Lix Hu laj Jakob
ritz’in laj Nefi

1 Xb’aan naq k’ehomaq reetal, kik’ulman naq numenaq chaq o’laju roxk’aal chihab’ relik chaq laj Lehi Jerusalen; jo’kan naq laj Nefi kixk’e we laa’in, aj ^aJakob, jun ^bintaqlankil chirixeb’ li perel ch’iich’ li ^ckok’ ru, chiru wi’ tz’iib’anb’il li k’a’aq re ru a’in.

2 Ut kixk’e we laa’in, aj Jakob, jun intaqlankil naq tintz’iib’a chiruheb’ li perel ch’iich’ a’in junjunq li k’a’aq re ru li q’axal wan xloq’al jo’ nink’oxla; naq ink’a’ tin’aatinaq, yal b’ab’ay ajwi’ tana’, chirix li resilal li tenamit a’in, a’an lix tenamit laj Nefi neke’xk’ab’a’in.

3 Xb’aan naq kixye naq li esilal chirix lix tenamit taatz’iib’amanq chiruheb’ lix perel ch’iich’ jun ch’ol chik, ut naq tink’uulaheb’ li perel ch’iich’ a’in ut tinkanab’eb’ choq’ reheb’ li wiyajil, chiru li junjunq tasal tenamit.

4 Ut wi wan li jultikank aatin li loq’, malaj li k’utb’esinb’il na’leb’ li nim, malaj xch’olob’ahom li profeet, naq tintz’iib’a ^axjolomileb’ chiruheb’ li perel ch’iich’ a’in, ut tin’aatinaq chirix jo’ nimal li taaruuq chiwu, choq’ re xchaab’ilal li Kristo, ut choq’ re xchaab’ilal li qatenamit.

5 Xb’aan naq sa’ xk’ab’a’ li paab’aal ut li nimla k’a’uxlej, kik’utb’esiman chaq chi yaal chiqu chirix li qatenamit, k’a’ru li k’a’aq re ru ^ate’xk’ul.

6 Ut kiwan k’iila k’utb’esinb’il na’leb’ kiqak’ul, ut li musiq’ej re naab’al li profeetil aatin; jo’kan naq kiqanaw chirix li ^aKristo ut li rawa’b’ejihom, li taachalq.

7 Jo’kan naq kook’anjelak chi yalb’il qaq’e sa’ xyanq li qatenamit, re taaruuq taqaq’unb’esiheb’ xch’ool chi ^achalk rik’in li Kristo, ut chi tz’aqonk sa’ lix chaab’ilal li Dios, re taaruuq te’ok sa’ ^bxhilob’aal a’an, maare anchal sa’ xjosq’il tixxaqab’ aatin naq ink’a’ ^cte’ok chi sa’, jo’ naq ^dkib’oqe’ josq’il sa’ xkutankil li aaleek naq ke’wan li ralal xk’ajol laj Israel sa’ li ^eyamyookil ch’och’.

8 Jo’kan ut, taqaj raj chiru li Dios naq tooruuq chixq’unb’esinkileb’ xch’ool chixjunil li winq naq ink’a’ ^ate’xpo’resi xch’ool rik’in li Dios re ^bxb’oqb’al xjosq’il; re b’an naq chixjunileb’ li winq te’xpaab’ li Kristo, ut te’xk’e reetal lix kamik, ut te’xk’ul xrahil lix ^ckrus ut te’xkuy li xutaan xb’aan li ruchich’och’; jo’kan ut, laa’in, aj Jakob, nink’ul sa’ inb’een xtz’aqob’resinkil ru lix taqlahom laj Nefi li was.

9 Anajwan laj Nefi ki’ok chi tixk, ut kiril naq taahaye’q ^axkamik, jo’kan ut, ^bkixyul jun li winq chi wank choq’ rey ut aj taqlanel sa’ xb’een lix tenamit anajwan, jo’ chanru li rawa’b’ejileb’ li ^crey.

