Alma

Ufok ubon ye eke ukot nwed

Alma

Ibuot 1
Nehor ekpep mme nsu nsu ukpep-ŋkpɔ, asiak ufɔk Abasi, ada ifɔt edi, onyuŋ owot Gideon—Ewot Nehor ke ntak mme idiɔk ŋkpɔ esie—Mme ifɔt ye mme ukɔbɔ esuana ke otu mme owo—Mme oku eŋwam idem mmɔ, mme owo ese ŋkpɔ ebaŋa mme ubuene, ndien ufɔk Abasi oforo. Ŋkpɔ nte 91–88 M.C.
Ibuot 2
Amlici oyom ndidi edidem ndien esin enye eto uyo mme owo—Ikɔt esie enam enye edidem—Mme Amlicite eŋwana ekɔŋ ye mme Nephite ndien ekan mmɔ—Mme Lamanite ye mme Amlicite ediana kiet ndien ekan mmɔ—Alma owot Amlici. Ŋkpɔ nte 87 M.C.
Ibuot 3
Mme Amlicite ema enim idem mmɔ idiɔŋɔ nte asaŋade ye ikɔ prophecy—Ema esuŋi mme Lamanite ke ntak nsɔŋ ibuot mmɔ—Mme owo eda isuŋi mmɔ enɔ idem mmɔ—Mme Nephite ekan mbon ekɔŋ Lamanite efen. Ŋkpɔ nte 87–86 M.C.
Ibuot 4
Alma ɔduɔk mme tɔsin mme andikabare esit mmɔŋ—Ukwaŋ-ŋkpɔ oduk Ufɔk Abasi, ndien nkɔri Ufɔk Abasi etip—Emek Nephihah ada ibuot mme ebiere ikpe—Alma, nte akwa oku, enim idem esie ɔnɔ utom Abasi. Ŋkpɔ nte 86–83 M.C.
Ibuot 5
Man enyene erinyaŋa, ana nte mme owo ekabare esit enyuŋ enim mme ibet, etɔŋɔ ntak emana, eyet mme ɔfɔŋ mmɔ esana ke iyip Christ, esuhɔre idem enyuŋ esio ntaŋidem ye ufip ke idem mmɔ efep, enyuŋ enam mme utom nnen nnen ido—Eti Ekpeme Erɔŋ okot ikɔt Esie—Mbon emi enamde mme idiɔk utom edi nditɔ satan—Alma etie ntiense abaŋa akpanikɔ ukpep-ŋkpɔ esie onyuŋ ɔnɔ mme owo uyo ete ekabare esit—Eyewet mme enyiŋ ndinen owo ke ŋwed uwem. Ŋkpɔ nte 83 M.C.
Ibuot 6
Enam ufɔk Abasi ke Zarahemla asana enyuŋ eneŋere enim—Alma aka Gideon ndikwɔrɔ ikɔ. Ŋkpɔ nte 83 M.C.
Ibuot 7
Mary ediman Christ—Enye ayatat mme uruk ŋkpa onyuŋ ɔyɔ mme idiɔk ŋkpɔ ikɔt Esie—Mbon emi ekabare esit, eduɔkde mmɔŋ, enyuŋ enimde mme mbet eyenyene nsinsi uwem—Ndek idikemeke ndinyene obio ubɔŋ Abasi—Nsuhɔre-idem, mbuɔtidem, idorienyin, ye ima edi se eyomde. Ŋkpɔ nte 83 M.C.
Ibuot 8
Alma ɔkwɔrɔ ikɔ onyuŋ ɔduɔk mmɔŋ ke Melek—Esin enye ke Ammonihah ndien enye ɔkpɔŋ do—Angel ɔnɔ enye uyo ete afiak aka onyuŋ ɔkwɔrɔ erikabare esit ɔnɔ mme owo—Amulek ɔbɔ enye esin, ndien mmɔ mbiba ekwɔrɔ ikɔ ke Ammonihah. Ŋkpɔ nte 82 M.C.
Ibuot 9
Alma ɔnɔ mbon Ammonihah uyo ete ekabare esit—Jehovah eyeyene mbɔm abaŋa mme Lamanite ke akpatre usen—Edieke mme Nephite ekpɔŋde uŋwana, mme Lamanite eyewot mmɔ—Eyen Abasi ɔyɔsɔp edi—Enye ayafak mbon emi ekabarede esit, emi eduɔkde mmɔŋ, ye emi ebuɔtde idem ke enyiŋ Esie. Ŋkpɔ nte 82 M.C.
