1 K’ehomaq reetal, laa’in, aj ^aMoroni, ninchoy li ^besil kixtz’iib’a lin yuwa’, aj Mormon. K’ehomaq reetal, moko naab’al ta li k’a’ru wan re tintz’iib’a, ut a’an li k’a’ru taqlanb’ilin wi’ xb’aan inyuwa’.

2 Anajwan ut, kik’ulman naq chirix li ^animla xuwajel pleet aran Kumorah, k’ehomaq reetal, eb’ laj Nefita li ke’eelelik chaq sa’ li ch’och’ sa’ xjayal lix tz’e li saq’e ke’yohe’ xb’aaneb’ laj ^bLamanita, toj reetal naq ke’sache’ chixjunileb’.

3 Ut jo’kan ajwi’ lin yuwa’ kikamsiik xb’aaneb’, ut laa’in ajwi’ ^ainjunes ninkana re xtz’iib’ankil li rahil ch’oolejil esil chirix lix sachlijik lin tenamit. A’b’anan k’ehomaq reetal, oso’jenaqeb’, ut nintz’aqob’resi ru lix taqlahom lin yuwa’. Ut moko ninnaw ta ma tine’xkamsi laa’in.

4 Jo’kan naq tintz’iib’aq ut tinmuq chaq li tz’iib’anb’il esil sa’ li ch’och’; ut b’ar tinxik laa’in maak’a’ ajb’il wi’.

5 K’ehomaq reetal, lin yuwa’ kixtz’iib’a ^ali esil a’in, ut kixtz’iib’a k’a’ru rajb’al. Ut k’ehomaq reetal, tintz’iib’a ajwi’ raj wi ta wan li na’ajej chiruheb’ li ^bperel ch’iich’, a’b’an maak’a’, ut li pek ch’iich’ xsa’ maak’a’ we, xb’aan naq injunes wankin. Lin yuwa’ kamsinb’il sa’ pleet, ut chixjunileb’ li wech alal, ut maak’a’ ani wochb’een chi moko b’ar tinxik; ut toj jo’ najtil chik tixkanab’ li Qaawa’ naq taawanq inyu’am moko ninnaw ta.

6 K’ehomaq reetal, ak numenaq chik ^akaahib’ cient chihab’ xk’ulunik chaq li Qaawa’ ut qaKolonel.

7 Ut k’ehomaq reetal, eb’ laj Lamanita ke’xyoheb’ chaq lin tenamit, eb’ laj Nefita, sa’ li junjunq chi tenamit ut sa’ li junjunq chi na’ajej, toj reetal ajwi’ naq maak’a’eb’ chik, ut nim chaq ^axt’anikeb’; relik chi yaal, nim ut sachol ch’oolej lix sachlijik lin tenamit, eb’ laj Nefita.

8 Ut k’ehomaq reetal, a’ li ruq’ li Qaawa’ li xb’aanunk re. Ut k’ehomaq ajwi’ reetal, eb’ laj Lamanita wankeb’ ^achixpleetinkil rib’ chirib’ileb’ rib’; ut chixjunil lix b’een li ch’och’ a’in, a’an jun suutil li kamsink ut li hoyok kik’ li ink’a’ na’oso’; ut maajun nanawok re xraqik li pleetik.

9 Anajwan ut k’ehomaq reetal, maak’a’ chik ninye chirixeb’, xb’aan naq maajun chik wan, ka’ajeb’ wi’ laj Lamanita ut eb’ ^alaj elq’ li neke’wan chiru lix b’een li ch’och’.

10 Ut maajuneb’ wan li neke’nawok ru li tz’aqal Dios, ka’ajeb’ wi’ lix ^atzolom li Jesus, li ke’kana sa’ li ch’och’ toj reetal naq kinumta xnimal lix maa’usilaleb’ li tenamit, jo’kan naq li Qaawa’ ink’a’ kixkanab’eb’ chi ^bkanaak rik’ineb’ li tenamit; ut ma wankeb’ ta chiru lix b’een li ch’och’ maajun winq nanawok re.

11 A’b’anan k’ehomaq reetal, lin ^ayuwa’ ut laa’in qilomeb’, ut eb’ a’an ke’k’anjelak chiqu.

12 Ut yalaq ani nak’uluk re li tz’iib’anb’il esil a’in, ut ink’a’ naxtz’eqtaana xloq’al xb’aan li k’a’ru moko tz’aqal ta re ru chi sa’, a’an ajwi’ tixk’ul li ^ak’a’aq re ru q’axal nim wi’chik chiru a’in. K’ehomaq reetal, laa’in laj Moroni; ut wi ta taaruuq, tink’e raj chenaw chixjunil li k’a’aq re ru.

