Dagiti Nasantuan a Kasuratan
Helaman 5


Kapitulo 5

Igaed da Nephi ken Lehi ti mangasaba—Awisen ida ti naganda a mangipada iti biagda kadagiti nagtaudanda—Subboten ni Cristo dagiti agbabawi—Adu ti mapasurot da Nephi ken Lehi ket mabaludda, ket malikmutda iti apuy—Lingdan ti ulep ti sipnget dagiti tallogasut a tattao—Madayyeg ti daga, ket bilinen ti timek dagiti tao nga agbabawi—Makisao da Nephi ken Lehi kadagiti anghel, ket likmuten ti apuy ti ummong. Agarup 30 S.C.

1 Ket napasamak nga iti daytoy met la a tawen, adtoy, inyawat ni aNephi ti pangukoman iti lalaki nga agnagan iti Cezoram.

2 Ta gapu iti pannakaipasdek dagiti paglinteganda ken dagiti gobiernoda babaen ti atimek dagiti tao, ken ad-adu dagiti bnangpili iti dakes ngem kadagiti nangpili iti nasayaat, ngarud maluomdan iti pannakadadael, ta madadaelen dagiti paglintegan.

3 Wen, ket saan la a dagitoy; nasukirda a tattao, isu a saanda a masakupan ti paglintegan wenno linteg, malaksid ti pakadadaelanda.

4 Ket napasamak a nabannog ni Nephi gapu iti kinamanagbasolda; ket ainsukona ti pangukoman, ket isu a mismo ti nangikasaba iti balikas ti Dios kadagiti amin a nabati nga aldawna, ken kasta met ken ni kabsatna a Lehi, kadagiti amin a nabati nga aldawna;

5 Ta nalagipda dagiti balikas nga imbaga kadakuada ni amada a Helaman. Ket dagitoy dagiti balikas nga insaona:

6 Adtoy, annakko, kayatko a laglagipenyo a salimetmetan dagiti bilin ti Dios; ken kayatko nga ibunannagyo kadagiti tao dagitoy a balikas. Adtoy, naitedkon kadakayo ti nagnagan dagiti immuna a anagannak kadatayo a naggapu iti daga a Jerusalem; ket inaramidko daytoy tapno no malagipyo dagiti naganyo malagipyo ida; ken no malagipyo ida malagipyo dagiti aramidda; ken no malagipyo dagiti aramidda ammoyo no kasano ti pannakaisaona, ken kasta met ti pannakaisuratna, a bnasayaatda.

7 Ngarud, annakko, kayatko nga aramidenyo ti nasayaat, ta naibaga kadakayo, ken kasta met a naisurat, a kas iti pannakaisao ken pannakaisuratda.

8 Ket ita annakko, adtoy adda pay banag a tarigagayak kadakayo, tarigagay a, a saanyo nga aramiden dagitoy a banag a pagparammag, ngem aramidenyo dagitoy a banag a pangibaskagyo iti bagbagiyo iti akinabaknang ti langit, wen, nga agnanayon, ken saan nga agkupas; wen, tapno maited kadakayo dayta bnapateg a sagut ti agnanayon a biag, nga adda panggapuanmi a mangipapan a naited kadagiti ammatayo.

9 O laglagipenyo, laglagipenyo, annakko, dagiti abalikas nga imbaga ni ari Benjamin kadagiti taona; wen, laglagipenyo nga awan ti sabali a pamuspusan wenno wagas a pakaisalakanan ti tao, iti laeng bpannubbot ti dara ni Jesucristo, nga umayto; wen, laglagipenyo nga umayto a cmangsubbot iti dlubong.

10 Ket laglagipenyo met dagiti abalikas ni Amulek nga imbagana ken ni Zeezrom, iti siudad ti Ammonihah; ta imbagana kenkuana ta pudno ti yaay ti Apo a mangsubbot kadagiti taona, ngem saanto nga umay a mangsubbot kadakuada iti basbasolda, ngem subbotenna ida manipud kadagiti basolda.

11 Ket adda bilegna nga inted kenkuana ti Ama a mangsubbot kadakuada manipud kadagiti basolda gapu iti panagbabawi; ngarud aimbaonna dagiti anghelna a mangipakdaar kadagiti damag iti kasasaad ti panagbabawi, a mangyeg iti bileg ti Mannubbot, iti pannakaisalakan dagiti kararuada.

12 Ket ita, annakko, laglagipenyo, laglagipenyo a babaento ti abato ti Mannubbottayo, nga isu ni Cristo, ti Anak ti Dios, a nasken a bangonenyo ti bpamuonyo; tapno no yeg ti sairo ti nabileg nga anginna, wen, dagiti gayang iti alipugpog, wen, no amin dagiti uraro ken nabileg a cbagyona sumaplit kadakayo, awanto ti bilegna kadakayo a mangirarem, iti taaw ni ladingit ken awan inggana a kinaay-ay-ay, gapu iti bato a binangonyo, nga awan duadua a pamuon, ti pamuon a no bangonen dagiti tao saanda a matuang.

