Tshooj 6
Cov Neeg Tsales tej nkoj raug cua ntsawj mus rau thaj av uas tau cog lus tseg cia lawm—Cov neeg qhuas tus Tswv rau nws txoj kev zoo—Aulaihas raug tsa ua vaj ntxwv kav lawv—Tsales thiab nws tus tij laugtuag.
1 Thiab nim no kuv, Maulaunais, rov txuas muab phau ceev xwm txheej txog Tsales thiab nws tus tij laug.
2 Vim tau muaj tias tom qab uas tus Tswv tau npaj tej pob zeb uas Tsales tus tij laugtau coj mus rau saum roob, Tsales tus tij laugtau nqis tawm saum roob los, thiab nws tau muab tej pob zeb ntawd tso rau hauv cov nkoj uas tau npaj, ib lub rau hauv ib tog; thiab saib seb, lawv tau ci pom kev rau hauv tej nkoj.
3 Thiab tus Tswv tau ua kom tej pob zeb ci nyob hauv qhov tsaus ntuj li no, kom ci pom kev rau tej txiv neej, tej poj niam, thiab tej me nyuam, xwv kom lawv yuav tsis tau hla tej dej loj nyob hauv txoj kev tsaus ntuj.
4 Thiab tau muaj tias thaum lawv npaj tau txhua yam zaub mov tas, xwv kom los ntawm qhov ntawd lawv yuav nyob muaj sia rau hauv dej, thiab kuj npaj zaub noj rau lawv tej pab yaj thiab tej tsiaj txhu, thiab txhua yam tsiaj qus los sis tsiaj nyeg los sis tej noog uas lawv yuav coj nrog lawv—thiab tau muaj tias thaum lawv tau ua tag txhua yam no lawm lawv tau nce mus rau hauv lawv tej nkoj los sis tej nkoj, thiab tso mus rau hauv hiav txwv, muab lawv tus kheej cob rau tus Tswv lawv tus Vajtswv.
5 Thiab tau muaj tias tus Tswv Vajtswv tau ua kom muaj ib nthwv cua loj ntsawj rau saum nplaim dej hiav txwv, mus rau thaj av uas tau cog lus cia lawm; thiab li no lawv tau raug muab pov nyob rau saum tej ntshuas dej hiav txwv ua ntej tej cua.
6 Thiab tau muaj tias ntau zaus lawv tau raug faus rau hauv tej kev tob ntawm hiav txwv, vim yog tej nthwv dej luaj roob uas tau tawg los npog lawv, thiab vim yog tej cua daj cua dub loj thiab phem heev uas tau raug muaj los ntawm tej cua heev.
7 Thiab tau muaj tias thaum lawv raug faus nyob hauv qhov tob tsis muaj dej uas yuav ua kom lawv raug mob, vim lawv tej nkoj ntom ib yam li ib lub ntim, thiab lawv kuj ntom zoo tib yam li Nau-as lub nkoj; yog li ntawd thaum lawv tau raug tej dej ntau vij ib puag ncig lawv tau thov rau tus Tswv, thiab nws tau coj lawv rov qab los dua rau saum tej nplaim dej.
8 Thiab tau muaj tias tej cua yeej tshuab tsis tu mus rau thaj av uas tau cog lus cia lawm thaum uas lawv tseem nyob rau saum tej dej; thiab lawv tau raug ntsawj ua ntej tej cua li no.
9 Thiab lawv tau hu nkauj qhuas rau tus Tswv; muaj tseeb tiag, Tsales tus tij laugtau hu nkauj qhuas rau tus Tswv, thiab nws tau ua tsaug thiab qhuas tus Tswv tag nrho ib hnub; thiab thaum tsaus ntuj tuaj, lawv tseem tsis tau tseg qhuas tus Tswv.
10 Thiab li no lawv tau raug ntsawj mus; thiab tsis muaj tsiaj phem uas nyob hauv hiav txwv yuav ua tau lawv tawg, los sis tej ntses loj loj ua kom lawv puas tau; thiab lawv tau muaj qhov pom kev tsis tu ncua, tsis hais nyob saum qaum dej los sis hauv qab dej.
11 Thiab li no lawv tau raug ntsawj mus, peb puas thiab plaub caug thiab plaub hnub nyob rau saum dej.
12 Thiab lawv tau tuaj sua rau ntawm ntug dej ntawm thaj av uas tau cog lus cia lawm. Thiab thaum lawv tau muab lawv tej ko taw tsuj rau saum tej ntug dej ntawm thaj av uas tau cog lus cia lawm lawv tau khoov ti nkaus rau hauv av, thiab tau txo lawv tej hwj chim ua ntej tus Tswv, thiab tau poob kua muag ntawm txoj kev xyiv fab rau tus Tswv, vim yog nws txoj kev hlub tshua uas muaj nplua mias rau lawv.