Ibuot 10
Lehi okoto ubon Manasseh—Amulek etiŋ abaŋa uyo emi angel ɔkɔnɔde enye ete ese abaŋa Alma—Mme akam ndinen owo anam enyaŋa mme owo—Mme ɔfiɔk ibet emi enamde ukwaŋ ido ye mme ebiere ikpe enim itiat idak isɔŋ nsobo enɔ mme owo. Ŋkpɔ nte 82 M.C.
Ibuot 11
Etiŋ nte ibat okuk mme Nephite edide—Amulek eneni eneni ye Zeezrom—Christ idinyaŋake mme owo ke mme idiɔk ŋkpɔ mmɔ—Mbon emi edade obio ubɔŋ heaven enyene ikpɔŋ ke eyaŋa—Kpukpru owo eyeset ke uwem emi mkpa midughe—Mkpa iduhe ke ini Eriset ke Mkpa ama ebe. Ŋkpɔ nte 82 M.C.
Ibuot 12
Alma etiŋ ikɔ ɔnɔ Zeezrom—Enɔ mme ɔbuɔtidem ikpɔŋ mme ndibe ŋkpɔ Abasi—Ebiere ikpe enɔ mme owo eto ke ekikere, se enimde ke akpanikɔ, mme ikɔ, ye mme utom mmɔ—Mme idiɔk owo eyebɔ ndutuhɔ mkpa eke spirit—Uwem eke mkpa emi edi ini idomo—Uduak erifak ada Eriset ke mkpa edi ndien, oto ke mbuɔtidem, esio ke mme idiɔk ŋkpɔ—Mbon emi ekabarede esit enyene unen ndibɔ mbɔm nto Ikpɔŋ-ikpɔŋ Eyen emi Enye Obonde. Ŋkpɔ nte 82 M.C.
Ibuot 13
Ekot mme owo nte akwa oku ke ntak akamba mbuɔtidem ye nti utom mmɔ—Ana nte mmɔ ekpep mme ibet—Oto ke nnen nnen ido enam mmɔ esana enyuŋ eduk ke nduɔk odudu Jehovah—Melchizedek ekedi kiet ke otu emi—Mme angel ke etiŋ nti mbuk ke ofuri isɔŋ—Mmɔ eyetiŋ ata edidi Christ. Ŋkpɔ nte 82 M.C.
Ibuot 14
Esin Alma ye Amulek ke ufɔk ŋkpɔkɔbi enyuŋ emia mmɔ—Efɔp mmɔ emi ekenimde ke akpanikɔ ye edisana ŋwed Abasi mmɔ ke ikaŋ—Jehovah ɔbɔ mme owo eke ewotde ke usuŋ Abasi emi ke ubɔŋ—Mme ibibene ufɔk ŋkpɔkɔbi esiaha iba enyuŋ eduɔ—Enam Alma ye Amulek ebɔhɔ, enyuŋ ewot mbon ekekɔbɔde mmɔ. Ŋkpɔ nte 82–81 M.C.
Ibuot 15
Alma ye Amulek eka Sidom enyuŋ esiak ufɔk Abasi—Alma ɔkɔk Zeezrom, emi odukde ufɔk Abasi—Eduɔk ediwak mmɔŋ, ndien ufɔk Abasi ɔkɔri—Alma ye Amulek eka Zarahemla. Ŋkpɔ nte 81 M.C.
Ibuot 16
Mme Lamanite ewot mbon Ammonihah—Zoram ada mme Nephite ekekan mme Lamanite—Alma ye Amulek ye ediwak mbon efen ekwɔrɔ ikɔ—Mmɔ ekpep ete kini Enye ama Eset Ke Mkpa ke Christ oyowut mme Nephite idem. Ŋkpɔ nte 81–77 M.C.
