Ebʼ li loqʼlaj hu
Jakob 3


Ch’ol 3

Eb’ li saqeb’ ru xch’ool neke’xk’ul li raatin li Dios li nasahob’resin ch’oolej—Lix tiikilaleb’ laj Lamanita naxq’ax li reheb’ laj Nefita—Laj Jakob naxtijeb’ chirix li yumb’eetak ko’b’eetak, li yib’ ru k’a’uxlej, ut li junjunq paay chi maak. Wan na 544–421 chihab’ ma nayo’la li Kristo.

1 A’b’an k’ehomaq reetal, laa’in, aj Jakob nawaj raj eeraatinankil laa’ex li saq ru eech’ool. Ilonqex wan wi’ li Dios chi xaqxo eek’a’uxl, ut tijonqex chiru chi numtajenaq eepaab’aal, ut a’an tixk’ojob’ eech’ool sa’ lee ch’a’ajkilal, ut a’an taa’aatinaq eeruuchil, ut tixtaqla li k’a’ru tiik ru sa’ xb’eeneb’ li te’sik’oq re eesachb’al.

2 Chejunilex li saq ru eech’ool, taqsihomaq lee jolom ut k’ulumaq li raatin li Dios li nasahob’resin ch’oolej, ut tzekahomaq xsahil lix rahom, xb’aan naq texruuq, wi axaqxo lee na’leb’, chi junelik.

3 A’b’anan rahilal, rahilal sa’ eeb’een laa’ex li moko saq ta ru eech’ool, li atz’aj eeru sa’ li kutan a’in chiru li Dios, xb’aan naq wi ink’a’ nekejal eek’a’uxl, majewanb’il li ch’och’ sa’ eek’ab’a’, ut eb’ laj Lamanita, li moko tz’ajeb’ ta ru jo’ laa’ex, a’ut bmajewanb’ileb’ rik’in jun li rahil majewank, texxrapleheb’ toj reetal ajwi’ li sache’k.

4 Ut chi seeb’ taachalq xq’ehil, naq wi ink’a’ nekejal eek’a’uxl eb’ a’an te’reechani lix ch’och’il eereechanihom, ut li Qaawa’ Dios atixk’ameb’ xb’e li tiikeb’ xch’ool chi elk sa’ eeyanq.

5 K’ehomaq reetal, eb’ laj Lamanita eeras eeriitz’in, li xik’ nekeril sa’ xk’ab’a’ lix tz’ajnileb’ ru ut li majewank li xchal sa’ xtz’uumaleb’, q’axal tiik wi’chik xch’ooleb’ cheru laa’ex, xb’aan naq eb’ a’an moko asachenaq ta sa’ xch’ooleb’ lix taqlahom li Qaawa’, li kik’ehe’ re li qayuwa’—naq te’wanq yal jun ajwi’ li rixaqil, ut maajunaq lix moosil ixaqil, ut ink’a’ taa’uxmanq li yumb’eetak ko’b’eetak sa’ xyanqeb’.

6 Ut anajwan, li taqlahom a’in k’eek’ookeb’ xch’ool chixpaab’ankil; jo’kan ut, sa’ xk’ab’a’ lix k’eek’ookileb’ xch’ool a’in sa’ xpaab’ankil li taqlahom a’in, li Qaawa’ Dios ink’a’ tixsacheb’; ataaruxtaanaheb’ ru b’an, ut sa’ junaq kutan te’ok choq’ jun osob’tesinb’il tenamit.

7 K’ehomaq reetal, li b’eelomej sa’ xyanqeb’ aneke’xraheb’ li rixaqil, ut li ixaqilb’ej sa’ xyanqeb’ neke’xraheb’ lix b’eelom; ut li b’eelomej ut ixaqilb’ej reheb’ neke’xra lix kok’aleb’, ut sa’ xk’ab’a’ lix maa’usilaleb’ lix yuwa’eb’ naq maak’a’eb’ xpaab’aal ut xik’ nekexrileb’; jo’kan ut, jo’ nimal ta wi’ lee chaab’ilal chiruheb’ a’an sa’ rilob’aal li nimla aj Yo’obt’esihom eere?

8 Ex was wiitz’in, ninxuwa naq wi ink’a’ nekejal eek’a’uxl chirix lee maak, q’axal saqaq wi’chik xtib’eleb’ chiru lee re, naq texk’ame’q eerochb’eeneb’ chiru lix k’ojarib’aal li Dios.

9 Jo’kan ut, jun intaqlahom nink’e eere, a’an li raatin li Dios, naq ink’a’ chik teehob’eb’ chirix lix q’eqaleb’ lix tib’el, chi moko chik teehob’eb’ sa’ xk’ab’a’ lix tz’ajnileb’ ru; taajultiko’q b’an eere lix tz’ajnil eeru laa’ex, ut taajultiko’q eere naq kichal xtz’ajnileb’ ru a’an sa’ xk’ab’a’ lix yuwa’eb’.

10 Jo’kan ut, chijultiko’q eere lee akok’al, chanru naq xerahob’tesi xch’ooleb’ xb’aan li k’a’ru xex’ile’ chixb’aanunkil xb’aaneb’; ut jo’kan ajwi’, chijultiko’q eere naq texruuq, sa’ xk’ab’a’ lee tz’ajnil, chixk’amb’aleb’ lee kok’al sa’ li sache’k, ut lix maakeb’ a’an te’tuub’amanq sa’ xb’een lee jolom sa’ roso’jik li kutan.

11 Ex was wiitz’in, chex’ab’inq taxaq chiru li waatin; chewaklesi li reek’ahom lee raam; chiq’omaq eerib’ re naq ataa’ajq eeru chiru lix wara li kamk; ut hitomaq eerib’ rik’in lix rahil li bxb’alb’a re naq ink’a’ tex’ok choq’ canjel chiru laj tza, re texkute’q sa’ li palaw a’an re xam ut chuhil pek, a’an li xkab’ dkamk.

12 Ut anajwan laa’in, aj Jakob, kinye naab’al chik li k’a’aq re ru chiru lix tenamit laj Nefi, kintijeb’ chirix li ayumb’eetak ko’b’eetak ut li byib’ ru k’a’uxlej, ut li junjunq paay chi maak, kinye reheb’ li xuwajelil li taa’uxq xb’aan a’an.

13 Ut ink’a’ naru natz’iib’aman chiruheb’ ali perel ch’iich’ a’in yal ta jun miin raqal lix b’aanuhom li tenamit a’in, li okenaqeb’ chik chi k’iho’k; a’b’an tz’iib’anb’il naab’al lix b’aanuhomeb’ chiruheb’ li perel ch’iich’ li nim wi’chik, ut lix pleeteb’, ut li wech’ok-ib’ reheb’, ut li rawa’b’ejileb’ lix reyeb’.

14 Eb’ li perel ch’iich’ a’in, a’aneb’ lix perel ch’iich’ laj Jakob neke’xk’ab’a’in, ut yiib’anb’ileb’ chaq xb’aan li ruq’ laj Nefi. Ut nink’e xraqik xyeeb’al li aatin a’in.