10 Eb’ li tenamit rik’in naq ke’xra chaq laj Nefi chi numtajenaq, xb’aan naq wanjenaq chaq a’an choq’ nimla aj kolol rixeb’, xtaqsihom chaq lix ^ayok’leb’ ch’iich’ laj Laban re xkolb’aleb’ rix, ut xk’anjelak chiru chixjunil lix kutan choq’ re lix chaab’ilaleb’—

11 Jo’kan ut, eb’ li tenamit ke’raj naq taakanaaq chi jultikanb’il lix k’ab’a’. Ut ani taa’awa’b’ejinq sa’ xna’aj, a’an k’ab’a’inb’il xb’aan li tenamit, xkab’ Nefi, rox Nefi, ut jo’kan wi’chik, jo’ chanru li rawa’b’ejileb’ li rey, ut chi jo’kan ke’k’ab’a’iik xb’aan li tenamit, maak’a’ naxye k’a’ru tz’aqal lix k’ab’a’eb’.

12 Ut kik’ulman naq kikam laj Nefi.

13 Anajwan, eb’ li tenamit li moko aj ^aLamaniiteb’ ta, a’aneb’ aj ^bNefita; a’b’anan nayeeman reheb’ aj Nefita, aj Jakobita, aj Josefita, aj ^cTzoramita, aj Lamanita, aj Lemuelita, ut aj Ismaelita.

14 A’ut laa’in, aj Jakob, ink’a’ chik tinjachiheb’ ru rik’in li k’ab’a’ej a’in; laa’in b’an aj Lamanita ^atinye reheb’ li neke’sik’ok xsachb’al lix tenamit laj Nefi, ut eb’ li neke’wan sa’ xyaalalil rik’in laj Nefi, aj ^bNefita tinyeheb’ re, malaj lix ^ctenamit laj Nefi, jo’ chanru li rawa’b’ejileb’ li rey.

15 Ut anajwan kik’ulman naq lix tenamit laj Nefi, chi wan sa’ awa’b’ejil li xkab’ rey, ke’ok chi kawuk sa’ raameb’, ut chixkanab’ankil rib’ b’ayaq chixb’aanunkil li maa’us aj na’leb’, jo’ chanru laj David najter rik’in xrahinkil ru k’iila ^aixaqilb’ej ut moosil ixaqilb’ej, jo’ ajwi’ laj Salomon, li ralal.

16 Relik chi yaal, ut ke’ok ajwi’ chixsik’b’al naab’al li oor ut plaat, ut ke’ok chi wank b’ayaq chi taqsinb’il sa’ li q’etq’etil.

17 Jo’kan naq laa’in, aj Jakob, kink’e reheb’ li aatin a’in naq kintzoleb’ sa’ li ^asantil ochoch, chi ak ink’ulum xb’een wa ^bintaqlankil xb’aan li Qaawa’.

18 Xb’aan naq laa’in, aj Jakob, ut jo’kan ajwi’ laj Jose li wiitz’in, ^ak’ojob’anb’ilo chaq choq’ aj tij ut aj tzolonel re li tenamit a’in, xb’aan li ruq’ laj Nefi.

19 Ut kiqanimob’resi ru li ^aqopiis choq’ re li Qaawa’, rik’in xk’ulb’al li ^bteneb’ank sa’ qab’een, chi sumenb’il lix maakeb’ li tenamit sa’ xb’een li qajolom wi ta ink’a’ xqak’ut li raatin li Dios chiruheb’ chi yalb’il anchal qaq’e; jo’kan ut, rik’in k’anjelak rik’in xnimal qametz’ew ink’a’ taachalq lix ^ckik’eleb’ chiru li qaq’; wi ta ink’a’ jo’kan, taachalq raj lix kik’eleb’ chiru li qaq’, ut ink’a’ raj tootawe’q chi maak’a’ qatz’ajnil sa’ roso’jik li kutan.