Tusitusiga Paia
Helamana 13


O le valoaga a Samuelu, le sa Lamanā, ia sa Nifaē.

E aofia ai mataupu 13 e oo atu i le 15.

Mataupu 13

Ua valoia e Samuelu le sa Lamanā le faaumatiaga o sa Nifaē vagana ai ua latou salamo—Ua fetuuina i latou ma a latou oa—Ua latou teena perofeta ma fetogi i latou, ua siomia i latou e temoni, ma ua latou saili le fiafia i le fai o le amioletonu. E tusa o le 6 T.L.M.

1 Ma lenei sa oo i le tausaga e valusefulu ma le ono, sa tumau pea sa Nifaē i le amioleaga, ioe, i le amioleaga tele, a o asa Lamanā sa latou tausisi aiai e tausi poloaiga a le Atua, e tusa ma le tulafono a Mose.

2 Ma sa oo i le tausaga lenei, sa i ai se tasi e igoa ia Samuelu, o se sa Lamanā, na sau i le laueleele o Sara’emila, ma amata ona tala’i atu i tagata. Ma sa oo ina tala’i atu e ia, i aso e tele le salamo i le nuu, ma sa latou tuli ese o ia i fafo, ma sa faapea o le a toe foi atu o ia i lona lava laueleele.

3 Ae faauta, sa oo mai le siufofoga o le Alii ia te ia, e tatau ona ia toe foi, ma vavalo atu i le nuu i soo se mea e oo mai i lona aloto.

4 Ma sa oo ina latou le mananao e tuu atu ia ulufale mai o ia i le aai; o lea na alu atu ai o ia ma ua alu ae i luga o le pa o le aai, ma ua faaloaloa atu lona lima, ma ua alaga atu i se leo tele, ma ua vavalo atu i le nuu i soo se mea lava na tuu mai e le Alii i lona loto.

5 Ma sa ia fai atu ia te i latou: Faauta, o a’u o Samuelu, o se sa Lamanā, ou te tautala atu i afioga a le Alii ua ia tuuina mai i lo’u loto; ma faauta, ua ia tuuina mai i lo’u loto e fai atu i lenei nuu ua faamalumalu ifo le apelu o le faamasinoga i luga o lenei nuu; ma e le mavae atu tausaga e fa selau ae pa’ū ifo le pelu o le faamasinoga i luga o lenei nuu.

6 Ioe, ua faatalitali mai afaafanoga mamafa i lenei nuu, ma o le a mautinoa ona oo mai i lenei nuu, ma o le a leai se mea e mafai ona faaolaina ai lenei nuu vagana ai le salamo ma le faatuatua i le Alii o Iesu Keriso, o le ua mautinoa o le a afio mai i le lalolagi, ma o le a mafatia i mea e tele ma o le a fasia mo ona tagata.

7 Ma faauta, o se aagelu a le Alii na ia ta’u mai nei mea ia te a’u, ma sa ia aumai etala fiafia i lo’u agaga. Ma faauta, sa auina mai a’u e ta’u atu foi ia mea ia te outou, ina ia outou maua tala fiafia; ae faauta, ua outou le talia a’u.

8 O lea, ua faapea ona fetalai mai o le Alii: Ona o le maaa o loto o tagata sa Nifaē, vagana ai ua latou salamo, o le a ou aveesea la’u upu mai ia te i latou, ma o le a ou aaveesea lo’u Agaga mai ia te i latou, ma o le a ou le toe onosa’ia i latou, ma o le a ou liliu mai loto o o latou uso e faasaga ia te i latou.

9 Ma o le a le mavae atu le afa selau o tausaga ae o le a ou faia ia taiaina i latou; ioe, o le a ou asiasi atu ia te i latou i le pelu ma le oge ma le faamai.

10 Ioe, o le a ou asiasi atu ia te i latou i lo’u ita tele, ma o le a i ai i latou o le tupulaga lona afa, o o outou fili, o le a ola pea, e vaai i lo outou faaumatiaga atoa; ma ua mautinoa o le a oo mai lenei mea, vagana ai ua outou salamo, ua fetalai mai ai le Alii; ma o i latou o le tupulaga lona fa o le a aumaia lo outou faaumatiaga.

11 Ae afai tou te salamo ma afoi mai i le Alii lo outou Atua, o le a ou liliu ese lo’u ita, ua fetalai mai ai le Alii; ioe, ua faapea ona fetalai mai o le Alii, amuia lava i latou o e e salamo ma liliu mai ia te a’u, ae talofa ia te ia o lē e le salamo.

12 Ioe, aoi talofa i lenei aai tele o Sara’emila; ona faauta, ua faasaoina ona o i latou o ē ua amiotonu; ioe, oi talofa i lenei aai tele, ua fetalai mai ai le Alii, ona ua ou iloa o i ai le toatele, ioe, le vaega toatele atu o lenei aai tele, o le a latou faamaaa o latou loto faasaga mai ia te au, ua fetalai mai ai le Alii.