13 K’ehomaq reetal, nink’e xraqik aatinak chirix li tenamit a’in. Laa’in ralal laj Mormon, ut lin yuwa’ a’an chaq ^aralal xk’ajol laj Nefi.

14 Ut laa’in ajwi’ li ^aninmuquk chaq re li tz’iib’anb’il esil a’in choq’ re li Qaawa’; eb’ li perel ch’iich’ wan wi’ maak’a’eb’ xtz’aq, xb’aan lix taqlahom li Qaawa’. Xb’aan naq a’an kixye chi yaal naq maajun taak’uluq reheb’ ^bre xk’ulb’al xtumin; a’b’anan li esil tz’iib’anb’il chiruheb’ maajo’ nimal xtz’aq; ut ani taak’amoq re chi saqenkil, li Qaawa’ taarosob’tesi.

15 Xb’aan naq maajun naru chi wank xwankil re xk’amb’al chi saqenkil, ka’ajwi’ wi k’eeb’il re xb’aan li Dios; xb’aan naq li Dios naraj naq taab’aanumanq chi ^ajunaj ru lix sa’ li ru sa’ lix loq’al a’an, malaj sa’ lix chaab’ilal lix tenamit li Qaawa’ re li sumwank, li wanjenaqeb’ najter ut jek’inb’ileb’ chiru k’iila chihab’.

16 Ut osob’tesinb’ilaq taxaq li ^aani taak’amoq chi saqenkil li na’leb’ a’in; xb’aan naq ^btaak’ame’q chaq sa’ q’ojyin toj chi saqenkil, jo’ chanru li raatin li Dios; relik chi yaal, taak’ame’q chaq sa’ li ch’och’, ut taalemtz’unq chaq sa’ li q’ojyin, ut taak’ehe’q chi nawmank chiruheb’ li tenamit; ut taab’aanumanq rik’in lix wankil li Dios.

17 Ut wi wan li ^amajelal, a’an xmajelal jun li winq. A’b’an k’ehomaq reetal, maajun majelal naqanaw; a’ut li Dios nanawok re chixjunil li k’a’aq re ru; jo’kan ut, ani ^bnaxtz’eqtaana xloq’al, chixk’ehaq reetal maare anchal taa’ajmanq naq tixxuwa ru xxamlel li xb’alb’a.

18 Ut ani nayehok re: K’utumaq chiwu, malaj ut texsak’e’q—chixk’ehaq reetal maare anchal tixtaqla li k’a’ru yeeb’il xb’aan li Qaawa’ naq ink’a’ taab’aanumanq.

19 Xb’aan naq k’ehomaq reetal, li ani ^anaraqok aatin chi junpaatil, taaraqe’q wi’chik aatin chirix chi junpaatil; xb’aan naq jo’ chanru lix k’anjel, jo’kanaq lix tojb’al; jo’kan ut, ani nasak’ok taasak’e’q wi’chik, xb’aan li Qaawa’.

20 K’ehomaq reetal k’a’ru naxye li loq’laj hu—moko taasak’oq ta li winq, chi moko taaraqoq aatin; xb’aan naq we laa’in li raqok aatin, chan li Qaawa’, ut we ajwi’ li eeqajunk, ut laa’in tinq’ajkaamunq.

21 Ut ani taayeechi’inq re li josq’il ut ut wech’ij-ib’ chirix lix k’anjel li Qaawa’, ut chirix lix tenamit li Qaawa’ re li sumwank, li xkomoneb’ lix junkab’al laj Israel, ut te’xye: Taqasach lix k’anjel li Qaawa’, ut li Qaawa’ ink’a’ taajultiko’q re lix sumwank li kixk’uub’ choq’ re lix junkab’al laj Israel—a’an ajwi’ tento tixxuwa ru li yok’e’k chaq ut kute’k sa’ li xam;

22 Xb’aan naq lix junelikil ^aajom li Qaawa’ taatololnaq chi uub’ej, toj reetal naq taatz’aqloq ru chixjunil lix yeechi’ihom.

