ni karekea mai iroun Amoron, nooria a mwaiti aia bure Reimwanaite, ake a kairiia man te taua are Tierita; ao bon iai mwaane, aine ao ataei.

8 Ao buuia ma tamaia aine ma ataei akekei a tia n tiringia; ao a anganiia aine bwa a na kana irikoia buuia, ao ataei bwa a na kana irikoia tamaia; ao akea te ran ma ti teutana, are a bon anganiia.

9 Ao e ngae ngke e a korakora aia mwakuri aika bati n ribaki Reimwanaite aio, e bon aki rota aroia ara aomata ake i Moriantam. Bwa nooria, a mwaiti natia aine Reimwanaite ake a tia n tauiia bwa bure; ao ngke a tia n anaa mai irouia te bwai are moan te tangiraki ma ni kakawaki i aon bwaai nako are bon, ^aitiakiia ma ^btamaroaia—

10 Ao i mwin karaoan aio, a bon tiringia n te aro ae moan te ribuaka, a bwainikirini rabwataia ni karokoa a mate; ao ngke a tia ni karaoa aei, a kang irikoia n aroia man aika a kaakang, ibukin matoatoan nanoia ao a karaoia bwa aongkoa kaotan ninikoriaia.

11 O natiu te mwaane ae moan te tangiraki, e na kanga n riki te botanaomata ae aekan aei, ae akea te nano n aomata irouia—

12 (Ao tabeua te ririki n nako ao bon aomata aika a nano n aomata ao a moan te tamaroa)

13 Ma O natiu te mwaane, e kanga n riki te botanaomata ae aekan aio, ae mena kukureia n te mwakuri ae bati n ribaki ae korakora—

14 Ti na kanga ni kantaninga te Atua bwa e na ^aaki karokoa baina iaora ni kaaitaraira ni motika taekara?

15 Nooria, e takarua nanou: Te maraia nakoia te botanaomata aio. Nakomai i nanon am motikitaeka O te Atua, ao karabai aia bure, ma buakakaia, ao aia mwakuri aika bati n ribaki mai imatam!

16 Ao riki natiu te mwaane, a bon mwaiti ^aaine ake a mate buuia ma natia aine ake a tiku i Tierita; ao mwakoron te bwauna are aki uotia nako Reimwanaite, nooria, e uotaki nako iroun ana taanga ni buaka Tinibwaai, ao a katikuia bwa a na rerebaua nakon taabo nako ni kakaea kanaia; ao a mwaiti aine aika a kara aika tong i rarikin te kawai ao a mate.

17 Ao te taanga ni buaka aei e a bon mamaara; ao aia taanga ni buaka Reimwanaite a mena imarenau ma Tierita; ao ni kabane ake a birinako nakon ana taanga ni buaka ^aAaron a bon mwane n te aro n iowawa ae kamwaraa arei.

18 O rikiraken buakakaia au botanaomata! Bon akea te waaki raoi ao te nanoanga irouia. Nooria, Ngai bon te aomata, ao iai korakorau n aomata, ao I aki kona n teimatoa ni kamatoaa au kairiri.

19 Ao a bon matoatoa n aroia aika a bwaoua; ao a bon titebo ma maan, ae akea ae a kamaiua, akea te kara ke te teei; ao a bon kukurei ni bwaai ni kabane ma tiaki ae raoiroi; ao kainnanoia ara aine ma ara ataei i aon te aba e a bon rang ni korakora i aon bwaai nako; eng, e aki kona te neewe n taekinna ao e aki kona naba ni koreaki.

20 Ao ngkai, natiu te mwaane, I aki manga taekina riki te bwai ae kamwaraa aio. Nooria, ko bon ataa aron buakakaia te botanaomata aio; ko ataia bwa akea tuaia, ao akea aia tangira; ao buakakaia e ^ariaon buakakaia Reimwanaite.

21 Nooria, natiu te mwaane, I aki kona n uotarake taekaia nakon te Atua bwa mwiina ao e oreai.

22 Ma nooria, natiu te mwaane, I uotarake taekam nakon te Atua, ao I onimaki iroun Kristo bwa ko na kamaiuaki; ao I tataro nakon te Atua bwa e na ^aanganiko maium, bwa ko na noora okia ana botanaomata nakoina, ke kamaunakiiia; bwa I ataia bwa a na bon mate ngkana aki ^brairinanoia ma n okiria.

23 Ao ngkana a mate ao ai bon aekaia Iaretaite, ibukin are e tangira nanoia, ^aukoukoran te raraa ma te ^birantaanga.

24 Ao ngkana arona bwa tao a mate, ti ataia bwa a mwaiti tarira ake a tia ni ^abirinako rarikiia Reimwanaite, ao a mwaiti riki aika a na manga birinako nakoia; ngaia are, koroi bwaai tabeua, ngkana ko kamaiuaki ao Ngai N na mate ao N na aki nooriko; ma I onimakinna bwa N na nooriko n te tai ae e aki maan; bwa iai rongorongo aika a tabu ake I kan ^banganiko.

25 Natiu te mwaane, kakaonimaki iroun Kristo; ao a na aki riki bwaai aika I koroi bwa karawawatam, bwa a na taoniko rikaaki nakon te mate; ma e na tabekikorake Kristo, ao ke ^akainnanona ao matena, ao kaotan rabwatana nakoia ara bakatibu, ao ana nanoanga, ma ana taotaonakin nano i nanon te tai ae maan, ao kantaningaan mimitongina ma te ^bmaiu ae akea tokina, e na tiku n am ^ciango n aki toki.

26 Ao ke ana akoi te Atua te Tama, are e mena ana kaintoka ni uea i eta i karawa, ao ara Uea are Iesu Kristo are e ^atekateka i angatain mwaakana, ni karokoa ae bwaai ni kabane a tautaekanaki irouna, e na mena iroum n aki toki. Amen.