1 Ma o lenei, ou te tautala atu foi ia te i latou o e ua le talitonu ia Keriso.

2 Faauta, pe tou te talitonu ea i le aso e asiasi mai ai ia te outou—faauta, pe a afio mai le Alii, ioe, i lena lava ^aaso tele pe a taataaia faatasi le ^elalolagi e pei o se tusitaai, ma o le a ⁱliusuavai ai elemene i le vevela tele, ioe, i lena aso tele pe a aumai outou e tutulai i luma o le Tamai Mamoe a le Atua—i lena taimi, pe o le a outou fai mai ea ua leai se Atua?

3 Pe o le a outou le toe faafitia ea i lena taimi le Keriso, pe mafai ona outou vaai atu i le Tamai Mamoe a le Atua? Tou te manatu ea e mafai ona outou mau faatasi ma ia i lalo o lo outou iloa lelei o la outou sala? Tou te manatu ea e mafai ona outou fiafia e mau faatasi ma lena Tagata paia, ao tiga o outou agaga i le lagona sala i lo outou solia pea o ana tulafono?

4 Faauta, ou te fai atu ia te outou o le a sili atu ona outou pagatia i le mau faatasi ma se Atua paia ma fai mea tonu, i lalo o lo outou iloa lelei o lo outou eleelea i ona luma, nai lo lo outou mau faatasi ma agaga ^afaasalaina i ^eseoli.

5 Aua faauta, pe a aumai outou tou te vaai i lo outou ^ale lavalava i luma o le Atua, ma le mamalu foi o le Atua, ma le paia o Iesu Keriso, o le a ia tutuina i luga o outou se afi e le matineia.

6 O lea la outou e ua ^ale talitonu, ia outou ^eliliu mai i le Alii; tagi malosi atu i le Tamā i le suafa o Iesu, aua atonu e mafai ai ona maua o outou i le le pona, ⁱmamā, lalelei, ma sinasina, ona ua faamamaina i le toto o le ^oTamai Mamoe, i lena aso tele ma le gataaga.

7 Ma ou te toe tautala atu ia te outou o e e ^afaafitia faaaliga a le Atua, ma fai mai ua mavae atu i latou, ua leai ni faaaliga, po o ni valoaga, po o ni meaalofa, po o ni faamalologa, po o le tautala i gagana, ma le ^efaamatalaga o gagana;

8 Faauta ou te fai atu ia te outou, o le e faafitia nei mea ua le iloa e ia le ^atalalelei a Keriso; ioe, e lei faitauina e ia o tusitusiga paia; afai na ia faitauina, ua le ^emalamalama i ai o ia.

9 Aua pe ua tatou le faitauina ea o le Atua ua ^atutusa lava ia o ananafi, i le asō, ma le faavavau, ma ua leai se feliuaiga po o sina fesuiaiga o ia te ia?

10 Ma o lenei, afai ua outou mafaufau ifo ia te outou lava i se atua e feliuliuai, ma o se ua i ai sina fesuisuiai, o lona uiga ua outou mafaufauina ia te outou lava se atua o le ua le o se Atua o vavega.

11 Ae faauta, o le a ou faaali atu ia te outou se Atua o vavega, o le Atua lava lea o Aperaamo, ma le Atua o Isaako, ma le Atua o Iakopo; ma o le ^aAtua lava lea e tasi o le na foafoaina lagi ma le lalolagi, ma mea uma o i ai.

12 Faauta, na ia foafoaina Atamu, ma o ^aAtamu na oo mai ai le ^epa’ū o le tagata. Ma ona o le pa’ū o le tagata na afio mai ai Iesu Keriso, o le Tamā lava lea ma le Alo; ma o Iesu Keriso na oo mai ai le ⁱtogiolaina o le tagata.