23 Tz’ilomaq rix lix profeetil aatin laj ^aIsaias. K’ehomaq reetal, ink’a’ naru nintz’iib’a. Relik chi yaal, ninye eere, naq eb’ laj santil paab’anel li ke’nume’ xb’een wa chiwu, li ke’eechanink re li ch’och’ a’in, ^bte’elajinq; relik chi yaal, chalen ajwi’ chaq sa’ poqs te’elajinq chiru li Qaawa’; ut jo’ chanru naq yo’yo li Qaawa’ a’an taajultiko’q re li sumwank li kixk’uub’ rik’ineb’.

24 Ut a’an naxnaw ru lix ^atijeb’, naq ke’tz’aaman choq’ reheb’ li ras riitz’ineb’. Ut a’an naxnaw lix paab’aaleb’, xb’aan naq sa’ lix k’ab’a’ a’an, ke’ru chixjalb’al xna’ajeb’ li ^btzuul; ut sa’ lix k’ab’a’ a’an, ke’ru chixk’eeb’al chi chiq’ok li ch’och’; ut rik’in lix wankil li raatin ke’xk’e chi uq’e’k li ^ctz’alam chi ch’och’; relik chi yaal, li k’atleb’aal xam ink’a’ ajwi’ kiru chixrahob’tesinkileb’, chi moko eb’ li k’iche’ xul, chi moko li k’anti’ wankeb’ xmay, xb’aan xwankil li raatin.

25 Ut k’ehomaq reetal, ^ake’tijok ajwi’ choq’ re li ani tixkanab’ li Qaawa’ chixk’eeb’al chi k’ute’k li k’a’aq re ru a’in.

26 Ut maa’ani na’aje’ naq tixye naq ink’a’ taachalq, xb’aan naq taachalq chi yaal, xb’aan naq li Qaawa’ xyehok re; xb’aan naq ^asa’ ch’och’ taachalq chaq, xb’aan li ruq’ li Qaawa’, ut maajun naru chi ramok re; ut taachalq sa’ jun kutan naq yeeb’ilaq naq oso’jenaqeb’ li ^bsachb’a-ch’oolej; ut taachalq chanchan naq taa’aatinaq junaq ^csa’ xyanqeb’ chaq li kamenaq.

27 Ut taachalq sa’ jun kutan naq lix ^akik’eleb’ laj santil paab’anel taayaab’aq chiru li Qaawa’, xb’aaneb’ li ^bmuqmuukil molam ut li k’anjel re q’ojyin.

28 Relik chi yaal, taachalq sa’ jun kutan naq tz’eqtaananb’ilaq xyaalal lix wankil li Dios, ut eb’ li ^aiglees muxb’ilaqeb’ ut taqsinb’ilaqeb’ sa’ xq’etq’etileb’ xch’ool; relik chi yaal, sa’ jun kutan naq eb’ li neke’jolomink reheb’ li iglees, ut eb’ laj tzolonel, te’taqe’q sa’ xq’etq’etileb’ xch’ool, toj reetal ajwi’ naq te’xkaqaliheb’ li neke’wan sa’eb’ lix iglees.

29 Relik chi yaal, taachalq sa’ jun kutan naq ^ataa’ab’imanq resileb’ li xam, ut li kaq-sut-iq’, ut ^bxb’ook li sib’ sa’eb’ li jalanil ch’och’;

30 Ut taa’ab’imanq ajwi’ resil li ^apleet, li esil chirix li pleet, ut li hiik sa’ b’araq chi na’ajej.

31 Relik chi yaal, taachalq sa’ jun kutan taawanq wi’ ninqi tz’ajnink chiru lix b’een li ch’och’; taawanq li kamsink, ut poqlenk, ut tik’ti’ik, ut b’alaq’ik, ut yumb’eetak ko’b’eetak, ut li k’iila paay chi tz’eqb’eetalil; naq te’wanq naab’al li te’yehoq re: B’aanu a’in, malaj b’aanu a’an, ^amaak’a’ naxye, xb’aan naq li Qaawa’ ^btixwaklesi xkomon a’an sa’ roso’jik li kutan. A’b’an rahilal sa’ xb’een xkomon a’an, xb’aan naq wankeb’ sa’ ^cxk’ahil li yot’e’k ut sa’ xb’ak’leb’ li maa’usilal.

32 Relik chi yaal, taachalq sa’ jun kutan naq te’wanq li iglees waklesinb’ileb’ li te’yehoq re: Chalqex wik’in, ut xb’aan eetumin taakuymanq eemaak.

