iVolanikalou
Ilamani 14


Wase 14

Sa tukuna ko Samuela ni na rarama na bogi ka na dua na kalokalo vou ni sucu na Karisito—Sa sereki ira na tamata na Karisito mai na mate vakayago kei na mate vakayalo—Sa okati ena veivakatakilakila ni Nona mate ni na tolu na siga butobuto, na kakavorovoro ni vatu, kei na yavavala levu ni veika e vuravura. Rauta na 6 B.K.

1 Ka sa yaco ni sa qai parofisaitaka ko aSamuela na Leimanaiti e vuqa tale na ka, ka na sega ni rawa me volai taucoko.

2 Ka raica, a sa kaya vei ira: Raica, au sa solia vei kemuni e dua na ivakatakilakila; ka ni sa vo tale e lima na yabaki ka raica, ena qai lako mai na Luve ni Kalou me sereki ira kece sara era na vakabauta na yacana.

3 Ka raica, au na solia vei kemudou oqo e dua na aivakatakilakila ni nona lako mai; ni ra sa tu na veirarama lelevu e lomalagi ka na sega kina ni butobuto ena bogi ni bera na nona lako mai, ia sa rarama sara ka sa vaka ga na siga vei ira na tamata.

4 O koya ena yaco kina e dua na siga, dua na bogi kei na dua tale na siga me vaka ga e dua na siga ka sega kina na bogi; io oqo sa i vakatakilakila vei kemuni; ia ko ni na kila na cabe ni siga kei na kena dromu; ka ko ni sa kila kina ni sa rua na siga ka dua na bogi; ia ena sega ni butobuto na bogi; oqori na bogi ni bera ana nona sucu.

5 Ka raica, ena cadra mai e dua na akalokalo vou ka ko ni a se sega mada ni bau raica e liu; oqo tale ga sa ivakatakilakila vei kemuni.

6 Ka raica, e sega ni koya wale ga oqori, ena levu tale na ivakatakilakila kei na ka e veivakurabuitaki mai lomalagi.

7 Ka na qai yaco ni ko ni na kidacala ka kurabui kina, ka ko ni na abale sobu ki na qele.

8 Ka na qai yaco, ni, ko ira yadua sa avakabauta na Luve ni Kalou, era na rawata na bula tawavakaiyalayala.

9 Ka raica, sa vakaroti au na Turaga e gusuna na nona agilosi me’u lako mai ka tukuna vei kemuni na veika oqo; io, sa vakaroti au me’u parofisaitaka vei kemuni na veika oqo; io, sa kaya vakaoqo vei au: Mo kacivaka vei ira na tamata oqo me ra veivutuni ka caramaka na nona sala na Turaga.

10 Ia oqo, me vaka ni’u sa dua vei ira na Leimanaiti ka’u sa mai tukuna vei kemuni na vosa ni Turaga, ka sa lauti kemuni sara; ko ni sa cudruvi au kina ka avakasevi au tani ka segata mo ni vakarusai au.

11 Ia mo ni rogoca na noqu vosa; ni sa inaki oqo au sa lako mai kina me’u mai vosa yani ena bai ni koro, mo ni rogoca ka kila kina na lewa ni Kalou ka sa waraki kemuni ena vuku ni nomuni caka cala; ia mo ni kila tale ga kina na veika e gadrevi ena veivutuni;

12 Ia mo ni kila talega kina na nona lako mai ko Jisu Karisito na Luve ni Kalou, na aTama ni lomalagi kei na vuravura, na Dauniveibuli ni veika kecega mai na ivakatekivu; ia mo ni kila tale ga na ivakatakilakila ni nona lako mai, ka kena inaki mo ni vakabauta kina na yacana.

13 Ia kevaka ko ni sa avakabauta na yacana ko ni na veivutunitaka na nomuni ivalavala ca kecega, ka mo ni na rawata kina na kedra vakabokoci ena vuku ni nona byalololoma.

14 Ka raica, au na solia talega vei kemuni e dua tale na ivakatakilakila, io, e dua na ivakatakilakila ni nona mate.

15 Raica sa dodonu me mate vakaidina ko koya me rawa kina na aveivakabulai; io sa kilikili me mate ko koya me rawa kina na btucake tale mai na mate, ka me rawa vua na tamata me tu ena iserau ni Turaga.

16 Io raica, na mate oqo e rawa kina na tucake tale mai na mate ka asereki ira na tamata kecega mai na imatai ni mate, ko ya na mate vakayalo; ni ra a muduki tani na tamata kece ena blutu i Atama ena nona cmuduki tani mai na mata ni Turaga, ka okati me ra sa dmate, ena veika vakayago kei na veika vakayalo.

