Koroboki Aika Tabu
Iakobwa 3


Mwakoro 3

E na reke irouia aika a itiaki nanoia ana taeka te Atua—E korakora riki raoiroia Reimwanaite nakoia Nibwaite—Iakobwa e kauring ni kaitara te wenenibure, te uarao, ao bure ni kabane. Uakaan ma ririki aika 544–421 I.K.

1 Bwa taraia, Ngai ae Iakobwa, N na taetae nakoimi aika a itiaki nanomi. Onimakina te Atua ma te nano ae matoatoa, ao tataro nakoina ma te onimaki ae korakora, ao e na kabebeteko i nanon am tai n rawawata, ao e na tei ibukim, ao e na katuaeia akana kataia n tiringko.

2 O ngkami ni kabane aika a itiaki nanomi, tabeki atuumi ao butimwaea ana taeka te Atua ae tamaroa, ao kanuaiko n ana tangira; bwa kam na kona ni karaoia, ngkana a amatoatoa nanomi, n aki toki.

3 Ma, a na reke kaimi, a na reke kaimi aika a aki itiaki nanomi, aika a akammaira n te bong aio imatan te Atua, bwa ngkana kam aki rairinanomi ao e na karekeaki kain te aba aio ibukimi; ao Reimwanaite aika a aki korakora kammairaia nakoimi, ma a bon bkarekeaki naba kaia, a na ekinakoingkami ni karokoa matemi.

4 Ao e na waekoa n roko te tai aio, ma ngkana kam aki rairinanomi ao a na anai aban rikimi, ao e na akairia nako aika a raoiroi te Uea ae te Atua mai i buakomi.

5 Taraia, a raoiroi riki Reimwanaite ake tarimi, ake kam ribaia ngkoa ibukin kammairaia ma te kamaraia are reke nakon kunia; ngkai a aki amwaninga ana tua te Uea, are a anganaki tamara—are e na ti temanna buuia, ao a na akea aia kinano, ao a na akea te mwakuri ni kabekaau ae a na karaoia.

6 Ao ngkai, a kamatoa kaawakinan te tua aio; ngaia ae ngkai a ongeaba, ni kaawakina te tua aio, ao e na aki tiringia te Uea ae te Atua, ma e na ananoangaia; ao e na roko te bong are a na riki iai bwa aomata aika a kakabwaiaki.

7 Taraia, mwaanenumwa a atangiriia buuia, ao ainenumwa a tangiriia buuia; mwaanenumwa ma ainenumwa a tangiriia natiia; ao e a reke aki onimakinakimi ma ribakimi irouia ibukin buakakaia aia bakatibu; mangaia ae ko tamaroa riki ngkoe n nakoia, i matan te Tia Karikibwai ae e korakora?

8 O tariu, I raraoma bwa ngkana kam aki rairinanomi man ami bure ao a na mainaina riki kuniia nakoimi, n te tai are kam na uaaia ni kairaki iai nako matan ana kaintokanuea te Atua.

9 Mangaia ae I anganingkami te tua aio, ae ana taeka te Atua, bwa kam na katoka ribakia iroumi ibukin bwatabwatan kuniia; ke n ribaia ibukin kammairaia; ma kam na riai moa n uring oin kammairami, ao n uringnga ae reke kammairaia mai irouia aia bakatibu.

10 Mangaia ae kam na uringia anatimi, n aron karawawatan nanoia n te katoto are kam a tia ni kateia nakoia; ao n uringnga naba, ae kam kona ni karekea te rekenikai nakoia natimi, man kammairami, ni uota kamaunakia natimi, ao a na katokaki aia bure iaon atuumi n te kabanea ni bong.

11 O tariu, ongeaba nakon au taeka; kakatauraoi rabwatami ma tamneimi; ioioi rabwatami bwa kam aonga n auti man te matu ni mate; ao kabwarai ngkami man marakin bmoone bwa kam aonga n aki riki bwa ana canera te riaboro, aika a na kaeaki nakon te nei n ai ma te karaanga n ai ae te kauatai ni dmate.

12 Ao Ngai ae Iakobwa, I a taekin bwaai aika a mwaiti nakoia ana botanaomata Nibwaai, n tuatua bwa a na aki awenenibure ma ni buarao, ke ni karaoi aeka ni bure nako, man n tuangiia bwaai aika a na riki nakoia ngkana a karaoi.

13 Ao aikai katebubuan rongorongon bwaai aika a riki nakoia aomata aikai, ao ngkai a moanna ni korakora mwaitia, ao a aki kona ni bane ni koreaki iaon abwaatua aikai; ma a mwaiti rongorongoia aika a koreaki iaon bwaatua ake a bubura, ma aia bubuaka, ma aia itabaraara, ma aia tautaeka aia uea.

14 Aranaki bwaatua aikai bwa ana bwaatua Iakobwa, ao a karaoaki ni bain Nibwaai. Ao I a motika ikai taekan bwaai aikai.