13 Ae amuia lava i latou o ē o le a salamo, ona o i latou ia o le a ou faasaoina. Ae faauta, a na leai e amiotonu o loo i ai i totonu o lenei aai tele, faauta, po ua ou faia ia sau le aafi mai le lagi ma faaumatia o ia.

14 Ae faauta, ua faasaoina ona o ē ua amiotonu. Peitai faauta, e oo mai le taimi, ua fetalai mai ai le Alii, pe a outou tutuli ese e ua amiotonu mai totonu ia te outou, e oo mai ai ia te outou le faafanoga; ioe, oi talofa i lenei aai tele, ona o le amioleaga ma mea inosia o i ai ia te ia.

15 Ioe, ma oi talofa i le aai o Kitiona, ona o le amioleaga ma mea inosia o i ai ia te ia.

16 Ioe, ma oi talofa i aai uma o loo i ai i le laueleele faataamilo, ia o loo umia e sa Nifaē, ona o le amioleaga ma mea inosia o i ai ia te i latou.

17 Ma faauta, o le a oo mai se afetuu i luga o le laueleele, ua fetalai mai ai le Alii o ’Au, ona o tagata o i ai i luga o le laueleele, ioe, ona o lo latou amioleaga ma a latou mea inosia.

18 Ma o le a oo mai, ua fetalai mai ai le Alii o ’Au, ioe, lo tatou Atua silisili ma faamaoni, soo se tasi na te anatia oa i le eleele e le toe maua e ia, ona o le fetuu tele o le laueleele, vagana ai o ia o se tagata amiotonu ma o le a ia natia mo le Alii.

19 Ona ou te loto, ua fetalai mai ai le Alii, ia latou natia a latou oa mo a’u; ma e fetuuina lava i latou o ē e le natia a latou oa mo au; ona e leai ni isi e natiaina a latou oa mo au, vagana ai i latou o e ua amiotonu; ma o le na te le natiaina ana oa mo au, e fetuuina lava o ia, ma le oa foi, ma o le a leai se tasi na te toe mauaina ona o le fetuu o le laueleele.

20 Ma o le a oo mai le aso o le a latou natia ai a latou oa, auā ua tuuina atu e i latou o latou loto i oa; ma ona ua latou tuuina atu o latou loto ia latou oa, ma o le a latou natia ai a latou oa pe a latou sosola i luma o o latou fili; ona o le a latou le natia ai ia oa mo au, e fetuuina i latou atoa ma a latou oa; ma i lena aso o le a taia ai i latou, ua fetalai mai ai le Alii.

21 Faauta mai ia outou, o tagata o lenei aai tele, ma afaalogo mai i au upu; ioe, faalogo mai i upu ia ua fetalai mai ai le Alii; aua faauta, ua fetalai mai o ia ua fetuuina outou ona o a outou oa, ma ua fetuuina foi a outou oa ona ua outou tuu atu o outou loto i luga o na mea, ma ua outou le faalogo i afioga a lē na tuuina mai na ’oa ia te outou.

22 Ua outou le manatua le Alii lo outou Atua i mea ua ia faamanuiaina ai outou, ae ua outou manatua pea a outou aoa, a ua le faafetai atu i le Alii lo outou Atua mo na ’oa; ioe, ua le tosina atu o outou loto i le Alii, ae ua faafefeteina i latou i le efaamaualuga tele, e oo i le mitamitavale, ma oo i le faafefeteina tele, imatau’a, finauga, femisaa’i, felotoa’i, sauaga, ma le fasioti tagata, ma uiga amioletonu eseese uma.

23 O le pogai lenei na faia ai e le Alii le Atua ia oo mai se fetuu i luga o le laueleele, ma luga foi o a outou oa, ma ua mafua lenei mea ona o a outou amioletonu.

24 Ioe, oi talofa i lenei nuu, ona o lenei taimi ua oo mai, ua outou atutuli ese ai perofeta i fafo, ma faatauemu ia te i latou, ma fetogi i latou i maa, ma fasioti i latou, ma fai uiga amioletonu eseese uma ia te i latou, e pei lava ona faia e i latou anamua.

25 Ma o lenei pe a outou tautatala, ua outou fai mai: A na i ai o tatou aso i aso o o tatou atamā anamua, po ua tatou le fasiotia perofeta; po ua tatou le fetogia i latou i maa, ma tutuli ese i latou i fafo.