Ibuot 17
Nditɔ iren Mosiah enyene spirit prophecy ye eke eriyarare—Mmɔ eka nsio nsio usuŋ mmɔ ndikwɔrɔ ikɔ nnɔ mme Lamanite—Ammon aka isɔŋ Ishmael onyuŋ akabare edi eyen ufɔk ɔnɔ Edidem Lamoni—Ammon anyaŋa mme ufene edidem onyuŋ owot mme asua esie ke mmɔŋ Sebus. Mme ufaŋ 1–3, ŋkpɔ nte 77 M.C.; ufaŋ 4, ŋkpɔ nte 91–77 M.C.; ye mme ufaŋ 5–39, ŋkpɔ nte 91 M.C.
Ibuot 18
Edidem Lamoni ekere ke Ammon edi Akwa Spirit—Ammon ekpep edidem abaŋa Edibot, mme edinam Abasi ye mme owo, ye erifak emi edide oto Christ—Lamoni ɔbuɔtidem onyuŋ ɔduɔ ke isɔŋ nte akpa. Ŋkpɔ nte 90 M.C.
Ibuot 19
Lamoni ɔbɔ uŋwana nsinsi uwem onyuŋ okut Andifak—Etie ikɔt ufɔk esie nte esio mmɔ ke obukidem, uwak enyuŋ ekut mme angel—Etim Ammon enim ke utibe usuŋ—Enye ɔduɔk ediwak mmɔŋ onyuŋ asiak ufɔk Abasi ke otu mmɔ. Ŋkpɔ nte 90 M.C.
Ibuot 20
Jehovah ɔdɔŋ Ammon aka Middoni akanam nditɔ eka esie emi ekekɔbide ebɔhɔ—Ammon ye Lamoni esobo ye ete Lamoni, emi edide edidem ke ofuri isɔŋ oro—Ammon anam akani edidem emi enyime ndisana nditɔ eka esie nyak. Ŋkpɔ nte 90 M.C.
Ibuot 21
Aaron ekpep mme Amalekite abaŋa Christ ye Usio-isop Esie—Ekɔbi Aaron ye nditɔ eka esie ke Middoni—Kini mmɔ ema ekebɔhɔ, mmɔ ekpep ŋkpɔ ke mme synagogue enyuŋ enyene uwak mme andikabare esit—Lamoni ɔnɔ mme owo ke isɔŋ Ishmael ufaŋ ndikpono nte mmɔ emade. Ŋkpɔ nte 90–77 M.C.
Ibuot 22
Aaron ekpep ete Lamoni abaŋa Edibot, Iduɔ Adam, ye uduak erifak otode Christ—Edidem ye ofuri ufɔk esie ekabare esit—Enam ubahare isɔŋ ke mme Nephite ye mme Lamanite aŋwaŋa. Ŋkpɔ nte 90–77 M.C.
Ibuot 23
Enɔ ufaŋ ndikpono nte emade ke ntɔt—Mme Lamanite ke mme isɔŋ itiaba ye mme obio ekabare esit—Mmɔ ekot idem mmɔ mme Anti-Nephi-Lehi enyuŋ ebɔhɔ isuŋi—Mme Amalekite ye mme Amulonite esin akpanikɔ. Ŋkpɔ nte 90–77 M.C.
Ibuot 24
Mme Lamanite eŋwana ye ikɔt Abasi—Mme Anti-Nephi-Lehi edaresit ke Christ ndien mme angel ekese mmɔ—Mmɔ emek mkpa utu ke mmɔ ekpeme idem mmɔ—Ediwak mme Lamanite ekabare esit. Ŋkpɔ nte 90–77 M.C.
Ibuot 25
Nyom-ikɔ mme Lamanite asuana—Ubon mme oku Noah ekpa nte Abinadi eketiŋde nte prophet—Uwak mme Lamanite ekabare esit enyuŋ ediana ye ikɔt Anti-Nephi-Lehi—Mmɔ ebuɔtidem ke Christ enyuŋ enim mbet Moses. Ŋkpɔ nte 90–77 M.C.
Ibuot 26
Ammon adaresit ke Jehovah—Jehovah ɔnɔ mbon enyenede mbuɔtidem odudu ye ifiɔk—Oto ke mbuɔtidem mme owo ekeme ndida mme tɔsin ukpɔŋ enɔ erikabare esit—Abasi enyene kpukpru odudu onyuŋ ɔfiɔk kpukpru ŋkpɔ. Ŋkpɔ nte 90–77 M.C.
