1 Faauta, o a’u, o ^aMoronae, ou te faaiuina le ^etalafaamaumau a lo’u tamā, o Mamona. Faauta, ua ia te au ni nai mea itiiti e tusia, o mea ia na poloaiina ai a’u e lo’u tamā.

2 Ma o lenei sa oo ina ua mavae le taua ^atele ma le matautia i Kumora, faauta, o sa Nifaē o e na sosola atu i le laueleele i saute sa sailia e ^esa Lamanā seia oo ina faaumatiaina i latou uma.

3 Ma sa latou fasiotia foi lo’u tamā, ma ua totoe ai ^ana’o a’u lava e tusi le tala faanoanoa o le faaumatiaga o o’u tagata. Ae faauta, ua mavae atu i latou, ma ou te faataunuuina le poloaiga a lo’u tamā. Ma pe latou te fasiotia a’u, ou te le iloa.

4 O lea o le a ou tusia ma natia ai talafaamaumau i le eleele; ma po o fea ou te alu i ai ua le afaina.

5 Faauta, na faia e lo’u tamā ^alenei talafaamaumau, ma ua ia tusia le faamoemoe na faia ai. Faauta foi, ou te tusia foi pe a na ou maua se avanoa i luga o ^epapatusi, ae ua ou le mauaina; ma ua le ia te au foi se oa, ona ua na’o a’u lava. Ua fasiotia lo’u tamā i le taua, ma tagata uma o lo’u aiga, ma ua leai ni a’u uo po o se mea ou te alu i ai; ma pe o le a le umi e tuu ai a’u e le Alii ou te ola ai, ou te le iloa.

6 Faauta, ua mavae atu tausaga e ^afa selau talu le afio mai o lo matou Alii ma le Faaola.

7 Faauta foi, ua saili e sa Lamanā ou tagata, o sa Nifaē, i lalo mai lea aai i lea aai ma mai lea nofoaga i lea nofoaga, seia oo lava ina latou le toe i ai; ma sa matua tele lava lo latou ^apa’ū; ioe, ua matua tele lava ma ofoofogia le faaumatiaga o ou tagata, o sa Nifaē.

8 Faauta foi, o le aao lava o le Alii na faia ai. Ma faauta foi, ua ^atau sa Lamanā o le tasi ma le isi; ma ua avea luga o lenei laueleele atoa ma taamilosaga faia pea lava pea e tasi o le fasioti tagata ma le faamasaa toto; ma ua leai se tasi na te iloa le iuga o le taua.

9 Ma o lenei, faauta, ou te le toe fai atu se isi mea e faatatau ia te i latou, ona ua leai se tasi sei vagana ai sa Lamanā ma ^afaomea o lo o ola i luga o le laueleele.

10 Ma ua leai ni isi ua latou iloa le Atua moni vagana ai ^asoo o Iesu, o e sa nonofo i le laueleele seia oo ina matuā tele le amioleaga o tagata sa le tuuina ai i latou e le Alii ia ^enonofo pea faatasi ma le nuu; ma pe o i ai i latou i luga o le laueleele pe leai ua leai se tagata na te iloaina.

11 Ae faauta, sa ma vaai ma lo’u ^atamā ia te i latou, ma sa latou auauna mai ia te i ma’ua.

12 Ma o soo se tasi na te maua lenei talafaamaumau, ma ia le tauleagaina ona o le lē atoatoa o i ai, o ia lava lea o le a ia iloaina ^amea silisili atu nai lo nei. Faauta, o a’u o Moronae; ma a na mafai, po ua ou faailoa atu mea uma ia te outou.

13 Faauta, ou te faaiuina lo’u tautala atu e faatatau i lenei nuu. O a’u o le atalii o Mamona, ma o lo’u tamā o se e ^atupuga mai ia Nifae.

14 Ma o a’u lava lea o le ua ^anatiaina mau lenei talafaamaumau mo le Alii; o papatusi o i ai ua leai se aoga, ona o le poloaiga a le Alii. Ona sa fetalai mai lava o ia e leai se tasi na te mauaina i latou ina ^eia maua ai le oa; ae o le talafaamaumau o i ai ua taua tele; ma o soo se tasi na te aumaia i le malamalama, o ia lea o le a faamanuiaina e le Alii.

15 Aua e leai se tasi e mafai ona ia maua le mana e aumai ai i le malamalama vagana ai ua tuuina mai ia te ia e le Atua; ona ua finagalo le Atua ia faia mea ma le ^amanatu tasi i lona mamalu, po o le manuia o tagata o le feagaiga anamua a le Alii ua loa ona faasalalauina.

