Moronai 4
    Footnotes

    Wase 4

    Sa vakamacalataki na ivakarau ni kena lotutaki na madrai ni sakaramede mai vei ira na italatala qase kei ira na bete. Rauta na 401–421 S.K.

    1 Na aivakarau ni nodra lotutaka na lewe kei na dra i Karisito vei ira na lewe ni lotu ko ira na bitalatala qase kei na bete; ka ra sa cvakayacora me vaka na ivakaro i Karisito; eda sa kila kina ni sa dina; ka sa vakarautaka na italatala qase se na bete—

    2 Era sa tekiduru sobu vata kei ira na lewe ni lotu, ka masu vua na Tamada ena yaca i Karisito ka kaya:

    3 Oi kemuni na Kalou, na Tamai keimami Tawamudu, keimami sa kerei kemuni ena yaca ni Luvemuni, ko Jisu Karisito, mo ni vakalougatataka ka vakatabuya na amadrai oqo ki yalodra o ira kece era sa vakaivotavota kina; me ra kania ka bvakananuma kina na yago ni Luvemuni, ka vakadinadinataka vei kemuni, na Kalou, na Tamai keimami Tawamudu, ni sa lomadra me ra taura na cyaca ni Luvemuni, ka dau nanumi koya tiko ga, ka muria na nona ivakaro sa solia vei ira, me tiko ga kina kei ira na dYalona. Emeni.