Ebʼ li loqʼlaj hu
Eter 4


Ch’ol 4

Laj Moroni nataqlaak chixk’eeb’al xtz’apb’al lix tz’iib’ahom li ras laj Jared—Ink’a’ taak’utb’esimanq toj reetal naq eb’ li winq te’wanq xpaab’aal chanchan ajwi’ li ras laj Jared—Li Kristo naxtaqlaheb’ li winq chixpaab’ankil li raatin ut raatineb’ lix tzolom—Taqlanb’ileb’ li winq naq te’xjal xk’a’uxl, te’xpaab’ li evangelio, ut te’kole’q.

1 Ut li Qaawa’ kixtaqla li ras laj Jared chi kub’eek chaq chixb’een li tzuul chiru chaq li Qaawa’, ut achixtz’iib’ankil li k’a’aq re ru kiril chaq; ut kitaqlaman naq ink’a’ taachalq a’an rik’ineb’ li ralal xk’ajoleb’ li winq btoj chirix naq taataqsiiq a’an chiru li krus; ut xb’aan li ajom a’in li rey aj Mosiah kixk’uula, re naq ink’a’ taachalq rik’in li ruchich’och’ toj chirix naq li Kristo tixk’ut rib’ chiru lix tenamit.

2 Ut chirix naq li Kristo kixk’ut rib’ chi yaal chiru lix tenamit, kixtaqla naq taak’utb’esimanq.

3 Ut anajwan, chirix a’an, xe’laj chixjunileb’ chi maak’a’eb’ xpaab’aal; ut maajun chik wan, ka’ajeb’ wi’ laj Lamanita, ut eb’ a’an ke’xtz’eqtaana lix evangelio li Kristo; jo’kan naq taqlanb’ilin naq atinmuq chaq wi’chik sa’ li ch’och’.

4 K’ehomaq reetal, kintz’iib’a chiruheb’ li perel ch’iich’ a’in tz’aqal li k’a’aq re ru kiril li ras laj Jared; ut maajo’q’e k’utb’esinb’il chaq k’a’aq re ru li nim wi’chik ru chiru li k’a’ru kik’utb’esiman chiru li ras laj Jared.

5 Jo’kan naq li Qaawa’ kinixtaqla chixtz’iib’ankil; ut kintz’iib’a. Ut kixtaqla naq tink’e axtz’apb’al; ut kixtaqla ajwi’ naq tink’e xtz’apb’al lix jaltesinkil ru; jo’kan naq kink’e xtz’apb’al li bk’utleb’aal aatin, jo’ chanru lix taqlahom li Qaawa’.

6 Xb’aan naq li Qaawa’ kixye we: Moko taaxik ta rik’ineb’ laj Gentil toj sa’ li kutan naq te’xjal xk’a’uxl chirix lix maa’usilaleb’, ut te’kanaaq chi ch’ajb’ileb’ chiru li Qaawa’.

7 Ut sa’ li kutan a’an naq te’xk’anjela li paab’aal chiwix, chan li Qaawa’, jo’ chanru ajwi’ kixb’aanu li ras laj Jared, re naq te’ruuq chi asantob’resiik wik’in, chirix a’an tink’utb’esi chiruheb’ li k’a’aq re ru kiril li ras laj Jared, toj reetal taateeliiq chiruheb’ chixjunil lin k’utb’esihom, chan li Jesukristo, li Ralal li Dios, lix bYuwa’il li choxa ut li ch’och’, ut chixjunil li k’a’aq re ru wan chi sa’.

8 Ut ani ataawech’oq re li raatin li Dios, chimajewaaq a’an, ut ani btaatz’eqtaananq xyaalal li k’a’aq re ru a’in, chimajewaaq a’an; xb’aan naq chiruheb’ a’an moko tink’ut ta ck’a’aq re ru nim wi’chik ru, chan li Jesukristo; xb’aan naq laa’in li nin’aatinak.

9 Ut chi taqlanb’il inb’aan natehe’ ut anatz’ape’ ru li choxa; ut chi taqlanb’il inb’aan taachiiq’anq li bruchich’och’; ut chi taqlanb’il inb’aan li ani wankeb’ chi sa’ te’oso’q, chanchan ajwi’ rik’in xam.

10 Ut ani ink’a’ napaab’ank re li waatin ink’a’ naxpaab’eb’ lin tzolom; ut wi na’ux naq moko laa’in ta nin’aatinak, tz’ilomaq rix laa’ex; xb’aan naq teenaw naq laa’in li nin’aatinak, sa’ aroso’jik li kutan.

