Mga Kasulatan
Enos 1


Ang Basahon ni Enos

Kapitulo 1

Si Enos hugot nga nag-ampo ug nakaangkon og kapasayloan sa iyang mga sala—Ang tingog sa Ginoo miabot sa iyang hunahuna, nga nagsaad og kaluwasan alang sa mga Lamanita sa umaabot nga adlaw—Ang mga Nephita nagtinguha sa pagbawi sa mga Lamanita—Si Enos nagmaya sa iyang Manunubos. Mga 420 B.C.

1 Tan-awa, nahitabo nga ako, si aEnos, nakaila sa akong amahan nga bsiya makiangayon nga tawo—kay siya cmitudlo kanako sa iyang pinulongan, ug usab sumala sa dpag-amuma ug sa pagpahimatngon sa Ginoo—ug bulahan ang ngalan sa akong Dios tungod niini—

2 Ug sultihan ko kamo sa akong apagpakigbisog sa atubangan sa Dios, sa wala pa ako makadawat og bkapasayloan sa akong mga sala.

3 Tan-awa, miadto ako sa kalasangan aron mangayam og mga mananap; ug ang mga pulong nga kanunay nakong madunggan gikan sa akong amahan mahitungod sa kinabuhing dayon, ug sa akamaya sa mga santos, bmituhop pag-ayo sa akong kasingkasing.

4 Ug ang akong kalag agigutom; ug bmiluhod ako sa atubangan sa akong Magbubuhat, ug nangamuyo ako kaniya sa hilabihan nga cpag-ampo ug pangaliya alang sa akong kaugalingon nga kalag; ug sa tibuok adlaw nangamuyo ako kaniya; oo, ug sa dihang miabot ang kagabhion sa gihapon akong gipataas pag-ayo ang akong tingog nga kini miabot sa kalangitan.

5 Ug dihay miabot nga usa ka atingog ngari kanako, nga nag-ingon: Enos, ang imong mga sala gipasaylo na, ug mapanalanginan ka.

6 Ug ako, si Enos, nasayod nga ang Dios dili mamakak; busa, ang akong kahasol nawala sa hingpit.

7 Ug ako miingon: Ginoo, giunsa kini pagkahitabo?

8 Ug miingon siya kanako: Tungod sa imong apagtuo kang Kristo, kinsa wala pa nimo madungog o makita sukad. Ug daghang katuigan ang molabay unà pa siya mopakita sa iyang kaugalingon sa unod; busa, lakaw, ang imong pagtuo mao ang bnag-ayo kanimo.

9 Karon, nahitabo, nga dihang nakadungog ako niining mga pulonga misugod ko sa pagbati og atinguha alang sa kaayohan sa akong kaigsoonan, nga mga Nephita; busa, akong bgibu-bo ang akong tibuok nga kalag ngadto sa Dios alang kanila.

10 Ug samtang nakigbisog ako sa espiritu, tan-awa, ang tingog sa Ginoo miabot na usab sa akong ahunahuna, nga nag-ingon: Akong duawon ang imong kaigsoonan sumala sa ilang kakugi sa pagtuman sa akong mga sugo. Akong bgihatag kini nga yuta ngadto kanila, ug balaan kini nga yuta; ug dili Ako cmotunglo niini gawas kon tungod sa kadaotan; busa, akong duawon ang imong kaigsoonan sumala sa Akong giingon; ug ang ilang mga kalapasan Akong pahamtangan og kasub-anan diha sa kaugalingon nilang mga ulo.

11 Ug human nga ako, si Enos, nakadungog niining mga pulonga, ang akong pagtuo sa Ginoo nagsugod sa pagkadili matarog; ug nag-ampo ako kaniya inubanan sa daghang pakigbisog alang sa akong kaigsoonan, ang mga Lamanita.

12 Ug nahitabo nga human ako anag-ampo ug naghago sa tanang kakugi, ang Ginoo miingon kanako: Hatagan ko ikaw sumala sa imong bmga tinguha, tungod sa imong pagtuo.

13 Ug karon tan-awa, mao kini ang tinguha nga akong gitinguha kaniya—nga kon mahitabo man, nga ang akong katawhan, ang mga Nephita, makahimo og kalapasan, ug amalaglag sa bisan unsa nga paagi, ug kon ang mga Lamanita dili malaglag, nga ang Ginoong Dios bmagtipig og talaan bahin sa akong katawhan, nga mga Nephita; kon mahitabo man nga pinaagi sa gahom sa iyang balaan nga bukton, nga kini sa umaabot nga mga adlaw cmadala ngadto sa mga Lamanita, aron, sila, dmadala ngadto sa kaluwasan—

14 Kay sa pagkakaron anakawang ang among mga pakigbisog sa pagpabalik nila ngadto sa tinuod nga pagtuo. Ug nanumpa sila sa ilang kapungot nga, kon mahimo, blaglagon nila ang among mga talaan ug kami, ug usab ang tanang tradisyon sa among mga amahan.