Ibuot 27
Jehovah ɔnɔ Ammon uyo ete ada ikɔt Anti-Nephi-Lehi aka ebiet ubɔhɔ—Ke osobode ye Alma, idaresit Ammon ekure odudu esie—Mme Nephite enɔ mme Anti-Nephi-Lehi isɔŋ Jershon—Ekot mmɔ ikɔt Ammon. Ŋkpɔ nte 90–77 M.C.
Ibuot 28
Ekan mme Lamanite ke ɔkpɔsɔŋ ekɔŋ—Ewot mme duop eke mme tɔsin—Esin mme idiɔk owo ke idaha anana utit idiɔk; ndinen owo enyene inemesit emi mitreke. Ŋkpɔ nte 77–76 M.C.
Ibuot 29
Alma enyene udɔŋ ndikwɔrɔ erikabare esit ye ifiopesit angel—Jehovah ɔnɔ kpukpru idut mme andikpep—Alma oburɔ ke utom Jehovah ye ke eti utip Ammon ye nditɔ eka esie. Ŋkpɔ nte 76 M.C.
Ibuot 30
Korihor, andibiɔŋɔ Christ, asak Christ, Usio-isop, ye spirit prophecy—Enye ekpep ete ke Abasi iduhe, iduɔ owo iduhe, utip iduhe inɔ idiɔk ŋkpɔ, ndien ke Christ iduhe—Alma etie ntiense ete ke Christ eyedi ndien ke kpukpru ŋkpɔ owut ete ke Abasi odu—Korihor oyom idiɔŋɔ ndien enam enye edi imum—Satan ama owut Korihor idem nte angel onyuŋ eteme enye se enye editiŋde—Edighi Korihor ke isɔŋ ndien enye akpa. Ŋkpɔ nte 77–76 M.C.
Ibuot 31
Alma ada ibuot mission ndifiak nyene mme Zoramite emi ekekaŋde mbuɔtidem mmɔ—Mme Zoramite ekaŋ Christ, ebuɔtidem ke nsu nsu ekikere abaŋade ndimek, enyuŋ ekpono ye usuŋ akam kiet—Mme missionary eyɔhɔ ye Edisana Spirit—Idaresit mmɔ ke Christ akan mme ukut mmɔ. Ŋkpɔ nte 74 M.C.
Ibuot 32
Alma ekpep mme ubuene emi mme ukut mmɔ enamde mmɔ esuhɔre idem ŋkpɔ—Mbuɔtidem edi idorienyin ke se mukwe emi edide akpanikɔ—Alma etie ntiense ete ke mme angel enam utom enɔ iren owo, iban, ye nditɔ-ɔŋwɔŋ—Alma odomo ikɔ ye mkpasip—Ana nte etɔ enyuŋ ebɔk enye—Ke ini oro ke enye ɔkɔri edi eto emi ekibide mfri nsinsi uwem. Ŋkpɔ nte 74 M.C.
Ibuot 33
Zenos ekpep ete mme owo ebɔŋ akam enyuŋ ekpono ke kpukpru ebiet, ndien ke eŋwɔŋɔre mme ubiere ikpe ke ntak Eyen—Zenock ekpep ete ke enɔ mbɔm ke ntak Eyen—Moses ama emenere ke wilderness utɔ Eyen Abasi. Ŋkpɔ nte 74 M.C.
Ibuot 34
Amulek etie ntiense ete ke ikɔ odu ke Christ ɔnɔ erinyaŋa—Ibɔhɔke enam usio-isop, ana nte kpukpru owo etak—Kpukpru mbet Moses owut uwa Eyen Abasi—Nsinsi uduak erifak ɔkɔŋɔ ke mbuɔtidem ye erikabare esit—Ebɔŋ akam eyom mme edidiɔŋ emi edibede ifep ye mme edidiɔŋ eke spirit—Uwem emi edi ini ɔnɔ mme owo ndibeŋe idem ndisobo ye Abasi—Eda ndik ke Abasi enam erinyaŋa mbufo ɔwɔrɔ usuŋ. Ŋkpɔ nte 74 M.C.
Ibuot 35
Ndikwɔrɔ ikɔ abiat ŋkari mme Zoramite—Mmɔ ebin mbon emi eke ekabare esit esio, mmɔ ndien ediana ye ikɔt Ammon ke Jershon—Alma ɔfuhɔ ke ntak ibak mme owo. Ŋkpɔ nte 74 M.C.