16 Ma amuia lava ^ao ia o le o le a ia aumaia lenei mea i le malamalama; ona o le a ^e’aumaia mai le pouliuli i le malamalama, e tusa ma le afioga a le Atua; ioe, o le a aumaia i fafo o le eleele, ma o le a susulu atu i fafo mai le pouliuli, ma oo atu i le malamalama o tagata; ma o le a faia i le mana o le Atua.

17 Ma afai e i ai ni ^asese, o sese ia o le tagata. Ae faauta, matou te le iloa ni sese; ae ui i lea ua silafia e le Atua mea uma; o lea, o le na te ^etauleagaina, ia faaeteete o ia nei tu malaia o ia i le afi o seoli.

18 Ma o ia e fai mai: Ia faaali mai ia te au, a leai o le a taia oe—ia faaeteete o ia nei ona poloaia le mea ua faasaina e le Alii.

19 Aua faauta, o le e ^afaamasino faanatinati o le a faanatinati ona toe faamasinoina; ona o le a tauia o ia e tusa ma ana galuega; o lea, o le e ta atu o le a toe taina o ia e le Alii.

20 Faauta i le mea ua fai mai ai tusitusiga paia—ia aua i le tagata ona ta atu, pe faamasino atu o ia; ona o le faamasinoga e a a’u ia, ua fetalai mai ai le Alii, ma o le tauimasui e a a’u foi, ma o le a ou toe totogi atu.

21 Ma o ia na te manavaina le ita ma le fetaua’i e faasaga i le galuega a le Alii, ma faasaga i tagata o le feagaiga a le Alii o e o le aiga o Isaraelu, ma e fai mai: O le a matou faaumatiaina le galuega a le Alii, ma e le toe manatua e le Alii lana feagaiga lea na ia faia i le aiga o Isaraelu—o ia lava lea ua tu malaia i le taia i lalo ma lafo i le afi;

22 Ona o le a taavavale pea i luma ^afaamoemoega faavavau o le Alii, seia oo ina faataunuuina ana folafolaga uma.

23 Ia suesue i valoaga a ^aIsaia. Faauta, e le mafai ona ou tusia i latou. Ioe, faauta ou te fai atu ia te outou, o tagata paia na o e ua muamua atu ia te au, o e na ō latou lenei laueleele, o le a ^etagi ae, ioe, o le a latou tagi ae lava i le Alii mai le eleele; ma e pei ona soifua le Alii, o le a ia manatua le feagaiga lea na ia faia ma i latou.

24 Ma ua silafia e ia a latou ^atatalo, sa faia mo o latou uso. Ma ua ia silafia lo latou faatuatua, ona o lona suafa sa mafai ai ona latou aveese o ^emauga; ma o lona suafa sa mafai ona latou poloaiina ai le eleele ia luluina; ma o le mana o lana afioga na latou poloaiina ai ⁱfalepuipui ia pa’u’ū ifo i le eleele; ioe, e oo i le ogaumu aasa sa le mafai ona afaina ai i latou, po o manu feai, po o gata uogo, ona o le mana o lana afioga.

25 Ma faauta, o a latou ^atatalo foi sa mo le o le a tuuina i ai e le Alii na te aumaia nei mea i luma.

26 Ma e leai se tasi e tatau ona fai mai o le a le oo mai nei mea, ona o le a oo moni mai lava i latou, aua ua fetalai mai ai le Alii; aua o le a o mai nei mea i ^afafo mai le eleele, e ala i le aao o le Alii, ma e leai se tasi e mafai ona ia taofia; ma o le a oo mai le aso e faapea ane ai tagata ua le toe i ai ni ^evavega; ma o le a oo mai e pei o se tasi ua tautala ⁱmai nai e ua oti.

27 Ma o le a oo mai le aso o le a tagi atu ai le ^atoto o le au paia i le Alii, ona o ^efaapotopotoga faalilolilo ma galuega o le pouliuli.

28 Ioe, o le a oo mai le aso o le a faafitia ai le mana o le Atua, ma o le a faaleagaina ai ^aekalesia ma faafefeteina i luga i le faamaualuluga o o latou loto; ioe, i le aso lava o le a tutulai ae ai ta’ita’i ma faiaoga o ekalesia i le faamaualuluga o o latou loto, e oo i le matau’a ia te i latou o e ua auai ia latou ekalesia.