13 Ma ona o le togiolaina o tagata, lea na oo mai e ala ia Iesu Keriso, ua toe aumai ai i latou i luma o le Alii; ioe, o le ala lenei ua togiolaina ai tagata uma, ona o le maliu o Keriso ua aumai ai le ^atoetutu, lea ua aumai ai le togiolaina mai se ^emoe e lē gata, le moe lea o le a fafagu mai ai tagata uma lava e le mana o le Atua pe a ilia le pu; ma o le a latou tutulai mai, o e maualalalo ma e silisili, ma o le a tutulai uma i luma o lana pa faamasino, ua togiolaina ma ua tatala mai lenei ⁱfusi faavavau o le oti, le oti lea e faaletino.

14 Ma ona oo mai ai lea o le ^afaamasinoga a le Paia e Toatasi i luga o i latou; ma ona oo mai ai lea o le taimi o le ua ^eeleelea o le a eleelea pea; ma o le ua amiotonu o le a amiotonu pea; o le ua fiafia o le a fiafia pea; ma o le ua le fiafia o le a le fiafia pea.

15 Ma o lenei, outou e tagata uma o e na outou mafaufauina ia te outou lava se atua o le ua ^ale mafai ona faia e ia o ni vavega, ou te fia fesili atu ia te outou, po ua mavae ea nei mea uma, ia ua ou tautala atu ai? Po ua oo mai ea le iuga? Faauta ou te fai atu ia te outou, E leai; ma ua lei taofia lava le avea o le Atua ma se Atua o vavega.

16 Faauta, ua le ofoofogia ea i o outou mata mea ua faia e le Atua? Ioe, ma o ai ea e mafai ona malamalama i ^agaluega ofoofogia a le Atua?

17 O ai ea e fai mai e le o se vavega na faia ai le lagi ma le lalolagi i lana ^afetalaiga; ma o le mana o lana fetalaiga na ^efoafoa ai le tagata mai le ⁱefuefu o le eleele; ma o le mana o lana fetalaiga na faia ai vavega?

18 Ma o ai e fai mai sa lei faia e Iesu Keriso ni ^avavega tetele e tele? Ma e tele vavega tetele na i ai na faia e aao o le au aposetolo.

19 Ma afai sa i ai ni ^avavega na faia i taimi na, aisea ua taofia ai le Atua mai le avea ma se Atua o vavega ma avea pea ma se Tagata e le feliuliuai? Faauta foi, ou te fai atu ia te outou ua le feliuai o ia; afai o lea o le a taofia le avea o ia ma Atua; ma ua le taofia le avea o ia ma Atua, ma o ia o se Atua o vavega.

20 Ma o le pogai ua taofia ai o ia mai le faia o ^avavega i totonu o le fanauga a tagata ona ua faaitiitia i latou i le le talitonu, ma o ese mai le ala sa’o, ma ua latou le iloa le Atua o le e tatau ona latou ^efaalagolago i ai.

21 Faauta, ou te fai atu ia te outou, soo se tasi e talitonu ia Keriso, ma lē masalosalo i se mea, ^asoo se mea e ole atu ai i le Tamā i le suafa o Keriso o le a tuuina mai ia te ia; ma o lenei folafolaga ua mo tagata uma, e oo lava i tuluiga o le lalolagi.

22 Aua faauta, ua faapea ona fetalai mai o Iesu Keriso, le Alo o le Atua, i ona soo o e o le a nonofo pea, ioe, ma i ona soo uma foi, a’o faalogo mai le motu o tagata: Ia outou ^ao atu ia i le lalolagi uma, ma tala’i atu le talalelei i tagata uma;

23 Ma o ia o le e talitonu ma papatisoina o le a faaolaina, ae o ia o le e le talitonu o le a ^afaasalaina;

24 Ma o ^afaailoga nei o le a mulimuli atu ia te i latou o e e talitonu—o lo’u igoa o le a latou tutuli ese ai ^etiapolo; o le a latou tautala i gagana fou; o le a latou fetagofi i gata; ma afai latou te inu i soo se mea e ono oo mai ai le oti o le a le afaina ai i latou; o le a latou faaee atu ⁱlima i luga o e mama’i ma o le a faamaloloina i latou;

25 Ma o soo se tasi e talitonu i lo’u igoa, ma lē masalosalo i se mea, o ia lea o le a ou ^afaamautu i ai a’u upu uma, e oo lava i tuluiga o le lalolagi.