33 Aay, ex tenamit aj maakex ut po’b’il eech’ool ut jip eek’a’uxl, k’a’ut naq xewaklesiheb’ li iglees choq’ eere re xk’ulb’al ^aeetumin? K’a’ut naq ^bxejal ru lix santil aatin li Dios, re taaruuq teek’am chaq li ^ctojb’a-maak sa’ xb’een eeraam? K’ehomaq reetal, chex’iloq wan wi’ lix k’utb’esihom li Dios; xb’aan naq k’ehomaq reetal, taachalq xq’ehil sa’ li kutan a’an naq chixjunil li k’a’aq re ru a’in tento taatz’aqloq ru.

34 K’ehomaq reetal, li Qaawa’ xk’ut chiwu li xnimal ru ut sachb’a-ch’oolejil na’leb’ chirix li k’a’ru tento taachalq sa’ junpaat, sa’ li kutan a’an naq taak’utmanq li k’a’aq re ru a’in sa’ eeyanq.

35 K’ehomaq reetal, nekexwaatina chanchan naq wankex chiwu, a’ut maa’anihex. A’b’anan k’ehomaq reetal, li Jesukristo kexxk’ut chiwu, ut ninnaw ru lee b’aanuhom.

36 Ut ninnaw naq ^anekexb’eek sa’ xq’etq’etil eech’ool; ut maajun wan, yal junjunq ajwi’ li ink’a’ ^bneke’xtaqsi rib’ sa’ xq’etq’etileb’ xch’ool, toj sa’ xtiqib’ankil rib’ rik’in li ^ca’qej q’axal chaab’il, toj sa’ li kaqalink, ut li wech’ij-ib’, ut li xik’ ilok, ut li rahob’tesink, ut li k’iila paay chi maa’usilal; ut eb’ lee iglees, relik chi yaal, li junjunq reheb’, tz’ajninb’ileb’ xb’aan xq’etq’etil eech’ool.

37 Xb’aan naq k’ehomaq reetal, nekera li ^atumin, ut li k’a’ru eere, ut lee chaab’il aq’ej, ut li rutz’u’ujinkil lee iglees, chi k’a’jo’ wi’chik chiru naq nekera li neb’a’ ut li ani maak’a’ wan re, li yaj ut li tawasinb’il.

38 Aay, ex aj tz’ajninel, ex aj ka’pak’al-u, ex aj tzolonel, li nekek’ayi eerib’ choq’ re li k’a’ru taamo’ob’resinq, k’a’ut naq xetz’ajni lix santil iglees li Dios? K’a’ut naq ^anekexxutaanak chixk’ulb’al sa’ eeb’een lix k’ab’a’ li Kristo? K’a’ut naq ink’a’ nekek’oxla naq nim wi’chik xloq’al li sahil ch’oolejil maak’a’ roso’jik chiru li ^brahil ch’oolejil a’an li maajo’q’e nakam—ma re naq ^ctaanimaaq eeru xb’aan li ruchich’och’?

39 K’a’ut naq nekerutz’u’uji eerib’ rik’in li k’a’ru maak’a’ xyu’am, a’ut nekekanab’ li te’tz’okaaq, ut li maak’a’eb’ wan re, ut li t’ust’u, ut li yaj ut li tawasinb’il chi nume’k cheru, ut ink’a’ nekek’eheb’ reetal?

40 Relik chi yaal, k’a’ut naq nekewaklesi lee ^amuqmuukil tz’eqb’eetalil re xk’ulb’al eetumin, ut nekekanab’ naq te’yaab’aq li xmalka’an chiru li Qaawa’, ut eb’ ajwi’ li maak’a’eb’ xna’ xyuwa’ chi yaab’ak chiru li Qaawa’, ut jo’kan ajwi’ lix kik’el lix yuwa’eb’ ut lix b’eelomeb’ chi elajink chiru li Qaawa’ chalen chaq chi ch’och’, re reeqajunkil sa’ xb’een eejolom?

41 K’ehomaq reetal, li yok’leb’ ch’iich’ re eeqajunk taqsinb’il sa’ eeb’een, ut chi seeb’ taachalq xkutankil naq a’an ^ataareeqaju lix kik’eleb’ laj santil paab’anel sa’ eeb’een, xb’aan naq ink’a’ chik tixkuy rab’inkil li relajihomeb’.