Momani 7
    Footnotes
    Theme

    Wase 7

    Sa sureti ira na Leimanaiti ni veisiga mai muri ko Momani me ra vakabauti Karisito, ciqoma na Nona kosipeli, me ra na vakabulai—O ira kece era vakabauta na iVolatabu era na vakabauta tale ga na iVola i Momani. Rauta na 385 S.K.

    1 Raica oqo, au na vosa mada vei ira na aivovo ni tamata oqo era a vakabulai, kevaka ena solia vei ira na Kalou na noqu vosa me ra kila kina na kedra itukutuku na nodra qase, io, au sa vosa vei kemudou na ivovo ni mataqali i Isireli; ka sa vakaoqo na noqu vosa:

    2 Mo dou kila ni dou sa amataqali i Isireli.

    3 Ia mo dou kila tale ga, ni sa dodonu mo dou veivutuni, kevaka e sega dou na sega ni rawa ni vakabulai.

    4 Mo dou kila ni sa dodonu mo dou biuta tani na nomudou iyaragi ni valu, ka kakua sara ni taleitaka na vakadavei ni dra, ka kakua tale ni tarai ira ka vakavo ga kevaka sa vakaroti kemudou kina na Kalou.

    5 Sa dodonu mo dou akila na kedra itukutuku na nomudou qase, ka veivutunitaka na nomudou ivalavala ca kei na nomudou caka cala, ka bvakabauti Jisu Karisito, ni sai koya na Luve ni Kalou, ka ra a vakamatei koya na Jiu, ka sa tucake tale ena kaukauwa i Tamada, ka sa cqaqa kina ko koya mai na ibulubulu; mai vei koya tale ga sa takali kina na bati gaga nei mate.

    6 A sa rawa ena vukuna na atucake tale mai na mate, ka ra na vakaturi cake kina na tamata kecega ka tu ena mata ni nona bitikotiko ni veilewai.

    7 Sa mai rawata na nodra asereki na kai vuravura, ia ko koya sa kunei ena siga ni lewa ni sa btawacala, ena ctiko ena nona iserau na Kalou ena nona matanitu, ka na duavata kei ira na dveimatasere mai cake me ra lagata tiko ga na nodra vakacaucau ki vua na Tamada, kei na Luvena, kei na Yalo Tabu, ka ratou sa eKalou e duabau ga, ena fmarau ka sega na kena iyalayala.

    8 O koya mo dou veivutuni kina ka papitaisotaki ena yaca i Jisu, ka muria na akosipeli i Karisito, ka na soli yani vei kemudou, sega wale ga ena itukutuku oqo ia ena bitukutuku tale ga ena lako yani vei ira na kai Matanitu Tani cmai vei ira na Jiu, ka ra na kauta yani dvei kemudou ko ira na Matanitu tani.

    9 Raica, sa volai na aitukutuku oqo ena inaki mo dou bvakabauta kina na itukutuku ko ya; ia kevaka dou sa vakabauta na itukutuku ko ya, dou na vakabauta tale ga na itukutuku oqo; ia kevaka dou sa vakabauta na itukutuku oqo, dou na kila kina na veika baleti ira na nomudou qase kei na veicakacaka talei era a vakayacori ena kaukauwa ni Kalou ena kedra maliwa.

    10 Ia dou na kila tale ga ni dou sa dua na ivovo ni kawa i Jekope; ka dou sa wili vata kina kei ira na tamata ni imatai ni veiyalayalati; ia kevaka dou sa vakabauti Karisito, ka papitaisotaki, taumada ena wai, qai tarava ena bukawaqa kei na Yalo Tabu, me amuria na noda iVakabula me vaka sa vakarota vei keda ko koya, ena vinaka vei kemudou ena siga ni lewa. Emeni.