13 Thiab tau muaj tias lawv tau tawm mus rau saum thaj av, thiab tau pib ua liaj teb.
14 Thiab Tsales muaj plaub tug tub; thiab lawv hu ua Ntsekhas, thiab Nkinkas, thiab Mahas, thiab Aulaihas.
15 Thiab Tsales tus tij laugkuj tau yug tau tej tub thiab tej ntxhais.
16 Thiab tej phooj ywg ntawm Tsales thiab nws tus tij laugtau muaj kwv yees li nees nkaum thiab ob leeg; thiab lawv kuj muaj tej tub thiab tej ntxhais ua ntej lawv tau tuaj rau thaj av uas tau cog lus cia lawm; thiab yog li ntawd lawv tau pib muaj coob heev.
17 Thiab lawv tau raug qhia kom ua neej txo hwj chim ua ntej tus Tswv; thiab lawv kuj tau raug qhia saum ntuj los thiab.
18 Thiab tau muaj tias lawv tau pib ri mus rau saum thaj av, thiab tau coob ntxiv thiab ua liaj ua teb; thiab lawv tau loj hlob muaj zog nyob hauv thaj av.
19 Thiab Tsales tus tij laugtau pib laus lawm, thiab tau pom tias tsis ntev nws yuav tsum nqis mus rau hauv lub qhov ntxa; yog li ntawd nws tau hais rau Tsales tias: Cia wb sau wb cov neeg los ua ke xwv kom wb yuav suav txheeb lawv, kom wb yuav paub txog lawv saib lawv xav tau dab tsi ntawm wb ua ntej wb nqis mus rau hauv wb ob lub qhov ntxa.
20 Thiab cov neeg tau sib sau ua ke mus raws li. Nim no tej tub thiab tej ntxhais ntawm Tsales tus tij laugmuaj nees nkaum thiab ob leeg; thiab tej tub thiab tej ntxhais ntawm Tsales muaj kaum ob leeg, nws muaj plaub leeg tub.
21 Thiab tau muaj tias lawv tau suav lawv cov neeg; thiab tom qab uas lawv tau suav lawv tas, nkawd tau xav paub txog lawv saib yam dab tsi uas lawv xav kom nkawd ua ua ntej nkawd nqis mus rau hauv nkawd ob lub qhov ntxa.
22 Thiab tau muaj tias cov neeg tau xav kom nkawd pleev roj tsa ib tug ntawm nkawd tej tub los ua ib tug vaj ntxwv kav lawv.
23 Thiab nim no saib seb, qhov no tau ua rau nkawd nyuaj siab. Thiab Tsales tus tij laugtau hais rau lawv tias: Muaj tseeb qhov no yeej yuav coj mus rau txoj kev txhom ua qhev.
24 Tiam sis Tsales tau hais rau nws tus tij laugtias: Cia lawv kom lawv ho muaj ib tug vaj ntxwv. Thiab yog li no nws thiaj tau hais rau lawv tias: Nej cia li xaiv ib tug vaj ntxwv tawm ntawm wb cov tub, txawm yog tus twg uas nej xav tau.
25 Thiab tau muaj tias lawv tau xaiv Tsales tus tij laugtus tub hlob; thiab nws lub npe hu ua Pankas. Thiab tau muaj tias nws tau tsis lees thiab tsis kam ua lawv tus vaj ntxwv. Thiab cov neeg tau kom nws txiv yuam kom nws ua, tiam sis nws txiv tsis kam; thiab nws tau hais rau lawv tias lawv yuav tsum tsis txhob yuam ib tug neeg los ua lawv tus vaj ntxwv.
26 Thiab tau muaj tias lawv tau xaiv tag nrho Pankas cov kwv tij, thiab lawv tsis kam ua.
27 Thiab tau muaj tias tag nrho Tsales cov tub los kuj tsis kam, tsuas tshuav ib tug xwb; thiab Aulaihas tau raug pleev roj tsa ua vaj ntxwv kav cov neeg.
28 Thiab nws tau pib kav, thiab cov neeg tau pib vam meej; thiab lawv tau rais los mus nplua nuj heev.
29 Thiab tau muaj tias Tsales tau tuag, thiab nws tus tij lauglos kuj tib yam.
30 Thiab tau muaj tias Aulaihas tau ua neej txo hwj chim ua ntej tus Tswv, thiab tau nco ntsoov tej yam loj heev uas tus Tswv tau ua rau nws txiv, thiab kuj tau qhia nws cov neeg saib tus Tswv tau ua tej yam loj heev rau lawv tej yawg koob li cas lawm.