Mga Kasulatan
Alma 8


Kapitulo 8

Nagsangyaw si Alma ug nagbunyag didto sa Melek—Gisalikway siya didto sa Ammonihah ug mibiya—Usa ka anghel misugo kaniya sa pagbalik ug sa pagsangyaw og paghinulsol ngadto sa katawhan—Gidawat siya ni Amulek, ug silang duha nagsangyaw didto sa Ammonihah. Mga 82 B.C.

1 Ug karon nahitabo nga si Alma mibalik gikan sa ayuta sa Gideon, human makatudlo sa katawhan sa Gideon sa daghan nga butang nga dili ikasulat, kay nakatukod og kapunongan sa simbahan, sumala sa iyang nabuhat kaniadto didto sa yuta sa Zarahemla, oo, mibalik siya ngadto sa iyang kaugalingon nga balay sa Zarahemla aron ipahulay ang iyang kaugalingon gikan sa mga paghago nga iyang nahimo.

2 Ug sa ingon niana natapos ang ikasiyam nga tuig sa paghari sa mga maghuhukom sa katawhan ni Nephi.

3 Ug nahitabo nga sa pagsugod sa ikanapulo nga tuig sa paghari sa mga maghuhukom sa katawhan ni Nephi, nga mibiya si Alma gikan didto ug mipanaw siya ngadto sa yuta sa Melek, sa kasadpan sa asuba sa Sidon, sa kasadpan dapit sa mga utlanan sa kamingawan.

4 Ug gisugdan niya sa pagtudlo ang katawhan sa yuta sa Melek sumala sa abalaan nga kapunongan sa Dios, diin siya gitawag; ug gisugdan niya sa pagtudlo ang katawhan sa tibuok yuta sa Melek.

5 Ug nahitabo nga ang katawhan miduol kaniya sa matag dapit sa mga utlanan sa yuta dapit sa daplin sa kamingawan. Ug gibunyagan sila libot sa tanang dapit sa yuta;

6 Mao nga sa diha nga siya nakahuman sa iyang buhat sa Melek mibiya siya didto, ug mipanaw og tulo ka adlaw nga panaw sa amihanan sa yuta sa Melek; ug miabot siya sa usa ka siyudad nga gitawag og Ammonihah.

7 Karon nabatasan sa katawhan ni Nephi nga tawagon ang ilang mga yuta, ug ang ilang mga siyudad, ug ang ilang mga balangay, oo, bisan ang ilang gagmay nga mga balangay, sunod sa ngalan kaniya nga unang nakapanag-iya niini; ug ingon man usab ngadto sa yuta sa Ammonihah.

8 Ug nahitabo nga sa pag-abot ni Alma sa siyudad sa Ammonihah gisugdan niya ang pagsangyaw sa pulong sa Dios ngadto kanila.

9 Karon si Satanas anakaimpluwensiya og dako sa mga kasingkasing sa katawhan sa siyudad sa Ammonihah; busa dili sila mopatalinghog sa mga pulong ni Alma.

10 Bisan pa niana si Alma ananingkamot pag-ayo pinaagi sa espiritu, bnakigbisog uban sa Dios sa chugot kaayo nga pag-ampo, nga siya makabu-bo sa iyang Espiritu ngadto sa katawhan nga anaa sa siyudad; nga siya usab motugot nga siya makabunyag kanila ngadto sa paghinulsol.

11 Bisan pa niana, gipatig-a nila ang ilang mga kasingkasing, nga nag-ingon kaniya: Tan-awa, nasayod kami nga ikaw si Alma; ug nasayod kami nga ikaw usa ka labaw nga pari sa simbahan nga imong gitukod sa daghan nga bahin sa yuta, sumala sa imong tradisyon; ug kami dili sakop sa imong simbahan, ug kami dili motuo nianang binuang nga mga tradisyon.

12 Ug karon nasayod kami nga tungod kay kami dili mga sakop sa imong simbahan nasayod kami nga ikaw walay gahom ngari kanamo; ug ikaw mitugyan sa hukmanan ngadto kang aNephihah; busa ikaw dili ang among labaw nga maghuhukom.

13 Karon sa diha nga gisulti kini sa katawhan, ug milantugi sa tanan niya nga mga pulong, ug mibiaybiay kaniya, ug miluwa kaniya, ug mimando nga siya molayas gikan sa ilang siyudad, mibiya siya ug mipanaw paingon sa siyudad nga gitawag og Aaron.

14 Ug nahitabo nga samtang nagpanaw siya padulong didto, nga nagmasulub-on kaayo, nga nakasinati og daghan nga akalisdanan ug tumang kaguol sa kalag, tungod sa kadaotan sa katawhan nga didto sa siyudad sa Ammonihah, nahitabo nga samtang si Alma nagmasulob-on kaayo, tan-awa usa ka banghel sa Ginoo mipakita kaniya, nga nag-ingon:

15 Bulahan ikaw, Alma; busa, ihangad ang imong ulo ug pagmaya, kay ikaw adunay dakong hinungdan nga magmaya; kay nagmatinud-anon ka sa pagtuman sa mga sugo sa Dios gikan sa panahon nga nakadawat ka sa imong unang mensahe gikan kaniya. Tan-awa, ako mao siya nga anaghatag niini nganha kanimo.