17 Ia raica, na tucake tale mai na mate i Karisito sa asereki ira na tamata, ia na tamata kecega ka kauti ira lesu mai ki na iserau ni Turaga.

18 Io, sa vakarautaka tale ga na sala ni veivutuni, ia ko koya yadua sa veivutuni ena sega ni tamusuki sobu ka biu ki na bukawaqa; ia ko koya yadua sa sega ni veivutuni, ena tamusuki sobu ka biu ki na bukawaqa; ia ena yaco tale vei ira na mate vakayalo, io na ikarua ni mate ka ra sa muduki tani tale kina mai na veika ni ivalavala dodonu.

19 O koya oqo, mo ni veivutuni, mo ni veivutuni, ni ko ni sa kila na veika oqo ka sega ni vakayacora, ko ni na cudruvi kina ka yaco vei kemuni na ikarua ni mate oqo.

20 Ia raica, me vaka au sa tukuna oti vei kemuni, me baleta e dua tale na aivakatakilakila, na ivakatakilakila ni nona mate, raica ena siga ena mate kina ko koya, ena bvakabutobutotaki ka bureitaka vei kemuni na nona rarama na matanisiga; kei na vula tale ga kei na kalokalo; ka na sega ni dua na rarama e tu ena dela ni vanua oqo me ctolu na siga, mai na gauna e mate kina ki na gauna sa tucake tale kina mai na mate.

21 Io ena gauna sa solia cake kina na yalona ena yaco na akurukuru kei na livaliva me vica vata na auwa, ena sakure ka yavavala ko vuravura; kei na vatu ka ra tu e delai vuravura ia na veivatu ka ra tu ena dela kei na rukui vuravura, o ira ko ni sa kila ena gauna oqo ni ra sa kaukauwa sara, se na kena iwase levu cake e dua na vatu taucoko, era na bkakavidavida;

22 Io, era na kavida rua ka ra na qai dau alaurai tu na kedra ikacakaca se ikakavorovoro lalai ena delai vuravura taucoko, io ena dela kei na rukui vuravura.

23 Ia ena tubu na cava lelevu, ena vakalolovirataki e vuqa na ulunivanua ka yaco me buca, ka na vakaceceretaki e vuqa na vanua ka ra vakatokai na veibuca me ra ulunivanua cecere sara.

24 Era na vakacacani na veigaunisala lelevu ka na lala e vuqa na akoro.

25 Era na dolavi e vuqa na aibulubulu ka ra na soli ira mai e vuqa na nodra mate; ka ra na rairai e vuqa na yalododonu vei ira na lewevuqa.

26 Ka raica, oqo na veika sa tukuna vei au na aagilosi; a kaya vei au ni na yaco tiko na kurukuru kei na tibiniliva ena vica vata na auwa.

27 A sa kaya vei au, ena gauna sa yaco oti kina na kurukuru kei na tibi ni liva kei na cava, ena abutobuto tu na delai vuravura taucoko me tolu na siga.

28 Ka sa kaya vei au na agilosi, ni’ra na raica e lewevuqa era na raica na veika lelevu cake mai na veika oqo; ena inaki me ra na vakabauta kina ni’ra na yaco ena dela ni vanua taucoko oqo na avei ivakatakilakila kei na veika veivakurabuitaki, ena inaki me kakua tale kina ni dua na vu ni tawavakabauta ena kedra maliwa na luve ni tamata—

29 Ka sa caka oqo ena inaki me ra na vakabulai kina ko ira yadua sa vakabauta; ia ko ira yadua sa sega ni vakabauta ena tau vei ira na alewa dodonu; ia kevaka era sa cudruvi, sa baleti ira ga.

30 Ia oqo nanuma, mo ni nanuma matua tiko oi kemuni na wekaqu, ni o koya yadua sa vakarusai, sa baleti koya ga na nona rusa; ia ko koya yadua sa caka cala, sa baleti koya ga na nona cala; raica ko ni sa agalala tu mo ni digia na ka mo ni kitaka; raica sa solia vei kemuni na bkila ka na Kalou ka sereki kemuni mo ni galala.

31 Ia sa solia vei kemuni ko koya mo ni akila kina na vinaka mai na ca, ka sa solia vei kemuni na galala mo ni bdigitaka kina na bula se mate; ia kevaka ko ni sa kitaka na ka vinaka, ko ni na rawata na veika vinaka, se csaumi vei kemuni ena veika vinaka; ia kevaka ko ni sa kitaka na ka ca, ena saumi lesu vei kemuni ena ka ca.