26 Faauta ua sili lo outou leaga nai lo i latou; ona e pei ona soifua le Alii, afai e sau se aperofeta ia te outou ma tala’i atu ia te outou le afioga a le Alii, ia ua molimau e uiga ia outou agasala ma amioletonu, ua outou efeitai ia te ia, ma tuli ese o ia i fafo ma saili ala eseese uma e faaumatia ai o ia; ioe, tou te fai mai o ia o se iperofeta pepelo, ma o ia o se tagata agasala, ma ua mai le tiapolo, ona ua omolimau atu o ia ua leaga a outou galuega.

27 Ae faauta, afai e sau se tagata i totonu ia te outou ma fai atu: Fai le mea lenei, ma ua leai se amioletonu o i ai; fai le mea lena ma o le a outou le mafatia ai; ioe, o le a fai atu o ia: Savavali e tusa ma le faamaualuluga o o outou lava loto; ioe, savavali e tusa ma le faamaualuluga e pei ona iloa i o outou lava mata, ma fai soo se mea e mananao i ai o outou loto—ma afai e sau se tagata i totonu ia te outou ma fai atu nei mea, tou te talia o ia, ma fai mai o ia o se aperofeta.

28 Ioe, tou te sii o ia i luga, ma outou avatu ia te ia o a outou mea; tou te avatu ia te ia o a outou auro, ma a outou ario, ma outou faaofuina o ia i ofu taugata; ma ona e tautala mai o ia ia te outou i upu afaaviivii, ma fai atu o ia ua lelei mea uma, ona outou le saili masei ai lea ia te ia.

29 E, outou e le tupulaga amioleaga ma faapiopio; outou e tagata faigata ma ua maaa, o le a ea le umi tou te manatu o le a onosaia ai outou e le Alii? Ioe, o le a ea le umi tou te tuu ai outou lava e taitaiina e taitai avalelea ma etauaso? Ioe, o le a ea le umi tou te ifilifili ai le pouliuli nai lo le omalamalama?

30 Ioe, faauta, ua uma nei ona faamumu ae o le toasa o le Alii e faasaga ia te outou; faauta, ua ia fetuuina le laueleele ona o lo outou amioletonu.

31 Ma faauta, e oo mai le taimi o le a ia fetuu ai a outou oa, ina ia amaseesee, ia le mafai ona outou umia i latou; ma o le a le mafai ona outou taofia i latou i aso o lo outou mativa.

32 Ma i aso o lo outou mativa o le a outou tagi atu ai i le Alii; ma o le a lē aoga la outou tagi atu, ona ua oo mai i o outou luga lo outou faatafunaga, ma ua mautinoa lo outou faafanoga; ma ona outou fetagisi ma uio ai lea i lena aso, ua fetalai mai ai le Alii o ’Au. Ma ona outou laue lea, ma fai mai:

33 E, ape a na ou salamo, ma ou le fasiotia perofeta, ma efetogi i latou i maa, ma tutuli ese i latou i fafo. Ioe, i lena aso o le a outou fai mai ai: E pe a na tatou manatuaina le Alii lo tatou Atua i le aso na ia tuuina mai ai ia te i tatou a tatou oa, semanu ua le maseesee ma mamulu ese atu ai mai ia te i tatou; aua faauta, ua o ese atu a tatou oa mai ia te i tatou.

34 Faauta, tatou te tuu se meafaigaluega iinei ae malama ae le taeao ua leai; ma faauta, ua aveesea a tatou pelu mai ia te i tatou i le aso na tatou sailia ai i latou mo le taua.

35 Ioe, sa tatou natia a tatou oa ma ua see ese atu mai ia te i tatou, ona o le fetuu o le laueleele.

36 E, pe a na tatou salamo i le aso na oo mai ai le afioga a le Alii ia te i tatou; aua faauta, ua fetuuina le laueleele, ma ua maseesee mea uma, ma ua le mafai ona tatou taofi ia te i latou.

37 Faauta, ua siomia i tatou e temoni, ioe, ua lio i tatou e agelu a lē ua saili e faaumatia o tatou agaga. Faauta, ua tetele lava a tatou amioletonu. Le Alii e, pe le mafai ea ona e liliu ese lou toasa mai ia te i matou? Ma o la outou gagana lea e tatau ai i na aso.

38 Ae faauta, ua mavae aaso o lo outou nofo vaavaaia; ua outou efaatuatuanai le aso o lo outou olataga seia oo ina matua tuai lava e tumau e faavavau, ma ua mautinoa lo outou faafanoga; ioe, ona sa outou saili i aso uma o o outou olaga mo le mea e le mafai ona outou maua; ma sa outou saili mo le ifiafia i le fai o le amioletonu, o se mea lea ua le tusa ai ma le natura o lena amiotonu lea o loo i lo tatou Ao silisili ma Faavavau.

39 E, outou e tagata o le laueleele, pe a na outou faalogo mai i au upu! Ma ou te tatalo ina ia liliu ese le toasa o le Alii mai ia te outou, ma ina ia outou salamo ma faaolaina ai.