Ibuot 36
Alma etie ntiense ɔnɔ Helaman abaŋa nkabade esit esie ke ini enye ama okokut angel—Enye ama ɔyɔ mme ubiak eke ukpɔŋ emi ebiomde ikpe; enye okotde enyin Jesus, ndien ama amana ke Abasi—Edinem idaresit ɔyɔhɔ ukpɔŋ esie—Enye ama okut mme udim mme angel nte etorode Abasi—Ediwak mme andikabade esit etabi enyuŋ ekut nte enye etabide onyuŋ okutde. Ŋkpɔ nte 74 M.C.
Ibuot 37
Etim mme usan brass ye mme ŋwed Abasi efen enim man eda mme ukpɔŋ eka edinyaŋa—Ekewot mme Jaredite ke ntak ibak mmɔ—Ana nte ekuyak mme owo efiɔk mme ndedibe eŋwɔŋɔ ye mme ediomi mmɔ—Bɔ item to Jehovah ke kpukpru mme edinam mbufo—Nte Liahona akadade mme Nephite usuŋ, ntre ke ikɔ Abasi ada mme owo aka nsinsi uwem. Ŋkpɔ nte 74 M.C.
Ibuot 38
Ema ekɔbɔ Shiblon ke ntak nnen nnen ido—Edinyaŋa odu ke Christ, emi edide uwem ye uŋwana ererimbot—Ekara mme udɔŋ mbufo. Ŋkpɔ nte 74 M.C.
Ibuot 39
Idiɔk ŋkpɔ eke ebuana eden ye ŋwan edi mbubiam—Mme idiɔk ŋkpɔ Corianton ema ekpan mme Zoramite ndibɔ ikɔ—Edifak Christ odu ndinyaŋa mbon mbuɔtidem emi ekedude mbemiso enye etibe. Ŋkpɔ nte 74 M.C.
Ibuot 40
Christ ada ediset ke mkpa edi ɔnɔ kpukpru owo—Ndinen owo emi ekpade eka paradise ndien mme idiɔk owo eka ekim ndibet usen eriset ke mkpa mmɔ—Eyefiak enim kpukpru ŋkpɔ ke itie mmɔ nte obot edide ye nte ɔfɔnde ama ke Eriset ke mkpa. Ŋkpɔ nte 74 M.C.
Ibuot 41
Ke Eriset ke mkpa mme owo ewɔrɔ edi ka idaha anana utit inemesit mme anana utit ukut—Ibak akananam idighe inemesit—Mme owo obukidem inyeneke Abasi ke ererimbot emi—Kpukpru owo efiak ebɔ ke ini ndfiak nnim ke itie mbiet ye edu emi ekenyenede ke uwem emi inyenede ndikpa. Ŋkpɔ nte 74 M.C.
Ibuot 42
Uwem emi inyenede ndikpa edi ini idomo man owo akabade esit onyuŋ anam utom ɔnɔ Abasi—Iduɔ ada mkpa emi edibede ifep ye mkpa eke spirit edi ɔnɔ owo—Edifak oto edikabade esit—Abasi ke Idem esie afak mme idiɔk ŋkpɔ ererimbot—Mbɔm enyene mbon emi ekabade esit—Kpukpru mbon eken edu ke idak nnen nnen ido Abasi—Mbɔm odu ke ntak Usio-isop—Enyaŋa mmɔ emi etuade ŋkpɔfiɔk ke akpanikɔ ikpɔŋ. Ŋkpɔ nte 74 M.C.
Ibuot 43
Alma ye nditɔ iren esie ekwɔrɔ ikɔ—Mme Zoramite ye mbon eken emi ekefehede ewɔrɔ ekpɔŋ mme Nephite ekabade edi mme Lamanite—Mme Lamanite eka uŋwana ekɔŋ ye mme Nephite—Moroni ɔnɔ mme Nephite mbɔbɔ ekɔŋ ukpeme idem—Jehovah ayarade ɔnɔ Alma uduak ekɔŋ mme Lamanite—Mme Nephite ekpeme mme ufɔk-iduŋ, uwɔrɔ-ufin, ikɔt ufɔk, ye edu ukpono mmɔ—Mbon ekɔŋ Moroni ye Lehi ekanade mme Lamanite ekuk. Ňkpɔ nte 74 M.C.