11 A’b’an li ani anapaab’ank re li k’a’aq re ru kinye, a’an tinwula’ani rik’in lix k’utb’esihom inMusiq’, ut a’an tixnaw ut tixch’olob’ xyaalal. Xb’aan naq sa’ xk’ab’a’ lin Musiq’ btixnaw naq cyaal li k’a’aq re ru a’in, xb’aan naq naxq’unb’esi xch’ooleb’ li winq chixb’aanunkil li chaab’il.

12 Ut yalaq k’a’ru naxq’unb’esiheb’ xch’ool li winq chixb’aanunkil li chaab’il, a’an we laa’in; xb’aan naq amaajun chik aj-ik’in nachal chaq li chaab’il, ka’ajwi’ wik’in laa’in. Laa’in ajwi’ li ninb’eresink reheb’ li winq rik’in chixjunil li chaab’il; li ani bink’a’ taapaab’anq re li waatin ink’a’ tinixpaab’ laa’in—naq wankin; ut li ani ink’a’ taapaab’anq we, ink’a’ tixpaab’ li Yuwa’b’ej li kitaqlank chaq we. Xb’aan naq k’ehomaq reetal, laa’in li Yuwa’b’ej, laa’in li csaqen, ut li dyu’am, ut li yaal re li ruchich’och’.

13 aChalqex wik’in, ex aj Gentil, ut tink’ut cheru li k’a’aq re ru nim wi’chik ru, li muqmu chaq xnawb’al xb’aan xmaak’a’il li paab’aal.

14 Chalqex wik’in, ex xjunkab’al laj Israel, ut ataak’utb’esimanq cheru jo’ xninqal ru li k’a’aq re ru kixk’uula li Yuwa’b’ej choq’ eere, chalen chaq sa’ xk’ojlajik li ruchich’och’, ut moko chalenaq ta eerik’in, xb’aan xmaak’a’il li paab’aal.

15 K’ehomaq reetal, naq teepej li tz’apleb’ t’ikr a’an re xmaak’a’il eepaab’aal, li naxk’e chexkanaaq sa’ xxuwajelil li maa’usilal li wankex wi’, ut sa’ xkawil eeraam, ut xmutz’il eek’a’uxl, chirix a’an li xninqal ru ut sachb’a-ch’oolejil na’leb’ li amuqmu cheru chalen chaq sa’ xk’ojlajik li ruchich’och’—relik chi yaal, naq teepatz’ xk’ab’a’ li Yuwa’b’ej sa’ lin k’ab’a’, chi yot’b’il eech’ool ut tuulan eemusiq’, chirix a’an teenaw naq li Yuwa’b’ej xjultiko’ re li sumwank li kixk’uub’ choq’ reheb’ lee yuwa’, ex xjunkab’al laj Israel.

16 Toja’ ut naq eb’ lin ak’utb’esihom li kintaqla xtz’iib’ankil xb’aan inmoos aj Jwan, te’tehliiq sa’ rilob’aaleb’ chixjunil li tenamit. Chijultiko’q eere, naq teeril li k’a’aq re ru a’in, teenaw naq xnach’ok chaq li kutan naq taak’utb’esimanq chi tz’aqal yaal.

17 Jo’kan ut, anaq teek’ul li tz’iib’anb’il esil a’in teenaw naq lix k’anjel li Yuwa’b’ej ak xtikla chiru chixjunil lix b’een li ch’och’.

18 Jo’kan ut, ajalomaq eek’a’uxl chejunilex xmaril li ruchich’och’, ut chalqex wik’in, ut chepaab’ lin evangelio, ut bchikub’eeq eeha’ sa’ lin k’ab’a’; xb’aan naq ani napaab’an ut nakub’e xha’ taakole’q; a’b’an ani moko napaab’an ta taak’ehe’q sa’ tojb’a-maak; ut eb’ li ceetalil te’taaqenq reheb’ li neke’paab’ank re lin k’ab’a’.

19 Ut osob’tesinb’il li ani natawe’ chi atiik chixpaab’ankil lin k’ab’a’ sa’ roso’jik li kutan, xb’aan naq a’an taawaklesiiq chi wank sa’ li awa’b’ejihom kawresinb’il choq’ re bchalen chaq sa’ xk’ojlajik li ruchich’och’. Ut k’ehomaq reetal, laa’in li kinyehok re. Amen.