Alama 9
    Footnotes

    Na vosa nei Alama, ka vakakina na vosa nei Amuleki, ka vunautaki vei ira na tamata ena vanua ko Amonaia. Erau sa biu talega ki na vale ni veivesu, ka rau sereki ena kaukauwa mana ni Kalou sa tu vei rau; sa vola na kena itukutuku ko Alama.

    Okati ena wase e 9 ki na wase e 14.

    Wase 9

    Sa vakaroti ira na kai Amonaia ko Alama me ra veivutuni—Ena qai yalololoma na Turaga ki vei ira na Leimanaiti ena veisiga mai muri—Kevaka e ra biuta laivi na rarama ko ira na Nifaiti era na vakarusai mai vei ira na Leimanaiti—Sa voleka mai na luve ni Kalou—Ko koya ena qai sereki ira era sa veivutuni, papitaisotaki, ka vakabauta na Yacana. Rauta na 82 B.K.

    1 Oqo tale, koi au, ko Alama, ni’u sa vakaroti mai vua na Kalou me’u kauti Amuleki ka lako yani ka vunau tale vei ira na tamata oqo, se ko ira na tamata era tiko ena koro levu ko Amonaia, sa yaco ni sa tekivu me’u vunau vei ira, era sa vorati au, ka kaya:

    2 Ko cei ko iko? Ko nanuma li me keimami na vakabauta na ivakadinadina ni adua na tamata, e dina ga ni mai vunautaka tiko ni na takali ko vuravura?

    3 Oqo era sa sega ni kila na ibalebale ni vosa era sa tukuna; ni ra sega ni kila ni na takali tani ko vuravura.

    4 Era sa kaya tale ga: Keimami na sega ni vakabauta na nomu vosa kevaka ko parofisaitaka ni na vakarusai na koro levu oqo aena dua ga na siga.

    5 Ia era sa sega sara ni kila ni sa rawa vua na Kalou me vakayacora na cakacaka e veivakurabuitaki vakaoqo, ni ra sa tamata yalo kaukauwa ka domodomoqa.

    6 Era sa kaya: aKo cei na Kalou, me btala wale ga mai kina e dua na tamata vei ira na tamata oqo, me mai tukuna vei ira na dina ni ka veivakurabuitaki ka taleitaki oqo?

    7 A ra sa tucake me ra tauri au; ia raica, era sa sega ni rawata. Ia au sa tu vakadoudou meu kaya vei ira, io, au sa doudou ni vakadinadinataka vei ira, ka kaya:

    8 Raica, oi kemudou na itabatamata dau caka ca ka ayalo vakatani, a cava dou sa guilecava kina na nodra ivakarau na nomudou qase; io, a cava na kena totolo na nomuni sa guilecava na ivakaro ni Kalou?

    9 Ko ni sa sega beka ni nanuma ni noda qase, ko Liai, a kau tani mai Jerusalemi ena aliga ni Kalou? Ko ni sa sega beka ni nanuma ni a liutaki ira ko koya ena lekutu?

    10 Ka ko ni sa guilecava beka vakatotolo na levu ni gauna sa vakabulai ira kina na noda qase mai na ligadra na nodra meca, ka maroroi ira me ra kakua ni vakarusai, mai vei ira na wekadra?

    11 Io, kevaka me a sega na nona kaukauwa e sega ni vakatautauvatataki rawa, kei na nona loloma cecere kei na nona vosoti keda vakadede, ke da a sa muduki tani makawa sara mai na delai vuravura, ka da sa na tu beka kina oqo ena dua na ivakarau ni bula ni ararawa kei na yaluma tawacava rawa.

    12 Raica, oqo au sa kaya vei kemuni sa vakarota ko koya mo ni veivutuni; ia kevaka ko ni sa sega ni veivutuni, ko ni na sega ni rawata na matanitu ni Kalou. Ia raica, e sega ni o koya kece oqo—sa vakarota ko koya mo ni veivutuni, de na avakarusai kemuni mai na delai vuravura; io, ena sikovi kemuni ena nona cudru, ia ena nona bcudru waqawaqa ena sega ni vuki tani kina.

