1 Ia oqo au sa vosa mada me baleta na ^apapitaiso. Raica era a papitaisotaki na i talatala qase, na bete kei na ivakavuvuli; ka ra a sega ni papitaisotaki ka vakavo ni ra sa vuataka na vua e ^bkilikili me ganiti ira kina.

2 Era a sega tale ga ni papitaisotaka e dua ka vakavo ga kevaka era sa lako yani ena yalo raramusumusu kei na ^ayalo e bibivoro, ka vakadinadinataka ki na lotu ni ra sa veivutunitaka vakaidina na nodra ivalavala ca kecega.

3 Ka sa sega ni dua e papitaisotaki ka vakavo ga ko ira sa lomadra vakaidina me ra ^ataura na yaca i Karisito ka ra sa nakita me ra qaravi koya me yacova na ivakataotioti.

4 Ni ra sa papitaisotaki oti, ka sa soli vei ira na isolisoli ka ra muria ka ^avakasavasavataki ena kaukauwa ni Yalo Tabu; era sa wili me lewe ni lotu i Karisito; a sa volai na ^byacadra, me ra na daunanumi ka vakani ena vosa vinaka ni Kalou, me ra tiko ga kina ena sala dodonu, ka vakauqeti me ra ^cdaumasu tiko ga ka ^dvakararavi tabakidua ki na loloma i Karisito, o koya sa ^evakatekivuna ka sauma tale ga na nodra vakabauta.

5 Era sa dausoqoni vata ^awasoma na ^blewe ni lotu, me ra ^clolo ka masu ka veivosakitaka baleta na tiko vinaka ni yalodra.

6 Era sa dausoqoni vata wasoma me ra kana madrai ka gunu waini, me ra vakananuma kina na Turaga ko Jisu.

7 Era sa dau qarauna matua sara me ^akakua ni dua na caka cala ena kedra maliwa; ia ko ira sa kunei ni ra caka cala, ka ratou sa vakadinadinataka e ^blewe tolu na lewe ni lotu e matadra na ^citalatala qase, kevaka era sa ^dsega ni veivutuni ka vakatusai ira, sa na ^ebokoci tani na yacadra ka sega ni wiliki me lewe ni lotu i Karisito.

8 Ia era na ^avosoti ena ^bveigauna kecega era sa veivutuni kina ena yalodina.

9 Ka sa ^adauliutaki na nodra soqoni mai vei ira na iliuliu ni lotu me vaka na ivakarau ni cakacaka ni Yalo ena kaukauwa ni ^bYalo Tabu; ia ni sa tuberi ira na kaukauwa ni Yalo Tabu me ra vunau, se me ra veivakasalataki, se me ra masumasu, se me ra vakatakekere se lagasere; a sa caka vakakina.