13 Ket napasamak a dagitoy ti balikas nga ainsuro ni Helaman kadagiti annakna a lallaki; wen, adu a banag ti insurona kadakuada a saan a naisurat, ken kasta met nga adu a banag ti naisurat.

14 Ket nalagipda dagiti balikasna; ket ngarud napanda, a tinungpalda dagiti bilin ti Dios, a mangisuro iti balikas ti Dios kadagiti amin a tao ni Nephi, a mangrugi iti siudad ti Bountiful;

15 Ket manipud idiay agingga iti siudad ti Gid; ken manipud iti siudad ti Gid agingga iti siudad ti Mulek;

16 Ken kasta pay a manipud iti maysa a siudad agingga iti sabali, agingga a nakapanda kadagiti amin a tao ni Nephi nga adda iti daga iti abagatan; ket manipud dita nga agturong iti daga a Zarahemla, kadagiti Lamanite.

17 Ket napasamak a nangasabada a napnuan bileg, isu a naibabainda ti adu a asumupsuppiat a nangpanaw kadagiti Nephite, isu nga immasidegda a nangipudno kadagiti basolda ket nabuniaganda iti panagbabawi, ket dagusda a naisubli kadagiti Nephite tapno ikagumaanda a tarimaanen dagiti biddut a naaramidda.

18 Ket napasamak a nangasaba da Nephi ken Lehi kadagiti Lamanite a napnuan bileg ken turay, ta adda bileg ken turay a naited kadakuada tapno amakapagsaoda, ken kasta met nga addaanda iti nasken nga ibaga kadakuada—

19 Ngarud nagsaoda iti nalaus a siddaaw dagiti Lamanite, a anangallukoyanda kadakuada, isu nga adda walo ribu a Lamanite iti daga a Zarahemla ken iti aglawlaw a nabuniagan iti panagbabawi, ken nagutugot iti dinadangkes kadagiti kannawidan dagiti ammada.

20 Ket napasamak a nagtuloy da Nephi ken Lehi manipud idiay iti daga a Nephi.

21 Ket napasamak nga innala ida dagiti buyot dagiti Lamanite ket naibaludda; wen, iti met la apagbaludan a nangipupokan dagiti katulongan ni Limhi kada Ammon ken dagiti kabsatna.

22 Ket kalpasan ti pannakaibaludda iti adu nga aldaw a di nataraonan, adtoy, napanda iti pagbaludan tapno bareng maalada ida a papatayen.

23 Ket napasamak a naalikubkob da Nephi ken Lehi a kasla iti aapuy, isu nga iti kasta saanda nga intag-ay dagiti imada iti amakda nga amangan la ketdi ta mauramda. Nupay kasta, saan a nauram da Nephi ken Lehi; ket kasda la nagtakder iti tengnga ti apuy ngem saan a mauram.

24 Ket idi nakitada a nalikmutda iti aadigi nga apuy, ket saanda a napuoran, napapigsa ti puspusoda.

25 Ta nakitada a saan a dinissuan ida dagiti Lamanite; wenno uray no immasideg kadakuada, ngem nagtakderda a kasda la napaumel iti siddaawda.

26 Ket napasamak a nagtakder da Nephi ken Lehi ket rinugianda ti nagsao kadakuada, a kinunada: Dikayo agbuteng, ta adtoy, ti Dios ti nangipakita kadakayo itoy nakaskasdaaw a banag, a naipakita kadakayo a diyo maitag-ay dagiti imayo tapno papatayendakami.

27 Ket adtoy, idi maibagada dagitoy a balikas, nadayyeg ti daga iti kasta unay, ket nagunggon dagiti pader ti pagbaludan a kasla marbada iti daga; ngem adtoy, saanda a narpuog. Ket adtoy, dagiti sumupsuppiat a Lamanite ken Nephite ti adda iti pagbaludan.

28 Ket napasamak a nalingdanda iti ulep ti asipnget, ken nakaal-alingget a makaidukem a buteng ti immay kadakuada.

29 Ket napasamak nga adda atimek a kasla agtaud iti ngato ti ulep ti sipnget, a nagkuna: Agbabawikayo, agbabawikayo, ket saanyon a panggepen pay ti mangdadael kadagiti katulongak nga imbaonko kadakayo a mangipakdaar iti napintas a damag.

30 Ket napasamak idi nangngegda ti timek, ket nakitada a saan a timek ti gurruod, wenno timek ti makaalimpayeng nga ariwawa, ngem adtoy, anaalumamay a timek a naan-anay ti kinalamuyotna, a kasla iti arasaas, ket ad-adda a simmeksek iti kaunggan ti kararua—

31 Ket iti laksid ti kinalamuyot ti timek, adtoy nadayyeg ti daga iti uray la nga, ket nagunggon manen dagiti pader ti pagbaludan, a kasla marbada iti daga; ket adtoy ti ulep ti sipnget, a nanglinged kadakuada, saan a naakas—

32 Ket adtoy immay manen ti timek, a nagkuna: Agbabawikayo, agbabawikayo, ta magawgaw-aten ti pagarian ti langit; ket saanyon a panggepen pay a dadaelen dagiti katulongak. Ket napasamak a nadayyeg manen ti daga, ket nagarigenggen dagiti pader.

