Ica 4
    Footnotes
    Theme

    Wase 4

    Sa vakaroti ko Moronai me dregata ka maroroya na volavola i tuakai Jereti—Era na sega ni vakatakilai me yacova ni sa tu vei ira na tamata na mataqali vakabauta vata ga ka a tu vua na tuakai Jereti—Sa vakaroti ira na tamata na Karisito me ra vakabauta na Nona vosa kei na nodra vosa na Nona tisaipeli—Era sa vakaroti na tamata me ra veivutuni, vakabauta na kosipeli, ka me ra na vakabulai.

    1 Ka sa qai vakaroti tuakai Jereti na Turaga me lako sobu mai na ulunivanua mai na iserau ni Turaga, ka avola na veika e a raica; ka sa vakatabui me vakatakilai vei ira na luve ni tamata me byacova ni sa laveti cake oti ko koya ki na kauveilatai; ena vuku ni ka oqo sa maroroi ira tu kina ko Mosaia na tui, me ra kakua ni vakatakilai vei ira na kai vuravura me yacova ni sa vakaraitaki koya oti na Karisito vei ira na nona tamata.

    2 Ia ni sa vakaraitaki koya oti vakaidina na Karisito vei ira na nona tamata sa qai vakarota me ra vakaraitaki yani.

    3 Ia oqo, ni oti ko ya, era sa malumalumu sobu kecega ena tawavakabauta; ka sa sega tale e dua ka vakavo ga ko ira na Leimanaiti, ka ra sa cata na kosipeli i Karisito; o koya au sa vakaroti kina me’u avunitaki ira tale e loma ni qele.

    4 Raica, au sa vola ena peleti oqo na veika sara ga e a raica ko tuakai Jereti; ka ra a sega ni se bau vakatakilai na veika e uasivi cake mai na veika era a vakatakilai vua na tuakai Jereti.

    5 O koya sa vakaroti au kina na Turaga me’u volai ira; ka’u sa volai ira. Ka sa vakaroti au ko koya me’u adregati ira; ka sa vakaroti au tale ga me’u dregata na kena ivakavakadewa; o koya au sa dregata kina na bivakavakadewa, me vaka na ivakaro ni Turaga.

    6 Ni sa kaya vei au na Turaga: Era na sega ni vakaraitaki vei ira na Matanitu Tani na veika oqo me yacova ni ra sa veivutunitaka na nodra ivalavala ca, ka yaco me savasava ena mata ni Turaga.

    7 Ia ena siga ko ya era na vakabauti au kina, sa kaya na Turaga, me vaka ka vakayacora na tuakai Jereti, me ra avakatabui kina vei au, au na qai vakatakila kina vei ira na veika e a raica ko tuakai Jereti, ia au na tevuka kina vei ira na noqu ivakatakila kecega, sa kaya ko Jisu Karisito, na Luve ni Kalou, na bTama ni lomalagi kei na vuravura kei na veika kecega era sa tu kina.

    8 Ia ko koya ena avorata na vosa ni Turaga ena cudruvi ko koya; ia ko koya ena bcakitaka na veika oqo, ena cudruvi ko koya; ni’u na sega ni vakaraitaka vei ira vakaoqo na cveika lelevu cake, sa kaya ko Jisu Karisito; ia sa i au ga sa tukuna na ka oqo.

    9 Ka sa tadola na veilomalagi ka ra atasogo tale ena noqu lewa; ka na sakure ko bvuravura ena noqu vosa; ka ra na takali yani ena bukawaqa na lewei vuravura ena noqu ivakaro.

    10 Ia ko koya sa sega ni vakabauta na noqu vosa sa sega ni vakabauti ira na noqu tisaipeli; ka kevaka me’u sa sega ni vosa, mo dou vakatulewa kina; ni dou na qai kila ena asiga mai muri ni sai au ga ka a vosa.

    11 Ia ko koya sa avakabauta na veika oqo au sa vosataka, sa i koya au na taleva ena veivakatakilai ni Yaloqu, ka na qai kila ka vakadinadinataka. Ni ena vuku ni Yaloqu ena bkila kina ni sa cdina na veika kece oqo; ni sa dau vakauqeti ira na tamata me ra kitaka na ka vinaka.

    12 Ni sa mai vei au na veika kecega sa dau vakauqeti ira na tamata me ra kitaka na ka vinaka; ni sa sega ni lako mai vua e dua tale na ka avinaka mai vei au ga. Sa i au ga sa dau tuberi ira na tamata ki na veika vinaka kecega; ia ko koya sa bsega ni vakabauta na noqu vosa sa sega ni vakabauti au—ni sai au; ia ko koya sa sega ni vakabauti au sa sega ni vakabauti Tamaqu o koya sa talai au mai. Raica koi au na Tamana; koi au na crarama, kei na dbula, kei na dina kei vuravura.

    13 Dou alako mai vei au oi kemudou na Matanitu Tani, ka’u na vakatakila vei kemudou na veika lelevu cake, na kilaka sa vunitaki tu ena vuku ni tawa vakabauta.

    14 Dou lako mai, oi kemudou na mataqali i Isireli, ena qai avakatakilai vei kemudou na veika lelevu sa vakarautaka tu na Tamada mai na tauyavutaki ni vuravura me nomudou; ia a sega ni vakatakilai vei kemudou ena vuku ni tawa vakabauta.

    15 Raica, ena gauna dou sa dresuka kina na iubi ni tawavakabauta ko ya ka sa vakavuna tiko na nomudou tu ga ena nomudou itutu vakaloloma ni caka ca, kei na loma kaukauwa, kei na mataboko ni vakasama, ena qai vakatakilai vei kemudou na veika lelevu ka talei era a avunitaki tu mai vei kemudou mai na tauyavutaki ni vuravura—io, ena gauna dou na qai masuti Tamada kina ena yacaqu, ena yalo malumalumu kei na yalo raramusumusu, dou na qai kila ni sa nanuma ko Tamada na veiyalayalati a cakava vei ira na nomudou qase, oi kemudou na mataqali i Isireli.

    16 Ka na qai tevuki e matadra na tamata kecega na noqu aveivakatakila ka’u a vakavuna me volai mai vua na noqu italai ko Joni. Mo dou nanuma, ni dou sa raica na veika oqo, dou na qai kila kina ni sa voleka me ra vakaraitaki mai ni ra sa yaco dina sara tiko ga.

    17 O koya, ani dou sa taura na itukutuku oqo dou na kila kina ni sa tekivu vakayacori na cakacaka i Tamada ena dela ni veivanua kecega.

    18 O koya, mo dou qai aveivutuni kecega kina mai na veiyalayala kei vuravura, ka lako mai vei au, ka vakabauta na noqu kosipeli, ka bpapitaisotaki ena yacaqu; ni ko koya sa vakabauta ka papitaisotaki ena vakabulai; ia ko koya sa sega ni vakabauta ena cudruvi; ka na muri ira era vakabauta na yacaqu na cveivakatakilakila eso.

    19 Sa kalougata ko koya sa ayalodina tiko ki na yacaqu me yacova na ivakataotioti, ni na laveti cake me tiko ena matanitu sa vakarautaki tu me nona bmai na tauyavutaki ni vuravura. Ka raica sa i au ga sa tukuna na ka oqo. Emeni.