1 Ao ngkai e a bane au reekoti are e kaineti ma ^akamaunaakiia au botanaomata, aika Nibwaite. Ao e a koro bukina bwa a bon mwananga rimataia Reimwanaite.

2 Ao ngai, Moomon, I korea te reta nakon aia uea Reimwanaite, ma n tangiria bwa e na kariaia bwa ti na ikotiia ara aomata n te ^aaba are Kumora, i rarikin te tabuki ae arana Kumora, ao ti na buaka ma ngaiia ikekei.

3 Ao e a koro bukina bwa aia uea Reimwanaite e bon kariaia nakoiu te bwai are I tangiria mai irouna.

4 Ao e a koro bukina bwa ti bon mwananga nakon te aba are Kumora, ao ti bon katei ara umwanrianna ni katobibia te tabuki are Kumora; ao e bon mena n te aba are e tiraua te ran iai, karaanga, ma koburake n ran; ao ikai are ti kantaningaia bwa ti na karekea ara raka iai i aoia Reimwanaite.

5 Ao ngke e a bane tenibubua ao wanibwi ma aua te ririki, ao ti a ikotiia nikiraia ara botanaomata nakon te aba are Kumora.

6 Ao e a koro bukina bwa ngke ti a tia n ikotiia ara botanaomata ni katiteuanaia n te aba are Kumora, nooria Ngai, ae Moomon I a moanna ni kara; ao I bon ataia bwa ai bon aia kabanea naba ni buaka au botanaomata, ao I a bon tia ni karekea te tua mai iroun te Uea bwa N na bon aki kariaia bwa reekoti ake a tabu ake a bon tia ni karuoaki rikaaki nakoira mai irouia ara bakatibu, a na bwaka nako nanon baia Reimwanaite, (bwa a na bon kamaunai taekaia Reimwanaite) ngaia are I a karaoa te ^areekoti aio man ana bwaatua Nibwaai, ma ni ^bkarabai n te tabuki are Kumora reekoti ni kabane ake I a tia ni mwiokoaki iai ni bain te Uea, ma bon iai tabeua bwaatua ^cake I a angan natiu ae ^dMoronaai.

7 Ao e a koro bukina bwa au botanaomata, ma buuia ma natiia, a bon nooriia ngkai aia ^ataanga ni buaka Reimwanaite bwa a mwananga ni kainetiia; ao a bon tataningaiia ma maakan te mate ae kakamaku are e kaona bwabwaia ni kabane ake a buakaka.

8 Ao e a koro bukina bwa a roko ni buaka ni kaaitaraira, ao a bane aomata ni kabane n onrake n te maaku ibukin korakoran mwaitia.

9 Ao e a koro bukina bwa a bon bwakaria au botanaomata ma te kabaang, ao ma te kainikatebe, ma kanoan te katebe, ma te tanai, ao ma aekan nako bwaai ni buaka.

10 Ao e a koro bukina bwa a bon oreaki au aomata ni kabwakaki, eng, ake tebwina te ngaa ake raou, ao I bwaka i buakoia; ao a riaoai ao a bon aki tiringai.

11 Ao ngke a tia n ribuakora ma n oroia ni kabwakaia au botanaomata ni ^akabane a tiku ti uangaun ma aman ngaira, (are temanna mai i buakoia bon natiu te mwaane are Moronaai) ao ngaira ake ti bon aki mate, ti bon nooria n te bong are i mwina mai taubukin te tabuki are Kumora, ngke a tia n oki Reimwanaite nakon aia tabo, au botanaomata ake tebwina te ngaa ake a tia n oreaki ni kabwakaki, ake I a tia ni kairiia imoa.

12 Ao ti nooriia naba au botanaomata ake tebwina te ngaa ake a kairaki iroun natiu te mwaane ae Moronaai.

13 Ao nooria, tebwina te ngaa ake a kairaki iroun Kikitona a bon bwaka naba, ao e bon mena i buakoia.

14 Ao e bon bwaka naba Ramaa ma raona ake tebwina te ngaa; ao e bwaka naba Kirekara ma raona ake tebwina te ngaa; ao Rimwaa e bwaka naba ma raona ake tebwina te ngaa; ao e bwaka naba Ieneum ma raona ake tebwina te ngaa; ao Kumeniaa, ma Moronaaia, ma Anteonam, ma Tiburon, ma Teem, ma Ioti, a bon bwaka naba ma raoia ake kaka tebwina te ngaa.

15 Ao a koro bukina bwa iai riki tengaun ake a bwaka naba ma raoia ake kaka tebwina te ngaa, n te kabaang; eng, ni ^akabane au botanaomata a bwaka, ma ti ake uangaun ma aman ake raou, ao tabeman riki ake a tia ni birinako n raonia Reimwanaite, ao irikoia ma riia, ao raraaia a bon wene iaon te aba, bwa a bon katukaki irouia ake a tiringia bwa a na mka iaon te aba, ao a na mmwa nako n okira tinaia are te tano.

16 Ao e a uruaki nanou n te rawawata ibukin tiringakia au botanaomata, ao I takarua:

17 O ngkami aika kam tikiraoi, kam kanga ni kona ni kitan ana kawai te Uea! O ngkami aika kam tikiraoi, kam kanga ni kona n rawa ni butimwaea Iesu, are e tei ma baina aika a tangaina bwa e na butimaei ngkami!

18 Nooria, ngke arona bwa kam aki karaoa aio, kam na bon aki kona ni bwaka. Ma nooria, kam a bwaka, ao I nanokawaki ibukin buami.

19 O ngkami naati mwaane ma aine aika kam tikiraoi, ngkami kaaro ma tiina, mwaanenumwa ma ainenumwa, ngkami aika kam tikiraoi, kam kangaa ni kona ni bwaka!

20 Ma nooria, kam a nako, ao nanokawakiu e bon aki kona ni kaoki ngkami.

21 Ao e na roko te bong are rabwatami are e maamate e na katokaa iaona te aki maamate, ao taian rabwata aika a mka ngkai n te aro ni kamaamate a nang bon riki bwa rabwata aika ^aaki kona n rotaki n te maamate; ao ngkanne kam na tei imatan ana kaintekateka ni motikitaeka Kristo, bwa kam na motikaki taekami n aron ami mwakuri; ao ngkana arona bwa kam raoiroi, ao ngkanne kam na kakabwaiaki ma ami bakatibu ake a tia n rimoami.

22 O tera ngke arona bwa kam a tia n rairinanomi i mwaain rokon te urubwai ae korakora aio iaomi. Ma nooria, kam a nako, ao te Tama, eng, te Tama ae Akea Tokina are i karawa, e ataa aromi; ao e na karaoa nakoimi te ^amomotiraoi ma te ^bnanoanga.