1 Dhe tani, vini re, vëllezërit e mi, sikurse ju thashë që unë do të profetizoja, vini re, kjo është profecia ime—që gjërat që tha profeti ^aZenos në lidhje me shtëpinë e Izraelit, në të cilat ai e krahasoi me një pemë ulliri të butë, me siguri duhet të ndodhin.

2 Dhe dita që ai do të shtrijë dorën e tij përsëri për të ^apërtërirë popullin e tij për të dytën herë, është dita, po, madje hera e fundit, që ^bshërbëtorët e Zotit do të shkojnë në ^cfuqinë e tij, për të ^dushqyer dhe krasitur ^evreshtin e tij; dhe pas asaj ^ffundi vjen shpejt.

3 Dhe, sa të bekuar janë ata që kanë punuar me zell në vreshtin e tij; dhe sa të mallkuar janë ata që do të flaken në vendin e tyre! Dhe bota do të ^adigjet me zjarr.

4 Dhe sa i mëshirshëm është Perëndia ynë me ne, pasi ai e mban mend shtëpinë e ^aIzraelit, si rrënjët ashtu edhe degët; dhe ai shtrin ^bduart e tij në drejtim të tyre gjatë gjithë ditës; dhe ata janë një popull ^ckokëfortë dhe kundërshtues; por të gjithë ata që nuk do të ngurtësojnë zemrat e tyre, do të shpëtohen në mbretërinë e Perëndisë.

5 Kështu që, vëllezërit e mi të dashur, unë ju lutem në fjalët e qartësisë, që ju të pendoheni dhe të vini me synim të plotë të zemrës dhe të ^aqëndroni besnik te Perëndia, sikurse ai qëndron besnikë te ju. Dhe ndërsa ^bkrahu i tij i mëshirës është shtrirë drejt jush në dritën e ditës, mos i ngurtësoni zemrat tuaja.

6 Po, sot, në qoftë se ju do të dëgjoni zërin e tij, mos i ngurtësoni zemrat tuaja; pasi, pse doni të ^avdisni ju?

7 Pasi vini re, pasi ju të jeni ushqyer nga fjala e mirë e Perëndisë gjatë gjithë ditës, a do të sillni ju frut të lig, që ju të ^apriteni dhe të flakeni në zjarr?

8 Vini re, a do t’i hidhni poshtë këto fjalë? A do t’i hidhni poshtë fjalët e profetëve dhe a do t’i hidhni poshtë të gjitha fjalët që janë folur në lidhje me Krishtin, pasi kaq shumë kanë folur në lidhje me të; dhe a do ta mohoni fjalën e mirë të Krishtit dhe fuqinë e Perëndisë dhe ^adhuratën e Frymës së Shenjtë, dhe të shuani Shpirtin e Shenjtë, dhe të bëni një përqeshje të planit të madh të shëlbimit që është përgatitur për ju?

9 A nuk e dini se, në qoftë se ju do t’i bëni këto gjëra, që fuqia e shëlbimit dhe e ringjalljes, e cila është në Krisht, do t’ju sjellë të qëndroni me turp dhe me ^afajësi të tmerrshme para ^bshufrës së Perëndisë?

10 Dhe sipas fuqisë së ^adrejtësisë, pasi drejtësia nuk mund të mohohet, ju duhet të shkoni në atë ^bliqen zjarri dhe squfuri, flakët e të cilit janë të pashueshme dhe tymi i të cilave ngrihet lart gjithmonë e përgjithmonë, liqen ky prej zjarri dhe squfuri që është ^cmundim ^di pafund.

11 O atëherë, vëllezërit e mi të dashur, pendohuni dhe hyni në ^aportën e ngushtuar dhe vazhdoni në rrugën që është e ngushtë, derisa ju të merrni jetën e përjetshme.

12 O, jini ^atë urtë; çfarë mund të them më?

13 Më në fund, unë po ju them lamtumirë, derisa unë t’ju takoj para shufrës së këndshme të Perëndisë, shufër e cila godet të ligjtë me tmerr dhe frikë ^atë tmerrshme. Amen.