1 En nou spreek ek aangaande die ^adoop. Kyk, ouderlinge, priesters, en leraars is gedoop; en hulle is nie gedoop nie tensy hulle gepaste vrugte voortgebring het dat hulle dit ^bwaardig was nie.

2 Ook het hulle niemand aanvaar vir die doop nie, tensy hulle gekom het met ’n ^agebroke hart en ’n verslae gees, en getuig het aan die kerk dat hulle waarlik bekeer het van al hulle sondes.

3 En niemand is aanvaar vir die doop nie tensy hulle op hulle die Naam van Christus ^ageneem het, en ’n vasberadenheid gehad het om Hom te dien tot die einde toe.

4 En nadat hulle aanvaar is vir die doop, en beïnvloed en ^agereinig is deur die mag van die Heilige Gees, is hulle gereken onder die volk van die kerk van Christus; en hul ^bname is geneem, sodat hulle onthou en gevoed mag word deur die goeie woord van God, om hulle te hou op die regte weg, om hulle gedurig ^cwaaksaam te hou in gebed, terwyl hulle alleenlik ^dstaatmaak op die verdienste van Christus, wat die ^eoorsprong en voleinder van hul geloof is.

5 En die ^akerk het ^bdikwels bymekaargekom, om te ^cvas en te bid, en om met mekaar te spreek aangaande die welsyn van hulle siele.

6 En hulle het dikwels bymekaargekom om van die brood en die wyn te gebruik, ter gedagtenis aan die Here Jesus.

7 En hulle was streng om daarop te let dat daar ^ageen ongeregtigheid sou wees onder hulle nie; en wie ook al gevind is wat ongeregtigheid pleeg, en ^bdrie getuies van die kerk het hulle veroordeel voor die ^couderlinge, en as hulle nie bekeer het nie, en nie ^dbely het nie, is hulle name ^euitgewis, en hulle is nie gereken onder die volk van Christus nie.

8 Maar ^aso dikwels as hulle bekeer het en vergifnis gesoek het, met opregte bedoeling, is hulle ^bvergewe.

9 En hulle vergaderings is ^agelei deur die kerk volgens die werking van die Gees, en deur die krag van die ^bHeilige Gees; want soos die mag van die Heilige Gees hulle gelei het, hetsy om te preek, of te vermaan, of te bid, of te versoek, of te sing, so is dit gedoen.