    13 Raica, ko ni sa sega beka ni nanuma na vosa ka tukuna vei Liai ko koya, ka kaya ni: aKevaka dou sa muria na noqu ivakaro, dou na tiko sautu ena vanua oqo? Ka sa tukuni talega ni: Kevaka dou sa sega ni muria na noqu ivakaro, dou na muduki tani mai na iserau ni Turaga.

    14 Oqo au gadreva mo ni nanuma, me vaka ni ra a sega ni muria na ivakaro ni Kalou ko ira na Leimanaiti, e ra sa amuduki tani kina mai na iserau ni Turaga. Eda sa raica ni sa yaco vakaidina na vosa ni Turaga ena veika oqo, ia era sa muduki tani mai na nona iserau na Leimanaiti, mai na ivakatekivu ni nodra talaidredre ena loma ni vanua.

    15 Ia oqo au sa kaya vei kemuni, era na vosoti cake ko ira oqo ena siga ni lewa mai vei kemuni, kevaka ko ni sa ivalavala ca tiko ga, io, era na avosoti cake ena bula oqo mai vei kemuni, vakavo ga kevaka mo ni veivutuni.

    16 Ia e vuqa na ka sa ayalataki vei ira na Leimanaiti; ka ni baleta na nodra bivakavuvuli na nodra qase sa vakavuna na nodra sa tu ga ena ivakarau ni bula ni clecaika; o koya sa yalololoma kina vei ira na Turaga ka dvakabalavutaka na nodra tiko ena vanua oqo.

    17 Ia ena dua na gauna era na qai akau mai me ra vakabauta na nona vosa, ka me ra kila na cala ni nodra ivakarau na nodra qase; ka lewevuqa vei ira era na vakabulai, ni na yalololoma na Turaga vei ira sa bmasuta na yacana.

    18 Ia raica, au sa kaya vei kemuni kevaka ni sa ivalavala ca tiko ga ena sega ni dede na nomuni gauna ena vanua oqo, ni ra na talai yani vei kemuni ko ira na aLeimanaiti; ia kevaka ko ni sa sega ni veivutuni ko ni na sega ni kila na gauna era na lako mai kina, ia ko ni na sikovi ena bveivakarusai dina; ka na vaka na nona ccudru waqawaqa na Turaga.

    19 Ia ena sega ni laiva ko koya mo ni bula tiko ga ena nomuni caka cala, me ra rusa kina na nona tamata. Au sa kaya vei kemuni, E segai; ena rawa cake vua me laiva me ra avakarusai ko ira kece na nona tamata ka ra vakatokai na tamata i Nifai mai vei ira na Leimanaiti, kevaka e rawa me ra bsikalutu ena ivalavala ca kei na talaidredre, ni sa tu oti vakalevu vei ira na rarama kei na kila ka ka solia vei ira na Turaga na nodra Kalou.

    20 Io, ni sa daulomani ira sara na Turaga; io, sa lomani ira vakalevu cake mai vei ira na matanitu kecega, veimataqali, duivosavosa, se ko ira na tamata; ni sa avakatakilai vei ira na ka kecega, me vaka na nodra gagadre, kei na vakabauta, kei na nodra masu, ni veika sa yaco oti, na veika sa yaco tiko, kei na veika ena qai yaco;

    21 Ni sa sikovi ira na Yalo ni Kalou; era sa veivosaki vata kei ira na agilosi, ka sa vosa vei ira na domo ni Turaga; ka sa tu vei ira na yalo ni parofisai, kei na yalo ni vakatakila, kei na vuqa na isolisoli, na isolisoli me ra vosataka na vosa tani e so, kei na isolisoli me ra vunau, kei na isolisoli ni Yalo Tabu, kei na isolisoli ni avakadewa vosa;