16 Ug tan-awa, gipadala ako aron pagsugo kanimo nga ikaw mobalik sa siyudad sa Ammonihah, ug mosangyaw pag-usab sa katawhan sa siyudad; oo, mosangyaw ngadto kanila. Oo, sultihi sila, nga gawas kon maghinulsol sila ang Ginoong Dios amolaglag kanila.

17 Kay tan-awa, gitun-an na nila karon ang paglaglag sa kalingkawasan sa imong katawhan, (sa ingon niini miingon ang Ginoo) nga supak sa mga balaod, ug mga paghukom, ug mga sugo nga iyang gihatag sa iyang katawhan.

18 Karon nahitabo nga human nadawat ni Alma ang iyang mensahe gikan sa anghel sa Ginoo nagdali siya nga mibalik sa yuta sa Ammonihah. Ug misulod siya sa siyudad pinaagi sa laing agianan, oo, sa agianan dapit sa habagatan sa siyudad sa Ammonihah.

19 Ug samtang misulod siya sa siyudad siya gigutom, ug giingnan niya ang usa ka tawo: Mohatag ba ikaw og pagkaon sa usa ka mapainubsanon nga sulugoon sa Dios?

20 Ug ang tawo miingon kaniya: Usa ko ka Nephita, ug nasayod ko nga ikaw balaan nga propeta sa Dios, kay ikaw ang tawo nga gisulti sa aanghel sa usa ka panan-awon: Nga imong dawaton. Busa, uban kanako ngadto sa akong balay ug makigbahin ko kanimo sa akong pagkaon; ug nasayod ko nga ikaw mahimong usa ka panalangin kanako ug sa akong panimalay.

21 Ug nahitabo nga ang tawo midawat kaniya ngadto sa iyang balay; ug ang tawo gitawag og si aAmulek; ug midala siya og pan ug karne ug gipahimutang kini sa atubangan ni Alma.

22 Ug nahitabo nga si Alma mikaon sa pan ug nabusog; ug agipanalanginan niya si Amulek ug ang iyang balay, ug nagpasalamat siya sa Dios.

23 Ug human siya makakaon ug mabusog giingnan niya si Amulek: Ako si Alma, ug ako ang alabaw nga pari sa simbahan sa Dios sa tibuok yuta.

24 Ug tan-awa, gitawag ako aron mosangyaw sa pulong sa Dios taliwala sa tanan niini nga katawhan, sumala sa espiritu sa pagpadayag ug pagpanagna; ug dinhi ko niini nga yuta ug wala sila modawat kanako, apan amipalayas sila kanako ug hapit na talikdi nako kini nga yuta hangtod sa hangtod.

25 Apan tan-awa, gisugo ako nga mobalik ako ug managna niini nga katawhan, oo, ug magpamatuod batok kanila mahitungod sa ilang mga kadaotan.

26 Ug karon, Amulek, tungod kay ikaw mipakaon kanako ug mipasulod kanako, bulahan ikaw; kay ako gigutom, kay nagpuasa ako sulod sa daghan nga adlaw.

27 Ug nagpabilin si Alma sulod sa daghan nga adlaw uban ni Amulek sa wala pa siya mosugod sa pagsangyaw sa katawhan.

28 Ug nahitabo nga ang katawhan nagkagrabe pa sa ilang kadaotan.

29 Ug ang pulong midangat kang Alma, nga nag-ingon: Lakaw; ug isulti usab ngadto sa akong sulugoong nga si Amulek, lakaw ug ipanagna ngadto niini nga katawhan, nga mag-ingon—aPaghinulsol kamo, kay misulti ang Ginoo, gawas kon kamo maghinulsol duawon ko kini nga katawhan sa akong kasuko; oo, ug dili Ako mopahunong sa mapintas nakong kasuko.

30 Ug milakaw si Alma, ug si Amulek usab, ngadto sa katawhan, aron ipahayag ang mga pulong sa Dios ngadto kanila; ug napuno sila sa Espiritu Santo.

31 Ug sila adunay agahom nga gihatag kanila, busa dili sila mahimong isulod sa mga bartolina; ni mahitabo nga bisan kinsa nga tawo makapatay kanila; bisan pa niana wala sila mogamit sa ilang bgahom hangtod nga sila gigapos ug gibalhog ngadto sa bilanggoan. Karon, gihimo kini aron ang Ginoo makapakita sa iyang gahom diha kanila.

32 Ug nahitabo nga milakaw ug misugod sila sa pagsangyaw ug sa pagpanagna ngadto sa katawhan, sumala sa espiritu ug gahom nga gihatag sa Ginoo kanila.