26 Ma o lenei, faauta, o ai e mafai ona tetee atu i galuega a le Alii? ^aO ai e mafai ona faafitia ana fetalaiga? O ai e tulai a’e e tetee atu i le mana malosi aoao o le Alii? O ai o le a inosiaina galuega a le Alii? O ai o le a inosiaina fanau a Keriso? Faauta, outou uma o e ua ^einoino i galuega a le Alii, ona o le a outou ofo ma fano ai.

27 O lea ia outou le inoino, ma ia le ofo, ae ia faalogo i afioga a le Alii, ma ole atu i le Tamā i le suafa o Iesu mo soo se mea tou te manaomia. Aua le masalosalo, ae ia talitonu, ma amata e pei o taimi anamua, ma ^ao mai i le Alii ma o outou ^eloto atoa, ma ⁱgalueaiina o outou lava faaolataga i le mata’u ma le gatete i ona luma.

28 Ia outou ^apopoto i aso o loo outou nofo vaavaaia ai; tafi ese mai ia te outou mea le mama uma; aua le ole atu i se mea, ina ia mafai ona outou faamaumauina i o outou ^etuinanauga, ae ia ole atu ma le mausali le maluelueina, ina ia outou le gauai atu i se faaosoosoga, ae o le a outou auauna atu i le ⁱAtua soifua ma le moni.

29 Vaai ia le papatisoina outou ma le ^ale agavaa; vaai ia outou le taumamafa i le faamanatuga o Keriso ma le ^efaaletatau; ae vaai ia outou faia mea uma ma le ⁱagavaa, ma ia faia i le suafa o Iesu Keriso, le Alo o le Atua soifua; ma afai tou te faia lenei mea, ma tumau e oo i le iuga, o le a leai lava se ala o le a tutulia ese ai outou.

30 Faauta, ou te tautala atu ia te outou e peiseai ua ou ^atautala atu mai e ua oti; ona ua ou iloa o le a outou mauaina a’u upu.

31 Aua tou te tauleagaina a’u ona o o’u ^ale atoatoa, po o lo’u tamā, ona o ona le atoatoa, po o i latou o e na tusitusi muamua atu ia te ia; ae nai lo lena, ia outou avatu le faafetai i le Atua ina ua ia faaalia atu ia te outou o matou le atoatoa, ina ia outou a’oa’o ia sili atu ona outou popoto nai lo i matou.

32 Ma o lenei, faauta, ua matou tusia lenei talafaamaumau e tusa ma lo matou iloa, i mataitusi ua ta’ua i totonu o i matou o le faa-Aikupito ^aliua, lea na tuulima faasolo mai ma matou suia, e tusa ma la matou gagana.

33 Ma pe a na fai e lava le tetele o a matou papatusi po ua matou tusitusi i le gagana Eperu; peitai sa matou suia foi le gagana Eperu; ma pe a na mafai ona matou tusi i le gagana a Eperu, faauta, po ua outou le maua se le atoatoa i la matou talafaamaumau.

34 Peitai ua silafia e le Alii mea ua matou tusia, ma ua leai foi ni isi tagata latou te iloaina la matou gagana; ma ona ua leai ni isi tagata latou te iloaina la matou gagana, o lea ua ia saunia ai ^aala mo lo latou faaliliuga.

35 Ma ua tusia nei mea ina ia mafai ona matou aveese o matou ofu mai le toto o o matou uso, o e ua faaitiitia i le ^ale talitonu.

36 Faauta foi, o nei mea ua matou ^amananao ai e uiga i o matou uso, ioe, lo latou toefuataiga lava lea i le malamalama ia Keriso, ua tusa ai ma talosaga a le au paia uma o e na mau i le laueleele.

37 Ma talosia ia tuuina mai e le Alii o Iesu Keriso, ia talia a latou talosaga e tusa ma lo latou faatuatua; ma talosia ia manatua e le Atua le Tamā le feagaiga lea na ia osia ma le aiga o Isaraelu; ma talosia ia faamanuiaina i latou e ia e faavavau, e ala i le faatuatua i le suafa o Iesu Keriso. Amene.