    22 Io, ni sa akauti ira tani mai na vanua ko Jerusalemi na Kalou, mai na liga ni Turaga; ka vakabulai ira mai na dausiga, mai na tauvi mate, kei na mate dauveitauvi kecega; ka ra sa kaukauwa vakalevu sara ena ivalu, me ra kakua kina ni vakarusai; era sa kau tani mai na bveivakabobulataki ena veigauna, ka ra sa maroroi ka taqomaki tiko me yacova mai oqo; ka ra sa vakasaututaki me yacova ni ra sa vutuniyau ena veika kecega—

    23 Ia oqo raica au sa kaya vei kemuni, kevaka ko ira na tamata oqo, ko ira era sa vakalougatataki vakalevu mai na liga ni Turaga, ka ra qai talaidredre me duidui mai na rarama kei na kilaka sa tu vei ira, au sa kaya vei kemuni ni kevaka sa vaka tu oqo, ni ra sa lutu ki na talaidredre, era na avosoti vakalevu cake ko ira na Leimanaiti mai vei ira oqo.

    24 Ia raica, ena yacovi ira yani na Leimanaiti na ayalayala ni Turaga, ia ena sega ni baleti kemuni kevaka ko ni talaidredre; a sega li ni yalataka ka vakarota na Turaga kevaka ko ni sa vorati koya ko ni na vakarusai sara mai na delai vuravura?

    25 Ia oqo ena vuku ni ka oqo, mo ni kakua kina ni rusa, sa tala oti mai kina na Turaga na nona agilosi me sikovi ira e vuqa na nona tamata ka tukuna vei ira me ra lako yani ka vosa vakaukauwa vei ira na tamata, ka kaya: aDou veivutuni, ni sa voleka na matanitu vakalomalagi;

    26 Raica sa asega ni dede na gauna me na lako mai kina na Luve ni Kalou ena nona lagilagi; ia na nona lagilagi e lagilagi ni bLe Duabau ga nei Tamana, sa sinai ena cloloma soli wale, dodonu, kei na dina, sa vakasinaiti ena vosota, dloloma cecere, ka dauvosota vakadede, sa kusarawa ni erogoca na nodra tagi na nona tamata ka sauma na nodra masu.

    27 Ia raica, sa lako mai me asereki ira era sa bpapitaiso ki na veivutuni, ni ra sa vakabauta na yacana.

    28 O koya, mo ni caramaka na sala ni Turaga, ni sa voleka na gauna me ra tauca kina na vua ni nodra acakacaka na tamata kecega, me vaka na nodra ivalavala—kevaka era sa dau ivalavala dodonu, era na btamusuka na veivakabulai ki yalodra me vaka na kaukauwa kei na veivueti nei Jisu Karisito; ia kevaka era sa ivalavala ca era na tamusuka ena ccudruvi ni yalodra, me vaka na kaukauwa kei na veivesuki ni tevoro.

    29 Raica, oqo na domo ni agilosi, ka sa vakamasuti ira tiko na tamata.

    30 Ia oqo, oi kemuni na awekaqu lomani, ni ko ni sa wekaqu, sa dodonu mo ni lomani, ka sa kilikili sara mo ni kauta mai na ivakarau ka salavata kei na veivutuni, me vaka ni sa vakaukauwataki sara na lomamudou ki na vosa ni Kalou, ka me vaka ni dou sa tamata blakosese ka lutu tani.

    31 Oqo sa qai yaco ni koi au, ko Alama, ni’u sa tukuna na vosa oqo, raica, era sa cudruvi au ko ira na tamata baleta ni’u sa tukuna vei ira ni ra sa tamata yalokaukauwa ka adomodomoqa.

    32 Ka era sa cudruvi au talega ni’u sa tukuna vei ira ni ra sa tamata lakosese ka lutu tani, ka ra sa segata me ra tauri au, me rawa ni ra biuti au ki na vale ni veivesu.

    33 Ia ka sa yaco ni sa sega ni laiva na Turaga me ra tauri au ena gauna ko ya ka biuti au ki na vale ni veivesu.

    34 Ka sa yaco me lako yani ko Amuleki ka wavu tu, ka tekivu me vunau tale ga vei ira. Ia oqo sa sega ni volai kece na avosa i Amuleki, ia e dua ga na iwase ni nona vosa e volai ena ivola oqo.

    True