1 Senyè a te kòmande frè Jarèd la pou l desann soti nan montay la, soti nan prezans Senyè a, epi pou l ^aekri bagay li te wè yo; bagay sa yo te entèdi pou ale nan pami pitit lèzòm ^bjouk apre yo te mete l sou kwa a; se poutèt sa, wa Mozya te kenbe yo, pou yo te kapab pa vini nan mond lan jistan Kris la te fin fè pèp li a wè l.

2 Epi, lè Kris la te fin fè pèp li a wè l reyèlman, li te kòmande pou bagay sa yo vin piblik.

3 Kounyeya, apre sa, yo tout te tonbe nan enkredilite; yo tout, eksepte Lamanit yo, yo te vire do bay levanjil Kris la; se poutèt sa, m te resevwa kòmandman pou m te ^akache yo ankò anba tè a.

4 M te ekri sou plak sa yo, bagay frè Jarèd la te wè yo menm; epi moun pa t janm wè pi gwo bagay pase sa frè Jarèd la te wè a.

5 Se poutèt sa, Senyè a te kòmande m pou m ekri yo. Li te kòmande m pou m ^amete so sou yo; epi li te kòmande m pou m mete so sou entèpretasyon an; se poutèt sa, m te mete so sou ^bentèprèt yo daprè kòmandman Senyè a.

6 Paske Senyè a te di m: Yo pa pral jwenn Janti yo anvan Janti yo repanti nan inikite yo, epi yo vin pwòp devan Senyè a.

7 Senyè a te di konsa, nan jou yo egzèse lafwa nan mwen, menm jan avèk frè Jarèd la, pou yo kapab vin ^asanktifye nan mwen, lè sa a, m ap fè yo wè bagay frè Jarèd la te wè yo, menm pou m louvri tout revelasyon m ba yo; se sa Jezikri, Pitit Gason Bondye a, ^bPapa syèl la ak tè a, ak tout sa ki ladan l yo te di.

8 Moun ki ^alite kont pawòl Senyè a, se pou l modi; epi moun ki ^bnye bagay sa yo se pou l modi; paske, m ^cp ap montre yo pi gwo bagay, paske se mwen ki pale; se sa Jezikri te di.

9 Lè m kòmande, syèl la louvri epi li ^afèmen, lè m pale ^btè a ap tranble, epi lè m kòmande, moun ki rete sou tè a ap pase, menm si se anba dife.

10 Moun ki pa kwè pawòl mwen, li pa kwè disip mwen yo; epi si m pa pale, malè pou ou, paske w ap konnen se mwen ki pale nan ^adènye jou a.

11 Men, moun ki ^akwè bagay sa yo m te pale a, m ap vizite l avèk manifestasyon Lespri m, l ap konnen, epi l ap rann temwayaj. Paske, poutèt Lespri m, l ap ^bkonnen bagay sa yo se ^cverite; paske sa pèsyade lèzòm pou yo fè byen.

12 Epi, tout sa ki pèsyade lèzòm pou yo fè byen soti nan mwen; paske ^abyen pa soti nan okenn lòt, eksepte nan mwen. Se menm mwen menm ki dirije lèzòm nan tout sa ki bon; moun ki ^bpa kwè nan pawòl mwen yo, li p ap kwè nan mwen—M egziste; epi moun ki pa kwè m, li p ap kwè Papa a ki voye m nan. Paske m se Papa a, m se ^climyè a, ak ^dlavi a, ak verite mond lan.

13 ^aVin jwenn mwen, O, nou menm Janti yo, epi m ap montre nou pi gwo bagay yo, konesans yo ki kache poutèt enkredilite.

14 Vin jwenn mwen, O, ou menm kay Izrayèl la, epi w ap ^akonnen gwo bagay Papa a te sere pou ou depi nan fondasyon mond lan; epi bagay sa yo pa vin jwenn ou poutèt enkredilite.

15 Lè w dechire vwal enkredilite ki lakòz ou rete nan eta mechanste terib ou ye a, ki fè kè w di, epi ki vegle panse w la, lè sa a bèl gwo bagay ki te rete ^akache pou ou depi fondasyon mond lan—wi, lè w rele Papa a nan non m, avèk yon kè brize, epi avèk yon lespri kontri, lè sa a, w ap konnen Papa a te sonje alyans li te fè avèk zansèt ou yo, O, kay Izrayèl la.

16 Lè sa a, ^arevelasyon m yo m te fè sèvitè m nan, Jan, ekri a, m ap fè yo louvri devan je tout moun. Sonje, lè w wè bagay sa yo, w ap konnen lè a ap pwoche pou yo parèt toutbon.

17 Se poutèt sa, ^alè w resevwa rejis sa yo, ou mèt konnen travay Papa a kòmanse sou tout sifas tè a.

18 Se poutèt sa, ^arepanti, tout kwen tè a, vin jwenn mwen, kwè nan levanjil mwen an, epi ^bbatize nan non m; paske, moun ki kwè epi ki batize ap sove; men, moun ki pa kwè ap kondane; epi ^csiy ap suiv moun ki kwè nan non m.

19 Moun ki rete avèk ^alafwa nan non m nan dènye jou a ap beni; paske, l ap leve pou l rete nan wayòm ki te pare pou li a, ^bdepi nan fondasyon mond lan. Epi, se mwen menm ki di sa. Amèn.