Ibuot 44
Moroni ɔnɔ mme Lamanite uyo ete enam ediomi emem midighe ewot mmɔ—Zerahemnah esin enɔ emi, ndien ekɔŋ afiak aka iso—Mbon ekɔŋ Moroni ekan mme Lamanite. Ňkpɔ nte 74–73 M.C.
Ibuot 45
Helaman enim-nte-akpanikɔ mme ikɔ Alma—Alma etiŋ nte prophet nsobo mme Nephite—Enye ɔdiɔŋ onyuŋ osuŋi isɔŋ oro—Ekeme ndidi ke edi Spirit ekemen Alma ɔdɔk, kpa nte Moses—Eneni ɔkɔri ke ufɔk Abasi. Ňkpɔ nte 73 M.C.
Ibuot 46
Amalickiah oduk idiɔk odu man edi edidem—Moroni emenede banner ubɔhɔ—Enye okot mme owo obok man eŋwana enɔ edu ukpono mmɔ—Ekot mbon emi etimde enim ke akpanikɔ mme Christian—Eyetim nsuhɔ Joseph enim—Amalickiah ye mbon emi efehede ewɔrɔ efehe ekpɔŋ isɔŋ Nephi—Ewot mbon emi miŋwamke idaha uwɔrɔ ufin. Ňkpɔ nte 73–72 M.C.
Ibuot 47
Amalickiah ada abiaŋa, uwot owo, ye ŋkari akabade edi edidem mme Lamanite—Mbon emi ekefehede ewɔrɔ ekpɔŋ mme Nephite ebak-ibak ye obom ekan mme Lamanite. Ňkpɔ nte 72 M.C.
Ibuot 48
Amalickiah enyik mme Lamanite abaŋa mme Nephite—Moroni ebeŋe ikɔt esie idem ndikpeme edumbet mme Christian—Enye adatesit ke uwɔrɔ ufin ye ubɔhɔ onyuŋ edi owo uko Abasi. Ňkpɔ nte 72 M.C.
Ibuot 49
Mme ada-ekɔn nduk Lamanite ikanke iduk mme obio Ammonihah ye Noah emi ekesɔŋɔde—Amalickiah osuŋi Abasi onyuŋ otomo ndiŋwɔŋ iyip Moroni—Helaman ye nditɔ eka esie eka iso ndisɔŋɔ ufɔk Abasi. Ňkpɔ nte 72 M.C.
Ibuot 50
Moroni ɔsɔŋɔ mme isɔŋ mme Nephite—Mmɔ ebɔp mme uwak mbufa obio—Mme ekɔŋ ye mme nsobo esim mme Nephite ke eyo ibak ye mme mbubiam mmɔ—Teancum akan Morianton ye mbon emi ekefehede ekpɔŋ ye enye—Nephihah akpa, ndien eyen esie etie ke itie ikpe. Ňkpɔ nte 72–67 M.C.
Ibuot 51
Mbon edidem eyom ndikpuhɔ mbet nyuŋ mmek edidem—Uyo mme owo eda ye Pahoran ye mbon uwɔrɔ ufin—Moroni enyik mbon edidem ete ekpeme obio mmɔ midighe ewot mmɔ—Amalickiah ye mme Lamanite ekan uwak obio emi ekesɔŋɔde—Teancum ebin mbon ekɔŋ mme Lamanite efiak edem onyuŋ owot Amalickiah ke tent esie. Ňkpɔ nte 67–66 M.C.
Ibuot 52
Ammoron ada itie Amalickiah nte edidem mme Lamanite—Moroni, Teancum, ye Lehi eda mme Nephite usuŋ ke ekɔŋ emi mmɔ ekande mme Lamanite—Efiak ebɔ obio Mulek, ndien ewot Jacob owo Zoramite. Ňkpɔ nte 66–64 M.C.
Ibuot 53
Eda mbon ŋkpɔkɔbi mme Lamanite ekpeme obio Bountiful—Mme ɔkpɔsɔŋ eneni ke otu mme Nephite ɔnɔ mme Lamanite edikan—Helaman ada ukara ɔnɔ mkparawa iden tɔsin iba eke ikɔt Ammon. Ňkpɔ nte 64–63 M.C.