33 Ket manen immay pay iti maikatlo a gundaway ti timek, ket nagsao kadakuada kadagiti nakaskasdaaw a balikas a saan a mabalikas ti tao; ket nagarigenggen manen dagiti pader, ket nadayyeg ti daga a kas man la maguduagudua.

34 Ket napasamak a saan a makapaglibas dagiti Lamanite gapu iti ulep ti sipnget a nanglinged kadakuada; wen, ken kasta met a saanda a makagaraw gapu iti buteng nga immay kadakuada.

35 Ita adda maysa kadakuada a nayanak a Nephite, a kameng idi iti simbaan ti Dios ngem simmuppiat kadakuada.

36 Ket napasamak a pinasangona, ket adtoy, nakitana babaen ti ulep ti sipnget dagiti rupa da Nephi ken Lehi; ket adtoy, kasta unay ti arangrangda, a kasla iti rupa dagiti anghel. Ket nakitana nga inturongda dagiti matada iti langit; ket addada iti kasasaad a kasla makisarsarita wenno idandanonda ti timekda iti parsua a makitada.

37 Ket napasamak a pinukkawan daytoy a lalaki ti ummong, ket timmaliawda a kimmita. Ket adtoy, adda bileg a naited kadaduada isu a timmaliaw ken kimmitada; ket nakitada dagiti rupa da Nephi ken Lehi.

38 Ket kinunada iti lalaki: Adtoy, ania ti kayat a sawen amin dagitoy a banag, ken asino ti kasarsarita dagitoy a lallaki?

39 Ita Aminadab ti nagan ti lalaki. Ket kinuna ni Aminadab kadakuada: Makisarsaritada kadagiti anghel ti Dios.

40 Ket napasamak a kinuna dagiti Lamanite kenkuana: aAnia ti aramidenmi, tapno maikkat daytoy nga ulep ti sipnget a nanglinged kadakami?

41 Ket kinuna ni Aminadab kadakuada: Nasken nga aagbabawikayo, ket umararawkayo agingga a maaddaankayo iti bpammati ken ni Cristo, nga insuro kadakayo ni Alma, ken ni Amulek, ken ni Zeezrom; ket no aramidenyo daytoy, maikkat ti ulep ti sipnget a nanglinged kadakayo.

42 Ket napasamak a rinugianda amin ti immararaw kenkuana a nangdayyeg iti daga; wen, immararawda agingga a naakas ti ulep ti sipnget.

43 Ket napasamak nga idi iturongda dagiti matada itoy, ket nakitada a naakas ti ulep ti sipnget a nanglinged kadakuada, adtoy, nakitada a analikmutda, wen tunggal kararua, iti adigi nga apuy.

44 Ket adda da Nephi ken Lehi iti tengngada; wen, nalikmutda; wen, addada iti kasla tengnga ti gumilgil-ayab nga apuy, ngem saanda a mauram, wenno madupirna dagiti pader ti pagbaludan; ket napnoda iti dayta a arag-o a saan a mayebkas ken napno iti dayag.

45 Ket adtoy, bimmaba manipud iti langit ti aNasantuan nga Espiritu ti Dios, ket simrek kadagiti pusoda, ket napnoda a kasla apuy, ket bmakapagsaoda kadagiti nakaskasdaaw a balikas.

46 Ket napasamak a nakangngegda iti timek, wen, iti makaay-ayo a timek, a kasla arasaas, a nagkuna:

47 aKappia, kappia koma ti sumnek kadakayo, gapu iti pammatiyo iti Ipatpategko Unay, a naggapu iti pamuon ti lubong.

48 Ket ita, idi nangngegda daytoy inyangadda dagiti matada a kasla kumitada iti nagtaudan ti timek; ket adtoy, nakitada ti naglukat a alangit; ket bimmaba dagiti anghel a mangisuro kadakuada.

49 Ket adda agarup a tallo gasut a kararua a nakakita ken nakangngeg kadagitoy a banag; ket naidawat kadakuada a mapanda ket saanda a masdaaw, wenno agduadua.

50 Ket napasamak a napanda, ket insuroda dagiti tao, nga impakdaarda iti intero a lugar iti aglawlaw dagiti amin a banag a nangngeg ken nakitada, isu nga ad-adu a bilang dagiti Lamanite ti naallukoyda, gapu iti kinabileg dagiti pammaneknek a naawatda.

51 Ket kas iti kaadu dagiti anaallukoy ti nangidisso kadagiti igamda a pakigubat, ken kasta met iti gurada ken ti kannawidan dagiti ammada.

52 Ket napasamak nga insukoda kadagiti Nephite dagiti dagada.