15 Busa, tungod kay nasayod ako nga makahimo ang Ginoong Dios sa apagtipig sa among mga talaan, nangamuyo ako kaniya sa walay hunong, kay miingon siya kanako: Bisan unsang butanga ang imong pangayoon pinaagi sa pagtuo, nagatuo nga ikaw makadawat niini pinaagi sa ngalan ni Kristo, ikaw makadawat niini.

16 Ug ako adunay pagtuo, ug nangamuyo ako sa Dios nga atipigan niya ang mga btalaan; ug nakigsaad siya kanako nga kini iyang cdad-on ngadto sa mga Lamanita sa kaugalingon niyang tukmang panahon.

17 Ug ako, si Enos, nasayod nga matuman kini sumala sa pakigsaad nga iyang gihimo; busa nakapahulay ang akong kalag.

18 Ug ang Ginoo miingon kanako: Ang imong mga amahan mihangyo usab niining butanga kanako; ug mahitabo kini kanila sumala sa ilang pagtuo; kay ang ilang pagtuo sama sa imoha.

19 Ug karon nahitabo nga ako, si Enos, miadto sa taliwala sa katawhan ni Nephi, nanagna sa mga butang nga moabot, ug nagpamatuod sa mga butang nga akong nadungog ug nakita.

20 Ug mopamatuod ko nga ang katawhan ni Nephi makugihong nagtinguha nga mapahiuli ang mga Lamanita sa tinuod nga pagtuo sa Dios. Apan ang among mga akahago walay kapuslanan; ang ilang pagdumot dili matarog, ug nadala sila sa ilang daotang kinaiya nga nahimo silang luog, ug bangis, ug katawhan nga buhaw sa dugo, puno sa cpagsimba og mga dios-dios ug kahugawan; nabuhi pinaagi sa pagkaon sa mga mananap nga manunubad; nagpuyo sa mga tolda, naglaag-laag sa kamingawan nga nagbahag og panit sa mananap nga gibakos sa ilang mga bat-ang ug kinagisan ang ilang mga ulo; ug hanas sila sa paggamit sa dgapasan, ug sa sundang, ug sa atsa. Ug ang kadaghanan kanila walay laing kaonon gawas lang sa hilaw nga karne; ug padayon silang nagtinguha sa pagpatay kanamo.

21 Ug nahitabo nga ang katawhan ni Nephi miugmad sa yuta, ug amipasanay sa tanang matang sa lugas, ug sa mga prutas, ug mga panon sa kahayopan, ug mga panon sa tanang matang sa baka, mga kanding, ug mga ihalas nga kanding, ug usab daghang kabayo.

22 Ug dihay daghan kaayong amga propeta taliwala kanamo. Ug ang katawhan mga btikig og liog nga katawhan, ug lisod pasabton.

23 Ug walay lain gawas sa hilabihang akapintas, bpagsangyaw ug pagpanagna bahin sa mga gubat, ug mga panagbingkil, ug mga panglaglag, ug kanunay nga cpagpahinumdom kanila bahin sa kamatayon, ug sa gidugayon sa kahangtoran, ug sa mga paghukom ug gahom sa Dios, ug sa tanan niini nga mga butang—pagpahigmata kanila dsa kanunay aron padayon silang may kahadlok sa Ginoo. Moingon ko nga walay lain gawas lang niining mga butanga, ug hilabihan ka yanong pinulongan, ang makapugong kanila gikan sa diha-diha nga kalaglagan. Ug sa ingon niini nga paagi nagsulat ko mahitungod kanila.

24 Ug nakasaksi ko og mga gubat tali sa mga Nephita ug sa mga Lamanita sa tibuok nakong kinabuhi.

25 Ug nahitabo nga nagsugod ko sa pagkatigulang, ug usa ka gatos ug kapitoan ug siyam ka tuig ang milabay sukad sa panahon nga ang among amahan nga si Lehi amibiya sa Jerusalem.

26 Ug akong nakita nga sa dili madugay ako manaog na sa akong lubnganan, kay dugay nang gidasig sa gahom sa Dios nga kinahanglan akong magsangyaw ug managna niini nga katawhan, ug mopahayag sa pulong sumala sa kamatuoran nga anaa kang Kristo. Ug namahayag ako niini sa tanan kong mga adlaw, ug nagmalipayon niini labaw pa kay sa kalibotan.

27 Ug sa dili madugay moadto na ako sa dapit nga akong akapahulayan, nga kauban sa akong Manunubos; kay nasayod ako nga kaniya ako makapahulay. Ug ikalipay unya nako ang adlaw kon ang akong bpagkamortal mausab na sa cpagka-imortal, ug mobarog sa iyang atubangan; ug unya akong makita ang iyang panagway sa kahinangop, ug moingon siya kanako: Duol kanako, ikaw nga bulahan, may dapit nga giandam alang kanimo sa mga dmansyon sa akong Amahan. Amen.