Ibuot 54
Ammoron ye Moroni ekpe nte edikpuhɔde mbon ŋkpɔkɔbi—Moroni oyom ete mme Lamanite efiak edem enyuŋ etre mme eŋwan uwot owo—Ammoron oyom ete mme Nephite eyak mme ŋkpɔ ekɔŋ mmɔ enim enyuŋ ekabade edu ke idak mme Lamanite. Ňkpɔ nte 63 M.C.
Ibuot 55
Moroni esin ndikpuhɔ mbon ekɔŋ—Etap mbon ukpeme mme Lamanite ete ekpa mmin, ndien enam mbon ŋkpɔkɔbi mme Nephite ebɔhɔ—Ebɔ obio Gid ye unana uduɔk iyip. Ňkpɔ nte 63–62 M.C.
Ibuot 56
Helaman ɔnɔ ŋwed esɔk Moroni, etiŋ abaŋa idaha ekɔŋ ye mme Lamanite—Antipus ye Helaman enyene akamba edikan ke idem mme Lamanite—Mkparawa iden tɔsin iba Helaman eŋwana ye utibe odudu, ndien owo iwotke owo mmɔ ndomo kiet. Ufaŋ 1, ŋkpɔ nte 62 M.C.; mme ufaŋ 2–19, ŋkpɔ nte 66 M.C.; ye mme ufaŋ 20–57, ŋkpɔ nte 65–64 M.C.
Ibuot 57
Helaman etiŋ abaŋa edidem Antiparah ye ndiyak idem nnɔ ye ukperedem ukpeme Cumeni—Mkparawa iden Ammonite eŋwana uko uko; kpukpru eda unan, edi owo iwotke ndomo kiet—Gid ɔtɔt abaŋa mkpa ye edifehe mbɔhɔ mbon ŋkpɔkɔbi mme Lamanite. Ŋkpɔ nte 63 M.C.
Ibuot 58
Helaman, Gid, ye Teomner emum obio Manti ke ŋkari—Mme Lamanite efiak edem—Etim enim nditɔ ikɔt Ammon nte mmɔ esɔŋɔde eda ke ukpeme uwɔrɔ ufin ye ukpep-ŋkpɔ edu ukpono mmɔ. Ŋkpɔ nte 63-62 M.C.
Ibuot 59
Moroni ebeŋe Pahoran ete ɔsɔŋɔ mbon ekɔŋ Helaman idem—Mme Lamanite emum obio Nephihah—Moroni ayatesit ye ukara. Ŋkpɔ nte 62 M.C.
Ibuot 60
Moroni ɔtɔt unana udɔŋ enyin ukara ɔnɔ Pahoran abaŋa mbon ekɔŋ—Jehovah ayak ewot ndinen owo—Ana nte mme Nephite eda ofuri odudu ye ukeme mmɔ enyaŋa idem mmɔ eto mme asua mmɔ—Moroni esin ndik ndiŋwana ye ukara ibɔhɔke enɔ mme mbon ekɔŋ esie uŋwam. Ŋkpɔ nte 62 M.C.
Ibuot 61
Pahoran ɔdɔhɔ Moroni abaŋa utɔk ye eneni ye ukara—Mme ikɔt edidem ekan Zarahemla ndien ediana ye mme Lamanite—Pahoran ebeŋe uŋwam ke ekɔŋ ndiŋwana ye mbon nsɔŋ ibuot. Ŋkpɔ nte 62 M.C.
Ibuot 62
Moroni aka isaŋ ndikiŋwam Pahoran ke isɔŋ Gideon—Ewot mme ikɔt edidem emi esinde ndikpeme obio mmɔ—Pahoran ye Moroni efiak ebɔ Nephihah—Ediwak mme Lamanite ediana ye ikɔt Ammon—Teancum owot Ammoron ndien enyuŋ ewot enye—Ebin mme Lamanite ke isɔŋ oro, ndien esiak emem—Helaman afiak ɔnyɔŋ aka utom Abasi onyuŋ ɔbɔp Ufɔk Abasi. Ŋkpɔ nte 62-57 M.C.
Ibuot 63
Shiblon ndien e ke ini ebede Helaman eda ndisana ŋwed enyene—Ediwak mme Nephite eka isɔŋ ke edere edere—Hagoth ɔbɔp mme ubom, emi ewatde eka inyaŋ edem usoputin—Moronihah akan mme Lamanite ke ekɔŋ. Ŋkpɔ nte 56-52 M.C.