29 Ioe, o le a oo mai le aso ^ao le a faalogoina ai tala i afi, ma matagi tetele, ma ^epuao o le asu i laueleele ese;

30 Ma o le a faalogoina foi ^ataua, tala o taua, ma mafuie i nofoaga eseese.

31 Ioe, o le a oo mai le aso o le a i ai le eleelea tele i luga o le fogaeleele; o le a i ai le fasioti tagata, ma le faomea, ma pepelo, ma taufaasese, ma faitaaga, ma mea inosia uiga eseese uma; i le taimi o le a i ai le toatele o e o le a fai mai, Fai lenei, po o le fai lena, ma e le ^aafaina, ona o le a ^elagolagoina e le Alii mea faapena i le aso gataaga. Ae oi talofa i e faapena, ona ua latou i ai i le ⁱāu oona ma noanoaga o le amioletonu.

32 Ioe, o le a oo mai i le aso o le a i ai ekalesia e atia’e o le a fai mai: O mai ia te au, ma o le a faamagaloina outou ia outou agasala mo a outou tupe.

33 E, outou tagata amioleaga e ma faapi’opi’o ma ua maaa, aisea ua outou atia’e ai ekalesia mo outou lava ina ia maua ai ^aoa? Aisea ua outou ^esuia ai le afioga paia a le Atua o le a mafai ona outou aumai ai o le ⁱmalaia i luga o o outou agaga? Faauta, ia outou tagatagai i faaaliga a le Atua; aua faauta, e oo mai le taimi i lena aso o le a faataunuuina ai nei mea uma.

34 Faauta, ua faaali mai e le Alii ia te au mea tetele ma ofoofogia e faatatau i mea ua lata ona oo mai, i lena aso o le a oo mai ai nei mea ia te outou.

35 Faauta, ou te tautala atu ia te outou e peiseai o outou faatasi mai i le taimi nei, peitai ua outou le o i ai. Ae faauta, ua faaali mai outou ia te au e Iesu Keriso, ma ua ou iloa a outou mea o fai.

36 Ma ua ou iloa ua outou ^asavavali i le faamaualuluga o o outou loto; ma ua leai ni isi vagana ai na’o se toaitiiti o e ua le ^efaafefeteina i latou i luga i le faamaualuluga o o latou loto, i le ofuina ⁱo ofu mananaia tele, i le matau’a, ma feteenaiga, ma le lotoleaga, ma sauaga, ma amioletonu ituaiga eseese uma; ma o a outou ekalesia, ioe, ekalesia taitasi uma lava, ua faaeleeleaina ona o le faamaualuluga o o outou loto.

37 Aua faauta, ua sili atu lo outou alolofa i ^atupe, ma a outou oloa, ma o outou ofu mananaia, ma le teuteuina o a outou ekalesia, nai lo outou alolofa i e ua matitiva ma e ua le tagolima, e ua mama’i ma e ua puapuagatia.

38 E, outou e o e ua eleelea, outou e o pepelo, outou o a’oa; o, o e ua faatau atu outou lava mo mea e pala, aisea ea ua outou faaeleelea ai le ekalesia paia a le Atua? Aisea ea ua outou ^amaasiasi ai e ave i o outou luga le suafa o Keriso? Aisea ea tou te le manatunatu ai i le sili atu o le taua o le fiafia e le gata nai lo o lena ^epagatia e le uma lava—ona o le ⁱviiga o le lalolagi?

39 Aisea ea ua outou teuteuina ai outou lava i mea ua leai ni ola, ae ua outou tuu e ua fia aai, ma e ua matitiva, ma e ua le lavalava, ma e ua mama’i ma puapuagatia, e ui ane i o outou tafatafa, ma outou le amanaiaina i latou?

40 Ioe, aisea ua outou atia’e ai a outou ^afaapotopotoga faalilolilo e maua ai oa, ma faia ia oi fafine ua oti a latou tane i luma o le Alii, ma fanau matuaoti foi ia faanoanoa i luma o le Alii, ma ia tagi a’e foi i le Alii mai le eleele toto o o latou tamā ma a latou tane, mo le tauimasui i luga o o outou ulu?

41 Faauta, ua faamalumalu ifo le pelu o le tauimasui i o outou luga; ma ua lata ona oo mai o le taimi o le a ia ^atauia ai le toto o le au paia i o outou luga, ona o le a ia le toe onosaia a latou tagi.